TITUS
Ioane Bolneli / Chrysostomus, Sermones
Part No. 9
Previous part

Text: A_71  
Page of ed.: 277  
Line of ed.: 25   თქუმული წმიდისა იოვანე ოქროპირისაჲ
Line of ed.: 26   ნათლისღებისათჳს უფლისა ჩუენისა იესუ ქრისტჱსა
Line of ed.: 27   იორდანესა იოვანესგან


Line of ed.: 28        სახარულ არს ყოველთათჳს, ძმანო, ღმრთისა მიერ მომადლე\ბული
Line of ed.: 29     დღენდელი ესე დღჱ -- დასაბამი ცხორებისაჲ და გზაჲ სარწმუნო\ებისაჲ,
Line of ed.: 30     და დასასრული არს წერილისა მის ჰურიათაჲსაჲ და თავი
Line of ed.: 31     სახარულისაჲ ქადაგებისა იესუ ქრისტჱსი. და დასასრული არს წერილისა
Line of ed.: 32     მის ჰურიათაჲსაჲ, რომელი ჩუენ არა ვიცოდეთ და გამოგჳჩნდა, დასა\ბამი
Line of ed.: 33     გუეცნობა, საძიებელი გამოგჳჩნდა, დაფარული გამოცხადნა.

Page of ed.: 278  
Line of ed.: 1        არა ვიცოდეთ ჩუენ ქალწულისა მარიამისგან შობილი, არცა ვიცო\დეთ
Line of ed.: 2     ღმრთეებაჲ ჴორცთა შინა დაფარული, არა ვიცოდეთ ბნელსა შინა
Line of ed.: 3     ნათელი დაფარული, არცა მზჱ ღრუბელთა შინა მყოფი. არა ვიცოდეთ
Line of ed.: 4     საუკუნოჲს წინაჲ იგი გამოუთქუმელად შობილი და არცა ზესკნელთაჲ
Line of ed.: 5     იგი მყოფი გამოუთქუმელი ღმერთი მხოლოჲ, სიტყუაჲ უბრწყინვალესი
Line of ed.: 6     მზისაჲ, მბრძანებელი ყოველთა ცათა შინა მყოფთაჲ და მცველი ყოვ\ლისა
Line of ed.: 7     სოფლისაჲ, შემოქმედი ჴელოვანი, რომელმან გარდაართხა ცაჲ,
Line of ed.: 8     ვითარცა კამარაჲ, და შეამკო ყოველივე; ქუეყანაჲ აღავსო კეთილითა
Line of ed.: 9     ყოვლითა და საშუებელითა, და ზღუაჲ ესე ვრცელი მცირითა ქჳშითა
Line of ed.: 10     შეზღუდა და ყოველნი ჰაერნი მშჳდობით შეზავნა.

Line of ed.: 11        ესევითარი ღმერთი, დიდი და ძლიერი, სიყუარულისათჳს კაც\თაჲსა
Line of ed.: 12     მოვიდა და დაემკჳდრა ჴორცთა შინა ქალწულისათა და ჩუენ
Line of ed.: 13     არა ვიცოდეთ, რომელი-იგი მამისა მიერ მოსრულ იყო ზეცით,
Line of ed.: 14     რაჲთა ნათესავი ჩუენი სარწმუნოებითა ღმრთისაჲთა აღორძნდეს,
Line of ed.: 15     რამეთუ ღმერთი მამაჲ -- საუკუნე მიუწდომელი, უხილავი, გა\ნუცადებელი,
Line of ed.: 16     გამოუთქუმელი, ჭეშმარიტი ცხორებაჲ.

Line of ed.: 17        ამან უკუანაჲსკნელთა ჟამთა ცხორებისათჳს კაცთაჲსა მოავლინა
Line of ed.: 18     ძჱ თჳსი მხოლოდშობილი, ნიჭი საუკუნ[ოჲ]სა ცხორებისაჲ. გარნა
Line of ed.: 19     მოავლინა იგი, ვითარცა კეთილი მკურნალი და მასწავლელი, ვი\თარცა
Line of ed.: 20     მამაჲ შვილთა მოყუარე. მკურნალად ამისთჳს, რაჲთა უგუნურთა
Line of ed.: 21     გონებანი, რომელნი-იგი ცოდვითა შეპყრობილ იყვნეს, მოაქცინეს და
Line of ed.: 22     გონიერ ყვნეს. მამად ამისთჳს, რაჲთამცა შვილნი იგი ისრაჱლისანი
Line of ed.: 23     შეკრიბნა. ესე მოავლინა მამამან, რაჲთა ძლიერი იგი ეშმაკი
Line of ed.: 24     განდევნოს და ნათელი იგი მეცნიერებისაჲ გამოუბრწყინდეს და
Line of ed.: 25     საცთური იგი წარმართთაჲ დაჰჴსნდეს და ეკლესიაჲ ქრისტესი ყოვ\ელსა
Line of ed.: 26     სოფელსა გამოუბრწყინდეს, სიმყრალე იგი პირველი განაქარ\ვოს
Line of ed.: 27     და სულნელებაჲ სულისა წმიდისაჲ მოჰფინოს. ესე ღმერთმან
Line of ed.: 28     მოავლინა, რაჲთა წინაჲსწარმეტყუელებაჲ იგი Manuscript page: 208r  საიდუმლოჲ
Line of ed.: 29     გამოაჩინოს და მოციქულთა კრებული დაამტკიცოს.

Line of ed.: 30        ესე დღეს მოვიდა იორდანედ და თჳსსა მონასა ნათლისცემასა
Line of ed.: 31     ეტყოდა, რაჲთამცა დაამტკიცა დასაბამი მადლისაჲ და შჯული დააცხრვო.

Line of ed.: 32        აწ გულისჴმა-ვყოთ სახარებისაჲ ესე, რამეთუ გუესმა და ვისწა\ვეთ
Line of ed.: 33     მისგან ყოველივე სარგებელი ცხორებისაჲ ქრისტე იესუ[ჲ]ს მიერ
Line of ed.: 34     უფლისა ჩუენისა, რომლისაჲ არს დიდებაჲ მამისა თანა სულით
Line of ed.: 35     წმიდითურთ უკუნითი უკუნისამდე. ამენ.


This text is part of the TITUS edition of Ioane Bolneli / Chrysostomus, Sermones.

Copyright TITUS Project, Frankfurt a/M, 1.12.2024. No parts of this document may be republished in any form without prior permission by the copyright holder.