TITUS
Frik, Diwan
Part No. 8
Previous part

Poem: 8   Ը.
Line: 2  Verse: 1   ՆՈՐԻՆ ՖՐԿԱՆՆ
Line: 3  Verse: 2   ՈՂԲԱՆՔ ՓՈՇԻՄԱՆՈՒԹԵԱՆ
Line: 4  4-4 \\ 4-4


Line: 5  Verse: 3     Հանց մեծամեծ խորհուրդ արի, որ յաւիտեան ո́չ կատարի,
Line: 6  Verse: 4     Մըտնուլ գետին հեշտ երկըրի, յինչ որ աղէկ մարդըն խըրի։
Line: 7  Verse: 5     Զանդիճեցի, թէ այն ցեղի յետին բանին մըտիկ չարի,
Line: 8  Verse: 6     Վասն այն դիպաւ ոտքս ի քարի, որ աւելի ջանք չի դիրի։
Line: 9  Verse: 7     Զինչ զաւրն ի բուն մարդըն խորհի, գիշերն ամէ՛նըն խափանի,
Line: 10  Verse: 8     Լամք ̆ի ածել ես աշխարհի, լուկ վազեցի հետ շատ շահի։
Line: 11  Verse: 9     Զինչ Տէրն երետ հերիք չածի, ա́յլ մեծութեան սիրտ ունէի,
Line: 12  Verse: 10     Ժողովեցի շատ մի բարի՝ ըռզակ արի զինք Թաթարի։
Line: 13  Verse: 11     Լաւ չ̆ի դատել այնչափ տարի, երբ իմ հոգոյս ռոճիկ չարի,
Line: 14  Verse: 12     Զինչ որ մարդկան խորհուրդ լինի, ամենըն հողմ է եւ քամի։
Line: 15  Verse: 13     Այն բազային եմ նըմանի, որ փոքր որսի ոչ հաւանի,
Line: 16  Verse: 14     Ով որ ածէ զաչքն այլ մեծի, բեստէ կենայ զաւրն անաւթի։

Page: 289  
Line: 1  Verse: 15     Ուսկայ եղաւ այնչափ տարի, որ տուն ու տեղ դեռ կու քակի,
Line: 2  Verse: 16     Զինչ մեծամեծ վաստակ արի՝ տանիլ տուի զինքն հեղեղի։
Line: 3  Verse: 17     Երբ ժամանակ մարդոյն ծըռի, երեսք ի վայր գեմ գըլորի,
Line: 4  Verse: 18     Երթայ դիպնի հանցեղ դարի, որ ինչուի մահ ո́չ վըճարի։
Line: 5  Verse: 19     Երբ Բախտն ընկեր էր՝ մանեցի, հիմիկ ոլորն յետ կու քակի,
Line: 6  Verse: 20     Երբ խոլորով յիս կու նայի, այլ չի լըցուիլ կապիճ չարի։
Line: 7  Verse: 21     Հանց փորձելոյ ինձ տայ լեղի՝ ես զայն առի չամաչեցի,
Line: 8  Verse: 22     Զգործիսն ի ջո́ւրըն ձըգեցի, վարմըն լըցաւ ես խընդացի։
Line: 9  Verse: 23     Նոյն եւ ցորեան ես ցանեցի, նա́ խիստ բուսաւ դառն ու լեղի,
Line: 10  Verse: 24     Հաւք եւ գազանք ինչ կայ վայրի իւրեանց դադա́րըն կ̆երեւի։
Line: 11  Verse: 25     Ֆրիկն ողորմ է ու լալի՝ երկու կենա́ւքըս կու զըրկի,
Line: 12  Verse: 26     Ասպընջական ասդէն չունի, ոչ անդէնին գործ մի բարի։
Line: 13  Verse: 27     Զինչ անպիտան փայտն ի մայրին՝ չէ՛ շինուածոյ նա պիտանի,
Line: 14  Verse: 28     Դառն իւր պըտո́ւղըն՝ չերեւի, գեմ նա ի հուրն աղէկ այրի,

Page: 290  
Line: 1  Verse: 29     Ֆըրի́կ, չունիս խելք իմաստի, է՞ր չես լըսեր դու խըրատի,
Line: 2  Verse: 30     Մարդուն երբ ա́սդէնս չաջողի, թող զանդէնի հոգսըն տանի։
Line: 3  Verse: 31     Ապաշխարէ եւ պաղատէ, մի՞թէ յահեղ աւրն ատենի,
Line: 4  Verse: 32     Մէկ բարեխաւս իւրն չերեւի, հայնց որ վըստահ ի Տէր հայի։
Line: 5  Verse: 33     Թող թէ ոչխա́րըն մոլորի, տէրն ե՞րբ թողու գայլըն տանի,
Line: 6  Verse: 34     Թագաւորին այն կու պիտի, որ իւր ծառայն ոչ սըղալի։
Line: 7  Verse: 35     Ֆըրի́կ, թէ խելք ունիս արի՝ իւղ պատրաստէ քեզ լապտերի,
Line: 8  Verse: 36     Երբ գայ Փեսայն առագաստի ի հետ մըտիս դու վըստահի։
Line: 9  Verse: 37     Երբ որ մըտար դու խընդալի, քեզ հարսանեաց հանդերձ պիտի,
Line: 10  Verse: 38     Մարգարտաշար թագ ու գաւտի, որ թագաւո́րըն հաւանի։
Line: 11  Verse: 39     Ապա լինիս դու արժանի, որ քեզ ասէ՝ "Ծառայ բարի,
Line: 12  Verse: 40     "Եկայք որդիքդ իմ Սիոնի, ձեր վարձն առ իս կայ ի շահի։
Line: 13  Verse: 41     "Տաւթ ու ցըրտուն եւ ծարաւի, մերկ ու քաղցած ̆իք ի քարի,
Line: 14  Verse: 42     "Եկայք առէք դուք ձեզ տեղի, զոր ի յոչ որ միտք չանկանի"։

Page: 291  
Line: 1  Verse: 43     Քեզ պատրաստեաց անանց բարի, որ յաւիտեան ո́չ անցանի,
Line: 2  Verse: 44     Զայս խոստացաւ Տէրն ամենի՝ իւր հըրամանն ո́չ խափանի։
Line: 3  Verse: 45     Ի յանուանէ մէկըն կոչի, ձախակողմին հուր կու վառի,
Line: 4  Verse: 46     Ֆըրի́կ, քեզ ո՞րըն կու պիտի, քըննէ մըտաւք իմանալի։
Line: 5  Verse: 47     Գանձով գընած ես դու գերի, դու է՞ր խըմես զաւրըն գինի,
Line: 6  Verse: 48     Թէ դու ունիս սիրտ խըրատի՝ քեզ լըսելոյ ականջ պիտի։
Line: 7  Verse: 49     Թէ՞ փոշիմնելն անդ է բարի, որ քու լալուդ լըսաւղ լինի,
Line: 8  Verse: 50     Մինչ դեռ յուժի ես ̆ւ ի լուսի, կըրթէ զմարմինդ չի պարարի։
Line: 9  Verse: 51     Ով որ մարմնոյն իշխան լինի, խաղաղութիւն առ նա պիտի,
Line: 10  Verse: 52     Սուտ է մարմինն եւ սընոտի, ներքեւ հողին կերթայ փըտի։
Line: 11  Verse: 53     Ֆըրիկն ի զուր է՞ր կու դատի, թէ խելք ունի շուտ փարատի,
Line: 12  Verse: 54     Որ այն բանին ինքն հասանի, Տէրն ողորմած է ամենի։
Line: 13  Verse: 55     Հասարակաց զայս կու կամի, Տէրըն փառաց զա́յս կու խաւսի,

Page: 292  
Line: 1  Verse: 56     Թ̆ ո՞վ եկ բաղխեաց, որ չի բացի կամ ո՞վ խնդրեաց, որ չի տուի։
Line: 2  Verse: 57     Վասն Ադամայ որդոցն եկի, որ նըման են Իմ պատկերի,
Line: 3  Verse: 58     Դըրախտն արդա́րոցըն բացուի եւ շատ բարի ի յաշխարհի։
Line: 4  Verse: 59     Աղէկ լըսէ, իմ սիրելի, որ քեզ բարի յոյժ պարգեւի,
Line: 5  Verse: 60     Առնուս պարգեւք ի յԱստուծոյ, հոգիդ քո միշտ փառաւորի։
Line: 6  Verse: 61     Էն հանց բարի մեզ կու կամի, որ հանապազ կու խըրատի,
Line: 7  Verse: 62     Ով հնազանդ է պատուիրանի, արքայութեան լինի որդի։
Line: 8  Verse: 63     Ֆըրիկն ասէ ողբանք լալի՝ Աստուած ի ձեր գործքըն հաճի,
Line: 9  Verse: 64     Փողըն գոչէ Գաբրիէլի, արժան առնէ զձեզ այն ձայնի,
Line: 10  Verse: 65     Ես ձեզ յանձին եմ յաղաւթի, որ զիս յիշէք անձանձրալի։


Line: 11  ***


Page: 293  
Next part


This text is part of the TITUS edition of Frik, Diwan.

Copyright TITUS Project, Frankfurt a/M, 5.12.2017. No parts of this document may be republished in any form without prior permission by the copyright holder.