TITUS
Old Georgian Hagiographical Texts, vol. IV
Part No. 31
Previous part

Text: Is.Cilk.  
Manuscript: Len.222  
Page of ed.: 400  
Line of ed.: 1     თუესა აგჳსტოსა ი̃ჱ წმიდისა და ნეტარისა მამისა ჩუენისა
Line of ed.: 2     ისე წილკნელისა


Line of ed.: 3        რომელი-იგი იყო ერთი ათორმეტთაგანი ნეტართა მათ მამათა,
Line of ed.: 4     რომლისა სახელი ფრიად განთქუმულ იყო უბიწოებითა და სათნოება\სა
Line of ed.: 5     სრულებისასა მიწევნილი, ნერგი სამოთხისა, ყუავილი ფერ\შუენიერი,
Line of ed.: 6     სურნელი.

Line of ed.: 7        ესე შეიპყრა წმიდამან მამამან ჩუენმან [კათალი]კოზმან და აკურ\თხა
Line of ed.: 8     იგი ეპისკოპოსად წილკნისა, დაღათუ მრავალგზის ევედრა, არა\მედ
Line of ed.: 9     არა თავს-იდვა წმიდამან. ხოლო იძულებით აიძულა [კათალი]\კოზმან
Line of ed.: 10     პყრობა წმიდისა მის ეკლესიისა ღმრთის-მშობლისა, ქრის\ტეს
Line of ed.: 11     დედისა მის, რომელი შუამდგომელ ექმნა ღმერთსა და კაცთა,
Line of ed.: 12     და კაცებისა ბუნება შეაერთა, მის დედისა, რომელმან თანა-ნადები დე\და
Line of ed.: 13     გარდაიჴადა, რომელ მამათა ვალი თანა-ედვა, რამეთუ ადამ თჳნიერ
Line of ed.: 14     მამაკაცისა დედაკაცი შვა, ხოლო ამან ქალწულმან თჳნიერ მამაკაცისა
Line of ed.: 15     კაცი შვა, რომელმან მოაქცია ნათესავი თჳსი უხრწნელად და სიხა\რული
Line of ed.: 16     დიდი ჩუენ მოგვმადლა. ქუეყანისაგან[ნი] ვიყვ[ენით] ანგელოზ\თაგან
Line of ed.: 17     მსახური ჭეშმარიტისაგან უხრწნელება, რამეთუ უსრულესსა
Line of ed.: 18     მას დედასა შუენის, რათა მსახურნიცა წმიდანი აქუნდენ.
Line of ed.: 19     ამისთჳსცა შეტყუებულად ღირს იქმნა ნეტარისა მიმღებელად ხელთ\დასხმისა
Line of ed.: 20     ეკლესიასა მას სახელისა მისისასა.

Line of ed.: 21        შემდგომად მრავლისა ჟამისა მოუწოდა ნეტარმან იოვანე თჳსთა
Line of ed.: 22     მოწაფეთა, ისეს და შიოს, რათამცა გამოცადნეს იგინი თუალთაგან
Line of ed.: 23     თჳსსა სათნოებასა და კუალად, რათა ეჩუენოს კაცთა ძლიერება
Line of ed.: 24     ქრისტესი, რამეთუ ქართლი ახალნერგ იყო და ურწმუნო იყვნეს
Line of ed.: 25     მრავალნი და საჴმარ იყვნეს მუშაკნი მჴნენი და საკჳრველთ-მოქმედნი.
Page of ed.: 401   Line of ed.: 1     ვითარცა იტყჳს, ვითარმედ: "სამკალი ფრიად არს, ხოლო მუშაკნი --
Line of ed.: 2     მცირედ. ევედრენით უფალსა სამკალისასა, რათა მოავლინნეს მუ\შაკნი".

Line of ed.: 3        და ვიდრე იგინი სხდესღა მუნ, ქრისტეს მოვლინებულნი იგი
Line of ed.: 4     მუშაკნი და საქმეთა თჳსთაგან განმანათლებელნი სოფლისანი, მას ჟამსა
Line of ed.: 5     მოითხო[ვ]ა ბერმან თჳნიერ ჩუეულებისა სასმელი, და მოართუა მას
Line of ed.: 6     ელია დიაკონმან, აღავსო ჭიქა და მისცა ბერსა, ხოლო ნეტარი ბერი
Line of ed.: 7     ეტყოდა მას: "პირველად ჯერ-არს ეპისკოპოზის ლოცვისა ყოფა".
Line of ed.: 8     ხოლო ისე თავ-ყო და ითხოვა მისგან კურნება. მაშინ ნეტარმან ზე
Line of ed.: 9     აღუპყრა ჭიქა იგი და ყო ლოცვა, დაასრულა და განუტევა იგი. და
Line of ed.: 10     ჰაერთა შინა დადგა ჭიქა იგი, ვითარცა მყარსა რასმე ზედა, ვითარ\ცა
Line of ed.: 11     ჴმელსა, მის მიერ, რომელმან ავ/ლინა[ Manuscript page: 634v  ] პეტრე ზღუასა ზედა, მან\ვე
Line of ed.: 12     მოსცა მადლი ესე ნეტარსა იოვანეს. და დაყვნა მყოვარ ჟამ ჭიქა\მან
Line of ed.: 13     მან ჰაერსა მას და ჭიქა იგი ზე-ეპყრა.

Line of ed.: 14        ჰრქუა მოწაფეთა თჳსთა: "ვინ თქუენგან მიიღოთ სასმელი იგი
Line of ed.: 15     ჴელისაგან ჰაერისა". და არავინ კადნიერ იქმნა მიყოფად ჴელისა და
Line of ed.: 16     მოღებად. მაშინ ნეტარმან ბერმან მიყო ხელი და მოიღო და სამთა\ვე
Line of ed.: 17     მათ მიიღეს ნაკურთხევი იგი და სხუათა მრავალთა.

Line of ed.: 18        მაშინ ჰრქუა მამასა შიოს ნეტარმან იოვანე: "ჯერ-არს მადლისა
Line of ed.: 19     მიცემა და საკუმეველთა შეწირვა".

Line of ed.: 20        ხოლო იგი აღდგა და მივიდა ადგილსა, რომელსა ეგზნა ცეცხლი,
Line of ed.: 21     და იწყო მოღებად ნაკუერცხალისა. და აღიღო იგი ჴელითა მარცხე\ნითა
Line of ed.: 22     და დაიკრიბა იგი ნებსა ზედა თჳსსა შიშუელსა და დაასხა სა\კუმეველი.
Line of ed.: 23     და ვითარ აღუტევა სული, იწყო მოკმევად მისა იატაკი,
Line of ed.: 24     სადა-იგი სხდეს. იხილეს იგი ყოველთა და ადიდებდეს ღმერთსა, რო\მელმან
Line of ed.: 25     ესევითარი მადლი მოსცა წმიდათა. ეჰა სასურველი სმენა, ვი\თარ
Line of ed.: 26     რასა ვიტყჳთ; ქუეშე კერძო განყინა ნაკუერცხალი იგი და
Line of ed.: 27     ზემო კერძო საკმეველსა შესწირავს. ნებსა ზედა ნეტარისა შიოს\სა,
Line of ed.: 28     ვითარცა რკინასა ზედა, იდვა და არარაჲ ევნებოდა, ვითარცა
Line of ed.: 29     მიეღო მას უხრწნელება აქავე მერმე, რომელი მოღებად უც მარ\თალთა.
Page of ed.: 402   Line of ed.: 1     იცის ცეცხლმან სადა-ვე რიდობა ღმრთის-მსახურთა.
Line of ed.: 2     მან იცნა სამნი ყრმანი ბაბილონს შინა მისსა მდგომარენი და ცუ\არად
Line of ed.: 3     გარდაექცა არა ყოველი იგი საჴმილი, არამედ მათ ყრმათა ხო\ლო
Line of ed.: 4     გარემოს ყუედრებულთა მეფისაგან, რომელმან ჰრქუა: "უკუეთუ
Line of ed.: 5     ხატსა მას ოქროსასა არა თაყუანი-სცეთ, ვინ არს აწ ღმერთ, რო\მელმან
Line of ed.: 6     განგარინნეს თქუენ ხელთაგან ჩემთა?" უმეტეს უჩნდა აზარიას
Line of ed.: 7     სიტყჳს-გება ამისთჳს, ხოლო თქუა, ვითარმედ: "არს ღმერთი ცათა
Line of ed.: 8     შინა, რომელი შემძლებელ არს განრინებად ჩუენდა საჴმილისა ამის\აგან
Line of ed.: 9     და ჴელთაგანაცა შენთა".

Line of ed.: 10        ხოლო იგი ფიცხლად აღაგზნებდეს საჴმილსა მას ნავთსა, ფისსა,
Line of ed.: 11     ნაძეძსა და ნასხლევსა. არამედ კერძო იგი ყრმათა აგრილობდა მათ,
Line of ed.: 12     ხოლო გარემოს მსწრაფლ მიყო პირი თჳსი და განუყუნა ჴელნი თჳსნი
Line of ed.: 13     ორმეოცდაცხრა წყრთა და მოჭამა ქალდეველნი იგი, საზრდელ მუც\ლისა
Line of ed.: 14     მისისა ქმნა დამგზებელნი მისნი, ხოლო მმარხველნი და თესლის
Line of ed.: 15     მჭამელნი იცნა და ჰრიდა.

Line of ed.: 16        ესრეთ იდიდების კაცი და განახლდების განახლებითა საუკუნო\თა,
Line of ed.: 17     ვითარცა ხედავ წმიდასა შიოს.

Line of ed.: 18        მერმე მიხედნა ისეს ბერმან და ჰრქუა: "მამაო მფლობელო,
Line of ed.: 19     გუნებავს, რათა შენგან კურთხევა მოვიღოთ, რომელი გუაქუნდეს საჴ\სენებლად
Line of ed.: 20     შენდა". ხოლო მორჩილი იგი მოწაფე ვერ იკადრებდა თჳსი\სა
Line of ed.: 21     მოძღურისა ურჩებასა, აღდგა და ჰრქუა მათ: "აღდეგთ და
Line of ed.: 22     შემომიდეგთ მცირედ". და აღდგა მკუეთრ და მიჰმართა მდინარე
Line of ed.: 23     ქსნად და, ვითარ მიიწია, დადგა მას ზედა. იცით [ Manuscript page: 504  ] ყოველთა სი\მძაფრე
Line of ed.: 24     მდინარისა მის. განყო კუერთხი იგი, რომელ აქუნდა ჴელსა
Line of ed.: 25     მისსა, და დაასხა წყალსა მას ზედა სახელითა ქრისტესითა და მოიღო
Line of ed.: 26     რაოდენიმე მისგან და უბრძანა და მოსდ[ე]ვ[დ]ეს მას. და მეყსეულად
Line of ed.: 27     დაუტევა ბუდე თჳსი და შეუდგა კუერთხსა მას წმიდისა ისესსა.
Line of ed.: 28     ქუეყანაჲ იგი დაღმრდებოდა და წყალი იგი უჩუეველსა მას და კაც\თაგან
Line of ed.: 29     უქმარსა ადგილსა მოვიდოდა, ვითარცა მოვლიდა წმიდა ისე,
Line of ed.: 30     ვიდრემდის მოითრია მის[ს]ა საყდარსა წილკანს, რომელი-ესე ჰგიეს
Line of ed.: 31     ვიდრე დღეინდელად დღემდე საჴმარად მის ადგილისა.

Line of ed.: 32        იხილეს იგი მკჳდრთა მათ მცხეთისათა და გარემო სოფლებისა\თა,
Line of ed.: 33     უკჳრდა და ადიდებდეს ქრისტესა, რომელმან მოსცა ესევითარი
Page of ed.: 403   Line of ed.: 1     მადლი წმიდათა მისთა, რომელთა შეიყუარეს იგი ყოვლითა გული\თა
Line of ed.: 2     მათითა.

Line of ed.: 3        ეჰა დიდებული საკჳრველი! კაცთა მიწისაგანთა ბუნებანი სტუქს\ნი
Line of ed.: 4     დაიმორჩილნეს: ერთი ჰაერსა დაიმორჩილებს მსახურად და მეორე
Line of ed.: 5     ცეცხლსა განიოტებს მჴურვალესა და სხუაჲ წყალთა მათ მძიმეთა
Line of ed.: 6     ერთიერთსა მიმზიდველსა ქუემო კერძოსა ნაწილთა მორბედთა აქცევს
Line of ed.: 7     და თჳსსა მას ნებასა მიიყვანებს. ამას ყოველსა რა ხედვიდა მორწმუ\ნეთა
Line of ed.: 8     იგი სიმრავლე, განმტკიცნებოდა და ადიდებდეს ღმერთსა.

Line of ed.: 9        მაშინ განვიდა წმიდაჲ იგი მამათ-მთავარი და დაადგრა მათ თანა
Line of ed.: 10     დღეთა მცირეთა და მათ თანა ზრახვიდეს ურთიერთას და შეეყო
Line of ed.: 11     სული მისი სულსა მათსა, ვითარცა დავითისა იონათანისსა. განჴურდა
Line of ed.: 12     გონება მისი მათ მიერ. ხედვიდა იგი ვითარცა დიდთა საფასეთა მახ\ლობელად
Line of ed.: 13     მისსა. და მიიქცა ქალაქად თჳსად სიხარულით.

Line of ed.: 14        ხოლო ნეტარი ისე ეპისკოპოსი მიერითგან წარვიდა მთით,
Line of ed.: 15     კერძოთა მათ ადგილთა უქადაგებდა ქრისტესა და ასწავებდა ბილწთა
Line of ed.: 16     მათგან კერპთა განშორებასა და მოყვანებად ქრისტეს სარწმუნოე\ბასა.
Line of ed.: 17     და მრავალნი სასწაულნი ქმნნა და მრავალთა სოფელთა
Line of ed.: 18     კერპნი დალეწ[ნ]ა და ნათელ-სცა მათ სახელითა მამისათა და ძისა\თა
Line of ed.: 19     და სულისა წმიდისათა და შეისუენა თჳსსა საყდარსა მშვიდობით.



Next part


This text is part of the TITUS edition of Old Georgian Hagiographical Texts, vol. IV.

Copyright TITUS Project, Frankfurt a/M, 3.5.2015. No parts of this document may be republished in any form without prior permission by the copyright holder.