TITUS
Kartuli Samartlis Dzeglebi II
Part No. 8
Previous part

Text: 8.  
Line of ed.: 23  8. [ანდერძი დავით აღმაშენებელისა]

Line of ed.: 24  [1125 წ.]


Manuscript page: 321 
Line of ed.: 25        გიბრძანებს და მოგაჴსენებს მეფეთა-მეფე დავით,
Line of ed.: 26     დღეთა შინა სიკუდილისა და სოფლით განსლვისა მისისათა, ჩემ
Line of ed.: 27     მიერ-უნდოჲსა და უღირსისა მლოცველისა მათისა ბერისა პირითა,
Line of ed.: 28     თქუენ, ყოველთა დიდებულთა და წარჩინებულთა სამეფოჲსა მი\სისათა:
Line of ed.: 29     კათოლიკოსთა, ეპისკოპოსთა, ერისთავთა და ყოველთა
Line of ed.: 30     შეწყალებულთა.

Page of ed.: 19  
Line of ed.: 1        უკუდავი და დიდებისა მოყუარე და მეფობისა ტრფიალი
Line of ed.: 2     მედვა ბუნებაჲ, და არა-მიოდეს მივიჴსენებდი დღესა ამას სამარა\დისოდ
Line of ed.: 3     საფლავად მისლვისა ჩემისასა, და ვერ უძლე დატევებად
Line of ed.: 4     საწუთოჲსა, ვიდრე არა დამიტევა მე საწუთომან და დამძიმებული
Line of ed.: 5     ცოდვათა სიმრავლითა მწუხარედ განმიყვანა წინაშე მსაჯულისა.

Line of ed.: 6        რამეთუ მრავალნი წყალობანი ჰყვნა ჩემ ზედა სოფელსა ამას
Line of ed.: 7     შინა: რამეთუ მომცა პირველად შვილი ესე ჩემი დიმიტრი, სი\ბრძნითა,
Line of ed.: 8     სიწმიდითა, ახოვნებითა და სიმჴნითა უმჯობესი ჩემსა.
Line of ed.: 9     და ნამდვილ ესევითარი ჯერ-იყო მეფე, მოცემული ღმრთისა მიერ
Line of ed.: 10     მკჳდრთათჳს სოფლისათა მართლ-მორწმუნეთა.

Line of ed.: 11        მე წარვედ წინაშე მსაჯულისა, მისისაებრ განმგებელი
Line of ed.: 12     მეფო/ბისა.

Line of ed.: 13        რამეთუ მხიარულ ჰყოფდის ყრმაჲ ესე დაფარულთა გულისა
Line of ed.: 14     ჩემისათა და მენებაცა მოცლა საწუთოჲსაგან მეფე-ყოფითა მაგი\სითა,
Line of ed.: 15     რომელი-ესე ღმერთმან და მე და ორის წლითგან მოძღუ\არმან
Line of ed.: 16     ჩემმან უწყით.

Manuscript page: 322 
Line of ed.: 17        გარნა მძლო საწუთომან, და წაღმართ ქადებულნი ჟამ\ნი
Line of ed.: 18     მიმტყუნავე, და მომაგო ჩემნი და მამისა ჩემისა ჭირნი, რომელ\თა
Line of ed.: 19     მიმიქცევიან ამისგან პირნი და თუალნიცა.

Line of ed.: 20        გარნა განბჭო მართლად-მსაჯულობამან ღმრთისამან და
Line of ed.: 21     ესერა მიწოდა მე, და უწოდა მაგას მეფობაჲ, მამული და ახლად
Line of ed.: 22     მოგებული ღუაწლითა ჩემითა და თქუენითა: ნიკოფსითგან დარუ\ბანდისა
Line of ed.: 23     ზღუადმდე და ოვსეთიდგან სოერად და არეგაწადმდე.

Line of ed.: 24        და მივანდვენ შვილნი და დედოფალნიცა, შუამდგომელობი\თა
Line of ed.: 25     ღმრთისაჲთა, რათა ძმაჲ მისი გაზარდოს. და თუ ინებოს ღმერთ\მან
Line of ed.: 26     და ვარგ-იყოს ცუატა, შემდგომად მისსა მეფე-ჰყოს მამულსა
Line of ed.: 27     ზედა, და დათა მისთა პატივ-სცეს, ვითარ შვილთა ჩემთა
Line of ed.: 28     საყუ/არელთა.

Line of ed.: 29        ამას ყოველსა თანა-წარ უძღუვანე წმიდაჲ ძელი ცხოვრებისაჲ
Line of ed.: 30     და მივეც დროშა ჩემი სვიანი, აბჯარნი ჩემნი სამეფონი და სა\ჭურჭლენი
Line of ed.: 31     ჩემნი ზემონი და ქუემონი.

Line of ed.: 32        ხოლო დრაჰკანი, კოსტანტი ცუატას და ჩემნი ლალნი
Line of ed.: 33     და თუალ-მარგალიტნი ხახულისა ღმრთისმშობლისადა შემიწირავს.

Page of ed.: 20  
Line of ed.: 1        ხოლო დუკატი და პოტინატი ატენისა საჭურჭლისა, იგიცა
Line of ed.: 2     ჩემითა სისხლითა მოგებული, თუ ელეოდეს მეფე დიმიტრი, ყო\ველი
Line of ed.: 3     მისცეს მოძღუარსა ჩემსა. თუ არა, ნახევრისათჳს წინაშე
Line of ed.: 4     ღმრთისა ვესაჯები, რათა რომელნი მონასტერნი მამულისა ჩემი\სანი
Line of ed.: 5     განმიმწარებიან, მოძღუარმან ჩემმან უკუნ-ცემითა მათითა
Line of ed.: 6     ალოცნეს ჩემთჳს.

Line of ed.: 7        ხოლო დარჩა მონასტერი სამარხავი ჩემი და საძუალე შვილ\თა
Line of ed.: 8     ჩემთა უსრულად და წარმყვა მისთჳსცა ტკივილი სამარადისოჲ.
Line of ed.: 9     აწ შვილმან ჩემმან მეფემან დიმიტრი სრულ-ჰყოს ყოვე\ლითურთ
Line of ed.: 10     საუკუნოდ ჩემთჳს და მისთჳს და მომავალთა ჩემთათჳს;
Line of ed.: 11     რომელნი მიმიცემიან, მისგან ნურას მოაკლებს.

Line of ed.: 12        და ადგილნი, რომელნი მიშოვებიან უმკჳდრონი და უმამუ\ლონი,
Line of ed.: 13     მათგანნიცა ვითარცა ბერმან არსენი და კათოლიკოსმან
Line of ed.: 14     გამოარჩიონ, მეფემან დიმიტრი მიცემითა წერილთა და სიგელ\თა
Line of ed.: 15     განასრულონ ყოველითურთ უნაკლულოდ.
Manuscript page:  



Next part


This text is part of the TITUS edition of Kartuli Samartlis Dzeglebi II.

Copyright TITUS Project, Frankfurt a/M, 10.3.2019. No parts of this document may be republished in any form without prior permission by the copyright holder.