TITUS
Frik, Diwan
Part No. 12
Previous part

Poem: 12   ԺԲ.
Line: 1  Verse: 1   ՆՈՐԻՆ ՖՐԿԱՆՆ
Line: 2  Verse: 2   ասացեալ
Line: 3  Verse: 3   ԽՐԱՏ ՀՈԳԵՇԱՀ
Line: 4  Verse: 4   [Յիսուս Որդու ձայն ասա]


Line: 5  Verse: 5     Ով կու սիրէ կուժ ու կըթխայ,
Line: 6  Verse: 6     Դուստր ու որդիքն յէգուց մուրայ.
Line: 7  Verse: 7     Ոնց հարբենայ, երթայ շընայ՝
Line: 8  Verse: 8     Անձամբն ի մէջ մեղաց մընայ։
Line: 9  Verse: 9     Երբ դըժողաց հրաւէրըն գայ,
Line: 10  Verse: 10     Սեւ երեսաւք ի վայր մընայ.
Line: 11  Verse: 11     Անքուն որդունքն, որ անդ խաղան,
Line: 12  Verse: 12     Թէ մեր ծընաւղն ահա կու գայ,
Line: 13  Verse: 13     Ինչ մեղաւոր աստի գընայ,
Line: 14  Verse: 14     Մեղաց տոռունքն ի դէմ կու գայ.
Line: 15  Verse: 15     Գան եւ պատին զինչ զիւր տըղայ,
Line: 16  Verse: 16     Եւ խածատեն միշտ անխընայ։
Line: 17  Verse: 17     Կըպչեն յամէն դիմաց ի նա,

Page: 322  
Line: 1  Verse: 18     Թէ դու սնուցեր ըզմեզ, պապայ,
Line: 2  Verse: 19     Ո՛չ տառպելի տուեր կապայ,
Line: 3  Verse: 20     ւ̆Ո՛չ ղըրկեցեր քեզ, նաֆաղայ։
Line: 4  Verse: 21     Զամէնըն մեզ տուեր յապայ,
Line: 5  Verse: 22     Քեզ փոխարէն առնեմք հիմայ.
Line: 6  Verse: 23     Ի մեր ձեռացն այլ իրք չի կայ՝
Line: 7  Verse: 24     Ծամենք ըզքեզ միշտ յարակայ։
Line: 8  Verse: 25     Դու սընուցեր ըզմեզ, պապայ,
Line: 9  Verse: 26     Եւ պահեցեր մինչեւ հիմայ,
Line: 10  Verse: 27     Գերացուցեր ըզմեզ մեղաւք,
Line: 11  Verse: 28     Քեզ կու սպասենք քան ըզբազայ։
Line: 12  Verse: 29     Կանգնած լինինք զինչ ըզծառայ,
Line: 13  Verse: 30     Զինչ խաչահան ջըհուդ որ կայ,
Line: 14  Verse: 31     Զամէնն առ քեզ բերենք հիմայ,
Line: 15  Verse: 32     Խիստ վայել ես դրացի նոցա։
Line: 16  Verse: 33     Ով աղքատաց բաժին չի տայ,
Line: 17  Verse: 34     Ղըրկէ որդանցըն նաֆաղայ,
Line: 18  Verse: 35     Յառաջ զուղեղդ ուտենք պապայ,
Line: 19  Verse: 36     .....................
Line: 20  Verse: 37     Յաչաց լուսոյդ զձեռըդ լուա,

Page: 323  
Line: 1  Verse: 38     Ականջներուդ դուռըն չի կայ.
Line: 2  Verse: 39     Վաղուց արել ենք տուն ըզդա,
Line: 3  Verse: 40     Եւ բընակեալ եմք ի դըմայ։
Line: 4  Verse: 41     Այդ բերանիդ շըրթունքդ որ կայ,
Line: 5  Verse: 42     Յերակ ընդ ցոփ շարժին դոքա.
Line: 6  Verse: 43     Մենք զինքդ ուտենք զինչ ըզգաթայ,
Line: 7  Verse: 44     Ուրախանանք միշտ յարակայ։
Line: 8  Verse: 45     Փառաբանիչ լեզուդ որ կայ,
Line: 9  Verse: 46     Է՞ր կու մըխ̆իր չարեաւք ըզգա.
Line: 10  Verse: 47     Երբ զարթընի տղայն ու լայ,
Line: 11  Verse: 48     Գեմ ծըծեցնէ իւր մայրն ըզնա։
Line: 12  Verse: 49     Զմեզ սընուցեր հոգոյ տըղայ,
Line: 13  Verse: 50     Պարտ՝ որ ծըծենք զլեզուդ հիմայ.

Page: 324  
Line: 1  Verse: 51     Զինչ որ սըրտին կամք լինենայ,
Line: 2  Verse: 52     Զայն մարմընոյն խըրատ կու տայ։
Line: 3  Verse: 53     Իշխանաւոր էիր դոցա,
Line: 4  Verse: 54     Մարմին սըրտին լինի ծառայ,
Line: 5  Verse: 55     Երբ չը բերիր զխելքդ ի վերայ,
Line: 6  Verse: 56     Հոգիդ թո́ղ մէջ հըրոյն լողայ։
Line: 7  Verse: 57     Բոլոր մարմինդ զինչ առ քեզ կայ,
Line: 8  Verse: 58     Զինչ գործեցին յերկրի դոքա,
Line: 9  Verse: 59     Աստ տապակի եւ խիստ դողայ,
Line: 10  Verse: 60     Ամէն քո շառդ Աստուած վըկայ։
Line: 11  Verse: 61     Զինչ խըմեցիր յերկրի կըթխայ,
Line: 12  Verse: 62     Աստ քեզ առնուլ պիտի մազայ.
Line: 13  Verse: 63     Մարմինդ է մեզ տուած հիմայ,
Line: 14  Verse: 64     Մեզ վայելել պիտի ըզդա։
Line: 15  Verse: 65     Երբ դու մանուկ ̆իր ու տըղայ,
Line: 16  Verse: 66     Անդ պէտ չարիր՝ աստ ճար չի կայ.

Page: 325  
Line: 1  Verse: 67     Դու չես միայն այդ ցաւի տէր,
Line: 2  Verse: 68     Ամէն անդարձ այդպէս կու լայ։
Line: 3  Verse: 69     Աստուած յերկնից ի վայր կու գայ,
Line: 4  Verse: 70     Ի սուրբ Կուսէն գայ մարմնանայ.
Line: 5  Verse: 71     Մարդեղութիւն յանձն առնու Նա,
Line: 6  Verse: 72     Բըժըշկութիւն կատարէ Նա։
Line: 7  Verse: 73     Դըժոխք շինել էր սատանայ,
Line: 8  Verse: 74     Շաո մի հոգիք ժողվել ի նա,
Line: 9  Verse: 75     Փըրկիչն երեկ վասն Ադամայ,
Line: 10  Verse: 76     Եւ ազատեաց արեամբն ըզնա։
Line: 11  Verse: 77     Խաչիւն եբարձ զանէծք նորա,
Line: 12  Verse: 78     Զ̆դժոխքն ի հի́մանց քակեաց Նա.
Line: 13  Verse: 79     Եսայիաս անդ կայ վըկայ,
Line: 14  Verse: 80     Թէ խորտակի դըրունք նորա։
Line: 15  Verse: 81     Զինչ դըժոխոց շինուածք, որ կայ,
Line: 16  Verse: 82     Հանց խորտակեաց Աստուած ըզնա,
Line: 17  Verse: 83     Որ Բելիար դառըն կու լայ,
Line: 18  Verse: 84     Թ̆այս ինչ բանի հանդիպեցայ։
Line: 19  Verse: 85     Զայն երախտիքն ո՞վ մոռանայ,
Line: 20  Verse: 86     Զոր Նա́ ունի ի մեզ վերայ.
Line: 21  Verse: 87     Զամէն բարիք է մեզ տուել,

Page: 326  
Line: 1  Verse: 88     Ով կու լըսէ իմաստնանայ։
Line: 2  Verse: 89     Պաշտել պիտի զԱստուած իւր նա,
Line: 3  Verse: 90     Բերել պիտի խելքն ի վերայ.
Line: 4  Verse: 91     Հինգ զգայարանքս, որ առ մեզ կայ,
Line: 5  Verse: 92     Զորս բընութիւնս՝ որ իմանայ։
Line: 6  Verse: 93     Թող չի խաբէ զմարդ սատանայ,
Line: 7  Verse: 94     Որ զաւրն ի բուն հարբած կենայ.
Line: 8  Verse: 95     Գիշերն անհոգ ի քուն կենայ,
Line: 9  Verse: 96     Ծառայելու ժուկ չէ նորա։
Line: 10  Verse: 97     Եղուկ նորա, որ ո́չ զըղջայ,
Line: 11  Verse: 98     Հանց փաթերակ զինչ որ անդ կայ,
Line: 12  Verse: 99     Ոչ ում վերայ իսկի չի գայ,
Line: 13  Verse: 100     Վիշապ որդո́ւնքըն կու եռայ։
Line: 14  Verse: 101     Կան ու մընան, թէ ե՞րբ կու գայ,
Line: 15  Verse: 102     Որ մենք անենք մեզ թամաշայ,
Line: 16  Verse: 103     Անդ ժողովեր ենք հանգամայ,
Line: 17  Verse: 104     Նոցա ժանեացն ո՞վ դիմանայ։
Line: 18  Verse: 105     Ով ըզմեղաց հուրն իմանայ,
Line: 19  Verse: 106     Թող ըզհոգոյ ակըն բանայ.
Line: 20  Verse: 107     Սըրտի ակա́նջով լըսէ նա,

Page: 327  
Line: 1  Verse: 108     Զինչ որ տուել Տէրըն նորա։
Line: 2  Verse: 109     Թող վաճառէ ւ̆աղքատի տայ,
Line: 3  Verse: 110     Աւետարա́նըն կայ վըկայ.
Line: 4  Verse: 111     Տուր աղքատաց զինչ որ քեզ կայ,
Line: 5  Verse: 112     Գանձ ու ղումա́շըն չի մընայ։
Line: 6  Verse: 113     Փարթամութեա́նըն չէ մաւայ,
Line: 7  Verse: 114     Ո՛չ մալն, ո́չ մուլքն, ո́չ հազինայ.
Line: 8  Verse: 115     Գընա́ բարեաց առաջք արա́,
Line: 9  Verse: 116     Զի երազի նըման է սա։
Line: 10  Verse: 117     Զինչ ցանկութիւն մեղաց քեզ կայ,
Line: 11  Verse: 118     Զամէնն ձըգէ, ւ̆ազատ մընայ.
Line: 12  Verse: 119     Երկու տէրանց ե՞րբ կարենաս
Line: 13  Verse: 120     Հանց ծառայել զինչ պիտենայ։

Page: 328  
Line: 1  Verse: 121     Թող զայն ի բաց որ յաշխարհս կայ,
Line: 2  Verse: 122     Գըտիր տեղի ւասա́ մեղայ.
Line: 3  Verse: 123     Լալով ասա "Աստուած, քաւեա́,
Line: 4  Verse: 124     Զիս ի մեղաց ազատ արա"։
Line: 5  Verse: 125     Քո լուսատու սուրբ Խաչըն գայ,
Line: 6  Verse: 126     Եւ Գաբրիէլ փողով ցընծայ.
Line: 7  Verse: 127     Սուրբ մարգարէքն ինչ որ քեզ կայ,
Line: 8  Verse: 128     Եւ առաքեալն ամէնըն գայ։
Line: 9  Verse: 129     Երկնաւորաց զաւրքըն թընդայ,
Line: 10  Verse: 130     Քո սուրբ ծրնա́ւղն ի հետ նոցա.
Line: 11  Verse: 131     Մեղաւորաց թափաւղ է Նա,
Line: 12  Verse: 132     Բարեխաւս առ Քեզ լինենայ։
Line: 13  Verse: 133     Հողածին ծը՛նունդս Ադամայ,
Line: 14  Verse: 134     Աղաղակեմք յուսով առ Նա.
Line: 15  Verse: 135     զՖըրկայ գործած մեղքն չ̆յիշես,
Line: 16  Verse: 136     Ով որ ասէ թէ "Հայր մեղայ"։


Line: 17  ***


Page: 329  
Next part


This text is part of the TITUS edition of Frik, Diwan.

Copyright TITUS Project, Frankfurt a/M, 5.12.2017. No parts of this document may be republished in any form without prior permission by the copyright holder.