TITUS
Tbeti and Parkhali Polycephalia
Part No. 14
Previous part

Text: XIV  
Text label: T17 
Page of edition: 307_(97)  
Line of edition: 10     :ია: საკითხავი


Line of edition: 11   თქუმული წმიდისა და ნეტარისა პეტრე მთავარ-ეპისკოპოსისა იერუსალჱმელისაჲ

Line of edition: 12   შობისათჳს უფლისა ჩუენისა იესუ ქრისტჱსა


Line of edition: 13        ვიცნი ფასის-მოყუარეთაგან ვაჭარნი, რომელნი მრავალ-გზის ზღუასა შე\ვიდიან
Line of edition: 14     და ჰაერთაგან ბოროტთა ღელვათა აღძრულთა შორის დაეპყრნიან,
Line of edition: 15     ხოლო რაჟამს სხუათა ვიეთმე მიეწინიან, ფრიად შეასმენედ თჳსსა მას ორგუ\ლებით
Line of edition: 16     უგუნურებასა და ზედაჲსზედა აბრალებედ თავთაცა თჳსთა და იტყჳედ:
Line of edition: 17     "ვიდრემდის ხოლო ამას შრომასა შინა ვიყვნეთ და ზღუასა შინა ძჳრს ვიხილვი\დეთ?"
Line of edition: 18     ხოლო ოდეს ღელვათა მათგან და ჭირისა გარე გამოჴდიან, წადიერებით
Line of edition: 19     და სურვილითა მით ვეცლის-მოყუარებისაჲთა, რომლითა იგი შეპყრობილ არი\ედ,
Line of edition: 20     მერმეცა გული უთქუამნ მათ მისლვად ზღუადვე და შევრდომად მასვე ჭირ\სა,
Line of edition: 21     რეცა თუ პირველი იგი ჭირი დაავიწყდი.

Line of edition: 22        არამედ ქუეყანის-მოქმედმანცა კაცმან რაჟამს იხილის წჳმათა მშობელთა\გან
Line of edition: 23     ღრუბელთა ქუეყანაჲ წჳმითა განმაძღარი და მოწიფებული და მოწევნული
Line of edition: 24     თესლის დათესვად, ჴარნი შეაუღლნის და ქუეყანაჲ განაღის და ურნატი და\აღრმის;
Line of edition: 25     და მრვალ-გზის კლდოვანსაცა ჰბრძავნ და ფერჴითა ქვაჲ იგი აღმო\აზულიის,
Line of edition: 26     და თავსა თჳსსა მიმოაქცევნ, და მერმე კუალად მიექცის და ოფლი
Line of edition: 27     დიდძალი ჴორცთა სდინ. მაშინ ქუეყანისა საქმესა მას სალმობისა და უჩინოე\ბისა
Line of edition: 28     დედა უწესნ, ხოლო ოდეს მცირედ აყოვნის და ქუეყანაჲ იგი მწუანვილი\თა
Line of edition: 29     შემოსილი, ვითარცა თავი თმითა, ეგრჱთ სახედ ნაყოფიერად იხილის, მა\შინ
Line of edition: 30     განიხარის და განმხიარულდის და გულის-თქუმითა აღივსის, და მრავალ\გზის
Line of edition: 31     და ზედაჲსზედა გარე მოჰვლინ მას, და ნაყოფის-განმრყუნელსა მას, გინა
Line of edition: 32     დამაკლებელსა მას, აღმოჰფხურინ, ხოლო ნაყოფსა მას განაშუენებნ. და მიე\რითგან
Page of edition: 308_(98)   Line of edition: 1     ილოცავნ, რაჲთა მარადის ღირს იქმნეს მასვე შრომასა და ყოველთა\თჳს
Line of edition: 2     ღმრთისა მიერ საზრდელად და საცხორებელად მოცემულად ქუეყანასა საქ\მესა
Line of edition: 3     მას იტყჳნ და სხუათაცა დაარწმუნებნ.

Line of edition: 4        აწ უკუეთუ ვაჭარსა და ქუეყანის-მოქმედსა საწუთროჲსა მის ფასისა, რო\მელი
Line of edition: 5     ქუეყანადვე მიიქცის და სიზმრისა უდარჱს ჩუენგან წარვალს, ესრჱთ გუ\ლი
Line of edition: 6     უთქუამს, და რომელიმე ზღუასა იკადრებს, რომელი სიკუდილსა ესოდენ
Line of edition: 7     შორავნ, რავდენცა წყალთა მათგან ნავი ზედა მცურვალი, არამედ კეთილთა\განცა
Line of edition: 8     ქალაქთა შინაჲსათა ერთვე დაკლებულ არს და შრომითა მით არა და\სცხრების,
Line of edition: 9     ვითარ უკუე გჳღირს ჩუენ სიცონილი, რომელთა ესე საღმრთოჲსა
Line of edition: 10     მისთჳს და საუკუნოჲსა გული გჳთქუამს, და უკუდავებასა თავთა თჳსთათჳს
Line of edition: 11     და სხუათათჳს საღმრთოთა წიგნთაგან დავიუნჯებთ და ღმრთივ-სულიერთა
Line of edition: 12     მათგან ნერგთა ნაყოფსა შევიკრებთ, რაჲთა ნანდჳლვე ამისნი მცენარენი ფრი\ად
Line of edition: 13     კეთილ და მსგავსად წერილისა მის გული(ს)-სათქუმელ არიან უფროჲსად და
Line of edition: 14     ქვათა პატიოსანთა მრავალთა, და უტკიბლჱს არიან უფროჲს თაფლისა გოლე\ულისა!
Line of edition: 15     არამედ უკუეთუ ინებოთ, მერმეცა გარე შევლოთ ესე და ყუავილის სა\ხედ
Line of edition: 16     გამოურჩიოთ კრებულსა ამას სარგებელად, რომელ იგი მისგან ხოლო ვის
Line of edition: 17     საცნობელ არს, რამეთუ უკუეთუ მადლმან სულისა წმიდისამან ინებოს უაღრჱს\სა
Line of edition: 18     შევიდეთ და უახლჱსი რაჲმე ამას მოვართუათ.

Line of edition: 19        რამეთუ იყო ოდესმე, ბუნებაჲ კაცთაჲ უმეცრებისა უფსკრულსა იქცეო\და
Line of edition: 20     ვითარცა ნავითა, და ნავისა მავლებელად ჰქონდეს ბოროტნი იგი ცოდვა\ნი,
Line of edition: 21     რომელნი ყოვლით კერძო ჭირსა შეამთხუევდეს მათ, და გარემოჲს ღელვა\თა
Line of edition: 22     მათ კერპთ-მსახურებისათა სიმაღლედ აღაწევდეს და აერთა ღრუბლის სა\ხედ
Line of edition: 23     შეჰფარვიდეს, არამედ ღელვანი იგი კერპთ-მსახურებისანი ცისა ხილვად\ცა
Line of edition: 24     არა უტეობდეს და ღმრთისა ცნობისა წილ, კლდეთა უღაღთა მიმართ მი\აჭენებდეს
Line of edition: 25     და წყალთა მათგან ჭირსა უთქუმიდეს. და ესე რაჲ ესრე სახედ მი\მოაქუნდა
Line of edition: 26     და ყოვლადვე წამსა შინა სიკუდილისასა მოელოდა, ღმერთმან, რო\მელი
Line of edition: 27     ყოველთა კეთილთა მომცემელი არს, რომელმან არა არსისაგან ყოველი\ვე
Line of edition: 28     არსად მოიყვანა, ვითარცა იხილა იგი ჭირსა შინა, რამეთუ მიწევნულ იყო
Line of edition: 29     იგი დანთქმად და უფსკრულსა ცოდვისასა შთასლვად, შეიწყალა იგი ვითარცა
Line of edition: 30     ხატად თჳსად შექმნული.

Line of edition: 31        ხოლო არა თუ იგი უფლისა ღრმთისა მოწყალისაგან შეწევნას(ა) რას ითხოვ\და
Line of edition: 32     და შე-მცა-ისმინა მისი, არამედ იგი არა ხადოდა კაცთ-მოყუარებასა მისსა
Line of edition: 33     და არცა სინანულითა მოიზიდვიდა წყალობასა, რამეთუ არღარა იყო მის თა\ნა.
Line of edition: 34     მაშინ ღმრთის-ცნობისა სიტყუა არცა ერთი რაჲ, და ღმერთი ექმნა მო\ღუაწ
Line of edition: 35     კაცობრივსა, რომელი იგი ამას არღა ეცნა; და მკურნალ თჳნიერ წოდე\ბისა,
Line of edition: 36     რომელსა მან არა ხადა. რამეთუ ესე ჭეშმარიტად გამოუთქუმელი კაცთ\მოყუარებაჲ
Line of edition: 37     არს ღმრთისაჲ. ხოლო ვითარ ბუნებაჲ ესე ჩუენი არს მცირედღა
Line of edition: 38     და-მცა-ვიდრე-ითქა მაშინ ვითარცა ჴელ-შეუხებელისა რაჲსმე თხემისაგან სან\თლისა
Line of edition: 39     ბრწყინვალისა სახედ ჯერ იჩინა ღმერთმან, რომელმანცა თავი თჳსი
Line of edition: 40     თჳთ მოიყვანა, ვითარცა იგი ფსალმუნთა შინა გუასწავებს ჩუენ გალობით შე\მასხმელი
Line of edition: 41     დავით და იტყჳს: "მწუერვალთა ხეთაჲსა არს გამოსავალი მისი და მი\წევნაჲ
Line of edition: 42     მისი ვიდრე მწუერვალად მისადმდე".

Page of edition: 309_(99)  
Line of edition: 1        ჯერ არს უკუე ნავითა სრულისაჲ მის ცოდვათაგან ვითარცა არმურისა\გან
Line of edition: 2     ბოროტად მიმოღებულისა და მიმოტაცებულისაჲ, რომელსა არა სადა ვის
Line of edition: 3     ეხილვა მათ თანა ღმრთის ცნობისა ნავთსაყუდელი, არამედ მითხრობაჲ მა\თი
Line of edition: 4     იყო სერტყთათჳს და ბომონთა და კერპთა შესაწირავისათჳს, და სისხლი\სა
Line of edition: 5     მოსაპკურებელად, კაცთა დაწყუდისათვი, ეშმაკთა და უფროჲსღა ეშმაკეულ\თა
Line of edition: 6     პატივის-ცემისათჳს, რამეთუ ხელთ-საქმრად მათა ღმერთთა გამო საქმჱ იგი
Line of edition: 7     ოდენ კმა ეყოფოდა და ხუროებით დღითი-დღედ ძელთა, ქვათა, ღმრთად გა\მოსთლიდეს.
Line of edition: 8     ხოლო ჩუენდა მრავალ-მეტყუელებაცა არს კუალად ამათთჳს სი\ტყუად,
Line of edition: 9     რომელთათჳს იგი ერთ-გზის და მრავალ-გზის წულილად გამოვთქუ, და
Line of edition: 10     ძეგლის სახედ ვამხილოთ მათ, რომელთა შორის ეგევითარნი იგი იმსახურები\ან;
Line of edition: 11     არამედ მის სახისათჳს უკუე ღმერთი, რომელი გაბრიელის მიერ ეხარა ქალ\წულსა
Line of edition: 12     მას მისვე ქორწილისა უმეცარსა მუცელსა წმიდისა მარიამისსა დაიტია,
Line of edition: 13     რომლისა ქმრად სახელდებულ იყო იოსებ. ხოლო თანაზიარ არცა მაშინ და
Line of edition: 14     არცა მერმე სადა ყოფილ იყო, და ჴორციელი სულიერი სულითა მეტყუელითა
Line of edition: 15     და საცნაურითა ამისგან მოიღო, და მეყსეულად მიდგომილებაჲ იგი გამოუთქუ\მელად
Line of edition: 16     გამოაჩინა.

Line of edition: 17        ხოლო აწ მითხრობადმდე ჩუენდა საღმრთოჲსა მის თხრობისა ჯერეთ
Line of edition: 18     იგი, რომელ უცხოჲთა ენითა წოდებულ იყო ანგელოზსა მას სახელი უპირადჱს
Line of edition: 19     მისსა, იგი გამოჩინებაჲ ვყოთ, რამეთუ მან გამოაცხადოს და უჭეშმარიტჱსად
Line of edition: 20     განგჳმარტოს მოღუაწებისა მის დიდებულისა პოვნაჲ. ებრაელთა ნაშობნი გა\ბრიელისსა
Line of edition: 21     სახელსა მას მათა მიმართ, რომელთა იგი ებრაელთა ენაჲ არა იცი\ნა,
Line of edition: 22     ღმრთად და კაცად აუწყებენ. ჩას, რამეთუ ამას ჩუენ ეგრე გამოგჳთარგმა\ნებენ,
Line of edition: 23     ჵ წინაჲსწარცნობისა ძალი, რამეთუ არა რაჲ ცალიერად ქმნა, არამედ
Line of edition: 24     წინაჲსწარმთხრობელად სახელიცა იგი ლიტონი ანგელოზსა მას უწოდა და
Line of edition: 25     უფროჲსღა დაუმტკიცა მის მიერ. ყოველთა გამოუცხადნა მის მიერ ქადაგებუ\ლისა
Line of edition: 26     მის შობისა ბუნებანი, რამეთუ აქა იწყებს გაბრიელ მარიამის მიმართ და
Line of edition: 27     იტყჳს: "გიხაროდენ სახარულევანო". და შემდგომად სიტყჳსა ამის აჩუენა ხო\ლო
Line of edition: 28     მეორედ დაქცევისა ზემოჲსა მის სიხარულითა გარდამატებაჲ, რამეთუ პ(ი)რ\ველი
Line of edition: 29     იგი სიტყუაჲ ჩუეულად მოკითხვისა სახე არს, ხოლო მეორჱ ესე წადიე\რებისა
Line of edition: 30     მოწამედ გონებასა მას მიიყვანებს, ვითარმედ "უფალი შენ თანა", და
Line of edition: 31     ერთითა სიტყჳთა ქალწული იგი ღმრთის შემოსილად გამოაჩინა.

Line of edition: 32        ხოლო ჟამმან მან შემთხუეული იგი მადლი გამოაცხადა და სახჱ იგი მუ\ცლისა
Line of edition: 33     მის მარიამისი აღივსებოდა, რამეთუ უღ(ი)რდავე ეგრე საქმესა მას, რაჲ\თა
Line of edition: 34     საზღვარსა მასცავე ბუნებისასა ეგოს, რაჲთა საქმენი იგი სარწმუნო იყვნენ.
Line of edition: 35     მაშინ იჭუსა შედგა იოსებ არა სადა ყოფილისა მისთჳს სახისა, ხოლო დაღაცა\თუ
Line of edition: 36     კაცი იგი მართალ იყო, არამედ ესოდენთა მათ საკჳრველებათა არავე წი\ნაჲსწარმეტყუელ
Line of edition: 37     იყო. და ამისთჳსცა ვითარ ჰგონებ მუცლისა მის ქალწულისა
Line of edition: 38     დამძმებითა, იგი ვითარცა გუემითა იწყლა თავსა შინა თჳსსა და მის ქალწუ\ლისაცა
Line of edition: 39     მიმართ ერქუასვე მრავალ-გზის? ეჰა, ვითარი სასოებაჲ კეთი(ლი)
Line of edition: 40     მაქუნდა მე შენდა მიმართ, ხოლო აწ ვითარ ჰგონებ? არა ვითარ-მე მართლ
Page of edition: 310_(100)   Line of edition: 1     შეგემთხჳა შენ კაცობრივი სახჱ, რამეთუ მოცემულ არს შჯული მართალთა
Line of edition: 2     კაცთა წმიდათა და ბოროტის-უმეცართა დედათა თანა მკჳდრ ყოფად? ხოლო
Line of edition: 3     არა ვითარმცა გულის-თქუმისა საწერტელი ჰმძლავრონ მათსა მას მეუღლებასა,
Line of edition: 4     არამედ შჯული ბუნებისაჲ და სასოებაჲ შვილის-სხმისაჲ. და სიტყუაჲ იგი
Line of edition: 5     ღმრთისაჲ არს, რომელსა იგი იტყჳს "აღორძნდით და განმრავლდით". შენიცა
Line of edition: 6     ეგრევე სახედ ყოფაჲ მრწმენა და მით მოყვანებაჲ შენი თავს ვიდევ, ჵ ქალწუ\ლო
Line of edition: 7     თხოილო!

Line of edition: 8        ხოლო შემდგომად მას არღარა შევსძინებ სიტყუად, არამედ ვითარ ვჰგო\ნებ,
Line of edition: 9     ეგევითარსა მას სასოებასა შე-ვის-ხუდი. და მუცლისა იგი სიმძიმჱ წამებს,
Line of edition: 10     რამეთუ ქალწულებისა ჩუელებასა თანა წარსრუ(ლ) არს. ხოლო აწ მე განმეშორე,
Line of edition: 11     და შიში განიშორე შენგან, და იზარდებოდე შენ ტკბილითა, რამეთუ დუმილითა
Line of edition: 12     დავფარო საქმჱ ესე და არცა ერთი რაჲ გმობაჲ შეეხოს შენსა მაგას მადლსა.

Line of edition: 13        აწ შვილნო, საყუარელნო, უკუეთუ სათნო გიჩს, მერმეცა ანგელოზისა მის
Line of edition: 14     სიტყჳთა მითხრობასავე მივიქცეთ, რამეთუ ფრიად დაკჳრვებულ იყო ქალწული
Line of edition: 15     იგი თქუმათა ზედა, და გონებითაცა განიზრახვიდა, ძაძსა მას მათსა ზედამიწევ\ნულ
Line of edition: 16     იყო. მაშინ გაბრიელ ნუგეშინის-სცემდა მას და ამას ეტყოდა: "ნუ გეშინინ
Line of edition: 17     მარიამ, რამეთუ ჰპოვე მადლი წინაშე ღმრთისა, და აჰა ეგერა შენ მუცლად იღო,
Line of edition: 18     და ჰშვე ძჱ, და უწოდიან სახელი მისი იესუ. და იყოს იგი დიდ და ძჱ მაღ\ლის
Line of edition: 19     ეწოდოს მას. და მოსცეს მას უფალმან ღმერთმან საყდარი დავითის მამი\სა
Line of edition: 20     თჳსისაჲ. და სუფევდეს იგი სახლსა ზედა იაკობისსა საუკუნოდ და სუფევი\სა
Line of edition: 21     მისისა არა იყოს დასასრულ".

Line of edition: 22        ჵ საკჳრველებაჲ, რომელსა საზომი არა აქუს. ბუნებით მამაჲ არს ღმერ\თი
Line of edition: 23     და არა მადლით, ჭეშმარიტად უკუე იქადაგა მუცლად მღებელსა მას. და
Line of edition: 24     რეცა თუ დაამტკიცებს ანგელოზი იგი და საქმით უჩუენებს მას, რომელი იგი
Line of edition: 25     ფსალმუნთა შინა პირველითგან და წინაჲთ მისთჳს წერილს არს. მე დავდეგ მე\უფედ
Line of edition: 26     მის მიერ ზედა სიონსა მთასა, მთასა წმიდასა მისსა, თხრობად ბრძანე\ბასა
Line of edition: 27     უფლისასა. უფალმან მრქუა მე: "ძჱ ჩემი ხარი შენ და მე დღეს მიშობიე
Line of edition: 28     შენ"? ჵ, საკჳრველებისა ძალი, რავდენ დიდ-არს და დიდებულ!

Line of edition: 29        ხოლო კუალადვე მივექცე მერმეცა ძალსა მას გაბრიელის თქუმულთა,
Line of edition: 30     რამეთუ ვინმე სადა ვინ იხილა უწინარჱს შობისა ღმრთისა მიერ, და სახე\ლითა
Line of edition: 31     გამოჩინებულ და ესრჱთ ნათლად გამოსრული, სამეუფოდ ცხებული და
Line of edition: 32     მაცხოვრად ნათესავისათჳს კაცთაჲსა სახელდებული, რომლისა მთავრობაჲ იგი
Line of edition: 33     უფოჲსღა დაუსაბამოდ და სამარადისოდ მის თანავე ქმნულ იყო და იოვანე\ცა,
Line of edition: 34     რომლისათჳს წერილ არს, ვითარმედ "ნაშობი დედათაჲ უფროჲს ამისსა არა
Line of edition: 35     ვინ არს უწინარჱს შობისა, არცა ერთი სახელისა ღირს იქმნა, არამედ ზაქა\რიაცა,
Line of edition: 36     ამისმან მამამან, ჴელის წერითა უფროჲსღა ვიდრე არა ეითა შემდგო\მად
Line of edition: 37     შობისა დასდვა მას ესე. რამეთუ ჴმაჲ შეპყრობითა იყო საკჳრველებათა
Line of edition: 38     მათგან, რომელნი უწინარჱს მუცლად-ღებისა ჩუენებულ იყვნეს. აწ უკუე ღმერ\თი
Line of edition: 39     იშვების დედაკაცისაგან და ხარი მონებისაჲ მოაქუს და ჩუენისა ცხორები\სათჳს
Line of edition: 40     უფროჲსღა უკუდავებისა მოღუაწ გუექმნეს.

Page of edition: 311_(101)  
Line of edition: 1        და შემდგომად შობისა სახუეველითა წარიგრაგნების, და ბაგასა მიიწვი\ნების
Line of edition: 2     ყოვლისა სოფლისა უფალი. და რომელი ცათა და ყოველსა განავსებს,
Line of edition: 3     პირუტყუთა საზრდელისა შთასადებელსა დაეტევების. ჰე, ამას სამე აჩუენებს,
Line of edition: 4     დამბადებელ ყოფად არს იგი პირუტყუთებრისა და საცხოვართ-სახისა მის ცხო\რებისაგან
Line of edition: 5     და უფროჲსღა მერმე წამართ, საზრდელისა მის ანგელოზთ-მთავარ\თაჲსა
Line of edition: 6     მოცემად, რამეთუ იტყჳს: "პური ანგელოზთაჲ ჭამა კაცმან". განმიახლეთ
Line of edition: 7     მე ჴსენებითა ამით ადამი. ჵ ურწმუნოთა სიმრავლეო, გრწმენედ თქუმული ესე
Line of edition: 8     და მჴსნელად და განმაქარვებელად მონათა მათთჳს პატიჟთა ხილულსა ამას
Line of edition: 9     უწოდეთ. ადამ ურჩებითა მით კაცთა სიკუდილის მიზეზ ექმნა და სამოთხისა\გან
Line of edition: 10     შიშუელი გამოვარდა, და ლეღჳსა ფურცლითა შვილთა-სხმისა მიზეზნი იგი
Line of edition: 11     გონიერად დაიფარნა, ხოლო ჩუენმან ამან ადამ, რომელ არს ქრისტე, რომელ\მანცა
Line of edition: 12     შექმნა პირველი იგი ადამ, რამეთუ წერილს არს, იყო პირველი იგი ადამ
Line of edition: 13     საშუმინველა ცხოველად, ხოლო უკუა(ნა)ჲსკნელ ესე ადამ სულად განმაცხოვე\ლებელად.
Line of edition: 14     მამისა ჩუენისა ურჩებაჲ იგი განიკურნა და ტანჯვაჲ იგი, რომელ
Line of edition: 15     მის გამო ჩუენ ზედა მოწევნულ იყო, განაქარვა ღმერთმან. ღმერთი იყო და
Line of edition: 16     კაც იქმნა, და პირმეტყუელისა მისგან სამოთხისა გამოვიდა. ესე არა იგი არს,
Line of edition: 17     ქალწულისაგან მუცლისა ნეფსით გამოსლვაჲ მისი, და ლეღჳსა ფურცლისა წილ
Line of edition: 18     სახუეველთა შომა დაიფარვის, და საცნაურსა მას ცათა თანა განგჳღებს ჩუენ
Line of edition: 19     სამოთხესა, და უკუდავებად ნეფსით მიგჳწესს ჩუენ, რომლისათჳს შჯულის-მდე\ბელი
Line of edition: 20     პავლეცა ქადაგებს და იტყჳს: "რამეთუ კაცისა მიერ იყო სიკუდილი, და
Line of edition: 21     კაცისა მიერ აღდგომაჲ მკუდართაჲ. ვითარცა იგი ადამის მიერ მოწყდებიან,
Line of edition: 22     ეგრეცა ქრისტჱს მიერ ყოველნი ცხოველ იქმნებიან". და კუალად "ვითარცა იგი
Line of edition: 23     შევიმოსეთ ხატი მიწისაგანისაჲ, შევიმოსოთ ხატი იგი ზეცისაგანისაჲცა მის".

Line of edition: 24        ჩას, რამეთუ ქუეყანად-მზიდველისა ამის და მძიმისა ცხორებისაგან გარე\მომაქცევს
Line of edition: 25     ჩუენ, რამეთუ მიწისაგანისად სამართლად სახელ ედების ამას. ხო\ლო
Line of edition: 26     ჰნებავს ჩუენი, რაჲთა საღმრთოსა მას და ანგელოზებრსა ცხორებასა მი\ვისწრაფოთ
Line of edition: 27     და ზეცისა მოქალაქე ვიქმნეთ. რამეთუ პირველი იგი ადამ ყოვ\ლადვე
Line of edition: 28     თავსა შინა თჳსსა გამოისახა, და მეორედ ადამის წილ თავი თჳსი ჴორ\ციელად
Line of edition: 29     სოფელსა შინა კაცთა გამოუცხადა. და ესეცა ფრიად შეეტყუების გა\ლობით
Line of edition: 30     შემასხმელისა დავითის დაწერილსა მას, ვითარმედ: "შესაწირავი და
Line of edition: 31     მსხუერპლი არა ინებე, ხოლო ჴორცნი დამამტკიცენ მე, საკუერთხი ცოდვათა\თჳს
Line of edition: 32     არა სათნო იყავ. მაშინ ვთქუ, _ ესერა მოვალ, თავსა წიგნთასა წერილს არს
Line of edition: 33     ჩემთჳს. ყოფად ნებისა შენისა ვინებე", რამეთუ პირველი იგი წერილი აღთქუმი\საჲ,
Line of edition: 34     რომელი იგი უკუანაჲსკნელ იქმნა, ღმრთისა მიერ აქუნდა დასაბამი და მისა
Line of edition: 35     მიმართვე მიქცევად იყო, ესე იგი არს, შემოქმედის(ა) მის სიტყუაჲ, რამეთუ ორი\ვე
Line of edition: 36     იგი მის მიერ და მისა მიმართ სრულ ყო, და ესრჱთ ჩუენ ამას გუასწავებს.
Line of edition: 37     და რამეთუ პირველთა მათ სიტყუათა, რეცა თუ გამოჩინებულადვე იჴმევდა,
Line of edition: 38     შე-უკუე-ჰგვანდა, რაჲთამცა გამოსპეტაკნეს და გამოცხადნეს ქრისტჱს ღმრთისა
Line of edition: 39     ჩუენისა მოსლვაჲ. რამეთუ ამასცა ქადაგი იგი ეკლესიათაჲ წიგნსა შინა თჳს\თა
Line of edition: 40     იტყჳს: "იესუ ქრისტე გუშინ და დღეს, და იგი თავადი არს საუკუნედ მი\სა",
Page of edition: 312_(102)   Line of edition: 1     ვითარ მგონიეს, ორსავე მას აღთქუმასა თავისა თჳსისა ყოფილად აუწყებს;
Line of edition: 2     რამეთუ ჰგიეს უკუდავად მისგან და მისა მიმართ, დ(ა) მიიქცევს და
Line of edition: 3     შეამსგავ/სებს.

Line of edition: 4        არამედ მეცით მე შენდობაჲ, რამეთუ [მც]ირედ რაჲმე დამირჩა მ[ო]გუ\თა
Line of edition: 5     მათთჳს, რამეთუ იგინიცა მცირესა სარწმუნო[ე]ბასა მოსცემენ თქუმულ\[თა]
Line of edition: 6     მათ. რამეთუ იყოს ოდესმე წმიდამან კრ[ება]მან სპარსეთი და ბაბილო[ვ\ნე]ლთა
Line of edition: 7     სამეუფოჲ დაუტ[ევა] და აქა მოემართა. ხოლო წინამძღურად ვარსკუ\[ლა]ვი
Line of edition: 8     იგი აქუნდა და გზისა ს[ლვ]ასა იგი განუგებდა მათ. ოდესმე სავანედ
Line of edition: 9     მაიწე[ვ]და, ოდესმე კუალად გზისა ს[ლვ]ასა მას ასწრაფებნ და თით[ო] სახედ
Line of edition: 10     უჩუენებდა მეუ[ფე]სა მას, რომელსა იგინი დიდი[თა] გულს-მოდგინებითა ეძი\ე[ბდ]ეს
Line of edition: 11     და ჯერ ერთი მი-ცა-ე[...].

Line of edition: 12        ხოლო მე ესრე ვჰგონებ, რამეთუ იგი მა[შინ] სურვიელ იყვნეს მო\[გუ]ნი
Line of edition: 13     იგი შობილისა მისგან [მე]უფისა ხილვად, ზედაჲს-[ზედა] ჰკითხვიდენ თა\ნამავა[ლთა]
Line of edition: 14     მათ თჳსთა, გინათუ სხ[უ]აჲცა ვინ შეემთხუეოდ[ა]. და ჰურიასტან\სა
Line of edition: 15     გამო[...]უზელდეს. და თუ ოდეს [...] და იხილონ იგი, მასცა გამოეძიებდენ და
Line of edition: 16     ვითარცა თჳ[...] [წ]ინამძღუარსა ჰრისხვიდეს გულის-წყრომით. [დ]აღათუ მათ
Line of edition: 17     მიერსა მას [თ]ქუმულსა არა სცნობდ[ე]ს, არამედ და-ვე-მტკიცებულ იყვ[ნ]ეს
Line of edition: 18     ძუელსა მას დაწერილ[ს]ა, რომელსა იტყჳს: "მე უცხო [თ]ესლნი დამემორჩილ\ნეს",
Line of edition: 19     რამეთუ [ს]ლვითდა თაყუანის-ცემ[ი]თ ღირს იქმნეს მას, რომელი იგი [შ]ო\ბილი
Line of edition: 20     ღმრთისა სიტყუაჲ [პ]ირველად მათ მოიწრაფეს [წ]არმართთაგან და ეშ\მაკ[თ]ა,
Line of edition: 21     ნატყუენავისა მისგან [...]ა, და ვითარცა ნაავრებისა მის [უ]მთავრჱსთა.
Line of edition: 22     და იტყჳს [...]ეს პირველ-ნაყოფთაჲ [უ]წინარჱს ძღუ[ე]ნი ამათ [პ]ატივ სცეს
Line of edition: 23     ენმანუელს ვითარცა [...] და მეუფესა და მის თანა[სა მოსიკუდიდსა. [მ]ოართუეს
Line of edition: 24     ოქროჲ, გუნ[დრ]უკი და მური, რამეთუ წერილ [არ]ს: "პატივ ეც უფალსა შენ\თაგან
Line of edition: 25     მართლად ნაშრომთა. [შ]ეწირე მისა შენგანთა [პირ]ველთა ნაყოფთა სი\მ[არ]თლისათა".
Line of edition: 26     და ფსალმუ[ნს]ა შინა იტყჳს, ვითარმედ "ყოველთა [...] არიან
Line of edition: 27     გარემო მისა, შე[წირ]ონ მისა ძღუენი". [სა]ღმრთოჲსა ამის სიტყჳსა, რომელი
Line of edition: 28     მოწევნადსა მას ვითარცა მოწევნულსა გჳთხრობს, და ზოგად საჩუენებელსა ში\ნა
Line of edition: 29     გჳჩუენებს ჩუენ მას, რომელ იგი მრავლისა ჟამისა შემდგომად ყოფად იყო.

Line of edition: 30        და რაჲსათჳსმე მოგუთა მათ და არა სხუასა ვის შობისა მისთჳს ვარსკუ\ლავი
Line of edition: 31     ეუწყა ღმრთისაჲ? რამეთუ ამისთჳს სამე, რაჲთა უფროჲს გონებისა საქ\მისა
Line of edition: 32     მისთჳს სხუათა მიმართ ყოველთა ქადაგად ჭეშმარიტად გამოუჩნდენ, და
Line of edition: 33     უცხოჲსა მის რჩეულისა მსახურთა მიიღეს ყოველი ურწმუნოებაჲ და იჭჳ სიტ\ყჳთა
Line of edition: 34     მომადლებისაჲთა, და რაჲთა უფროჲსღა აღესრულოს პირველითგან თქუ\მული
Line of edition: 35     წინაჲსწარმეტყუელისაჲ, რომელსა იტყჳს: "იხილონ, რომელთა არა თხრო\ბილ
Line of edition: 36     არს მისთჳს, და რომელთა არა ასმიეს, გულისხმა ყონ". ეროდე გულის\წყრომით
Line of edition: 37     გამოჰკითხვიდა მათ და რისხვით აღატყდა, და მრავალნი მწოვარნი
Line of edition: 38     მოსრნა მათ გამო.

Line of edition: 39        აწ უკუე კმა ეყავნ ესე, მრავალ-გზის მიეთხრა ჩუენ მიერ, სასმენელთა მი\მართ
Line of edition: 40     თქუენთა. არამედ მწყემსთაცა მო-რაჲმე-აქუს სარწმუნოებისათჳს მათი\სა
Page of edition: 313_(103)   Line of edition: 1     მით, და შობილსა მას მეუფედ ქადაგებდეს. რამეთუ მათცა თჳსი იგი ღმრთის-\გამოჩინებაჲ
Line of edition: 2     გამო-ვე-უცხადა. და აქა უფროჲსღა ინება, რაჲთა აჩუენოს, ვი\თარმედ
Line of edition: 3     ჯერ არს, რაჲთა სწავლულთათჳს მთავარ და წინამძღუარ ეკლესიაჲსა
Line of edition: 4     მწყემსნი იყვნენ, რამეთუ ცხოვრისა უმანკოებაჲ არარა მან ცვალის. და ესენიცა
Line of edition: 5     მობაძავ არიან მათა, რომელთა კეთილად სრულ ყოფად ეკლესიისათჳს სწადის,
Line of edition: 6     და რამეთუ ქრისტე უფალი ჩუენი მეუფჱ არს და მწყემს და ღმერთ, პირვე\ლადვე
Line of edition: 7     უწყებულ არს ქრისტე ჴორციელად მოსლვისა და კაცთა შორის გამო\ჩინებისათჳსცა,
Line of edition: 8     რამეთუ ესრჱთ იტყოდა ეზეკიელ, რომელმან იხილა ღმრთის
Line of edition: 9     შუენიერი იგი ძლიერებაჲ და თქუა, ვითარმედ "ვიჴსნნე ცხოვარნი ჩემნი და
Line of edition: 10     არა იყვნენ წარსატაცებელ, დავსაჯო შორის ვერძისა და ვერძისა, და აღუდ\გინო
Line of edition: 11     მათ ზედა მწყემსი ერთი და მწყსიდეს მათ მონაჲ ჩემი დავით, და იყოს
Line of edition: 12     იგი მათა მწყემს; და მე უფალი ვიყო მათა ღმერთ და დავით მთავარ შორის
Line of edition: 13     მათსა. მე უფალი ვიტყოდე და აუთქუა სახლსა დავითისსა აღთქუმაჲ მშჳდო\ბისაჲ,
Line of edition: 14     და აღვჴოცო სული უკეთური ქუეყანით". და სხუასა ადგილსა იტყჳს მის\თჳს,
Line of edition: 15     ვითარმედ "აღუდგინო მათ ნერგი მშჳდობისაჲ და არღარა აღიჴოცნენ
Line of edition: 16     იგინი სიყმილითა ქუეყანითა". ხოლო რამეთუ არა იესჱსგანისათჳს, არამედ რო\მელი
Line of edition: 17     იგი თესლისაგან დავითისა შობად იყო ქრისტე, მისთჳს ამას იტყჳს. და
Line of edition: 18     მერმე საცნაურ არს, რამეთუ შემდგომად მრავლისა ნათესავისა განისუენა ამის
Line of edition: 19     ცხორებისაგან. ამან მგალობელმან და წინაჲსწარმატყუელმან ამან პირველად
Line of edition: 20     ყოველთა მიუთხრა და გამოაცხად(ა), არამედ ესაია წინასწარ გჳთხრობს ჩუენ
Line of edition: 21     და იტყჳს: "აჰა ესერა ანგელოზი უფლისაჲ გამოეცხადა იოსებს ჩუენებით და
Line of edition: 22     ჰრქუა: "აღდეგ და წარიყვანე ყრმაჲ ეგე და დედაჲ მაგისი და ივლტოდე ეგჳპ\ტედ,
Line of edition: 23     და იყავ მუნ ვიდრემდე გრქუა შენ". და ღირსად მგალობელი იგი იტ\ყჳს:
Line of edition: 24     "ვეფუცე წმიდასა ჩემსა დავითს და მე არა ვეცრუო მას, ნათესავი მისი
Line of edition: 25     უკუნისამდე ეგოს და საყდარი მისი ვითარცა მზჱ წინაშე ჩემსა". და ამბაკუმ წი\ნაჲსწარმატყუელი
Line of edition: 26     იტყჳს: "მერმე წუთ ერთ მცირედღა მომავალი იგი მოვიდეს
Line of edition: 27     და არა ყოვნოს". და სხუასა ადგილსა იტყჳს: "აჰა ესერა ღმერთუ ჩუენი საშ\ჯელით
Line of edition: 28     მიაგებს და მიაგოს, თავადი მოვიდეს და მაცხოვნნეს ჩუენ". მრავალ
Line of edition: 29     არიან ჩუენ-მიერნი ესე თქუმულნი და სარწმუნოებისათჳს მაღალ არიან, არა\მედ
Line of edition: 30     უმრავლჱს არს; რომელი ვიცით, და-ღა-გჳტევებიეს. რამეთუ არა არს ჩუ\ენი
Line of edition: 31     ესე წრაფაჲ, რაჲთა ამათთჳს ყოველი ერთ-სახედ ვთქუათ, არამედ მცი(რე)\დი
Line of edition: 32     რაჲმე ამათგანი და რაჲთა ვითარცა მჭელეული რაჲ ჩუენისა ამის ნამუშა\კევისაგან
Line of edition: 33     კრებულსა ამას მოვართუათ. ხოლო თქუენ, რომელნი ეგე ღმრთისა
Line of edition: 34     წინაშე სდგათ, და საიდუმლოთა მსახურნი. და სხუანიცა ეგე ყოველნი, რო\მელნი
Line of edition: 35     ყოვლად კეთილსა ამას ეკლესიასა მსგავსად ვენაჴისა რტო-შუენიერისა
Line of edition: 36     აღავსებთ და განაშუენებთ, მერჩდით მე გონებითა თქუენითა, უფროჲს ხოლო
Line of edition: 37     აწ, რომელსა ესე ყოველთათჳს ცნობასა მიგითხრობ და მართლ-დიდებისა ნავთ\საყუდელსა
Line of edition: 38     შეგიყვანებ თქუენ, რამეთუ ნანდჳლვე ყუდრო არს ესე და მას თა\ვადსა
Page of edition: 314_(104)   Line of edition: 1     შეგჳყვანებს ჩუენ, გამოუთქუმელსა მას მოღუაწებისა ჩუენისა სარწმუნო\ებასა.
Line of edition: 2     ჯერ არს უკუე თქუენდაცა, რომელნი ეგე ახალ-ნერგნი ხართ და ნაყოფ\ნი
Line of edition: 3     ეკლესიისანი, აღმოცენებულნი დაბანასა მას მეორედ შობისასა, ღირს ქმნულ
Line of edition: 4     ხართ, რაჲთა გრწმენეს და აღიაროთ მამისა მიმართ და ძისა და სულის წმი\დისა
Line of edition: 5     სამებაჲ ერთობით და ერთობაჲ სამებით საცნაურ ყოფილი.

Line of edition: 6        რამეთუ განიყოფვის შეერთებული და ერთ იქმნების განუყოფელი, რომე\ლი
Line of edition: 7     საკჳრველცა არს. არამედ საღმრთოჲსა მის მოღუაწებისათჳსცა და რომელ
Line of edition: 8     იგი არს ერთი მისვე წინა და ერთ-სასოებისა სამებისა სიტყუაჲ. და თუ ვინმე
Line of edition: 9     გონებითა წმიდითა შეიწყნაროს ესე, იგი ნათლისა უბრწყინვალჱსად გამო\ბრწყინდების,
Line of edition: 10     და წიგნთა და მამათ მიერ მოძღურეითა განმტკიცნებოდის. რა\მეთუ
Line of edition: 11     საუკუნეთა უწინარჱს მამამან ღმერთმან და სიტყუამან და ყოველთა შე\მოქმედმან
Line of edition: 12     ჩუენი ესე ბუნებაჲ კაცთ-მოყუარებისათჳს შეიმოსა, და თავსა შინა
Line of edition: 13     თჳსსა წმიდა ჰყოფს კაცობასა მას. და ვითარცა ცომი იქმნა ყოველსა მას აღ\სუარულსა
Line of edition: 14     და შეაერთნა თავსა თჳსსა, რომელმან იგი წმიდისა მისგან ქალწუ\ლისა
Line of edition: 15     და ღმრთის-მშობელისა მიიხუნა ჴორცნი და შუვამდგომელ იქმნა სული\თა
Line of edition: 16     მით ცნობილითა შორის ღმრთეებისა და ჴორცთა სიმძიმისა. და ესრჱთ
Line of edition: 17     განყოფილი იგი შეამტკიცა ორთავე მიმართ შუვამდგომელისა მის თჳსობითა
Line of edition: 18     ყოვლადვე. ყოველთათჳს იქმნა ვითარცა ესე ჩუენ თჳნიერად ცოდვისა, ამისთჳს
Line of edition: 19     უკუე სამართლად ღმრთად, სრულად მასვე ყოფად და ცნობილად აღვიარებთ,
Line of edition: 20     რამეთუ შეყოფითა მით ორისა მის ბუნებისა გინა არსობისა ძლიერებისა მის
Line of edition: 21     ერთობაჲ იგი იქმნა მისვე ქალწულისა მუცლისაგან შეურწყუველად და განუ\ყოფელად
Line of edition: 22     ყოვლითურთვე დაადგრა, რომლისათჳს სამართლად, ესე იგი არს
Line of edition: 23     ჭეშმარიტად, წმიდასა მას ქალწულსა ღმრთის-მშობლად აღვიარებთ, რამეთუ
Line of edition: 24     საუკუნეთა უწინარჱსმან მან სიტყუამან და ჭეშმარიტმან ღმერთმან მისგან ჴორც\ნი
Line of edition: 25     შეისხნა და კ[ა]ც იქმნა.

Line of edition: 26        ხოლო ესე რაჲ ვთქუათ, არა თუ ვითარმცა ღმრთისა სიტყუამან დასაბა\მი
Line of edition: 27     მოიღო, არამედმ რამეთუ ჴორცნი მისგან შეისხნა და მსგავს თჳსისა მის არ\სებისა
Line of edition: 28     ჩუენიცა იგი გონებაჲ თავისა თჳსისა უქცეველად შეაერთა და იქმნა კაც,
Line of edition: 29     და სახელ ედვა ძედ კაცისად, და რაჲთურთით ძლით თჳსისაგან ღმრთეებისა
Line of edition: 30     არა იცვალა, არამედ არცაღა კაცად პირველად შეიქმნა მუცელსა მას შინა
Line of edition: 31     წმიდისა მის ქალწულისასა. და ესრჱთ გარდამოჴდა მას ზედა სუტყუაჲ იგი, რა\მეთუ
Line of edition: 32     არა თუ ღმრთის შობაჲ ესე არს, არამედ შობად მოსლვაჲ მსგავსად თქუ\მულისა
Line of edition: 33     მის დიდისა გრიგოლისი: რამეთუ იგი, რომელი მამისა თანა სამარა\დისოჲ
Line of edition: 34     არს და თანაარსი, გუეზიარა ჩუენ ჴორცითა და სისხლითა, ვითარცა
Line of edition: 35     იტყჳს წმიდაჲ მოციქული: "ჩუენი ყოველივე თავს იდვა თჳნიერ ხოლო ცოდვი\სა
Line of edition: 36     დიდითა მით კაცთ-მოყუარებითა თჳსითა, რომელი აქუს საღმრთოსა მას
Line of edition: 37     მისსა ბუნებასა". შე-რაჲმე-ეხო ჴორცთა იგი ღმრთეებაჲ, რამეთუ უვნებელ არს
Line of edition: 38     ღმრთეებაჲ, ვითარცა უსხეულო. არამედ ჩუენთჳს ჴორცითა ივნო, ვითარ\ცა
Line of edition: 39     იგი მოციქულთა მთავარი იტყჳს: "ქრისტემან რაჲ ივნო ჩუენთჳს ჴორცითა",
Line of edition: 40     არა თქუა, ვითარმედ ღმრთეებითა, რამეთუ ღმრთეებაჲ ჭეშმარიტად უვნებე\ლად
Line of edition: 41     ჰგიეს ვითარცა წინაჲსწარმეტყუელებით წერილ არს, ვითარმედ "მე თავადი
Line of edition: 42     იგივე ვარ და არა შევიცვალო".

Page of edition: 315_(105)  
Line of edition: 1        აწ უკუე ღმრთად ჭეშმარიტად ქრისტე ვიცით და მისივე ვთქუათ ქრის\ტჱს
Line of edition: 2     ვნებაჲ და ღმრთისა ვნებაჲ ჴორცითა. რამეთუ არა თუ სხუაჲ ვინმე ქრის\ტე
Line of edition: 3     თჳნიერ მისა, რომელი იგი კაც იქმნა, ღმრთისა სიტყუაჲ ვიცით, არამედ
Line of edition: 4     ერთი და იგივე, რამეთუ ესევე კაცთა შორის იქცეოდა და სიკუდილი ჩუენისა
Line of edition: 5     ცხორებისათჳს თავს იდვა, რაჲთა ძალი მტერისაჲ შემუსრო(ს) და ჩუენ ზედა
Line of edition: 6     მოწევნულთა მათგან შეცოდებათა გამოგჳჴსნნეს, და ღმერთსა და მამასა და\აგოს
Line of edition: 7     ჩუენი ესე ბუნებაჲ. ამისთჳს უკუე სამართლად უფლად და მაცხოვრად და
Line of edition: 8     ღმრთად ჭეშმარიტად ამას აღვიარებთ, თანაარსად მამისა ღმრთეებითა და
Line of edition: 9     თანაარსად ჩუენდა მომართ მასვე კაცობითა. დაღათუ ორთა ბუნებათა განუ\ყოფელად
Line of edition: 10     ვიცით იგი არსობითა, ერთობაჲ შეურწყუველად და განუყოფელად
Line of edition: 11     ჰგიეს ყოვლითურთ ერთითა პირითა და ერთითა ძალითა, რამეთუ ერთი იგი
Line of edition: 12     ორთა მათგან არს და ერთისა მისგან არიან ორნივე იგი, ვითარცა იგი იტყჳს
Line of edition: 13     წმიდაჲ გრიგოლი. ხოლო ბუნებათა მათ თითოეულებასა არა სადა აღიღებს,
Line of edition: 14     შეერთებისა მისთჳს უფროჲსღა გამოაცხადებს თითოეულებასა მას ორთღა მათ
Line of edition: 15     ბუნებათასა,და ერთად პირად და ერთად ძალად შეჰყოფს. არა ორად პირად
Line of edition: 16     განვჰყოფთ, გინა განვსწვალებთ, ნუ იყოფინ, რამეთუ არა ჯერ არს, ვითარმცა
Line of edition: 17     ვინ განაშორა კაცებაჲ იგი ღმრთეებისა, არამედ ერთსა და მასვე ძესა, მხო\ლოდ-შობილსა
Line of edition: 18     სიტყუასა, ღმერთსა და უფალსა იესუ ქრუსტესა არა სადა ვი\ტყჳთ,
Line of edition: 19     და მის თანა აღვიარებთ და გურწამს, და არცაღა ღმრთეებისა მისისა
Line of edition: 20     და კაცებისა ერთობაჲ იგი ღირსებით, გინა პატივით სწორებით, გინა წარმო\მატებითა.
Line of edition: 21     ნუთუ სხჳსა რაჲსმე ზიარებასა ანუ ვითარმცა იგი ყოველსა შინა
Line of edition: 22     მსგავსად უღმრთოჲსა მის ნისტორისა ყოფილად გურწამს, ნუ იყოფინ! და არ\ცაღა
Line of edition: 23     კუალად ქცეულებასა, გინა საუცრებასა, შემოვიღებთ მსგავსად ხენეშად
Line of edition: 24     მსახურისა მის ევტჳქოსისა, ნუ იყოფინ!

Line of edition: 25        სადა უკუე განყოფაჲ და ქცეულებაჲ არა შეეხების, მუნ საცნაურ არს კე\თილად,
Line of edition: 26     რამეთუ არსობისაჲ მის ერთობაჲ იგი ცოცხლად ჰგიენ და დამარხულ
Line of edition: 27     არნ ბუნებათა მათ თითოეულებასა მას შინა, დაღათუ არსებით ერ(თ)ობაჲ იგი
Line of edition: 28     ღმრთეებისაჲ და კაცებისა მის მისისაჲ იქმნა. არამედ შეურწყუველადვე უფ\როჲს
Line of edition: 29     ბუნებისა მოღუაწებაჲ იგი მისი დამარხულ არს. რამეთუ ერთი არს უფა\ლი
Line of edition: 30     და უწინარჱს ჴორცთა შესხმისა, გინა თუ განკაცებისა მისი მისისაჲ, და ამის\სა
Line of edition: 31     შემდგომადცა იგივე არს ჭეშ(მ)არიტად, რომელი იგი მამისა თანა და სუ\ლისა
Line of edition: 32     წმიდისა თაყუანის იცემების და თანა იდიდების. ამასვე საღმრთონი წიგნ\ნი
Line of edition: 33     გჳთხრობენ და ამასცა ღმერთ-შემოსილნი ეკლესიისა მოძღუარნი ქადაგებენ.

Line of edition: 34        ამათ ყოველთათჳს თქუენცა, საყუარელნო, გლოცავ, რაჲთა გეჴსენნენ
Line of edition: 35     ესენი, არა თუ რაჲთ კედელთა გინა ზღურბლთა სახლთა თქუენთასა გამოჩი\ნებულად
Line of edition: 36     გამოსწერნეთ, არამედ რაჲთა დაწოლასა თქუენსა და აღდგომასა და
Line of edition: 37     გარე გამოსლვასა და კრებულისა საქმესა, ანუ თჳსისა თავისა საქმესა, რამეთუ
Line of edition: 38     ფსალმუნისა ჟამსა და ყოველსა ადგილსა ფრიად კეთილს არს მოჴსენებაჲ ღმრთი\საჲ
Line of edition: 39     და მართლ-დიდებისა მოძღურებისაჲ ღმრთის-მოყუარისა სულისაჲ.

Line of edition: 40        და ამათ თანა ესეცა გეჴსენენ, რომელსა ესე გეტყჳ: რამეთუ ესეცა შე\მძლებელვე
Line of edition: 41     არს, რაჲთა წინამძღუარ ექმნეს სულთა თქუენთა ცხორებად კერ\ძო.
Line of edition: 42     ვავასხებდეთ ურთიერთას კაცთ-მოყუარებასა, რამეთუ ყოველი კაცი ამისა
Page of edition: 316_(106)   Line of edition: 1     მოქენე ვართ. ნუ ვინ ჩუენგანი ქედ-მაღლოვინ გლახაკისა მიმართ სიმდიდრისა
Line of edition: 2     სასოებითა, რამეთუ ერთი ბუნებაჲ არს ჩუენ ყოველთაჲ, ხოლო საფასჱ სიტყჳ\სა
Line of edition: 3     უდარჱს ერთისაგან ერთისა მივალს და მიეცვალების.

Line of edition: 4        აწ უკუე ვერიდნეთცა სიტყუათა მწარეთა, რომელი ვითარცა ისარი მო\ყუსისა
Line of edition: 5     მიმართ განეტყორცის, რამეთუ მალე არს ენაჲ ცოდვილისა მიმართ და
Line of edition: 6     მარჯუე. ამისთჳსცა თანამდებ არს, უკუეთუ ცუდისა სიტყჳსათჳს საშჯელი მი\ცემად
Line of edition: 7     არს, საყუარელნო, რავდენ უფროჲს საქმეთათჳს ბოროტთა მიგუეჴადოს
Line of edition: 8     პატიჟი! იყავ ნუ უკუე თითოეული მსაჯულ თჳსთათჳს ცოდვათა და ნუმცა გა\მოიწულილავს
Line of edition: 9     სხუათასა, რაჲთა ესრჱთ ვინმე იპოოს მართალი; რამეთუ რო\მელმან
Line of edition: 10     თავი თჳსი თჳთ განიკითხოს, იგი სხჳსაგან არა განიკითხოს. დაიბანე\ნით
Line of edition: 11     ჴელნი თქუენნი, საყუარელნო, გლახაკთა მიმართ ქველის-საქმითა, და ნუ
Line of edition: 12     ხოლო წყლითა, რამეთუ რომელი იგი თქუეს, ვითარმედ "არა ჯერ არს უბანე\ლითა
Line of edition: 13     ჴელითა სიწმიდესა მას შესლვად", მე გონებასა ესე მომიჴდის, რომელი
Line of edition: 14     შეუდგნ საქმესა ბუნებასა, ეგრევე იყოს. რამეთუ არა დიდების-მოპოვნებისა\თჳს
Line of edition: 15     არს თქუმული ესე, არამედ ზეგარდამო ბრძანებაჲ ესე მოცემულ არს ჩუენ\და,
Line of edition: 16     ამათ გლახაკთა ძმათა ჩუენთათჳს, რამეთუ არა ჯერ არს, ვითარმცა სირ\ცხჳლ
Line of edition: 17     გჳჩნდა ამათი ესრჱთ სახელის-დებაჲ. რამეთუ შემოქმედსაცა ესრჱთ შე\ურაცხიან
Line of edition: 18     და მათსა მას კეთილსა თავისა თჳსისად იჩინებს და ესრეთ იტყჳს:
Line of edition: 19     "მენ გეტყჳ თქუენ, რამეთუ რავდენი რაჲ უყოთ ერთსა მას მცირეთაგანსა, იგი
Line of edition: 20     მე მიყოთ", რამეთუ იგივე ჴორცნი ასხენ, რომელნი ჩუენდა ამასვე ზოგადსა
Line of edition: 21     აერსა მიიღებენ. აწ უკუე რაჟამს ვიხილნეთ იგინი წინაშე წმიდათა მათ ბჭეთა
Line of edition: 22     მდგომარენი, საბანელისა წილ მათა მოვიდეთ, მათა და, რაჲ გუაქუნდეს, მივ\სცემდეთ
Line of edition: 23     მათ. და ესე რომელ მწიკული ცოდვისაჲ არს ჩუენ თანა ამით გან\ჳრცხნეთ,
Line of edition: 24     და სიწმიდესა მას შევიდეთ, რამეთუ კადნიერებაჲ ამით უფრო გუა\ქუნდეს
Line of edition: 25     წინაშე მისსა წარდგომად და ლოცვად, ვიდრეღა არა თუმცა ყოვე\ლი
Line of edition: 26     გუამი დაგუებანა, რამეთუ წერილიცა ამასვე გუასწავებს. არა თქუა, ვი\თარმედ
Line of edition: 27     "ჴელნი დაბანილნი და სამოსელი სპეტაკი", არამედ გული წმიდაჲ მო\გუცეს
Line of edition: 28     ჟამსა ლოცვისასა, რომლისა სახარებასა შინა ქრისტე ღმერთი ჩუენი
Line of edition: 29     ებრაელთა მოძღუართა მათ აყუედრებს და ეტყჳს: "თქუენ ფარისეველნი გარეშჱ
Line of edition: 30     სასუმელსა და პინაკსა მოსწმიდით, ხოლო შინაგან თქუენსა სავსჱ არს ნატაცე\ბითა
Line of edition: 31     და სიმწარითა". და მოციქულიცა წიგნსა შინა იტყჳს, ვითარმედ "ყოვე\ლივე
Line of edition: 32     წმიდა არს წმიდათათჳს, ხოლო შეგინებულთათჳს და ურწმუნოთა არა
Line of edition: 33     რაჲ წმიდა არს". ხოლო მომეცინ მე ღმერთმან, რაჲთა წამართ მსგავსსა თქუენ\სა
Line of edition: 34     ღირსად ვცხონდებოდი, და მერმეცა მას დღესა ამის კრებულისათჳს გჳრ\გჳნი
Line of edition: 35     შევთხზა. ხოლო თქუენ ღმერთმან ღირს გყვენინ რაჲთა ჩემ მიერ გესმო\დის
Line of edition: 36     და აღთქუმულსა მას ჰყოფდით, და მოიღოთ მოტევებაჲ ცოდვათაჲ.

Line of edition: 37        და თქუენ შორისცა აღესრულოს და აღთქუმულსა მას ჰყოფდეთ, და მო\იღოთ
Line of edition: 38     ცოდვათა მოტევებაჲ და თქუენ შორისცა აღესრულოს მოციქულისა იგი
Line of edition: 39     თქუმული, რომელსა იტყჳს: "ღმერთმან მშჳდობისამან წმიდა გყვენინ თქუენ
Line of edition: 40     ყოვლითა სრულებითა და სიცოცხლითა, სული თქუენი, საშუმინველი და გუა\მი
Line of edition: 41     უბიწოდ მოსლვასა მას უფლისა ჩუენისა იესუ ქრისტჱსსა დაგმარხენინ" ოხითა
Line of edition: 42     წმიდისა და დიდებულისა ღმრთის-მშობელისა მარადის ქალწულის მარიამისითა.


This text is part of the TITUS edition of Tbeti and Parkhali Polycephalia.

Copyright TITUS Project, Frankfurt a/M, 5.3.2021. No parts of this document may be republished in any form without prior permission by the copyright holder.