TITUS
Frik, Diwan
Part No. 5
Previous part

Poem: 5   Ե.
Line: 4  FRIK
Line: 5  4-4 \\ 4-4


Line: 6  Verse: 43     Երբ որ յէգուց մեռնելու ես, քեզ ճար արա, ի՞նչ կու նայիս.
Line: 7  Verse: 44     Երբ աստէնըս չես կենալու, լաւ զանդէնի հոգսըն տանիս։
Line: 8  Verse: 45     Զսիրտըդ ամէն իրաց վերու, որ դու ի հետ քեզ պարապիս,
Line: 9  Verse: 46     Յանցաւորէս որ չի մընալ եւ ի յազգէ, զինչ որ ունիս։
Line: 10  Verse: 47     Զինչ տեսանես, որ կու գընայ, յիւրմէն այսաւր զի՞նչ ըզբաղիս,

Page: 268  
Line: 1  Verse: 48     Մի́ յանմեղաց ըզքեզ դատել, երբ կու գիտես, որ խափանիս։
Line: 2  Verse: 49     Այսաւր լալով ապաշխարէ, թէ ակն ունիս, որ զերծանիս,
Line: 3  Verse: 50     Մի́ պատճառել այսաւր յէգուց, թէ չէ մեղաւք ոտնակապիս։
Line: 4  Verse: 51     Զեղբայրն յառջե́ւըդ կու թաղեն, դառնաս ասես թէ՝ "դու ապրիս".
Line: 5  Verse: 52     Քեզ այլ հասնի մահն ի վերայ, զինչ ամենիս, որ կու նայիս։
Line: 6  Verse: 53     Զինչ պատուական իրք յաշխարհիս, զամէն թողուս եւ անցանիս,
Line: 7  Verse: 54     Ի մարմնաւո́րըս մի մընալ, թէ ճար մի կայ, որ չը քակիս։
Line: 8  Verse: 55     Որդեակ հէնց բա́նի պէտ արա, որ ի յայն կեա́նքըն դու շահիս,
Line: 9  Verse: 56     Մարմնոյ զաչուե́րըդ կուրացո, որ դու բընաւ ոչ սըղալիս։
Line: 10  Verse: 57     Գընա ի հա́նց տեղ բընակէ, որ առանձին դու մէն լինիս,
Line: 11  Verse: 58     Թէ չէ դու յե՞րբ կարես կենալ ի մէջ մարդկան, որ չը խաբիս։

Page: 269  
Line: 1  Verse: 59     Ծառայելոյ ժամըն գընաց՝ զերդ զերեկի զաւրն որ չունիս,
Line: 2  Verse: 60     Հորդէ, Ֆըրիկ, մի́ մարդ խաբել, մի́ սուտ վարուք կեղծաւորիս։
Line: 3  Verse: 61     Գընա ի հաւն դիր շինութիւն, որ յաւիտեան անհոգ լինիս,
Line: 4  Verse: 62     Այս կեանքըս գուբ է եւ խաւար, դու ի ձեռի́նըդ ջահ չունիս,
Line: 5  Verse: 63     Դարանակալն հունկայ թաքել, ճարտար քայլէ, որ չըմբըռնիս։
Line: 6  Verse: 64     Երբ ելանես՝ դու հանց գնա, որ յետ յաշխարհս այլ չը նայիս։
Line: 7  Verse: 65     Տարաժամել աւրս ու գընաց, լաւ ընկերացն ե՞րբ հասանիս։
Line: 8  Verse: 66     Մինչ դեռ ամառն է պէտ արա, որ ի ձըմե́ռըն չանկանիս,
Line: 9  Verse: 67     Ձիւնն ի վերայ լերանց իջաւ՝ յաջողութիւն դու քեզ չունիս։
Line: 10  Verse: 68     Թէ կալ ու կաս առնես այսաւր, ձիւնն ի վերայ գայ դու մըսիս,
Line: 11  Verse: 69     Երթայ արեւն եւ դու մընաս, ի շինութիւն չը հասանիս։

Page: 270  
Line: 1  Verse: 70     Զիւնն ալիքդ է ըսպիտակել ձըմեռն է այն, որ ուժ չունիս,
Line: 2  Verse: 71     Տե́ս, դա տըղայ չես անիմայ, աղէկ լըսէ՝ թէ խելք ունիս։
Line: 3  Verse: 72     Թո́ղ գայս խաւար աշխարհս ի բաց, լոյս աշխարհի թէ ակն ունիս.
Line: 4  Verse: 73     Զաստուած անցել զոք մի́ սիրել, որ դու ապա մարդ երեւիս։
Line: 5  Verse: 74     Թէ զպատուիրա́նըն դու պահես, հետ ընտրելոցն ամպով թռչիս,
Line: 6  Verse: 75     Թէ այս վարուքըս դու կենաս, ի յանուանէ դու շուտ կորչիս։
Line: 7  Verse: 76     Թէ դու լըսես այս խըրատիս, անանց լուսոյն շուտ հասանիս,
Line: 8  Verse: 77     Հերիք խըրատ է զոր տըւի, թէ այս բանիս դու սիրտ ունիս։
Line: 9  Verse: 78     Թէ չէ՝ գաղտէ զայդ քո լեզուդ, որ աւելի շատ չի խաւսիս,
Line: 10  Verse: 79     Քանի ձըրի խաւսք զըրուցես, որ ամենե́ւին շահ չունիս։
Line: 11  Verse: 80     Զաւրըն կասես՝ թէ կու գընամ, ի հետ մեղաց դեռ կու ապրիս,
Line: 12  Verse: 81     Թէ ի յաշխա́րհըս շատ կենաս, զինչ ժողոված ջուրն որ հոտիս։

Page: 271  
Line: 1  Verse: 82     Թէ շուտ ելնես ̆ի հաւսկի գընաս, դու փառք առնուս եւ հաստատիս,
Line: 2  Verse: 83     Թէ բարութեան դու ցանկանաս, դու Քրիստոսի լըսող լինիս։
Line: 3  Verse: 84     Թո́ղ զայս խաբող պատրանքս ի զատ, թէ դու ուզես եւ փարատիս։
Line: 4  Verse: 85     Դու ես Յիսուս Տէր եւ Աստուած՝ լե́ր դու բըժիշկ այս հիւանդիս.
Line: 5  Verse: 86     Դարձո́ զիս, Տէ՛ր, ի Քեզ կոչէ, զիս մի թողուր յանվայր վայրիս,
Line: 6  Verse: 87     Հրամայեցիր, թէ "Գամ խնդրեմ եւ ոչ թողում, որ մոլորիս"։
Line: 7  Verse: 88     Աւգնեա եւ դարձ տուր ի մեղաց, ժամըս հասաւ՝ յի՞նչ կու նայիս.
Line: 8  Verse: 89     Երես ի վայր եմ գըլորած, ի́մ Ապաւէն, կանգնեա́ Դու զիս։
Line: 9  Verse: 90     Երկըրպագեմ Քո տէրութեանդ, որ յիմ լեզուս զայս կու խաւսիս,
Line: 10  Verse: 91     Զայս անարժանս արժանացո, ես կու գիտեմ, որ կու կամիս։
Line: 11  Verse: 92     Յերանաւէտ ձայնըն կոչեա զինչ մըկըրտած են յաշխարհիս,

Page: 272  
Line: 1  Verse: 93     Դաւանողացս ըզՔեզ Աստուած, Դու քաղցրութեամբ սիրով նայիս։
Line: 2  Verse: 94     Զաջ Քո հըզաւր դիր պահապան, կարդացողաց եւ լըսողիս,
Line: 3  Verse: 95     Դու լեր քաւիչ մեղաց նոցա, որ յիւր աղա́ւթքըն յիշէ զիս։
Line: 4  Verse: 96     Աղաչանաց շուտ կու լըսես, խիստ կու գըթաս Քո պատկերիս,
Line: 5  Verse: 97     Փառք Անմահիդ յաւիտենից, յարարածոց երկըրպագիս։
Line: 6  Verse: 98     Դու ես հաստատ եւ կենդանի, որ յաւիտեան ոչ խափանիս,
Line: 7  Verse: 99     Երրորդութիւն սուրբ կատարեալ, որ յանարուեստ յաթոռ նըստիս։
Line: 8  Verse: 100     Եղանակա́ցըս Դու ես տէր, Անքըննելիդ՝ որ ոչ քըննիս.
Line: 9  Verse: 101     Քո է աթոռ եւ տէրութիւն, Աննըմանակ, յո՞վ նըմանիս.
Line: 10  Verse: 102     Սանդարամետք եւ զայս կամար Քո հրամանաւդ ի յոտն ունիս։
Line: 11  Verse: 103     Բոլորովիմբ զինչ արարեր՝ զերդ մարգարիտ ի բուռդ ունիս.

Page: 273  
Line: 1  Verse: 104     Ես հաւատամ ուղիղ հոգով, որ շուտ բանաս զաչըս կուրիս։
Line: 2  Verse: 105     Զի դու գըթած ես ւ̆ողորմած, մեղաւորաց մահ ոչ կամիս,
Line: 3  Verse: 106     Տէր ողորմեա́, Տէր ողորմեա́, այս բազմամեղ Քո ծառայիս։


Line: 4  ***


Page: 274  
Next part


This text is part of the TITUS edition of Frik, Diwan.

Copyright TITUS Project, Frankfurt a/M, 5.12.2017. No parts of this document may be republished in any form without prior permission by the copyright holder.