TITUS
Frik, Diwan
Part No. 7
Previous part

Poem: 7   Է.
Line: 1  Verse: 1   ՆՈՐԻՆ ՖՐԿԱՆՆ
Line: 2  Verse: 2   ՈՏԱՆԱՒՈՐ ԱՍԱՑԵԱԼ
Line: 3  Verse: 3   Ի Ծնունդ Սուրբ Կուսին
Line: 4  4-4 \\ 4-4


Line: 5  Verse: 4     Ադամ Ձայն աս(ա)

Line: 6  Verse: 5     Մինչ դեռ ոչինչ էր գոյացել՝ ծննդեան Կուսին Հայր էր վըկայ,
Line: 7  Verse: 6     Հրեշտակապե́տըն Գաբրիէլ, որ զաւետիս Կուսէն կուտայ։
Line: 8  Verse: 7     Բանն ի Հաւրէ առաքեցաւ թէ ի Կուսէն գայ մարմնանայ,
Line: 9  Verse: 8     Կոյս Մարիամն էր զարմացել, թէ անպատճառ ո՞նց յըղանայ։
Line: 10  Verse: 9     Գաբրիէլի կըրկին խաւսեալ, թէ յԱստուծոյ այդ լինենայ,
Line: 11  Verse: 10     Դարձեալ հրեշտակն ուրախութեամբ, փառաւք յերկի́նըս վերանայ։
Line: 12  Verse: 11     Յորժամ երեք անգամ երետ զողջոյն Կուսին Մարիամայ,

Page: 282  
Line: 1  Verse: 12     Սուրբ Կոյսն ասաց Գաբրիէլի, թէ "Այդ բանիդ ո՞վ հաւատայ։
Line: 2  Verse: 13     Զարմանալի բան կու խաւսիս, թէ Տէրն ի քեզ խոնարհանայ,
Line: 3  Verse: 14     Երբ ես մեղաց տեղեակ չ̆լինիմ, զիա՞րդ յինէն գայ մարմնանայ։
Line: 4  Verse: 15     Դու կերպարան լուսոյ ունիս յաշխարհիս քեզ նըման չի կայ,
Line: 5  Verse: 16     Տէրըն դո՞ւ ես, որ կու խաւսիս, թէ քան ըզքեզ այլ ոք մի կայ"։
Line: 6  Verse: 17     Ասէ հրեշտակն առ Սըրբուհին, "Ով Մարիամ, ինձ հաւատա,
Line: 7  Verse: 18     Նա́ է Աստուած արարածոցս, ես լինենամ նորա ծառայ"։
Line: 8  Verse: 19     Կոյսն հաւատաց նորա բանին, խորհուրդ առնէ վասն Յովսեփայ,
Line: 9  Verse: 20     Դարձեալ հրեշտակն ուրախութեամբ, փառաւք յերկի́նըս վերանայ։
Line: 10  Verse: 21     Հոգով սըրբով Կոյսն յըղանայ, աջն Հայրէնի պահաւղ նորա,
Line: 11  Verse: 22     Եկայք, որ տանք փառս Աստուծոյ, զի ի յերկնից մեզ լոյս կու գայ։
Line: 12  Verse: 23     Ով ի սուրբ Կոյսն է յուսացեալ ի տանջանաց ազատ մընայ,

Page: 283  
Line: 1  Verse: 24     Միջնորդ ընդ մարդ եւ ընդ Աստուած, այսոր իսկի պատճառ չի կայ։
Line: 2  Verse: 25     Որդին անմահ եւ կենդանի, հաց երկնաւոր եւ մանանայ,
Line: 3  Verse: 26     Ջամբեաց ըղկա́թըն կուսական, որ ի Հոգոյն Բըղխումն էր նա։
Line: 4  Verse: 27     Եկաց յաշխարհս եւ կատարեաց զինչ խոստացաւ վասն Ադամայ,
Line: 5  Verse: 28     Առաքելոցն յանձին արար զիւր սուրբ ծնաւղն, որ այլ չի լայ։
Line: 6  Verse: 29     Յորժամ փոխումն լինի Կուսին, նովին մարմնովն առ քեզ կու գայ,
Line: 7  Verse: 30     Նա́ սուրբ Հոգին այլ վըկայեաց, թէ այս պիտիր հանց լինենայ։
Line: 8  Verse: 31     Զինչ այլ պատուէր ունէր ասաց, ելաւ ի լեա́ռըն Գալիլեայ,
Line: 9  Verse: 32     Փառաւք յերկի́նըս վերացաւ եւ ընդ աջմէ Հաւր բազմեալ կայ։

Page: 284  
Line: 1  Verse: 33     Յորժամ վաղճան լինի Կուսին, կըրկին Որդին ի վայր կու գայ,
Line: 2  Verse: 34     Ասէ. "Արե́կ, երթանք ի վեր, քեզ յայս աշխարհս այլ բան չ̆կայ"։
Line: 3  Verse: 35     Ծընաւղն ի ծունկն անկաւ Որդոյն, թէ՝ "Մէկ խընդիր ինձ առ Քեզ կայ,
Line: 4  Verse: 36     "Թող զիս ի յայս տեղիս թաղեն ինձ գերեզման այս լինենայ։
Line: 5  Verse: 37     "Այս դըժոխոց դուռն է կոչել՝ Գեթսեմանի անուանի սա,
Line: 6  Verse: 38     "Թէ Քո ծնաւղն եմ ւ̆աղախին, թող Քրիստոնեայ ի հաւս չի գայ"։
Line: 7  Verse: 39     Ով հաւատով յԻնքըն դիմէ, նորա դըժոխք իսկի չի կայ,
Line: 8  Verse: 40     Նա հողեղէն սրովբէ կոչի, բարձաւղ Բանին, որ խաւսք չի կայ։
Line: 9  Verse: 41     Կոյսն է ծընաւղ Մանուէլի, որ մեզ Աստուած թարգմանի նա,
Line: 10  Verse: 42     Մայր Աստուծոյ խոստովանիմ եւ զիս կու տամ ծառայ նորա։
Line: 11  Verse: 43     Երբ յարութեան աւր լինենայ, եւ կուսածին Աստուածըն գայ,

Page: 285  
Line: 1  Verse: 44     Գաբրիէլեան փողըն գոչէ, թէ՝ "Ահա գայ Քրիստոս արքայ"։
Line: 2  Verse: 45     Հաւն, որ ամէն մարդ պապանձէ եւ պատասխան ոչ ունենայ,
Line: 3  Verse: 46     Մեղաւորաց հոգի́քըն լան, թէ ի՞նչ պատճառ դընենք հիմայ։
Line: 4  Verse: 47     Տէրըն սաստէ խոժոռ դիմաւք եւ ինձ ասէ. "Յիսնէ գնա́",
Line: 5  Verse: 48     Զ̆հուրն ինձ համար է պատրաստել, որ զիս այրէ խիստ անխընայ։
Line: 6  Verse: 49     Աստէնս ես չեմ գործել բարի, հաւն բարեխաւս ո՞վ լինենայ,
Line: 7  Verse: 50     Յայն կեանքն ես յո՞ւմ ոտք անկանիմ, երբ ինձ ի հաւն ծանաւթ չի կայ։
Line: 8  Verse: 51     Քաւե́լի սուրբ Աստուածածին, որ ամենոյս թափաւղ է նա,
Line: 9  Verse: 52     Բարեխաւսէ իւր Միածնին, գիտեմ լըսէ Տէրըն նորա։
Line: 10  Verse: 53     Հաւրն է տուել կենդանագիր, ըզիւր խոստումն ո՞նց ուրանայ,

Page: 286  
Line: 1  Verse: 54     Երբ առաքեալք եւ մարգարէք յոտքն անկանին, թէ Տէր մեղայ։
Line: 2  Verse: 55     Ո՞վ է անմեղ զարթ ի Քենէ, կամ ո՞վ է ինք մեղք չունենայ,
Line: 3  Verse: 56     Քո ծնաւղն է վըկայ բերել զայն գիրն, որ Դու տուիր նորա։
Line: 4  Verse: 57     Տեղ զանկելոցն ես խոստացել ընտրեալ թոռա́նցըն Ադամայ,
Line: 5  Verse: 58     Թէպէտ որ չենք մենք արժանի, որդի եղաք Յորդանանայ։
Line: 6  Verse: 59     Երկնից գանձովն ենք մեք գընած, որ ի խաչին բաշխեաց ըզՆա,
Line: 7  Verse: 60     Լոյս ծագեցեր խաւարելոցս, կործանեցեր ըզսատանայ։
Line: 8  Verse: 61     Պատարագաւք զարդարեցեր հիմիկ մեզ այլ դատել չի կայ,
Line: 9  Verse: 62     Ով զյիշատա́կըս Քո պահեաց, հաղորդութեամբ առ Քեզ կու գայ։
Line: 10  Verse: 63     Դու քաղցրութեամբ, սիրով հայեաց, Քո բանն երկու ոչ լինենայ,
Line: 11  Verse: 64     Մեք հաւատով խոստովանիմք, որ այս պիտի հանց լինենայ։
Line: 12  Verse: 65     Զոր խոստացաւ Փըրկիչըն մեզ Աստուածածնո́վն ի մեզ կու տայ,

Page: 287  
Line: 1  Verse: 66     Եկայք ամենքս յոտքն անկանիմք, որ մեզ համար ստեղծած է Նա։
Line: 2  Verse: 67     Թէ չէ ամենքս ենք մեղաւոր, քան զԱստուած այլ արդար չի կայ,
Line: 3  Verse: 68     Ինքըն սէր էր եւ սէր ցուցոյց, այս վասն այնոր հանց լինենայ։
Line: 4  Verse: 69     Ֆըրիկն ի՞նչ հող է կամ մոխիր, որ հանց գոհար բան շարէ նա,
Line: 5  Verse: 70     Ո՛չ ծառայել վարդապետի, ո́չ կարդացել աւրիկ մի նա։
Line: 6  Verse: 71     Ո՛չ ի հաւրէ առեր միրաթ, այս յԱստուծոյ տուած նորա,
Line: 7  Verse: 72     Նա ե՞րբ կարէ հանց բան ասել, ով որ կարդայ աւրհնէ ըզնա։
Line: 8  Verse: 73     Տէրն ողորմի իւր ծընաւղացն, որ ոք կարդայ զիս յիշենայ,
Line: 9  Verse: 74     Եւ ինքն յիշուի ողորմութեամբ, երբ կուսածին Աստուածըն գայ։


Line: 10  ***


Page: 288  
Next part


This text is part of the TITUS edition of Frik, Diwan.

Copyright TITUS Project, Frankfurt a/M, 5.12.2017. No parts of this document may be republished in any form without prior permission by the copyright holder.