TITUS
Frik, Diwan
Part No. 10
Previous part

Poem: 10   Ժ.
Line: 1  Verse: 1   ՆՈՐԻՆ ՖՐԿԱՆՆ
Line: 2  Verse: 2   ասացեալ
Line: 3  Verse: 3   ԽՐԱՏ ՈԳԵՇԱՀ ՎԱՍՆ ԵՐԻՏԱՍԱՐԴԻ
Line: 4  Verse: 4   ՇՆՈՒԹԵԱՆ ԵՒ ԱՐԲԵՑՈՂԱՑ։
Line: 5  4-4 \\ 4--4


Line: 6  Verse: 5     Է՛ անաւրէն եւ անառակ երիտասարդ լըսէ զիմս դու.
Line: 7  Verse: 6     Երբ ըզգըլո́ւխըդ բանայիր, ̆զքեզ ցոյց տայիր մէջ բոզերու,
Line: 8  Verse: 7     Յեկեղեցին պիտէր բանալ խոստովանիլ Տեառն Աստուծոյ։
Line: 9  Verse: 8     Երբ ըզճակա́տդ ի վեր տայիր կըռուոյ ջանիր հետ ամենոյ,
Line: 10  Verse: 9     Քեզ հընազանդ պիտէր կենալ՝ յոտք անկանիլ ամէն մարդոյ։
Line: 11  Verse: 10     Աչաւք նայ̆իր ի կին աւտար՝ վանց շընութեան եւ ցանկալոյ,

Page: 303  
Line: 1  Verse: 11     Արդար ւ̆ուղիղ պիտէր նայել զինչ ի ծընաւղ հանց հաւատոյ։
Line: 2  Verse: 12     Յորժամ ականջ դնէիր չարին կամ ըզբաղիր հետ կուսանոյ,
Line: 3  Verse: 13     Աւետարան պիտէր լըսել կամ զԵսայեայ կամ Պաւղոսու։
Line: 4  Verse: 14     Քիմքըդ թըխած կացել յերակ զամէն գարշ, պիղծ հոտոտելոյ.
Line: 5  Verse: 15     Այն որ պիտէր քեզ հոտետել ի շիրիմաց խընկահոտոյ,
Line: 6  Verse: 16     Աւրհնել, գովել, փառաւորել զՀայր եւ զՈրդին ընդ Սուրբ Հոգոյ։
Line: 7  Verse: 17     Երբ ի գետին դըն̆իր զերեսդ վասըն կարեաց ադամորդոյ,
Line: 8  Verse: 18     Զինքն Աստուծոյ պիտէր դընել՝ այն որ կարող էր Նա́ տալոյ։
Line: 9  Verse: 19     Շըրթունքըդ ծուխ էր ժողովել, պագշոտէիր հետ ամենոյ,
Line: 10  Verse: 20     Քեզ համբուրել պիտէր յուսով ի նըշխարաց մարտիրոսու։

Page: 304  
Line: 1  Verse: 21     Դու զատամունքդ կըրճըտէիր զինչ նենգաւոր, հարբած ուղտոյ,
Line: 2  Verse: 22     Քաղցըր պիտէր զինքըդ բանալ՝ անուշ խաւսել հետ սիրելոյ։
Line: 3  Verse: 23     Զլեզուդ մըխել ես չար ու սուր, չես ձանձրանալ յիշոց տալոյ,
Line: 4  Verse: 24     Փառաբանող ստեղծած է դա՝ զտիւ եւ զգիշեր զառաւաւտու։
Line: 5  Verse: 25     Բերանըդ պի́ղծ է ու զազիր ի յամենայն պիղծ ուտելոյ,
Line: 6  Verse: 26     Պիտէր իւրմո́վըդ ճաշակ̆իր սուրբ յարենէ եւ մարմընոյ։
Line: 7  Verse: 27     Զխըռչակըդ լայն ես դու բացեր՝ զհարամն անհոգ ի կուլ տալոյ,
Line: 8  Verse: 28     Կարաւտ պիտէր զինքդ պահել յամէն պըտղոյ ւ̆ի պահս կալոյ։
Line: 9  Verse: 29     Լանջացդ անուշ գայր քո յերակ ձեռըն կընոջ անաւրինոյ,
Line: 10  Verse: 30     Զոր նարաւտիւ էր սընուցած, խաչըն՝ նըշան էր տէրունոյ։
Line: 11  Verse: 31     Բազուկըդ հա́ստ է եւ յաղթող, վասըն կըռուոյ եւ ծեծելոյ,

Page: 305  
Line: 1  Verse: 32     Զայն, որ պիտէր քեզ տարածել յերկինս ի վեր խընդըրուածոյ։
Line: 2  Verse: 33     Ձեռներըդ պիղծ եւ անմաքուր յաղտեղութեանց ւ̆ի զըրկելոյ,
Line: 3  Verse: 34     Զինքըն ի գործ պիտէ̆ր պահել կամ երեսիդ խաչ հանելոյ։
Line: 4  Verse: 35     Սիրտըդ լըցած է նենգութեամբ՝ զերդ գազանի, զինչ ըզգայլոյ,
Line: 5  Verse: 36     Զինքդ ողորմած պիտէր պահել դէմ աղքատաց եւ որբերոյ։
Line: 6  Verse: 37     Միտքդ ու հոգիդ է խաւարել ի յաշխարհի սուտ բաներոյ,
Line: 7  Verse: 38     Զինքըդ պայծառ պիտէր պահել՝ տաճար մաքրել Տեառն Աստուծոյ։
Line: 8  Verse: 39     Ստամոքդ արձակ ես դու զուգել՝ զինչ ըզձիու կամ ըզջորոյ,
Line: 9  Verse: 40     Պարկեշտութեամբ պիտէր կենալ, սակաւ ուտել ի կերակրոյ։
Line: 10  Verse: 41     Մարմինըդ գեր է եւ քընքուշ՝ հեշտ եւ անուշ զինքդ պահելոյ,

Page: 306  
Line: 1  Verse: 42     Չարչարանաւք պիտէր պահել՝ ռոճիկ չառնել որդըներու։
Line: 2  Verse: 43     Մէջքըդ գըճել ի չար գործոց պառընկութեամբ խառնակելոյ,
Line: 3  Verse: 44     Զոր խոնարհել պիտէր յաղաւթս եւ ի բարիս սերմանելոյ։
Line: 4  Verse: 45     Ծընկներըդ խոց կացել համակ ի հետ մեղաց շատ դատելոյ,
Line: 5  Verse: 46     Ծընրով պիտէր զինքըդ տեռել մէջ գիշերաց աղաւթելոյ,
Line: 6  Verse: 47     Կոշկոճելով խիստ չարչարել եւ վարձս առնուլ ի յԱստուծոյ։
Line: 7  Verse: 48     Յաւժարութեամբ երթ̆իր ոտիւքդ վանց գողութեան եւ ցանկալոյ,
Line: 8  Verse: 49     Զոր քեզ բոկոտ պիտէր վազել՝ վասըն մեղացըդ քաւելոյ։
Line: 9  Verse: 50     Ոսկով հանդերձ ես դու հագել ի հրապարակ պարծենալոյ,
Line: 10  Verse: 51     Զոր քեզ սեւաւք պիտէր կենալ, որ զըրկեցար յանճառ լուսոյ։
Line: 11  Verse: 52     Մորուաւքըդ մարդ ես կատարեալ, խելքըդ պակաս քան զերեխոյ,

Page: 307  
Line: 1  Verse: 53     Զինչ անասուն ես դու վարել, չես դու քըննող շահու, զենոյ։
Line: 2  Verse: 54     Թափէ զգինիդ եւ լըրջացիր եւ իմացիր զաւր տանջելոյ,
Line: 3  Verse: 55     Գեմ քան ըզտուր եւ առ շընչոյ՝ մահն է ի մաւտ ադամորդոյ։
Line: 4  Verse: 56     Զաւր հանապազ դու կաս ի քուն՝ չես ի ասել թ̆աւր կայ գալոյ,
Line: 5  Verse: 57     Դու զայն ատենն ես մոռացել, որ շատ հաշիւ կայ քեզ տալոյ։
Line: 6  Verse: 58     Յորժամ գոչէ փողն ահագին քեզ ելանել պիտի հողոյ,
Line: 7  Verse: 59     Հանց հառաչես դառն ու դըժար, զինչ որոտումն ելնէ յամպոյ։
Line: 8  Verse: 60     Հայիս ի յաջ կոյս եւ ի ձախ, դուռըն չունիս իսկի բարոյ,
Line: 9  Verse: 61     Երբ հանդիպիս սառնամանեաց՝ հանց սարսափիս զինչ ի դիւոյ։
Line: 10  Verse: 62     Ասես եղո՜ւկ հազար բերան, հիմիկ չէ ժամ փոշիմնելոյ,

Page: 308  
Line: 1  Verse: 63     Թափես յաչացդ արեան վըտակ, վա՜յ տաս աւուրն ծընանելոյ։
Line: 2  Verse: 64     Հանց հարկանես զատմունքդ յիրար՝ զինչ ելանէ ձայն կարկըտոյ,
Line: 3  Verse: 65     Մութն ու խաւարն է քեզ պատել՝ զահն է առել անշէջ հըրոյ։
Line: 4  Verse: 66     Հեղու բոլոր մարմինդ ամէն, զինչ որ հալի մոմն ի հըրոյ,
Line: 5  Verse: 67     Յիշես ըզմե́ղքըն քո զամէն՝ ճար չունենաս կաշառ տալոյ։
Line: 6  Verse: 68     Մընաս ողորմ եւ լացուցած՝ տարակուսած թ̆ի՞նչ կայ գալոյ,
Line: 7  Verse: 69     Գայ թագաւորն թագաւորաց եւ հատուցումն առնէ գործոյ։
Line: 8  Verse: 70     Չարարարին չար տայ փոխան՝ ճար չունենաս զերծանելոյ.
Line: 9  Verse: 71     Պապանձի ճա́րտար քո լեզուդ՝ գըլխակորիս զինչ ըզգայլոյ։
Line: 10  Verse: 72     Գաղտուկ նայիս աչուերդ ի դուրս, թէ յո՞ր տեղիք եմ գընալոյ,

Page: 309  
Line: 1  Verse: 73     Տեսնուս ըզհո́ւրըն բորբոքեալ, մեղաց որդո́ւնքըն ի հաշու։
Line: 2  Verse: 74     Կ̆ասեն թէ՝ "Ե՞րբ գայ մեր ծնաւղն, որ մեք ուտենք անուշ խաշու.
Line: 3  Verse: 75     Գըլուխն է գեր, ոտքըն փափուկ, անդամքն աղէկ է խորվելու"։
Line: 4  Verse: 76     Սիրտն ու սակատն եւ փորոտին թանձր է պատել գեր ճըրագու,
Line: 5  Verse: 77     Բըտած հաւով է սընուցած, անուշ գինի տայր խըմելու։
Line: 6  Verse: 78     Զմարմինն անուշ բըտէր յերակ, չունէր կասկած ի հաւս գալու.
Line: 7  Verse: 79     Աղքատըն գայր մերկ ու քաղցած՝ չը տայր բաժին իսկի հոգու։
Line: 8  Verse: 80     Ասէր անմահ մընամ՝ գամէն գանձ ու կումա́շս ինձ մընալու,
Line: 9  Verse: 81     Մահըն հասաւ յանկարծակի՝ զիւր ժողովածն եթող այլու։
Line: 10  Verse: 82     Խիստ փոշիման ի վայր մընաց, պաշար չունէր հետ տանելու,

Page: 310  
Line: 1  Verse: 83     Աւա՜ղ, ասաց, հազար բերան "Ակըն չուն̆ի հանց լինելու"։
Line: 2  Verse: 84     Ֆըրի́կ զարթիր ի խոր քընոյդ՝ եարաղ արա քեզ գընալու,
Line: 3  Verse: 85     ժանգոտ պըղինձ ենք հաւասար, ներքեւ հողին ենք փըտելու։
Line: 4  Verse: 86     Զայս փողըս տանք՝ ոսկի առնունք եւ Աստուծոյ տանք ի շահու,
Line: 5  Verse: 87     Տանք անցաւոր՝ առնունք անոնց, թէ մեք ունինք ակըն բարոյ,
Line: 6  Verse: 88     Մեղաց ըզսուգն ի հաւս պահենք, որ դադարենք անդ ի լալոյ,
Line: 7  Verse: 89     Յայս տեղըս տանք հոգու բաժին, որ հասանինք անանց լուսոյ։
Line: 8  Verse: 90     Ով որ կարդայ յայս խըրատէս, թո́ղ յետ բանայ զականջ հոգոյ,
Line: 9  Verse: 91     Ոսկով գըրէ ի մէջ սըրտին, զայս բանս յերակ ի միտ առնու։
Line: 10  Verse: 92     Եւ զանարժան Ֆըրիկ ծառայս արժան արէք զիս յիշելոյ,
Line: 11  Verse: 93     Որ դուք յիշիք առհասարակ, յորժամ գոչէ փողըն Բարոյ։

Page: 311  
Line: 1  Verse: 94     Լըսէք ըզձայնն երանաւէտ, "Եկայք առ իս որդիք լուսոյ",
Line: 2  Verse: 95     Խառնիք ի դասն աջակողմեան, տաք աւրհնութիւն Տեառն Աստուծոյ։
Line: 3  Verse: 96     Երրորդութեան երկըրպագեմք Հաւր եւ Որդոյ եւ Սուրբ Հոգոյ,
Line: 4  Verse: 97     Եւ փառըս տամք երից անձինդ անբաժանե́լի համագոյ։
Line: 5  Verse: 98     Դու ես Աստուած յաւիտենից՝ զիս Քո տեսոյդ արժանացո,
Line: 6  Verse: 99     Փառըք փառաց Թագաւորիդ, որ ես բազմեալ յաթոռ լուսոյ։
Line: 7  Verse: 100     Ով զիմ անունըս խափանէ՝ զիւրըն գըրէ պարծենալոյ,
Line: 8  Verse: 101     Յաստէնս չառնէ ինք թողութիւն, անդէն զըրկի ինքն ի բարոյ։


Line: 9  ***


Page: 312  
Next part


This text is part of the TITUS edition of Frik, Diwan.

Copyright TITUS Project, Frankfurt a/M, 5.12.2017. No parts of this document may be republished in any form without prior permission by the copyright holder.