TITUS
Nino of Cappadocia, Sermones
Part No. 2
Previous part

Text: 1  
Page of ed.: 86  
ნათლისღებისათჳს უფლისა ჩუენისა იესუ ქრისტჱსა

Line of ed.: 1  საკითხავი :. თქოჳმოჳლი :.
Line of ed.: 2  წ̃დისა :. დედისა :. ჩუენი\სა :.
Line of ed.: 3  ნინოჲსი :. ნათლის\ღებისა :.
Line of ed.: 4  თჳს :. ო̃ლისა :.
Line of ed.: 5  ჩ̃ნისა :. ი̃ჳ ქ̃ჱსა :.


Page of ed.: 87  
Line of ed.: 1       Ⴌათელი არს ღ̃ი , ნათელი არს პირველი : და დიდის სასყიდლისაჲ
Line of ed.: 2    ნათელი არს დასაბამი დაოჳსაბამოჲ , ოჳხილავი და გარე შეოჳწერელი :
Line of ed.: 3    ნათელი არს მდ̃ს ბრწყინვალჱ . ნათელი არს ოჳზეშთაესი . ნათელი და
Line of ed.: 4    ყოვლადვე ელვარჱ და გამობრწყინვებოჳლარს სამარადისოჲსა ნათლისაგან .

Line of ed.: 5       Ⴄრთ გჳრგჳნოსნებისაგან სამეოჳფოჲსა : დაოჳსროჳლებელისა : და
Line of ed.: 6    ოჳჟამოჲსა და თანა შეტყბობილ არს ოჳზეშთაჱსსა მას ნათელსა სამარა\დისოსა :
Line of ed.: 7    და განოჳყოფელად . ნათელი არს სამი მზის თოჳალთაჲ და სწო\რად
Line of ed.: 8    ბრწყინვალჱ მიოჳწდომელი და შეოჳრყეველი :

Line of ed.: 9       Ⴌათელი არს ოჳზეშთაჱსი ყლ̃თაჲ და მდ̃ს ელვარჱ . თჳთ გამო\ბრწყინვებოჳლი
Line of ed.: 10    და ზოგად სწორი პატივითა დაუსაბამოჲ არს და დაო\ჳსროჳლებელი
Line of ed.: 11    კეთილი , რ̃ლისაგან იქმნა დამტკიცებოჳლ ნათელი იგი
Line of ed.: 12    მეორჱ ბრწყინვალებათაჲ .

Line of ed.: 13       Ⴀნგელოზთასა ვიტყჳ და ყ̃ლთა მღჳძარეთა ძალთა ზეცისათა : .

Line of ed.: 14       Ⴞ̃ ჭეშმარიტად არს ჩ̃ნდა მისგამო დაწყებაჲ . რ̃ი სახჱ საკჳრვე\ლი
Line of ed.: 15    ჴმა ყო წინა წ̃მყლმან ესაია და თქუა . რ̃ ნათელ არიან ბრძანებანი
Line of ed.: 16    შენნი ქყ̃ნასა ზ̃ა .

Line of ed.: 17       Ⴃა იგივე სხოჳასა ადგილსა იტყჳს : "ნათელ იღე . ნათელ იღე , იჱ̃მ ,
Line of ed.: 18    რ̃ მოწევნოჳლ არს ნათელი შენი" .

Line of ed.: 19       Ⴃა კოჳალად : "ერი , რ̃ი სხდა ბნელსა , იხილა ნათელი დიდი" . და
Line of ed.: 20    მერმე "მოვედით და მივიდეთ ნათელსა ო̃ისასა" :

Line of ed.: 21       Ⴃა კოჳალად იტყჳს : "იყავნ ნათელი ო̃ლისა ღუთისა ჩუენისაჲ
Line of ed.: 22    ჩუენ ზედა" .

Line of ed.: 23       Ⴃა სხოჳასა სადამე იტყჳს : "მიგცე შენ ნათლად წარმართთა ახილ\ვად
Line of ed.: 24    თოჳალთა ბრმათასა" .

Line of ed.: 25       Ⴋეცნიერებასა ვიტყჳ ჭეშმარიტისა ღ̃თის მსახოჳრებისასა . და წი\ნაჲსწარ
Line of ed.: 26    პატივ ცემოჳლსა რ̃ლისაგან დიდისა მართლისა აბელისსა : და დიდი
Line of ed.: 27    მღდელთ მოძღუართა შ̃ს ზაქარია იტყჳს . მზისა სიმართლისათჳს .

Page of ed.: 88  
Line of ed.: 1       Ⴂამოჩინებად მათ ზ̃ა , რ̃ნი სხენან ბნელსა და აჩრდილთა სი\კუდილისათა :
Line of ed.: 2    და მეორჱ ზაქარია წნ̃წყლი ღ̃ღადებს . "ვხედევდ კ̃ცსა და
Line of ed.: 3    მზის აღმოსავალ იყო სახელი მისი : . და ღ̃თისა მამაჲ დავით ილოცავს
Line of ed.: 4    ო̃ლისა მიმართ და იტყჳს "ნათლითა პირისა შენისაჲთა ვიხილეთ ჩ̃ნ ნა\თელი" :
Line of ed.: 5    სადაჲაცა იგი მებრ ჭეშმარიტად ზ̃ა წარმოიღებს და იტყჳს .
Line of ed.: 6    "ნათელი გამობრწყინდა მართალთა ზ̃ა და გულითა წრფელთა სიხარო\ჳლი" : .

Line of ed.: 7       Ⴃა სხოჳას ფსალმუნი იტყჳს : "ო̃ი ნათელ ჩუენდა და მაცხოვარ
Line of ed.: 8    ჩ̃ნდა" და მერმე . "ო̃ო , ნათლითა პირისა შენისაჲთა ვიდოდიან" :

Line of ed.: 9       Ⴞ̃ დიდად ბრძენი სოლომონ იტყჳს : "ნათელი მართალთაჲ მ̃დს"
Line of ed.: 10    და თჳთ იგივე იტყჳს . "ნათელ არს და დაოჳჭნობელ სიბრძნჱ" : . მასვე
Line of ed.: 11    დანიელ იტყჳს . "ვიხილე მამაკაცი და ნათელი შორის მისსა" .

Line of ed.: 12       Ⴃა ოჳწინარჱს მრავალთასა დიდმან მოსჱ გოჳაოჳწყა ვ̃დ "თქუა
Line of ed.: 13    ღ̃ნ . იყავნ ნათელი . და იყო ნათელი" . და ზ̃ა წარმოიღებს და იტყჳს :
Line of ed.: 14    "იხილა ღ̃ნ ნათელი იგი რ̃ კეთილარს" : და წინაჲთვე აოჳწყებს შორით :

Line of ed.: 15       Ⴌათელი გამობრწყინდა წარმართთა ზ̃ა . საღმრთოსა და კაცობრივ\სა
Line of ed.: 16    იტყჳს რ̃ლსაცა თჳთ ცხოვრებად სახელ სდებს და იტყჳს . "ხედვიდეთ
Line of ed.: 17    ცხოვრებასა თქ̃ნსა ძელსა ზ̃ა დამოკიდებულსა წ̃ე თოჳალთა თქ̃ნთა და
Line of ed.: 18    არა გრწმენჱს ცხოვრებისა თქ̃ნისაჲ : .

Line of ed.: 19       Ⴀმას ნათელსა დაოჳსაბამოსა გამოაცხადებს იოვანჱ ღ̃თის მეტყო\ჳელი
Line of ed.: 20    ახალსა აღთქოჳმასა შინა :

Line of ed.: 21       "Ⴈყო ნათელი ჭეშმარიტი . რ̃ი გაგანათლებს ყოველსა კაცსა მომა\ვალსა
Line of ed.: 22    სოფლად . და ვ̃დ ღ̃ი ნათელარს . და არა არს ბნელი მისთანა
Line of ed.: 23    არცა ერთ : და კოჳალად : მე ნათელი მოვივლინე სოფლად" :

Line of ed.: 24       Ⴃა მერმე "მე ვარ ნათელი სოფლისაჲ და რ̃ი მოვიდეს ჩემდა ,
Line of ed.: 25    დაიმკჳდროს ნათელი" : და ფსალმოჳნსა შინა იტყჳს : "მარჯოჳენემან შენ\მან
Line of ed.: 26    და მკლავმან შენმან და ნათელმან პირისა შენისამან" .

Line of ed.: 27       Ⴐ̃იცა იგი მომცემელმან ყოველის კეთილისმან ღ̃ნ ოჳწოდა ნა\თელ
Line of ed.: 28    კეთილ . და თქოჳა : "იხილა ღ̃ნ ნათელი რ̃ კეთილარს" : .

Line of ed.: 29       ესე არს რ̃ი ქალწოჳლისაგან ხარებოჳლ იყო გამობრწყინვებაჲ
Line of ed.: 30    ნათლისაჲ , რ̃ა განაქარვოს ბნელი კერპთ მსახოჳრებაჲ :

Line of ed.: 31       Ⴐამეთუ ვ̃ა სახედ საჩინოსა მას სოფელსა მზისა ნათელი განაბრწყინ\ვებს
Line of ed.: 32    ესრჱთვე ოჳხილავთა ესრე ღ̃ი განანათლებს :

Line of ed.: 33       Ⴐ̃ ღმერთი თჳთ შოჳენიერებით და თჳთ ელვარჱ გამობრწყინვე\ბოჳლითა
Line of ed.: 34    მადლითა არს : ესე არს , რ̃ი არს მამაჲ და ძჱ და ს̃ლი ყლ̃დ
Line of ed.: 35    წმიდაჲ ერთ არსებაჲ ოჳწინარჱს საოჳკოჳნეთა და არს ოჳკოჳდავებისა
Line of ed.: 36    ბოჳნებაჲ . რ̃ისა გამოჩინებაჲ თჳსობისაჲ ჭეშმარიტ არს :

Page of ed.: 89  
Line of ed.: 1       Ⴞოლო ბოჳნებაჲ ერთ არს სამნი სავსებით სრულნი . სამ გუამოვნებანი
Line of ed.: 2    გამოჭეშმარიტებით ბრწყინვალჱ : . და ერთი სროჳლი საოჳკოჳნოჲ ნათე\ლი
Line of ed.: 3    და სამნი დაუსაბამონი სამარადისონი განოჳშორებელნი და შეოჳყო\ფელნი
Line of ed.: 4    და ერთ ხატ სწორ პატივითა .

Line of ed.: 5       Ⴃა ოჳჴრწნელებითა . რ̃ლთა ღ̃თებაჲ ერთ არს , ბოჳნებაჲ იგივე
Line of ed.: 6    არს და ძლიერებაჲ დაოჳსროჳლებელი . ჴელმწიფებითა თჳთ ოჳფალ არიან .
Line of ed.: 7    პეტობაჲ ერთ არს , მეუფებაჲ ერთი და გჳრგჳნი დაუჳსრული : .

Line of ed.: 8       Ⴌათელი ერთ არს და სამნი გამოტევებოჳლნი მზისა თუალნი დაოჳწ\ყოჳედელნი .
Line of ed.: 9    ბოჳნებაჲ ერთი არს და იგივე სამნი ნათელნი .

Line of ed.: 10       Ⴗოვლისა მპყრობელობაჲ ერთ არსებითა აქუს . რ̃ სრული ღ̃ი არს
Line of ed.: 11    მამაჲ და სრული ღ̃ი არს ძჱ და სრული ღ̃ი არს ყ̃ლდ წ̃ჲ სული .
Line of ed.: 12    ბოჳნებაჲ ერთი არს და იგივე ღ̃ეებაჲ . და არა განვკუეთო ხ̃ ერთ არ\სება
Line of ed.: 13    არს ოჳკოჳდავი , გარნა თჳს თჳსობაჲ განვყო :

Line of ed.: 14       Ⴐ̃ მამაჲ მ̃დს მამაჲ არს და არა იცვალების ძედ გინათოჳ სოჳ\ლად
Line of ed.: 15    და ს̃ლი მ̃დს ს̃ლი არს და არა იცვალების მამად გინათოჳ ძედ ,
Line of ed.: 16    რ̃ ს̃ლი არა მშობელ არს და არცა შობილ .

Line of ed.: 17       Ⴀ̃დ ს̃ლი ღ̃თისა პირისაჲ არს და შთაბერვა ქ̃ჱს ითქოჳმის . და
Line of ed.: 18    არს გამოდინებაჲ სამარადისოჲ და დაოჳწყოჳედელი შემკოჳლი სამი
Line of ed.: 19    ბრწყინვალებაჲ ნათლისა ღ̃თებისაჲ , სამი არს ბუნებაჲ სიტყოჳაჲ და
Line of ed.: 20    ს̃ლი არს და ერთ არსებაჲ ღ̃ჲ :

Line of ed.: 21       Ⴈშვა მამისაგან სიტყოჳაჲ განცხადებოჳლად სროჳლი გოჳამი ვ̃ა
Line of ed.: 22    მდინარჱ წყაროჲსაგან და ანოჳ თოჳ ვ̃ა შტოჲ მდინარისაგან განიყოფ\ვის
Line of ed.: 23    და არა მოაკლდების

Line of ed.: 24       Ⴂანა ვ̃ა სოჳეტი ნათლისაჲ . და ნათელი მზისაგან გამობრწყინე\ბოჳლი
Line of ed.: 25    დაოჳსროჳლებელი და ოჳჟამოჲ თქოჳმოჳლისაებრ . თოჳ ვ̃ა
Line of ed.: 26    მამასა აქოჳს ცხორებაჲ თავისა თჳსისა თანა ეგრეცა ძესა მისცა რ̃ა
Line of ed.: 27    აქოჳნდეს ცხორებაჲ თავისა თჳსისა თანა .

Line of ed.: 28       Ⴅ̃ა იტყოდა შემდგომად ამისსა "ვ̃ეღა ვარ სოფელსა ამას ნა\თელი
Line of ed.: 29    ვარ სოფლისაჲ" . და მრავალთა წინასწარმეტყუელთა და მართალთა
Line of ed.: 30    სწადოდა ხილვაჲ და ვერ იხილეს , და სმენად და არა ესმა : და ვიდოდეთ
Line of ed.: 31    ნათელსა ვ̃ეღა ნათელი თქუენ თანა არს .

Line of ed.: 32       Ⴐამეთუ მოგზაოჳრ იქმნების ვ̃ა ნაზარეველი სანახეთაგან გალილეაჲ\სათა .
Line of ed.: 33    კაცობრივ ოჳქცეველი ღ̃თებითა . და განსროჳლებოული კაცებითა :
Line of ed.: 34    მოვალს და მოიწევის ხერთჳისთა შესაყოფელთა იორდანისა მდინარისა
Line of ed.: 35    შემთხოჳევად დიდისა ქადაგისა იოვანჱ ნათლის მცემლისა : რ̃ა ნათელ
Line of ed.: 36    იღოს : მისგან სიმდაბლით ჴორცითა ამითვე კაცობრივითა სიგლახაკითა :

Page of ed.: 90  
Line of ed.: 1       Ⴐ̃ლისა იგი ღროჳბელნი მტოჳერ არიან ფერჴთა მისთა : რ̃ნ იგი
Line of ed.: 2    დაჰბეჭდა ოჳფსკროჳლთა ზღვისათა მოძღოჳრებისა სიტყჳთა მამოჳლისა
Line of ed.: 3    არსებითა ბუნებითა .

Line of ed.: 4       Ⴐომელი არა ვინ იხილა დაბადებოჳლთაგანმან და ვერცა ვის ჴე\ლეწიფების
Line of ed.: 5    ხილვად მისა :

Line of ed.: 6       Ⴐომელი იგი დაოჳსაბამოჲ და ოჳჟამოჲ არსებაჲ არს : რ̃ი იგი იხილა
Line of ed.: 7    დიდმან აღდგომილმან ნაშობმან დედათა შ̃ს იოანე : მეყსეოჳლად თითი\თა
Line of ed.: 8    ოჳჩოჳენებდა მას სიმრავლესა კრებოჳლისასა . ზეგარდამო ქონებითა
Line of ed.: 9    ქონებითა ბრძანებისა̃თა ეტოყდა მათ : "აჰა კრავი ღ̃ჲ , რ̃ნ აიხოჳნეს
Line of ed.: 10    ცოდვანი სოფლისანი და შემდგომი ამისი :

Line of ed.: 11       Ⴋაშინ დასაბამს ჰყოფდა ნათლის ღებასა ჭეშმარიტის გამოხსნისა
Line of ed.: 12    მსახოჳრებისასა რ̃ი იყო ცხორებისათჳს ყ̃ლისა სოფლისა და განთავი\სოჳფლებისათჳს
Line of ed.: 13    კერპთ მსახოჳრებისა შეკროჳლებათა ითხოვდა ჴელის
Line of ed.: 14    დადებასა ნათლის ღებისასა დიდისა იოვანჱსაგან .

Line of ed.: 15       Ⴅ̃ა იხილა იგი შეძრწოჳნდა და მიოჳგებდა განკჳრვებოჳლი ში\შით
Line of ed.: 16    და იტყოდა მისა მიმართ .

Line of ed.: 17       ჵ ოფალო ჩემდა ჯერ არს შენ მიერ განწმედაჲ რ̃ი განმწმედელი
Line of ed.: 18    ხარ ყ̃ლთა წმიდათაჲ და შენ ჩემდა მოხოჳალა" : .

Line of ed.: 19       Ⴙემდა ჯერ არს შენ მიერ ნათლის ღებაჲ , რ̃ი ეგე წყაროჲ ხარ
Line of ed.: 20    ნათლისაჲ და დასაბამი უჴრწნელისა და ჭეშარიტისა ცხორებისაჲ . ჩემდა
Line of ed.: 21    ჯერ არს შენ მიერ განწმედაჲ .

Line of ed.: 22       Ⴅითარცა მ̃დის ყ̃ლდ წ̃დისა და ცხორების მომცემელისა წყა\როჲსაგან .
Line of ed.: 23    ვ̃ა განჴრწნადსა ოჳჴრწნელისა ნათლისაგან .

Line of ed.: 24       Ⴅ̃ა მოკოჳდავს განმაცხოველებელისა ძლიერებისაგან . ვ̃ა დაბადე\ბოჳლსა
Line of ed.: 25    დამბადებელისაგან : ჩემდა ჯერ არს შენგან ნათლის ღებაჲ ვ̃ა
Line of ed.: 26    რაჲ მცირისა სანთლისა დიდისაგან ალებრ საჴოჳმილისა გინა თოჳ ვ̃ა
Line of ed.: 27    ვარსკოჳლავსა ხილვითა მბდჳნვარესა დიდისა ბრწყინვალისა მზის თოჳალი\საგან :

Line of ed.: 28       Ⴐ̃ი ეგე შემოქმედი ხარ ყ̃ლთა განმანათლებელთაჲ შენ ჩემდა მო\ხოჳალა :
Line of ed.: 29    მიოჳგო ყ̃ლითურთ სახიერმან მშჳდმან და კაცთმოყვარემან .
Line of ed.: 30    და ჰქუა სიმშჳდითა და ფ̃დ სიმდაბლითა .

Line of ed.: 31       "Ⴋომიშოჳ , აწ ესრეთ ჯერ არს აღსროჳლებად ყ̃ი სიმართლჱ
Line of ed.: 32    რ̃ არა არს ჟამი სიმართლისა მამოჳლისა ჴელმწიფებისა დიდად გამობრწ\ყინვებისა
Line of ed.: 33    და გულის სათქოჳმელისა ჟამისაჲ :

Line of ed.: 34       Ⴀრამედ სიმდაბლისა კაცობრივისა ხატისა მიწისაგანისაჲ დაბადებოჳ\ლისაჲ
Line of ed.: 35    და მსახოჳრებისა ჟამი . რ̃ არა მოვედ რათამცა ვიმსახოჳრე ა̃დ მსა\ხოჳრებად
Line of ed.: 36    და მიცემად თავისა ჩემისა საჴსრად მრავალთათჳს :

Page of ed.: 91  
Line of ed.: 1       Ⴐამეთოჳ მოვედ რათა გზა ვექმნე შეცთომილთა და წინამძღჳარ
Line of ed.: 2    სოფლისა ამის ოჳდაბნოჲსა მშიერთა სიტყჳსა მიმართ ცხორებისა :

Line of ed.: 3       Ⴋოვედ ნათლისა მის საცნაოჳრისა გამობრწყინვებად მათ ზედა . რ̃ნი
Line of ed.: 4    სხენან ბნელსა და აჩრდილთა სიკოჳდილისათა კერპთ მსახოჳრებისა მი\მართ
Line of ed.: 5    და ყოვლისა არა სათნოჲსა საქმისა :

Line of ed.: 6       Ⴋოვედ განკოჳრნებად წყლოჳლებათა შეცდომილთა ჴელსა ქოჳეშჱ
Line of ed.: 7    უჴორცოთა ანგელოზთასა : მოვედ მოქცევად იერიქოებრთა მრავალ სახე\თა
Line of ed.: 8    შეცდომილებისა გზათაგან ადამეანთა ნათესავთა :

Line of ed.: 9       Ⴋოვედ მწყსად პირმეტყოჳელთა ცხოვართა შეცდომილთა სასიკუ\დინოთა
Line of ed.: 10    საძოვართაგან და შოჳათაგან მრავალ თავისაჲ მის ვეშაპისათა
Line of ed.: 11    გამოტაცებად და წინა ძღომად მათა ცხორებასა ზეცისა ი̃ჱმისასა :

Line of ed.: 12       Ⴋოვედ წოდებად კოჳალად ოჳძღებისა მის შვილისა მრავალ სა\ცთოჳრთა
Line of ed.: 13    შეცოდებათაგან .

Line of ed.: 14       Ⴀრა თოჳ რათა დავსაჯო იგი ოჳწინარჱს ჟამისა . ა̃დ განვსწავლო
Line of ed.: 15    იგი სინანოჳლად : რამეთოჳ არა მოვედ დაშჯად არამედ განთავისოჳფლებად
Line of ed.: 16    საშჯელისაგან :

Line of ed.: 17       Ⴞოლო მას ვ̃ა ესმეს ესე ვითარნი სიტყოჳანი მეყსეოჳლად დააყენა
Line of ed.: 18    თავი თჳსი სიტყჳს გებისაგან და დადოჳმნა და ჰრცხოჳენოდა საშინელითა
Line of ed.: 19    შეძრწოჳნებითა ყოველთა მჴსნელისაგან :

Line of ed.: 20       Ⴞოლო ო̃ნ განიშიშულა თავი თჳსი განჴრწნადისა სამოსლისაგან და
Line of ed.: 21    შთაჴდა წყალთა მათ ნათლის ღებად : და განჰჴსნნა საკრველნი ცოდვისნი
Line of ed.: 22    ყოვლისა სოფლისანი .

Line of ed.: 23       Ⴘეკრთა ვეშაპი იგი განოჳჴსნელითა საკრველითა სიბოროტისა წამ\ლითოჳრთ
Line of ed.: 24    ფერჴთა ქოჳეშჱ ყოველთა მორწმოჳნეთა თჳსთა :

Line of ed.: 25       Ⴋას ჟამსა მოიღო ბრძანებაჲ ნათლის მცემელმან მისგან სიწმიდი\სა
Line of ed.: 26    მადლითა განწმედაჲ წყალთაჲ . მერმჱღა ჴელისა დადებით ნათელ სცა
Line of ed.: 27    ო̃ა მიშოჳებითა ღუთივ ჴელმწიფებისაჲთა :

Line of ed.: 28       Ⴋას ჟამსა იორდანჱ დიდი იგი მდინარჱ შეძრწოჳნდა შიშითა ოჳ\ხილავისა
Line of ed.: 29    დიდებისაგან შოჳენიერებისა ღუთეებისა და ოჳკოჳნიქცა კუალად
Line of ed.: 30    თჳსსავე ვ̃ა აღჳრ სხმოჳლი დიდად პატიოსნისა დიდებისაგან და დაოჳს\როჳლებელისა
Line of ed.: 31    ჴელმწიფებისა .

Line of ed.: 32       Ⴑადაჲ̃თცა იგი ჟამსა მას დიდებანი ღ̃თისა იჱ̃ლისანი გამოჩნდეს
Line of ed.: 33    ღელვა მოქცევთა ზ̃ა წყალთა .

Line of ed.: 34       Ⴂამობრწინდეს ნათელი ზედა მაცხოვარსა გამოუცხადნა : ყოველთა
Line of ed.: 35    ცისკიდეთა გჳრგჳნი ნათლისაჲ სამებისა სარწმოჳნოებაჲ .

Page of ed.: 92  
Line of ed.: 1       Ⴐ̃ლისათჳს ყ̃ლდ წმიდაჲ სული ვ̃ა სპეტაკ შემოსილი ტრედი მო\ვიდოდა
Line of ed.: 2    ზეცით მოაქოჳნდა ჴელით ოჳქმნელი იგი გჳრგჳნი და დაადგმი\და
Line of ed.: 3    თავსა მისსა :

Line of ed.: 4       Ⴞოლო მამამან ჴმა ყო ზეცით და წამა მისთჳს : "ეგე არს ძჱ ჩემი სა\ყოჳარელი ,
Line of ed.: 5    ღ̃ი ჭეშმარიტი ღ̃თსაგან ჭეშმარიტისა , სასოჲ ცხორებისაჲ
Line of ed.: 6    ყ̃ლისა სოფლისაჲ" .

Line of ed.: 7       Ⴋას ჟამსა დასნი იგი ზეცისა მღუძარეთანი გარე მოადგეს დიდად
Line of ed.: 8    მღელვარესა ღუთის შემწყნარებელსა მას მდინარესა . ერთობის ჴმითა ღა\ღადებდეს
Line of ed.: 9    ოჳხილავად გამოუთქოჳმელისა მიმართ ღ̃თისა ძლევისა გალო\ბასა
Line of ed.: 10    სამგზის წმიდითა ჴმითა .

Line of ed.: 11       Ⴀკოჳრთხევდეს დაოჳსაბამო თანა არსსა უკუდავებისა ერთა სებასა :
Line of ed.: 12    მასვე ვიტყჳ მაღლად გამობრწყინვებოჳლსა სამებასა ვ̃ა იგი თქუა მო\ციქოჳლმან :
Line of ed.: 13    რ̃ლსა აქოჳს მხოლოსა ოჳკოჳდავებაჲ და ნათელსა შინა
Line of ed.: 14    დამკჳდრებოჳლ არს მიოჳწდომელსა .

Line of ed.: 15       Ⴃა ესრჱთ აღასროჳლა დიდი იგი საიდოჳმლოჲ . წ̃დისა მის ნათ\ლის
Line of ed.: 16    ღებისაჲ იორდანესა : .

Line of ed.: 17       Ⴀმიერითგან განვალს ოჳდაბნოდ ძალითა სულისა წ̃დისაჲთა სამხი\ლებელად
Line of ed.: 18    მტერისა რ̃ი იგი არს კაცთა ნათესავისაჲ . რ̃ი იგი მართლ
Line of ed.: 19    ოჳკოჳნ იქცა .

Line of ed.: 20       Ⴃა სირცხჳლეოჳლი განდევნა მისგან ორმეოცისა დღისა დიდითა მით
Line of ed.: 21    მარხვითა აჴოცით დაადნო იგი ვ̃ა რაჲ ცჳლი მზისა თოჳალისა გამოსატე\ვებელთაგან :
Line of ed.: 22    ჴელისა მიერ ჴორცთ შესხმისა თჳსისა სამ გზის გამოცდისა : .

Line of ed.: 23       Ⴋოჳნით მოვალს კოჳალად გალილეაჲთ კერძოთა მათ : და ჰყოფს
Line of ed.: 24    შეკრებასა ათორმეტთა მოწაფეთასა . რ̃ლთაცა იგი წინაჲსწარ პატივ
Line of ed.: 25    ოჳპყრობს ოჳმეტეს ოჳფროჲს ყ̃ლთა თანა ნაშობთა კაცთაჲსა . ოჳწოდა
Line of ed.: 26    მათ : არაჲ ხოლო თუ მარტოდ სანთლები სიმაღლისაებრ ძოჳელისა შჯო\ჳლისა :
Line of ed.: 27    დავითისსა ვიტყჳ შარავანდედისა და წინასწარმეტყუელისასა . და
Line of ed.: 28    კოჳალად იოვანჱ ნათლის მცემლისასა :

Line of ed.: 29       Ⴀრამედ ახლისა ხარებისაებრ და სარწმოჳნოებისა გჳრგჳნოსნებისა
Line of ed.: 30    მადლითა ოჳწოდს მათ ნათლად სოფლისა : არა თოჳ ვ̃ა პირველთა :
Line of ed.: 31    რ̃ლნი მშიერ და წყოჳრიელ იყვნეს საცნაურისა მის მადლისა .

Line of ed.: 32       Ⴎირველთა მათ მართალთასა ვიტყჳ : რომელთა იგი წყაროჲ მარ\ტოდ
Line of ed.: 33    ხოლო აქოჳნდა გამომცენარჱ ქ̃ყნით სარწყავად პირისათჳს ქ̃ყნისა
Line of ed.: 34    ვ̃ა ხარკისაჲ დადებოჳლი ბრძანებისა წესისაჲ ცხოველს მყოფელისა ძა\ლისაჲ .

Page of ed.: 93  
Line of ed.: 1       Ⴄსე იგი არს საწინასწარმეტყველო იგი ხ̃ მადლი ა̃დ სავსებით
Line of ed.: 2    სროჳლი იგი ნათელი ვერ იხილეს გარნა ოთხთა მათ ხ̃ მახარებელთა
Line of ed.: 3    რ̃ნი ემსგავსნეს ოთხ თავად განყოფილთა მათ მდინარეთა : რ̃ლნი ედემ\ეანისა
Line of ed.: 4    მთისაგან საქალწულოჲსა სიმაღლისაგან მოივლინნეს განბანისათჳს
Line of ed.: 5    და ნათლის ღებისათჳს და სროჳლისა ღუთისა მეცნეირებისათჳს კათო\ლიკჱ
Line of ed.: 6    სამოციქულო ეკლესიაჲსა .

Line of ed.: 7       Ⴐომლისა იგი შორით გული უთქმიდა სახარებისა ჴმისაებრ . მარ\თალთასა
Line of ed.: 8    ვიტყჳ და წნასწარმეტყველთასა : რომელთა იგი არა მისცალდა
Line of ed.: 9    თოჳალითა ხილვაჲ მიოჳწდომელისაჲ მის და დაოჳსროჳლებელისა ნათ\ლისა : .
Line of ed.: 10    რომლისაჲ იგი წინაჲსწარ თქუა ღ̃ნ გამოჴსნაჲ : ჴელისა მიერ
Line of ed.: 11    ჯურისაჲ .

Line of ed.: 12       Ⴐ̃ ვ̃ე პირველ ჯოჳარისა ცხოველს მყოფელისამდე რომელსა ზ̃ა
Line of ed.: 13    დამოეკიდა ტევანი იგი ცხორებისაჲ სიხაროჳლისათჳს ყ̃ლთა კიდეთა სოფ\ლისათა .

Line of ed.: 14       Ⴋას ჟამსა საკანდლენი იგი მართალთანი ითქოჳმოდეს მდჳნვარეჱ :
Line of ed.: 15    ხ̃ შემდგომად ჯ̃რისა და სულისა განთავისოჳფლებისა არღარა ეწო\დების
Line of ed.: 16    აწ ამათ მდჳნვარჱ ა̃დ განმანათლებელ სოფლისა . რ̃ლ იგი
Line of ed.: 17    იწოდნეს პირისაგან ღუთისა დასნი შჳდგზის ნათლისანი ზ̃ა ქუეყანასა დი\დად
Line of ed.: 18    პატიოსანნი ნათელნი :

Line of ed.: 19       Ⴐომელთა იგი ოჳწოდა მათ ჴმითა მოციქოჳლ : რომელთა აღოჳთქო\ჳა .
Line of ed.: 20    რ̃ა იყვნენ იგინი მსახოჳრ ოჳფროჲს ხ̃ და ეზოჲს მოძღოჳარ მად\ლისა
Line of ed.: 21    სიტყოჳათა : და არა ხ̃ თოჳ ასე . ა̃დ აღცაოჳთქოჳა მათ ვ̃დ კო\ჳალად
Line of ed.: 22    შემდგომად მცირედთა დღეთა დასხდეთ თქუენ ათორმეტნი ათორ\მეტთა
Line of ed.: 23    საყდართა განშჯად ათორმეტთა ნათესავთა იჱ̃სათა :

Line of ed.: 24       Ⴅ̃ა ოჳმაღლჱს არიან ჭეშმარიტად ოჳფროჲს ყ̃ლთა მართალთა\სა .
Line of ed.: 25    და სწორ თჳსისა სიმდიდრისა . აწ დასაბამსა ჰყოფს ამიერითგან ჴორ\ციელად .

Line of ed.: 26       Ⴑასწაოჳლი საქმეთა : გარდასცვალებს წყალთა ღჳნოდ . მიიწოდების
Line of ed.: 27    ქორწილსა მას თჳსით სანატრელით დედით და მოწაფეთა დასითოჳრთ
Line of ed.: 28    საიდოჳმლოჲსა აღსროჳლებად . რ̃ი იგი იყო კანას გალილეაჲსასა მესა\მესა
Line of ed.: 29    მას გამოჩინებოჳლსა დღესა : .

Line of ed.: 30       Ⴋიერითგან გამოჩნდებოდა მოწოდებაჲ წარმართთაჲ კრებოჳლისა
Line of ed.: 31    დიდისა მიმართ ნათლისა წ̃დისა სამებისა სარწმჳნოებასა ერთისა მიმართ
Line of ed.: 32    გოჳამისა კათოლიკჱ ეკლესიასა ნათლის ღებითა . მამისა და ძისა და
Line of ed.: 33    ყ̃ლდ წ̃დისა სულისა მიმართ . განოჳყოფელისა ერთარსებისა სამებისა წ̃\დისა
Line of ed.: 34    რომლისაჲ არს დიდებაჲ ოკ̃თი ო̃კე ა̃ნ :

This text is part of the TITUS edition of Nino of Cappadocia, Sermones.

Copyright TITUS Project, Frankfurt a/M, 5.3.2021. No parts of this document may be republished in any form without prior permission by the copyright holder.