TITUS
Barsabas of Jerusalem, De Christo et Ecclesiis
Part No. 38
Previous part

Paragraph: 38  
Line of ed.: 19        მოვედით აწ, საყუარელნო, საიდუმლოსა მას იოსებისსა
Line of ed.: 20     ვითარ ყოველნი საიდუმლონი ეწამებიან ქრისტესა. მიივლი\ნა
Line of ed.: 21     იოსები იაკობისგან მამისა თჳსისა ძმათა მიმართ თჳსთა
Line of ed.: 22     სამწყსოდ, მოივლინა ქრისტე ძმათა მიმართ ცხოვრად რომელ\ნი
Line of ed.: 23     წყმედულ იყვნეს სახლისაგან ისრაჱლისა. ვითარცა იხი\ლეს Manuscript page: 238va 
Line of ed.: 24     იოსები შორით რაჲმეთუ მივიდოდა მათა თქუეს ურ\თიერთას:
Line of ed.: 25     "ჩუენების მხილველი იგი მოვალს. აწ მოვედით და
Line of ed.: 26     მოვკლათ იგი და რაჲძი სარგებელ ეყვნენ მას ჩუენებანი იგი
Line of ed.: 27     მისნი!" ეგრეცა ქრისტჱსთჳს იხილეს ჴორციელთა მათ ძმათა
Line of ed.: 28     ჰურიათა და თქუეს ურთიერთას: "ესერა მკჳდრი იგი მო\ვალს,
Page of ed.: 244   Line of ed.: 1     მოგუალეთ და მოვკლათ იგი!" იოსებ შთააგდეს ჯურ\ღმულსა
Line of ed.: 2     მას, შთააგდეს ქრისტეცა ქუესკნელთა. აღმოჴდა
Line of ed.: 3     იოსებ ჯურღმულით, აღდგა ქრისტეცა მკუდრეთით. მოი\ღეს
Line of ed.: 4     სამოსელი იგი იოსებისი და შებღალეს სასხლითა და
Line of ed.: 5     თქუეს: მოკუდა იოსები! და არა მოკუდა. შებღალეს
Line of ed.: 6     სამოსელიცა ქრისტჱსი, ესე არიან ჴორცნი ქრისტჱსნი, და\კლეს
Line of ed.: 7     და ვერ დაკლეს რაჲმეთუ ცხოველ არს იგი უკუნისამდე.
Line of ed.: 8     განყიდეს იოსებ ძმათა თჳსთა, განყიდეს ქრისტეცა ძმათა
Line of ed.: 9     თჳსთა ჰურიათა. განიყიდა იოსებ იუდაჲსგან ძმისა თჳსისა,
Line of ed.: 10     მიეცა ქრისტეცა იუდაჲსგან სკარიოტელისა. მიიყიდეს
Line of ed.: 11     იოსები უცხო თესლთა, მიიყიდა ქრისტეცა ერმან მან უცხო
Line of ed.: 12     თესლმან, ესე არიან წარმართნი. გული უთქუმიდა იოსების\თჳს
Line of ed.: 13     დედუფალსა თჳსსა და განიცადა იგი მისგან ყოვლითა
Line of ed.: 14     განსაცდელითა რაჲთამცა შეეხო მას და ვერ ღონე ეცა მას,
Line of ed.: 15     განიცადა ქრისტეცა ეშმაკისაგან ყოვლითა განსაცდელითა და
Line of ed.: 16     ვერ შეუძლო მას. შეაგდეს იოსები ცილის წამებითა საპყრო\ბილესა,
Line of ed.: 17     შეაგდეს ქრისტეცა ერმან მან ცილის წამებითა სა\პყრობილესა
Line of ed.: 18     პილატესსა. უთხ\\რა Manuscript page: 238vb  იოსებმან ჩუენებაჲ იგი
Line of ed.: 19     ორთა მათ მონათა მეფისათა; ერთი იგი განამართლა და ერთი
Line of ed.: 20     იგი განაცრუვა. განაჩინა ქრისტჱსთჳს რაჲმეთუ განმზადე\ბულ
Line of ed.: 21     იყო განრჩად ცხოველთა და მკუდართა, და დაშჯად
Line of ed.: 22     უღმრთოთა და მძლე ყოფად მორწმუნეთა. გამოუთარგმანა
Line of ed.: 23     იოსებმან ჩუენებაჲ იგი მეფისაჲ და გამოუცხადა მას რაჲ იგი
Line of ed.: 24     ყოფად იყო მერმე, გამოუცხადა ქრისტემანცა საიდუმლონი
Line of ed.: 25     იგი წინაჲსწარმეტყუელთანი და შჯულისა წერილნი. და დაა\დგინა
Line of ed.: 26     ფარაომან მეფედ იოსები ეგჳპტესა ზედა და ყოველ\სა
Line of ed.: 27     სოფელსა მისსა, დაადგინა ღმერთმან ქრისტე მეუფედ
Line of ed.: 28     ყოველსა სოფელსა ზედა, რაჲმეთუ იტყჳს დავითცა; "ით\ხოენ
Line of ed.: 29     ჩემგან და მიგცნე შენ წარმართნი სამკჳდრებელად შენ\და".
Page of ed.: 246   Line of ed.: 1     მოიყიდა იოსებმან ყოველი ქუეყანაჲ იფქლითა, მოიყი\და
Line of ed.: 2     ქრისტემანცა ყოველი სოფელი პურითა მით ცხოველითა,
Line of ed.: 3     რაჲმეთუ გარდამოჴდა ზეცით რომლისათჳს იგი ყოველსა
Line of ed.: 4     სოფელსა ჰშიოდა. შთავიდეს ძმანი იოსებისნი ეგჳპტედ და
Line of ed.: 5     პირველად ვერ იცნეს იგი, გარდამოჴდა ქრისტეცა თჳსთა
Line of ed.: 6     თანა ჰურიათა და არა შეიწყნარეს იგი, რაჲმეთუ თავადი
Line of ed.: 7     იტყჳს დავითსა შინა: "უცხო ვექმენ მე ძმათა ჩემთა და
Line of ed.: 8     სტუმარ ძეთა დედისა ჩემისათა". იცნეს იოსები ძმათა თჳსთა
Line of ed.: 9     მეორესა მას ეგჳპტედ შთასლვასა, შეეშინა და შეძრწუნდეს
Line of ed.: 10     გულითა მათითა, ეგრეცა იცნან ქრისტე ძმათა თჳსთა რაჟამს
Line of ed.: 11     მოვიდეს მოსლვასა მას მისსა დიდებითა ვითარცა წერილ არს:
Line of ed.: 12     "რომელიცა იგი დაგუმირეს დაეტყებდენ".

Next part


This text is part of the TITUS edition of Barsabas of Jerusalem, De Christo et Ecclesiis.

Copyright TITUS Project, Frankfurt a/M, 5.3.2021. No parts of this document may be republished in any form without prior permission by the copyright holder.