TITUS
John Chrysostom, The Pearl
Part No. 10
Previous part

Text: III.  
Line of ed.: 1   თავი III.
Paragraph: 10  
Line of ed.: 2   X) მისივე, სწავლაჲ სიყუარულისათჳს


Line of ed.: 3        არარაჲ არს სათნოებათა შორის უფროჲს სიყუარულისა, რამეთუ თა\ვადსა
Line of ed.: 4     მეუფესა და ღმერთსა ყოველთასა სიყუარულ ეწოდების. რაჲმცა
Line of ed.: 5     უკუე უმეტეს იყო მისსა, რომელი მას სახელად Page of ms.: B65r  ეწოდა? რამეთუ
Line of ed.: 6     ღმერთი სიყვარული არს და რომელი ჰგიეს სიყვარულსა მიწა ღმრთი\სასა,
Line of ed.: 7     იგი ღმრთისა თანა ჰგიეს. იხილეღა სიმაღლე ამის სათნოებისაჲ.
Line of ed.: 8     და კუალად, თავადი ღმერთი ეტყოდა მოწაფეთა: "ამით ცნან ყოველთა,
Line of ed.: 9     ვითარმედ მოწაფენი ჩემნი ხართ, უკუეთუ იყუარებოდით ურთიერთას".
Line of ed.: 10     შევიტკბოთ უკუე, ძმანო, სათნოებაჲ ესე დიდი, რამეთუ ესრეთ განაგო
Line of ed.: 11     ღმერთმან, რაჲთა თითოეული მოყუსისა უმჯობესსა, ვითარცა თავისა
Line of ed.: 12     თჳსისასა,ეძიებდეს არა იქმნების თჳნიერ ამისსა ცხორებაჲ, არამედ
Line of ed.: 13     დაღაცათუ ყოველი სათნოებაჲ Page of ms.: C19v  გაქუნდეს და ამისგან უცხო იყო,
Line of ed.: 14     არარაჲ სარგებელ გეყოს; ვითარცა იტყჳს, -- "უკუეთუ განუყო ყოველი
Line of ed.: 15     მონაგები ჩემი და უკუეთუ მივსცნე ჴორცნი ჩემნი დასაწუეველად, არა\რაჲვე
Line of ed.: 16     ვარ, სიყვარული თე არა მაქუნდეს", რამეთუ ვითარცა სულსა
Line of ed.: 17     თჳნიერ ჴორცთასა არა Page of ms.: A238  ეწოდების კაცი, არცა ჴორცთა -- თჳნიერ
Line of ed.: 18     სულისა ეგრეთვე. არცა ღმრთისა მიმართ სიყუარული იქმნების, უკუ\ეთუ
Line of ed.: 19     მოყუასისა მიმართ სიყუარული არა თანა-იყოს, რამეთუ არარაჲ
Page of ed.: 95  
Line of ed.: 1     არს სწორ სიყუარულისა და ერთობისაჲ -- ესე განყოფილსა ერთ-ჰყოფს.
Line of ed.: 2     უკუეთუ ათნი იყვნენ ურთიერთას შეყუარებულნი, იგი თითოეული მათი
Line of ed.: 3     არა ერთ არს, არამედ ათ. და რავდენცა სიმრავლე იგი აღორძინდე\ბოდის,
Line of ed.: 4     ეგოდენცა კაცად-კაცადი მათი მრავალკაც იქმნების; Page of ms.: 865v  Page of ms.: C20r 
Line of ed.: 5     დაღაცათუ ერთი იგი არნ სპარსეთს და მეორე -- ასურეთს, ვერ დააყ\ენის
Line of ed.: 6     სიშორემან ერთობაჲ იგი სიყუარულისა მათისაჲ. რაჲსათჳს არა
Line of ed.: 7     მოვიგებთ სიყუარულსა, რომელი ესრეთ კეთილსა-უყოფს მომგებელთა
Line of ed.: 8     მისთა? რამეთუ დაღაცათუ გლახაკი იყოს, რომელსა სიყუარული აქუნდეს,
Line of ed.: 9     მდიდართა უმდიდრეს არს. არა არს ზღუდე ესრეთ მტკიცე და შეუვალი
Line of ed.: 10     მტერთა მიერ, ვითარ შეკრული სიყუარულისა საკრ\\ველითა, Page of ms.: D18  რა\მეთუ
Line of ed.: 11     ეშმაკისაცა მახეთა ახოვნად მძლე ექმნებიან ესევითარნი.


Line of ed.: 12   * თარგმანებისაგან თესალონიკელთა ებისტოლისაჲ


Line of ed.: 13        ესრეთ ჯერ-არს სიყუარულისა სჯულსა დამარხვაჲ, რომელ და\ღაცათუ
Line of ed.: 14     სულისა მიცემაჲ ჯერ-იყოს ძმისათჳს, არცა მას ჰრიდოს. იხ\ილე
Line of ed.: 15     ნეტარი პაელე, ვითარ Page of ms.: C20v  მარადღე მზა იყო სულისა მიცე\მად
Line of ed.: 16     ძმისათჳს. ვიხილე სხუაჲცა ვინმე, რომელი ლოცვასა რაჲ ითხოვნ
Line of ed.: 17     წმიდათა კაცთაგან, პირველად მეგობართათჳს ევედრის და მერმეღა _
Line of ed.: 18     თავისა თჳსისათჳს. ხოლო არა მას ვიტყჳ მეგობარსა, რომელი ჴორ\ციელად
Line of ed.: 19     ოდენ იყოს და ხადილობისა მოზიარე და სიტყჳთ საყუარელ,
Line of ed.: 20     არამედ Page of ms.: A239  რომელი საღმრთოჲ იყოს სულითა და ჭეშმარიტებითა;
Page of ed.: 96   Line of ed.: 1     რომელსა აქუს სიყუარული ჭეშმარიტი, მან უწყის სულიერი
Line of ed.: 2     მოგებრო/ბა.



Next part


This text is part of the TITUS edition of John Chrysostom, The Pearl.

Copyright TITUS Project, Frankfurt a/M, 5.3.2021. No parts of this document may be republished in any form without prior permission by the copyright holder.