TITUS
Frik, Diwan
Part No. 11
Previous part

Poem: 11   ԺԱ.
Line: 1  Verse: 1   ՆՈՐԻՆ ՖՐԿԱՆՆ
Line: 2  Verse: 2   ասացեալ
Line: 3  Verse: 3   ՎԱՍՆ ՀՈԳՈՅ.
Line: 4  4-4 \\ 4-4


Line: 5  Verse: 4     Երբ քեզ խըրատն էր պատրաստած,
Line: 6  Verse: 5     Սիրով ստեղծեալ անդ էր դըրած,
Line: 7  Verse: 6     Լուսոյ զգեստով էր զարդարեալ,
Line: 8  Verse: 7     Պըսակ լուսոյ էր քեզ զուգած.
Line: 9  Verse: 8     Զանանց բարին էր յաջողել,
Line: 10  Verse: 9     Անմահ աշխարհն էր քեզ տուած,
Line: 11  Verse: 10     Սերովբէիւք պարիսպ ածեալ,
Line: 12  Verse: 11     Մէկ պատուիրան էր քեզ գըրած։
Line: 13  Verse: 12     Կե́ր դու յամէն պըտղոյ, Ադամ,
Line: 14  Verse: 13     Զարդ ի մէկէն, որ չէ հրամած,
Line: 15  Verse: 14     Երբ ի հողոյ էր զքեզ զուգել,
Line: 16  Verse: 15     Դու ո՞նց կամիր լինել Աստուած։
Line: 17  Verse: 16     Երբ քո ստեղծաւղն էր խոնարհել,
Line: 18  Verse: 17     Ոտնաձայնիւ առ քեզ եկած,
Line: 19  Verse: 18     Դու յամաւթոյն ̆իր փախուցեալ,
Line: 20  Verse: 19     Եւ թըզենեաւն էիր ծածկած։
Line: 21  Verse: 20     Տէրըն ձայնիւ առ քեզ գոչեաց,
Line: 22  Verse: 21     "Ադամ, Ադամ, ո՞ւր ես թագած".
Line: 23  Verse: 22     Քեզ ո՞վ եղեւ առիթ բանիդ,
Line: 24  Verse: 23     Դու ո՞նց հանիր զպատճառն յԱստուած։
Line: 25  Verse: 24     Կինըդ, որ տուիր դու ̆իր ստեղծեալ,
Line: 26  Verse: 25     Այսոր համար եմ աքսորած.
Line: 27  Verse: 26     Քեզնով եղեւ երկիր պագեալ,

Page: 313  
Line: 1  Verse: 27     Գիտեմ չէիր որդի մեղաց։
Line: 2  Verse: 28     Դու հակառակ եղար բարին,
Line: 3  Verse: 29     Ի քո կողէդ ես դու խոցած.
Line: 4  Verse: 30     Դաւաճանիւ ես դու խաբեալ,
Line: 5  Verse: 31     Յանանց լուսոյն ես դու զըրկած։
Line: 6  Verse: 32     Գընա́ դու կեր հաց դատելով,
Line: 7  Verse: 33     Փուշն ու տատասկն է քեզ բուսած.
Line: 8  Verse: 34     Քեզ յարծըւէն պիտէր լըսել,
Line: 9  Verse: 35     Զինչ կու խաւսէ ի քո դիմաց։
Line: 10  Verse: 36     Թէ ո́չ փայտով, ո́չ երկաթով,
Line: 11  Verse: 37     Ես իմ թեւովս եմ ըսպանած.
Line: 12  Verse: 38     Ես անառակ որդի կորած,
Line: 13  Verse: 39     Զհայրենակա́նըն եմ վատնած։
Line: 14  Verse: 40     Յաւտար աշխարհ եմ վըտարած,
Line: 15  Verse: 41     Խաշն արածել ի յոչ կամաց.
Line: 16  Verse: 42     Պուտ եմ կերել հացի փոխան,
Line: 17  Verse: 43     Զայն, որ խոզիցն էր նա́ կերած։
Line: 18  Verse: 44     Ըզսըրբութիւն ես տուի շանց,
Line: 19  Verse: 45     Ըզմարգարիտն արկի խոզաց,
Line: 20  Verse: 46     Բեր դու մէկ աւր զխելքդ ի վերայ,
Line: 21  Verse: 47     Թ̆ է՞ր կու կենամ ես աստ սոված։
Line: 22  Verse: 48     Թէպէտ որ չեմ որդի կացել,
Line: 23  Verse: 49     Երթամ առ Հա́յրըն իմ գըթած.
Line: 24  Verse: 50     Անկանիմ յո́տքըն լալագին,
Line: 25  Verse: 51     Չեմ արժանի որդի կոչած։
Line: 26  Verse: 52     Ես եմ վաղեց եղեալ կոխան,
Line: 27  Verse: 53     Քեզ՝ Հայր, մեղայ, Դու իմ Աստուած.
Line: 28  Verse: 54     Զայս սովըս հան յիսնէ հացիւ,
Line: 29  Verse: 55     Ես վարձկանի մի համարած։
Line: 30  Verse: 56     Զ̆Քո գանձատո́ւնըդ բաց ի յետ,
Line: 31  Verse: 57     Ագո́ զհանդերձն վաղուց կարած.
Line: 32  Verse: 58     Որ ես հագնեմ ուրախութեամբ,
Line: 33  Verse: 59     Վըստահ կոխեմ ով զիս խայթեաց։

Page: 314  
Line: 1  Verse: 60     Տուր մատանի աջոյ ձեռինս,
Line: 2  Verse: 61     Որ գիտենամ թէ եմ սիրած,
Line: 3  Verse: 62     Զենէ ինձ զե́զըն պարարակ,
Line: 4  Verse: 63     Ոսրախութեամբ ընկալ եւ ած,
Line: 5  Verse: 64     Պարաւք, թըմբկաւք սիրոյ սեղան։
Line: 6  Verse: 65     Մի́ բարկանալ ինձ ի սըրտաց,
Line: 7  Verse: 66     Առ ժամըս չէ երէցն ի տան,
Line: 8  Verse: 67     Գիտեմ որ գայ ի սիրտ ելած։
Line: 9  Verse: 68     Գիտեմ վաղեց էի մեռեալ,
Line: 10  Verse: 69     Ժամանակաց յաչից վարած.
Line: 11  Verse: 70     Խիստ սովամահ էի բեկեալ,
Line: 12  Verse: 71     Բըրդեա́ ըզհաց, զի եմ քաղցած։
Line: 13  Verse: 72     Յաւետարա́նըն կայ գըրած
Line: 14  Verse: 73     Զինչ որ քեզ կայ՝ տո́ւր աղքատաց.
Line: 15  Verse: 74     Տէրըն Քրիստոս առակ ասաց,
Line: 16  Verse: 75     "Հացի փոխան քար չէ պահած,
Line: 17  Verse: 76     Եւ ո́չ ձըկանն աւձ տապակեալ"։
Line: 18  Verse: 77     Գիտեմ չեկիր վասն առողջաց,
Line: 19  Verse: 78     Ես եմ եկել վասն հիւանդին,
Line: 20  Verse: 79     Ո՞վ կու բաղխէ, որ չէ բացած։
Line: 21  Verse: 80     Կամ ո՞վ հայցեց, որ չէ գըտել,
Line: 22  Verse: 81     Դու, Տէ՛ր, գըթած ես ւ̆ողորմած.
Line: 23  Verse: 82     Յերիքովի անցն եմ անկեալ,
Line: 24  Verse: 83     Յափըշտակեալ յաւազակաց։
Line: 25  Verse: 84     Ձեռն եմ ընկել ի սպանողաց,
Line: 26  Verse: 85     Եւ կիսամահ ես կամ անկած,
Line: 27  Verse: 86     Ծերքըն տեսան եւ զանց արին,
Line: 28  Verse: 87     Երեկ Բըժիշկն եւ յիս գըթաց։
Line: 29  Verse: 88     Ի յուսն էառ զինչ իւր զաւակ,

Page: 315  
Line: 1  Verse: 89     Տարաւ ի յիւր պանդոկն էած,
Line: 2  Verse: 90     Անդ ինձ տեղիք էր պատրաստած։
Line: 3  Verse: 91     Զիմ շարաւով խոցըս փըտած
Line: 4  Verse: 92     Բըժըշկական ջըրով մաքրեաց.
Line: 5  Verse: 93     Ձէթ եւ գինի էր անդ պահած,
Line: 6  Verse: 94     Ըսպեղանեաւք զիս պատատեաց,
Line: 7  Verse: 95     Ինձ մըխիթար բան մի ասաց։
Line: 8  Verse: 96     "Զքեզ ո́չ կամիմ մեղաւք մեռած,
Line: 9  Verse: 97     Այլ ըզքո կեա́լն ապաշխարած,
Line: 10  Verse: 98     Ե́ս ի խընդիր մոլորելոց,
Line: 11  Verse: 99     Եկա́յք առ իս որք աշխատած,
Line: 12  Verse: 100     Եւ բեռնաւորք արհամարհեալ,
Line: 13  Verse: 101     Զձեզ հանգուցից Ես յիմ կամաց,
Line: 14  Verse: 102     Արժան առնեմ ըզձեզ փառաց,
Line: 15  Verse: 103     Թեթեւ բեռին ծանըր լըծաց"։
Line: 16  Verse: 104     Տո́ւր ջերմեռանդ ինձ արտասուս,
Line: 17  Verse: 105     Զինչ Մարեմանըն Սիմոնեանց,
Line: 18  Verse: 106     Յերես անկեալ ես պաղատիմ՝
Line: 19  Verse: 107     Թող զպարտիս բիւր քանքարաց։
Line: 20  Verse: 108     Տո́ւր ինձ ըզձայնն ազատարար,
Line: 21  Verse: 109     Եթէ ազատ ես ի մեղաց.
Line: 22  Verse: 110     Զըգեա́ առ իս զաջ կեցուցիչ
Line: 23  Verse: 111     Եւ զիս սրբեա́ յաղտոյ մեղաց։
Line: 24  Verse: 112     Մաքրեա́ զբորոտ կեղաւք լըցեալս,
Line: 25  Verse: 113     Խաղաւարտեալ ժահահոտած.
Line: 26  Verse: 114     Կեանգնեա́ եւ զիս ի մահ մաւտեալս,
Line: 27  Verse: 115     Զինչ Սիմոնի զոքանչ ցաւած։
Line: 28  Verse: 116     Յուսով առ Քեզ զիս վերածեա́,
Line: 29  Verse: 117     Եւ կերակրեա́ սուրբ եւ մաքրած.
Line: 30  Verse: 118     Փըրկեա́ եւ յայս դաւաճանէս՝
Line: 31  Verse: 119     Դառն եւ դըժնիկ յայսու դիւաց։

Page: 316  
Line: 1  Verse: 120     ԶԳերգեսացիս այս ախտացեալ
Line: 2  Verse: 121     Ձայնեա́ ձայնի́ւըդ Քո գըթած,
Line: 3  Verse: 122     Որպէս առ կի́նըն կարկամեալ,
Line: 4  Verse: 123     Որ էր հիւանդ բազում ամաց։
Line: 5  Verse: 124     Այժմ եղիցիս դու արձակած
Line: 6  Verse: 125     Եւ ի ցաւէդ քո փարատած,
Line: 7  Verse: 126     Երսուն եւ ութ ամ էր նորա,
Line: 8  Verse: 127     Քրիստոս մէկ բա́նիւ բըժըշկեաց։
Line: 9  Verse: 128     Անդամալոյծն եմ ես անկեալ,
Line: 10  Verse: 129     Եւ ի ցաւոցըն կամ կախած,
Line: 11  Verse: 130     Յիս խընայեա́, Յիսուս Քրիստոս,
Line: 12  Verse: 131     "Այլ քեզ լիցի քո մեղքն թողած"։
Line: 13  Verse: 132     Դարձեալ գըթա́ եւ յիս, Քրիստոս,
Line: 14  Verse: 133     Զինչ որ ի յայրըն ջըրգողած.
Line: 15  Verse: 134     Կամ ի ծընէ կոյրըն ծընած,
Line: 16  Verse: 135     Կամ Բարդիմա́ աչքըն բացած։
Line: 17  Verse: 136     Տո́ւր ինձ հայիլ հոգոյս աչացս
Line: 18  Verse: 137     Ի ճըշմարիտ Բանդ Աստուած,
Line: 19  Verse: 138     Որով մաքրէ մեր բընութիւնս
Line: 20  Verse: 139     Ի յամենայն խղճէ մըտաց։
Line: 21  Verse: 140     Մերձեա́ առ իս մեղաւք մեռեալս,
Line: 22  Verse: 141     Ի մաքսաւո́րըս գոսացած.
Line: 23  Verse: 142     Յիս փութացո́ աստ իջանել,
Line: 24  Verse: 143     Ընթրեա́ առ իս, Տէ՛ր իմ Աստուած։
Line: 25  Verse: 144     Լըսեա́ ձայնի գաղտ մաղթանացս,
Line: 26  Verse: 145     Նըսեմացեալ հոգիս խաւրած,
Line: 27  Verse: 146     Որպէս առ ա́փըն ջըրհորին
Line: 28  Verse: 147     Սամարացոյն եղեր գըթած։
Line: 29  Verse: 148     Արբո́ ինձ զջո́ւրըն կենդանի
Line: 30  Verse: 149     Խաղաղացեալ աղբերն կենաց.

Page: 317  
Line: 1  Verse: 150     Տո́ւր համբերել սըրտի կամաւք
Line: 2  Verse: 151     Ընդ Քո սըրբոց եւ սիրելեաց։
Line: 3  Verse: 152     Զի ըզպարտիս շահել լինիմ
Line: 4  Verse: 153     Եւ թողութիւն բազում մեղաց.
Line: 5  Verse: 154     Չեմ արժանի մանկանց հաւտի,
Line: 6  Verse: 155     Շուն եմ առ դո́ւռըն Քո քաղցած։
Line: 7  Verse: 156     Տո́ւր ըզփըշրա́նըս աւրհնութեան,
Line: 8  Verse: 157     Ի սեղանոյ սուրբ սիրելեաց.
Line: 9  Verse: 158     Կեանգնեա́ եւ զիս ի մահուանէ՝
Line: 10  Verse: 159     Զինչ Յայրոսի դուստրըն մեռած։
Line: 11  Verse: 160     Կամ զինչ որդին այրւոյն ցաւաւք,
Line: 12  Verse: 161     Որ ի Նային քաղաք մեռած.
Line: 13  Verse: 162     Հարիւրապետն եմ լացուցած,
Line: 14  Verse: 163     Եւ իմ հոգոյս մահըն մաւտած։
Line: 15  Verse: 164     Ասա́ բանիւ եւ ողջանայ,
Line: 16  Verse: 165     Ես հաւատամ կենդանացած.
Line: 17  Verse: 166     Փոխան իւղոյն Մարիամայ
Line: 18  Verse: 167     Արտասուալից յոտքդ եմ անկած։
Line: 19  Verse: 168     Լո́ւծ ւ̆արձակեա́ զվաղուց մեռեալս,
Line: 20  Verse: 169     Ընդ Ղազարու, որ էր հոտած.
Line: 21  Verse: 170     Արժանացո́ քաղցըր ձայնիդ,
Line: 22  Verse: 171     Յայո́ զիս, Տէ՛ր, ի ք̆նոյ մեղաց։
Line: 23  Verse: 172     Քան զմեծատունն եմ յըղփացեալ,
Line: 24  Verse: 173     Ակըն հոգոյս է խաւարած.
Line: 25  Verse: 174     Ղազարըն կայր յիմ դուռս անկած,
Line: 26  Verse: 175     Ես չասացի թ̆ո՞վ կայ նեղած։
Line: 27  Verse: 176     Իմ փըշրանացն էր ցանկացել,
Line: 28  Verse: 177     Չեմ կերակրել աղքատի հաց,
Line: 29  Verse: 178     Ո՛չ ագուցել մերկի հանդերձ,
Line: 30  Verse: 179     Ո՛չ դեղ տուել եմ աւտարաց։

Page: 318  
Line: 1  Verse: 180     Չեմ արբուցել ջուր ծարաւեաց,
Line: 2  Verse: 181     Ո՛չ լուացել զոտըս հիւրաց.
Line: 3  Verse: 182     Զամէն աւրէնք եմ մոռացել,
Line: 4  Verse: 183     Որբ եւ այրիքն են իմ գըրկած։
Line: 5  Verse: 184     Ե́ս եմ եղել պատճառ չարին,
Line: 6  Verse: 185     Յուղուոյ թիւրեալ, ցանկէ մերժած.
Line: 7  Verse: 186     Մորոս կոչեմ ես զիմ եղբայրն,
Line: 8  Verse: 187     Եւ չեմ սիրել ուղորդ սըրտաց։
Line: 9  Verse: 188     Կասեմ թէ հա́ն շիւղն ի յաչիցդ,
Line: 10  Verse: 189     Կայ մեծ գերան յիմըս թագած.
Line: 11  Verse: 190     Զինչ ըզպոռնիկն եմ մեղաւոր
Line: 12  Verse: 191     Մորթովս ի լի մեղաւք լըցած։
Line: 13  Verse: 192     Ո՛չ փայտ, ո́չ քար չէ մընացել,
Line: 14  Verse: 193     Որ ընդ նոսա չեմ շընացել.
Line: 15  Verse: 194     Տէ՛ր, տուր ինձ դարձ մեղաւորիս,
Line: 16  Verse: 195     Զի Քո ստեղծուած եմ ւ̆արարած։
Line: 17  Verse: 196     Հիւանդ ոչխարն եմ կաղացեալ,
Line: 18  Verse: 197     Գայլերն ի դէմս են պաշարած,
Line: 19  Verse: 198     Տէ՛ր իմ, Դու բա́րձ զիս ի յուսիդ,
Line: 20  Verse: 199     Տար ի փարախն ամրացուցած։
Line: 21  Verse: 200     Զինչ տեռատես կինն եմ ցաւած,
Line: 22  Verse: 201     Աղբեր արեանս է իմ բըղխած.
Line: 23  Verse: 202     Յուսով կու գամ առ Քեզ, Բըժիշկ,
Line: 24  Verse: 203     Բուռն եմ հարեալ զՔո քըղանցաց։
Line: 25  Verse: 204     Յուզմունք արեանս է դադարել,
Line: 26  Verse: 205     Որ առ ժամայն Տէրըն գիտաց.
Line: 27  Verse: 206     Յիմար կուսիցն եմ նըմանեալ,
Line: 28  Verse: 207     Ջահս է անցել, իւղս է հատած։
Line: 29  Verse: 208     Տէ՛ր, մի́ փակեր զդուռըն բարոյ,
Line: 30  Verse: 209     Եւ մի́ թողուր զիս աստ կանգնած,
Line: 31  Verse: 210     Մի́ բաժաներ ըզյիմարեալս

Page: 319  
Line: 1  Verse: 211     Ի յիմաստուն սուրբ կուսանաց։
Line: 2  Verse: 212     Քո եմ ծառայ արեամբ գընեալ,
Line: 3  Verse: 213     Դու ես գըթած առ մեզ եկած.
Line: 4  Verse: 214     Կընոջ դըրա́մն եմք կորուսած,
Line: 5  Verse: 215     Տէ՛ր, մի́ թողուր զմեզ ի ձեռաց։
Line: 6  Verse: 216     Վառէ ճըրագ եւ զմեզ գըտիր,
Line: 7  Verse: 217     Խնդրէ ըստէպ զի եմք կորած.
Line: 8  Verse: 218     Զինչ զաւազակն ի ժամ խաչին
Line: 9  Verse: 219     Աստուածաբար ընդ Քեզ գոչեաց։
Line: 10  Verse: 220     Հրաշագործեա́ զ̆մեզ ընդ նըմին,
Line: 11  Verse: 221     Հոգով առ Քեզ կենդանացած.
Line: 12  Verse: 222     [Եւ] Վասըն Քո անճառ սիրոյդ,
Line: 13  Verse: 223     Որ ի յերկնից ես խոնարհած.
Line: 14  Verse: 224     [Եւ] Վասըն սուրբ Աստուածածնին,
Line: 15  Verse: 225     Յորմէ մարմին ես Դու ̆զգեցած.
Line: 16  Verse: 226     [Եւ] Վասըն Քո մարդեղութեանդ,
Line: 17  Verse: 227     Որ ընդ մարդկան ես Դու շըրջած։
Line: 18  Verse: 228     Վասըն եւ Քո սուրբ մարմընոյդ,
Line: 19  Verse: 229     Որ ի Խաչին էր բեւեռած.
Line: 20  Verse: 230     [Եւ] Պատուական Քո սուրբ արեանդ,
Line: 21  Verse: 231     Որ վասն մեր եղեւ հեղած։
Line: 22  Verse: 232     Վասըն թըքին եւ ապտակին,
Line: 23  Verse: 233     Որ վասըն մեր էր ընկալած.
Line: 24  Verse: 234     Վասըն գանին եւ եղէգանն,
Line: 25  Verse: 235     Փուշ պըսակին, որ Քեզ դըրած։
Line: 26  Verse: 236     Վասըն լեղուն եւ քացախին,
Line: 27  Verse: 237     Որ Քեզ համար էր պատրաստած.
Line: 28  Verse: 238     [Եւ] Վասըն Քո գերեզմանին,
Line: 29  Verse: 239     Որ չէր բընաւ անդ զոք եդած։
Line: 30  Verse: 240     Վասըն անճառ Քո յարութեանդ,
Line: 31  Verse: 241     Յոր արարածս եմք նորոգած.
Line: 32  Verse: 242     Խնդիր եկեր Քո պատկերին,
Line: 33  Verse: 243     Վասըն զի Հաւր ̆իր խոստացած։
Line: 34  Verse: 244     Նորոգեցեր ըզհընացեալքս,

Page: 320  
Line: 1  Verse: 245     Քո գալըստեամբդ, ա́յ իմ Աստուած.
Line: 2  Verse: 246     Անոխակալ եւ մարդասէր,
Line: 3  Verse: 247     Թող ըզՖըրկան չարիքն ի բաց։
Line: 4  Verse: 248     Վասըն սըրբոց նահապետաց,
Line: 5  Verse: 249     Եւ բարեպաշտ թագաւորաց.
Line: 6  Verse: 250     Վասըն սըրբոց մարգարէից,
Line: 7  Verse: 251     Տեառն Աստուծոյ գուշակողաց։
Line: 8  Verse: 252     Վասըն սըրբոց առաքելոցն,
Line: 9  Verse: 253     Որ ի Քենէ են ձեռնադրած.
Line: 10  Verse: 254     [Եւ] Վասըն սուրբ հայրապետաց,
Line: 11  Verse: 255     ւ̆Աստուածաբան վարդապետաց։
Line: 12  Verse: 256     Վասըն սըրբոց կրաւնաւորաց
Line: 13  Verse: 257     Եւ առաջին մարտիրոսաց.
Line: 14  Verse: 258     Վասըն սըրբոց Քոց կուսանաց,
Line: 15  Verse: 259     Ճըգնաւորաց եւ միանձանց։
Line: 16  Verse: 260     Տէր ողորմեա́ մեղաւորիս,
Line: 17  Verse: 261     Ինձ եւ իմոց եւ աւտարաց.
Line: 18  Verse: 262     Նընջեցելոց եւ կենդանեաց՝
Line: 19  Verse: 263     Աղաչանաւք սուրբ հրեշտակաց։
Line: 20  Verse: 264     Տէր կենդանի է եւ աւրհնեալ,
Line: 21  Verse: 265     Որ չէ այլոց բանքս ասացած.
Line: 22  Verse: 266     Զինչ ըզծաղիկ եմ ժողովել,
Line: 23  Verse: 267     Քան զմարգարիտ պայծառ շարած,
Line: 24  Verse: 268     Թէպէտ յերկար բան կու խաւսի,
Line: 25  Verse: 269     Ֆըրիկն ասել է ի մըտաց.
Line: 26  Verse: 270     Անյիշաչար Տէր ու բարի,
Line: 27  Verse: 271     Զարհուրեցո́ զմեզ ի մեղաց,
Line: 28  Verse: 272     Եւ ազատեա́ յանաւրինաց
Line: 29  Verse: 273     Եւ ի ձեռաց չար տանջանաց.
Line: 30  Verse: 274     Խաղաղ կենաւք ըզմեզ պահեա́,
Line: 31  Verse: 275     Մինչ յաւր մահուն, որ կայ պահած։


Line: 32  ***


Page: 321  
Next part


This text is part of the TITUS edition of Frik, Diwan.

Copyright TITUS Project, Frankfurt a/M, 5.12.2017. No parts of this document may be republished in any form without prior permission by the copyright holder.