TITUS
Frik, Diwan
Part No. 15
Previous part

Poem: 15   ԺԵ.
Line: 1  Verse: 1   ՆՈՐԻՆ ՖՐԿԱՆՆ
Line: 2  Verse: 2   ասացեալ
Line: 3  Verse: 3   ԲԱՆ ՊԻՏԱՆԻ ԵՒ ԼԱՒ.
Line: 4  4-4 \\ 4-4


Line: 5  Verse: 4     Ծարաւի [է] անձն իմ առ Քեզ, Աստուած հըզաւր եւ կենդանի,
Line: 6  Verse: 5     Երբ [ես] եկից, երեւեցայց քո երեսա́ցըդ հրաշալի։
Line: 7  Verse: 6     Թողուլ պիտի զայս կեանքս ի բաց, որ այս խորհուրդըս չ̆կատարի,
Line: 8  Verse: 7     Զմիտք եւ զխորհուրդ եւ զգայարանք մաքրել պիտի զինչ հայելի։
Line: 9  Verse: 8     Մեզ արտասուս պիտի հեղուլ ի յաչերուս զերդ զԱնտոնի,
Line: 10  Verse: 9     Չարչարանաց կըցորդ լինել Լուսաւորչի́նըն Գրիգորի։
Line: 11  Verse: 10     Աղաւթք ամբիծ մատուցանել, զինչ զՅովհաննու Կարապետի,
Line: 12  Verse: 11     Վասն Աստուծոյ մեզ մեռանել, քան զվկային Ստեփաննոսի։
Line: 13  Verse: 12     Ճըշմարտութեան մեզ հաւատալ ըստ առաքելո́յն Պաւղոսի,
Line: 14  Verse: 13     Երգըս հոգով երգել պիտի զԵսաիայ մարգարէի։
Line: 15  Verse: 14     ԶԱստուածածի́նըն դաւանել հարսն երկնաւոր Թագաւորի,
Line: 16  Verse: 15     Ապա լինինք մեք արժանի, որ հանդիպենք սուրբ Փեսային։
Line: 17  Verse: 16     Դու ես աղբիւր Կենդանութեան եւ փարատիչ ամէն ցաւի,
Line: 18  Verse: 17     Ծարաւելոցս արբո́ զբաժակն յանմահականըն սեղանի։

Page: 335  
Line: 1  Verse: 18     Դու, Տէ՛ր, ընկալ ըզմեր մաղթանս Քեզ ի հաճոյս ընդունելի,
Line: 2  Verse: 19     Հանց անարատ պահեա յերկրի՝ զինչ պատարա́գըն Աբէլի։
Line: 3  Verse: 20     Զայս անարժանս արժանացո́ Քո սուրբ տեսլեա́նըդ հրաշալի,
Line: 4  Verse: 21     Ես եմ Քո մե́ղաւոր ծառայն, Ֆըրիկ անուն յոյժ աղտեղի։
Line: 5  Verse: 22     Որչափ պահես զմեզ կենդանի՝ հոգով, մարմնով առողջ յերկրի,
Line: 6  Verse: 23     Եւ յետ փոխման մերոյ աստի յարքայութեանդ Քո տուր տեղի։
Line: 7  Verse: 24     Ի յայն վերինն Երուսաղէմ, ուր սըրբոց դա́սքըն հաւաքի,
Line: 8  Verse: 25     Առհասարակ արժանացո́ զազգըս Հայոց քրիստոնէի։
Line: 9  Verse: 26     Մեք փառըս վեր առաքեսցուք Քեզ երկնաւոր Թագաւորի,
Line: 10  Verse: 27     Ընդ հրեշտակացն ընկալ ըզմերս՝ Հայր եւ Որդի եւ սուրբ Հոգի։
Line: 11  Verse: 28     Ես աղաչեմ զամենեսեան վասըն սիրո́յնըն Քրիստոսի,
Line: 12  Verse: 29     Եղբարք ի սուրբ յաղաւթըս ձեր զմեզ յիչեցէք յամէն տեղի։
Line: 13  Verse: 30     Եւ դուք յաւրհնիք ի յԱստուծոյ, երբ որ մեզ ա́սէք ողորմի.
Line: 14  Verse: 31     Առհասարակ ամենեցունդ՝ Տէրըն Քրիստոս ձեզ քաղցրասցի։


Line: 15  ***


Page: 336  
Next part


This text is part of the TITUS edition of Frik, Diwan.

Copyright TITUS Project, Frankfurt a/M, 5.12.2017. No parts of this document may be republished in any form without prior permission by the copyright holder.