TITUS
Vita Pancratii Tauromensis
Part No. 33
Previous part

Section: (25)  

Line of ed.: 69    ხოლო ჩვენ გურწმენა მადლითა ღვთისაჲთა და ნათელ მცეს
Line of ed.: 70    ჩვენ მეორედ შობითა მით წყლისა და სულისაჲთა, რამეთუ მით
Line of ed.: 71    სრულ იქმნების სარწმუნოებაჲ იგი, ყოველთა უკუე რავდენნიცა
Line of ed.: 72    ვიყუენით ორთა მათ ნავთა შინა, ნათელ ვიღეთ და ვეზიარენით
Line of ed.: 73    საიდუმლოთა ქრისტესათა და ესრეთ მივიღეთ საზრდელი მათ თა\ნა,
Line of ed.: 74    ხოლო ხვალისა დღე შემოკრბა ერი მრავალი, თითო სახითა
Line of ed.: 75    სენითა შეპყრობილნი და ეშმაკეულნი. მაშინ ვიხილენით საკჳრ\ველებანი
Line of ed.: 76    მიუთხრობელნი, რომელ ქმნნა ქრისტემან ღმერთმან
Line of ed.: 77    საკჳრველებანი წმიდითა მოციქულთა მიერ, ეშმაკნი ბრძანებითა
Line of ed.: 78    მათითა ივლტოდეს, ბრმათა აღიხილეს, მკელობელნი ვიდოდეს,
Line of ed.: 79    კეთროვანნი განსწმდებოდეს და სხვანი თითო სახენი სენნი სი\ტყჳთა
Line of ed.: 80    და შეხებითა ჴელთაჲთა განიკურნებოდეს და, ესე ყოველი
Line of ed.: 81    რა ვიხილეთ, მივეცით დიდება უფალსა ჩვენსა იესჳს ქრისტეს.
Line of ed.: 82    იხილა რაჲ სარწმუნოება ჩვენი ნეტარმან პეტრე, რამეთუ იგი იყო
Line of ed.: 83    წინამძღუარ და თავ მოციქულთა, მოგუცნა ჩვენ თანა ორნი იგი
Line of ed.: 84    კაცნი, რომელნი ვსთქუ თუ პირველ მოვიდეს და გურქუა: წარი\ყვანენით,
Line of ed.: 85    შვილნო, რათა იყვნენ თქუენდა მოძღუარ და მომაჴსე\ნებელ
Line of ed.: 86    სიტყვასა ცხოვრებისასა. ხოლო ჩვენ დავვარდით და თაყვა\ნისვეცით
Line of ed.: 87    და შევიყვანენით ნავად კაცნი იგი წმიდანი, სახელი
Line of ed.: 88    ერთისაჲ მარკიანე, რომელი იგი შევიდა ნავსა რომილესსა და
Line of ed.: 89    სახელი მეორისაჲ ბაგრატ, რომელი შემოვიდა ჩემთანა და მოვი\ღეთ
Line of ed.: 90    კურთხევაჲ და სწავლაჲ წმიდათა მოციქულთა და წარვემარ\თენით
Line of ed.: 91    და ლოცვითა მათითა ნიავი კეთილი მოგვიცა და მეოთხე\სა
Line of ed.: 92    დღესა განვიყვენით ურთი ერთას. მეორჱ იგი ნავი წარვიდა
Line of ed.: 93    ქალაქად თჳსად და ჩვენ მოვიწიენით ნავთსადგურსა ჩვენსა და გან\რაჲვედით
Line of ed.: 94    ჴმელად, იწყეს ეშმაკთა მათ ფალკონისთა ჴმობად წმი\დისა
Line of ed.: 95    მის კაცისა თჳს და მეცა მექადოდის, რომელ მოვიყვანე იგი.
Line of ed.: 96    ხოლო უფალმან ჩემმან ბაგრატ, მონამან ქრისტესამან, შეჰრისხნა
Line of ed.: 97    მათ სახელითა მამისაჲთა და ძისაჲთა და სულისა წმიდისაჲთა და
Line of ed.: 98    აღჳრ ახსნა ენასა მათსა და დადუმნეს. ამის შემდგომად ჰრქვა მსა\ხურსა
Line of ed.: 99    თჳსსა: შვილო, მოიხვენ საჭურველნი ჩვენნი, რათა ვჰბრძო\დით
Line of ed.: 100    არა წმიდისა მას ფალკონს და მოიღო სასწაული ჯვარისაჲ,
Line of ed.: 101    რომელსა ზედა ქრისტჱ დაემშჭუალა ცხოვრებისათჳს კაცთაჲსა და
Line of ed.: 102    ხატი უფლისა ჩვენისა იესჳ ქრისტესი და წმიდისა მოციქულისა
Line of ed.: 103    პეტრესი მიიმართა ტაძარსა ფალკონისსა. ხოლო მე ვაყენებდ მას
Line of ed.: 104    და ვეტყოდე: უფალო ჩემო, ნუ მიეახლები კერპსა მას, რამეთუ
Page of ed.: 26   Line of ed.: 1    ამპარტავან არს და თჳნიერ შესაწირავისა არავისსა თავსიდებს მია\ხლებას
Line of ed.: 2    არცა თუ ქურუმთა თჳსთა, დაღაცათუ ვინ იკადროს მი\ახლებად,
Line of ed.: 3    მეყსეულად მოკუდების. მომიგო წმიდამან მან და მრქუა:
Line of ed.: 4    ჩვენ, შვილო ჩემო, არა მოგჳღებიეს სული მოშიშებისაჲ, არცა
Line of ed.: 5    ვძრწით უცნებათაგან საეშმაკოთა, რამეთუ შეგჳმოსიეს მადლი სუ\ლისა
Line of ed.: 6    წმიდისაჲ და აწ ძალითა უფლისა ჩვენისა იესჳ ქრისტესითა
Line of ed.: 7    სიტყჳთ ოდენ წარვწყმიდოთ ბოროტი ეგე კერპი და ეშმაკნი მის\ნი
Line of ed.: 8    და უკეთუ განებავს ხილვაჲ წარწყმედისა მისისაჲ, მოველ ჩვენ\თანა
Line of ed.: 9    და იხილო. და ვითარ შუაღამე ოდენ იყო, წარვემართენით
Line of ed.: 10    და მივედით რაჲ ადგილსა მას და მე შიშისაგან კიდე დავდეგ, რა\მეთუ
Line of ed.: 11    ვჰგონებდი თუმირაჲ ეახლოს, ჴმა უყოს მუნ მყოფმან მან
Line of ed.: 12    ქურუმმან სულთა მათ ბოროტთა შეპყრობაჲ მისი, ხოლო მი(ე)ახ\ლა
Line of ed.: 13    რაჲ უფალი ჩემი ბაგრატ, შევიდა ტაძრად და სცა კუერთხითა
Line of ed.: 14    კერპსა მას და არა იყო არცა ჴმაჲ, არცა ზრახვაი არა წმიდათა
Line of ed.: 15    ეშმაკთაი, არამედ ყოველი იგი ბომონი და საყდარი და ფიალები
Line of ed.: 16    ცარიელ იყო უცნებათა მათგან, რომელთა პირველ ვერვინ იკად\რებდა
Line of ed.: 17    მიახლებად და დაყო ტაძარსა მას შინა წმიდამან ბაგრატ,
Line of ed.: 18    ვითარ ჟამ ოდენ; მერმე გამოვიდა გარე და ჰრქუა ეშმაკთა მათ
Line of ed.: 19    ჴმითა მაღლითა: თქუენ გეტყჳ სულითა მაგათ არა წმიდათა და გა\ფუცებ
Line of ed.: 20    სახელსა მამისა და ძისა და სულისა წმიდისასა, რათა შე\მოჰკრბეთ
Line of ed.: 21    ყოველნი, რომელნი ამას ადგილსა დამკჳდრებულ ხართ
Line of ed.: 22    და უპყართ ყურსა მას და უსულოსა ფალკონს და შთააგდოთ
Line of ed.: 23    ზღუასა ოცდა ათ უტევან და თქუენ ყოველნი იყუნეთ უფსკრულ\სა
Line of ed.: 24    მას შინა, ვიდრე დღედმდე დიდისა მის საშჯელისა. და მეყსეუ\ლად
Line of ed.: 25    სიტყუასა ამას თანან იქმნა ოხრაი ფრიადი და ვიხილე სიმრავ\ლჱ
Line of ed.: 26    ყორანთაი და ორბთაი და აღჰფხურეს ტაძარი იგი კერპითურთ
Line of ed.: 27    ფალკონისით და ყოველი უცნებაი მისი და მუნ მყოფი იგი ბილ\წი
Line of ed.: 28    ქურუმი და შთაჴადეს ზღუად ოცდა ათსა უტევანსა და გუესმა
Line of ed.: 29    ჴმა ზღუასა შინა შთავრდომისა მისისაი. ესე რაი ვიხილე, მადლი
Line of ed.: 30    შევწირე უფლისა ჩემისა იესჳ ქრისტესა, რომელმან ყვის საკჳრვე\ლი
Line of ed.: 31    მხოლომან და, ვითარცა განთენდა, ვევედრე წმიდისა ბაგრატს
Line of ed.: 32    მოსლვად შენისა დიდებულებისა წინაშე და ლოცვით წარმომგზავ\ნა
Line of ed.: 33    და სწავლითა სულიერითა. ამისთჳსცა, უფალო ჩემო, დიდო
Line of ed.: 34    მთავარო, რავდენიცა საკჳრველებაჲ იხილეს თვალთა ჩემთა, გით\ხარ
Line of ed.: 35    შენ, ხოლო შენი არს ამიერითგან ინებო თუ ცხოვრებაჲ სუ\ლისა
Line of ed.: 36    შენისაჲ და ხილვად ნათელი იგი ჭეშმარიტი.

Page of ed.: 27  
Next part


This text is part of the TITUS edition of Vita Pancratii Tauromensis.

Copyright TITUS Project, Frankfurt a/M, 21.8.2015. No parts of this document may be republished in any form without prior permission by the copyright holder.