TITUS
Frik, Diwan
Part No. 13
Previous part

Poem: 13   ԺԳ.
Line: 1  Verse: 1   ՆՈՐԻՆ ՖՐԿԱՆՆ
Line: 2  Verse: 2   ասացեալ
Line: 3  Verse: 3   ԲԱՆ ԼԱՒ։
Line: 4  4-4 \\ 4-4


Line: 5  Verse: 4     Շատ ոլրեցի մարդու մորոյս,
Line: 6  Verse: 5     Երեկ ինձ բեռն եղաւ գերոյս.
Line: 7  Verse: 6     Շատ պարծեցայ ̆ի վերայ ոսկոյս,
Line: 8  Verse: 7     Սարվեմ, հագնեմ թաւ եւ խընդուզ։
Line: 9  Verse: 8     Նախ ու նասիճ իմ ճոխալուս,
Line: 10  Verse: 9     Ջաւհար շարեմ թագ իմ գըլխուս.
Line: 11  Verse: 10     Շինեմ դարպաս նախշուն ֆըսուս,
Line: 12  Verse: 11     Գեղ ւ̆ագարակ շինեմ ժամուս։
Line: 13  Verse: 12     Շատ մի ծառայ՝ Ղըփչախ ւ̆Ըռուս,
Line: 14  Verse: 13     Ժողովեմ բա́րիք տուն ւ̆ի դուրս.
Line: 15  Verse: 14     Լինիմ իշխան իմ ժողովուս,
Line: 16  Verse: 15     Մահն ի՞նչ անէ Ադամորդոյս։
Line: 17  Verse: 16     Կամ երբ թափիմ ի յոյս բարոյս,
Line: 18  Verse: 17     Այս սուտ կենցաղս երետ ինձ խոյս.
Line: 19  Verse: 18     Շալակ շինեց խաբեցելոյս,
Line: 20  Verse: 19     Զմահն մոռանալ երետ մարմնոյս։
Line: 21  Verse: 20     Կամէր զըրկել զիս ի հոգուս,
Line: 22  Verse: 21     Եւ ծաղր առնել զմահկանացուս.
Line: 23  Verse: 22     Երբ իմացայ զչարն ի բարուս,
Line: 24  Verse: 23     Զաշխարհս յաչիցս ելաւ գերուս։
Line: 25  Verse: 24     Չի պիտի աստ առնել նամուս,
Line: 26  Verse: 25     Դուստր եւ որդին չ̆աւգտէ պապուս.
Line: 27  Verse: 26     Ո՛չ մեծութիւն ի ժամ մահուս,
Line: 28  Verse: 27     Ըսկիզբն առնեմ աղաւթելոյս։

Page: 330  
Line: 1  Verse: 28     Աշխատութեամբ ջանք դընելոյս,
Line: 2  Verse: 29     Տէրն ողորմէ մեղուցելոյս.
Line: 3  Verse: 30     Ի խաւարէ ածէ ի լոյս,
Line: 4  Verse: 31     Եւ ազդ առնէ այս իմ հոգոյս։
Line: 5  Verse: 32     Այս յԱստուծոյ տուաւ ինձ լոյս,
Line: 6  Verse: 33     Մի́ զարմանար այս բաներոյս.
Line: 7  Verse: 34     Ով որ ունի առ Տէրըն յոյս,
Line: 8  Verse: 35     Նա ո́չ զըրկի յայս ցանկալոյս։
Line: 9  Verse: 36     Մըտացս երետ կանթեղ մի լոյս,
Line: 10  Verse: 37     Որ առաջնորդ եղաւ կորոյս.
Line: 11  Verse: 38     Ա՜յ իմ եղբայր, աչացըս լոյս,
Line: 12  Verse: 39     Զինչ որ խաւսիս ̆ի վերայ հոգոյս։
Line: 13  Verse: 40     Գիտեմ այս չէ յիսնէ՝ հողոյս,
Line: 14  Verse: 41     Հոգին շընորհք երետ ծերոյս.
Line: 15  Verse: 42     Խըղճաց Աստուած մոլորելոյս,
Line: 16  Verse: 43     Զարթոյց Աստուած իր խոր քընոյս։
Line: 17  Verse: 44     Եբաց ի յետ զականջ հոգուս,
Line: 18  Verse: 45     Որ ես նայել կարեմ ի լոյս.
Line: 19  Verse: 46     Զինչ նենգ ու ծուռ կայ ի լեզուս,
Line: 20  Verse: 47     Ի յետ ձըգեմ՝ լինիմ զինչ կոյս։
Line: 21  Verse: 48     Բըղխեմ արտաւսր ի յաչերուս,
Line: 22  Verse: 49     Եւ լուանամ զաղտըս հոգոյս,
Line: 23  Verse: 50     Ազատիմ յայս զազիր տըղմուս,
Line: 24  Verse: 51     ւ̆Ի խաբուսիկ, սուտ կենցաղոյս։
Line: 25  Verse: 52     Յորժամ խընդիր գան այս գերուս,
Line: 26  Verse: 53     Բաժնի հոգիս ի մարմընոյս.
Line: 27  Verse: 54     Ուրախութեամբ ելնեմ ի դուրս,
Line: 28  Verse: 55     Եւ զերծանիմ յորսորդերոյս։
Line: 29  Verse: 56     Զերդ զաղաւնի տամ թեւերոյս,
Line: 30  Verse: 57     Գըտնեմ տեղիք, հանգիստ ու լոյս.
Line: 31  Verse: 58     Թէ զայս կամիմ ես իմ հոգոյս,
Line: 32  Verse: 59     Զինչ ցանկութիւն կայ՝ տայ ի խոյս։

Page: 331  
Line: 1  Verse: 60     Զինչ որ կարիք կայ այս գերոյս,
Line: 2  Verse: 61     Զամէն ձըգեմ ելնեմ ի լոյս,
Line: 3  Verse: 62     Երբ Տէրըն գայ դատաւղ հոգոյս,
Line: 4  Verse: 63     Գըտնի յարթուն ւ̆իմ ջահն ի լոյս։
Line: 5  Verse: 64     Թէ չ̆հասանիմ այս խորհըրդոյս,
Line: 6  Verse: 65     Մութն ու խաւա́րըն զիս կարոյս,
Line: 7  Verse: 66     Տէ՛ր ողորմեա́, Տէ՛ր ողորմեա́,
Line: 8  Verse: 67     Ինձ մեղաւո́րիս՝ Ֆըրիկուս։


Line: 9  ***


Page: 332  
Next part


This text is part of the TITUS edition of Frik, Diwan.

Copyright TITUS Project, Frankfurt a/M, 5.12.2017. No parts of this document may be republished in any form without prior permission by the copyright holder.