TITUS
Frik, Diwan
Part No. 6
Previous part

Poem: 6   Զ.
Line: 1  Verse: 1   ՆՈՐԻՆ Դարձեալ ՖՐԿԱՆՆ ասացեալ։
Line: 2  Verse: 2   ՈՂԲԱՆՔ ՈՐ ՅԱՐԵԱՆ ԱՅԼԱԶԳԻՔՆ Ի ՎԵՐԱՅ ՔՐԻՍՏՈՆԷԻՑ ԵՒ ԱՒԱՐ
Line: 3  Verse: 3   ՀԱՐԻՆ ԶՏԵՂԻ ՍՐԲՈԻԹԵԱՆՑՆ. Վասն ԱՆՄԻԱԲԱՆՈԻԹԵԱՆ ՔՐԻՍՏՈՆԷԻՑ։
Line: 4  4-4 \\ 4-4


Line: 5  Verse: 5     Որք որ լըսեն այս ողբերոյս, թող ըզմեղաց սուգըն պահեն,
Line: 6  Verse: 6     Բաներ ասեմ հաւանական, ուր կան գիտունք՝ ականջ դընեն։
Line: 7  Verse: 7     Զոր դուք գիտուն ազգ կու գիտէք, նոքա այլ խիստ մեղաց տէր են,
Line: 8  Verse: 8     Հաւատք ունին պայծառ զերդ լոյս, բայց ըզխաւա́րն կու սիրեն։
Line: 9  Verse: 9     Զամէն մէկի մեղք ցուցանեմ, թող զիս անգէ՛տքըն քամահեն։
Line: 10  Verse: 10     Ֆըռանգըն խեւ եւ անթապդիր, ըզպոռընկե́լըն մեղք չասեն։
Line: 11  Verse: 11     Հոռոմըն խիստ ամբարտաւան, Հայու՝ Ֆռանգին շուն կու ասեն.
Line: 12  Verse: 12     Մէկ որոգայթ մեղք այլ ունին, որ չէ պատեհ, որ յետ ասեն։
Line: 13  Verse: 13     ԸՌուսն արե́նխում մարդասպան, զիրեն զաւա́կըն կու ծախեն,

Page: 275  
Line: 1  Verse: 14     Թէ զԱւսն ասեմ կամ ըզՉարքազն, այլուիկ յըՌո́ւսըն նըման են։
Line: 2  Verse: 15     Վրացին է գող եւ հարամիկ, զդատ, զիրաւո́ւնքըն չը գիտեն.
Line: 3  Verse: 16     ԸզՂըպտին ասեմ եւ զՅակոբիկն՝ մէկ բնութիւն կու դաւանեն։
Line: 4  Verse: 17     Բայց նոքա այլ մեծ մեղք ունին, որ սարկաւագ սուրբ չը պահեն.
Line: 5  Verse: 18     Նեստորակա́նքըն չարագործ եւ անարժան պատարագեն։
Line: 6  Verse: 19     Ղուպն ու Հապաշն ու Գրիգորիէն յայս աշխարհէս խիստ ի զատ են.
Line: 7  Verse: 20     Հընդուն, Զանտիկն են խիստ անգութ, Մուղալն որդիս զիւրով անցնեն։
Line: 8  Verse: 21     Ոչ նոքա չեն առանց մեղաց, զաւրըն զիրար կու կոտորեն.
Line: 9  Verse: 22     Հայք բամբասողք ւ̆ յիշոցնատուք, որ ամենայն ազգ կու ատեն։
Line: 10  Verse: 23     Ամէնն ատողք են միմեանց, բեստէ աւտարք ըզմեզ կոխեն,

Page: 276  
Line: 1  Verse: 24     Գեմ Քրիստոնեայք մեծ մեղուց են, որ հանց յերկար դար կու քաշեն։
Line: 2  Verse: 25     Թող թապայ յոր ազգի մեղաց զեկեղեցի́քըն հալածեն.
Line: 3  Verse: 26     Գեմ վասն այնոր այս կու լինի, որ մէկ ըզմէկ խիստ կու ատեն։

Line: 4       3-4 \\ 4-4
Line: 5  Verse: 27     Հայրապետք արծաթասէր եւ յաւրինաց խիստ ի զատ են,
Line: 6  Verse: 28     Զ̆Քրիստոսի արեամբ գնածքս, եպիսկոպո́սքըն կու ծախեն։
Line: 7  Verse: 29     Թագաւո́րքն չը հաշտին, հետ միմեանց ոխ կու պահեն.
Line: 8  Verse: 30     Հանապազ զաւր ժողովեն եւ զմիմեանս ի սուր քաշեն։
Line: 9  Verse: 31     Եպիսկոպոսքն ըսպառնեալեաւք երթան ի ժամ եւ զըրուցեն,
Line: 10  Verse: 32     Բարկութեամբ միշտ լըցեալ են, խորհեն թէ զում փիլոն հանեն։

Line: 11       4-4 \\ 4-4
Line: 12  Verse: 33     Բարձով նըստին ի ժամատանն, յորում հրեշտա́կքըն կու սարսեն,
Line: 13  Verse: 34     Ապա նոքա վասն կաշառուց զմարդ խիլայեն եւ զընդանեն։
Line: 14  Verse: 35     Երբ որ հովիւքն են մոլորած ըզցրուեալ հաւտս ո՞նց ժողովեն։
Line: 15  Verse: 36     Քահանայքն են նախանձոտ զաւտար էրէ՛ցըն կու ատեն.

Page: 277  
Line: 1  Verse: 37     Երբ առաջ գան ի գիրք կարդալ, զերդ ըզհրեշտա́կըս բարբառեն,
Line: 2  Verse: 38     Նոքա գիտեն կանոն ւ̆աւրէնք եւ սրբութեան իսկի տէր չեն։
Line: 3  Verse: 39     Վանականք եւ միակեցք եւ ճգնաւորք կրաւնաւոր են,
Line: 4  Verse: 40     Բայց սատանայ զնոսա պատրէ, որ շատ ի շուրջ գան՝ մոլորեն։
Line: 5  Verse: 41     Սատանայ յայն կու խընդայ, որ Քրիստոնեա́յքըն ոխ պահեն,
Line: 6  Verse: 42     Թէ չէին Հա́յըք նենգաւորք, ըզՏէր Ներսէսն է՞ր կու դեղ՜են։
Line: 7  Verse: 43     Ժողովուրդքս են շուն ու լիրբ, ըզքահանայքդ յանդիմանեն,
Line: 8  Verse: 44     Նենգեժոտ ազգըն Հայոց հետ տասնումէ՛կին չի սազեն։
Line: 9  Verse: 45     Են թերի եւ ծուլացած, իսկի չունին ողորմութիւն,
Line: 10  Verse: 46     Ապիրատ ւ̆ամբարտաւան, ծունր ի գետի́նըն չի դընեն։
Line: 11  Verse: 47     Գեմ այնով գայլքն զաւրացան, զանմեղ գառի́նքըն պատառեն,
Line: 12  Verse: 48     Վասըն այնոր շուտ կորընչին, լուկ մէկ ըզմէկ զաւրն անիծեն։
Line: 13  Verse: 49     Թէ չէ ի՞նչ կայ յայս ի միջիս, որ մին հաւատ ոչ դաւանեն,
Line: 14  Verse: 50     ԶԱստուծոյ ժողվոց զհաւատս, աւրինադի́րքըդ կու ցրուեն.

Page: 278  
Line: 1  Verse: 51     Զառաջի մարդկան ըզցանկն՝ յետի մարդի́կըս կու քակեն։
Line: 2  Verse: 52     Թագաւորք եւ հայրապետք զԱստուած կըրկին բարկացընեն.
Line: 3  Verse: 53     Երբ յիրար չեն ի հաշտիլ՝ զԱստուած որո՞վ հաշտեցընեն։
Line: 4  Verse: 54     Զպատուիրանն աստուածային երբ Քրիստոնեա́յքըս չի պահեն,
Line: 5  Verse: 55     Ոչ ի սէր կամ ի յերկիւղ, որ հաւատով յանդիմանեն,
Line: 6  Verse: 56     Ի՞նչպէս հաճէ Աստուած ի մեզ, կամ չի թողու, որ հալածեն։
Line: 7  Verse: 57     Սէրըն գլուխ ողջ հաւատոյն, յանկից զատեն՝ յինքն չի դիմեն,
Line: 8  Verse: 58     Տէր Աստուած դարձուցանէ զայս դառնութիւնս ի քաղցրութիւն։
Line: 9  Verse: 59     Բազմաց շատ մեղք կայ ու չարիք եւ անառակ պոռը՛նկութիւն,
Line: 10  Verse: 60     Ոչ է պահքն ընդունելի եւ ոչ աղա́ւթքըն՝ զինչ առնեն։
Line: 11  Verse: 61     Յողջակէ՛զըն ոչ հաճի, զինչ Քրիստոնեա́յքըն կու զենեն,
Line: 12  Verse: 62     Որ հընազանդ չեն աւրինաց, զինչ մեղք որ կայ՝ զամէն գործեն։
Line: 13  Verse: 63     Ըզմեզ երետ Աստուած ի ձեռս անաւրինաց՝ որ կոտորեն,

Page: 279  
Line: 1  Verse: 64     Զինչ սատանայ մեղք սերմանել՝ Տաճկունք զամէ՛նըն կուգործեն։
Line: 2  Verse: 65     Բայց մէկ իրաւք խիստ ճարպիկ են, որ ի յաղաւթքըն յաւժարեն,
Line: 3  Verse: 66     Մեր Տէրն վասն այն կու բարկանայ, որ զերախտի́քըն ոչ գիտեն։
Line: 4  Verse: 67     Վասըն մեր մարմին էառ, որ մենք լինենք տեղ հանգըստեան.
Line: 5  Verse: 68     Ասէ երբ չէք ինձ կարեւոր, բարձի թողի՝ որ կու գերեն։
Line: 6  Verse: 69     Ա̆պա ի՞նչ ցեղ յառաջ երթան դէմ թշնամոյն կամ ո՞նց յաղթեն,
Line: 7  Verse: 70     Մի՞թէ Տէրն ողորմեսցի, զի գին արեան եմք Արարչին։
Line: 8  Verse: 71     Հասանի Ինքն ի բարձանց մեզ ի թիկունք եւ յաւգնութիւն,
Line: 9  Verse: 72     Ոչ թողու որբ ու գերի, ոչ արգիլէ ողորմութիւն։
Line: 10  Verse: 73     Ոչ առնէ ի մեր մեղացն, ո́չ ոխ պահէ ի յաւիտեան,
Line: 11  Verse: 74     Զայս դառնութիւնս, որ մեք ունիմք, դարձուցանէ ի քաղցրութիւն։
Line: 12  Verse: 75     Յարուցանէ մեզ թագաւոր սուրբ, որ առնէ զարդարութիւն,
Line: 13  Verse: 76     Խնդրէ վրէժս ի թշնամեաց, որ Քրիստոնեայց հոր կու փորեն։
Line: 14  Verse: 77     Խորտակէ՛ ըզմեր քակողն, յարո́ եղջիւր մեզ փըրկութեան,
Line: 15  Verse: 78     Աւգնեա́ ազգիս Քրիստոնէից, առ Քեզ կարդամք ի նեղութեան։

Page: 280  
Line: 1  Verse: 79     Ֆըրիկն ասէ ողբանք լալով, խնդրէ մեղացն իւր թողութիւն,
Line: 2  Verse: 80     Խնդրեմք ի Քէն, Տէր եւ Աստուած, Քրիստոնէից հանգըստութիւն։
Line: 3  Verse: 81     Մի́ տար անձանց մեր սասանումն, ոչ հաւատո́ցըս մեր բեկումն,
Line: 4  Verse: 82     Դու հաստատեա́ ըզմեզ յուսով եւ հաւատով ճըշմարտութեան։
Line: 5  Verse: 83     Աւրհնեալ է Հայր, աւրհնեալ Որդին, աւրհնեալ Հոգին միշտ յաւիտեան.
Line: 6  Verse: 84     Աւրհնեա́ զամէն ըզՔրիստոնեայքս եւ ըզժողովս, որ կու լըսեն։


Line: 7  ***


Page: 281  
Next part


This text is part of the TITUS edition of Frik, Diwan.

Copyright TITUS Project, Frankfurt a/M, 5.12.2017. No parts of this document may be republished in any form without prior permission by the copyright holder.