TITUS
Frik, Diwan
Part No. 16
Previous part

Poem: 16   ԺԶ.
Line: 1  Verse: 1   ՆՈՐԻՆ ՖՐԿԱՆՆ
Line: 2  Verse: 2   ասացեալ
Line: 3  Verse: 3   ՈՂԲԱՆՔ ԶՂՋՄԱՆ Ի ՀՈԳԻ
Line: 4  7-3-5


Line: 5  Verse: 4     Ջանացի թ̆ ի լոյսն ելնեմ՝ ի խաւարըն խիստ մաւտեցայ,
Line: 6  Verse: 5     Այսոր ճարակ ի՜նչ առնեմ, երբ մեղաւք ես այլ ւ̆ի կորայ։
Line: 7  Verse: 6     Պոռնիկ եմ ու գող եւ սուտ, գիջութեամբ ես աղտեղեցայ,
Line: 8  Verse: 7     Միտքըս ցանկութեամբ դատի, յաղաւթից ես խիստ ծուլացայ։
Line: 9  Verse: 8     Ալիքս ի դեղին դարձեր, նա մեղաւքս այլւ̆ի սեւացայ.
Line: 10  Verse: 9     Ի բազմագլուխ գազան վիշապի թունիցն այրեցայ։
Line: 11  Verse: 10     Սըրով ես ինձ հանց զարկի, որ մահու չափ ես խոցեցայ,
Line: 12  Verse: 11     Ականջ խաբողին դըրի, զԱստուծոյ բանըն մոռացայ։

Page: 337  
Line: 1  Verse: 12     Զլուսոյ դուռն ի վեր ածի, ւ̆ի խաւարէն շաղախեցայ,
Line: 2  Verse: 13     Բէլիար ինձ զայս ասաց, թէ զերդ ըզքեզ մէկ մի չի կայ։
Line: 3  Verse: 14     Զիմ կամքս ես դու կատարել՝ ես քեզ տամ զինչ քեզ պիտենայ,
Line: 4  Verse: 15     Տանեմ զ̆քեզ ի յիմ դարպասն, որ անես աղէկ թամաշայ։
Line: 5  Verse: 16     Զ̆թըմբուկն էր ի ձեռն առել ու կու ասէր ինձ՝ թէ խաղա́,
Line: 6  Verse: 17     Որ ես հանգչիմ իմ դասովն եւ եղբայրն իմ Բեղզեբուղա։
Line: 7  Verse: 18     Հանցեղ ու շընորհք առնուս, ով հայի ի քեզ ծիծաղայ,
Line: 8  Verse: 19     Մոլար Ֆըրիկ, ի՞նչ եղար, որ չը բերես ըզխելքդ ի վերայ։
Line: 9  Verse: 20     Յէգուց Աստուծոյ առջեւն քեզ հաւն ճար ի՞նչպէս լինենայ,
Line: 10  Verse: 21     Կամ ի՞նչ պատասխան ունիս՝ երբ Դատողն ի քեզ նայենայ։
Line: 11  Verse: 22     Դու զո՞վ բարեխաւս բերես, երբ լըսաւղ ի հաւն քեզ չի կայ,

Page: 338  
Line: 1  Verse: 23     Ո՛չ կամք զԱրարչին արեր, ո́չ հրեշտակ ի գալ քո խընդայ։
Line: 2  Verse: 24     Դու քեզ ըսպանող կացեր, մարդ ի քեզ ի՞նչ ցեղ հաւատայ,
Line: 3  Verse: 25     Խաբող քարոզ ես եղել, կեղծաւոր՝ զինչ ըզսատանայ։
Line: 4  Verse: 26     Զկացքըդ քո փոխէ, Ֆըրիկ, որ հոգոյդ քո չ̆լինենայ,
Line: 5  Verse: 27     Եւ թող զայս ամէն ցընորս անաւգուտ եւ ել ու գընա։
Line: 6  Verse: 28     Զայն տեղն, որ Աստոսած կամի եւ սըրբոց տեղիք լինենայ,
Line: 7  Verse: 29     Այսու թէ կարես ըզքեզ դու թափել, որ այլւ̆ի գըթայ։
Line: 8  Verse: 30     Զի Տէրն ողորմած է խիստ, ծառային չար ո́չ կամենայ,
Line: 9  Verse: 31     Գեմ Պետրոս եհարց ի Տէրն, թէ եղբայր իմ մեղանչանայ,
Line: 10  Verse: 32     Քանի՞ հետ թողուի եղբաւրն, երբ մեղաւք առ մեզ դիմի նա.

Page: 339  
Line: 1  Verse: 33     Աստուած մարդասէրն ասաց, թ̆Ադամայ համար խաչեցայ։
Line: 2  Verse: 34     Թէ մարդն ի զըղջումըն գայ՝ հինգ հարիւր կը թողում նորա,
Line: 3  Verse: 35     Ֆըրիկ, ամ լըսէ բանիս, զայս բարիս քեզ ո՞վ կամենայ։
Line: 4  Verse: 36     Ի սըրտի ականջըդ կալ, զայս լուսոյ խըրատս ու գընա́,
Line: 5  Verse: 37     Մինչ աւր փըրկութեան է դեռ, հառաչէ լալով թէ մեղայ։
Line: 6  Verse: 38     Քաւեա զիս ըզմեղաւորս, Քո գընեալ արեամբն եմ ծառայ,
Line: 7  Verse: 39     Զանցած մեղքըն մի́ յիշել, այլ քաւեա́ զկամայ զակամայ։
Line: 8  Verse: 40     Թ̆այլ սուտխաւսութիւն առնեմ, զինչ որ վատն է զայն ինձ արա,
Line: 10  Verse: 41     Ապա այլ չի կայ պատճառ, որ անդէն հուրն ինձ կու եռայ։

Page: 340  
Line: 1  Verse: 42     Որ ես շահեցայ զայն ինձ, ինչ գործովս իմ ես դատեցայ,
Line: 2  Verse: 43     Շինեցի շատ մալ ու գանձ եւ հոգոյս բա́ժին չ̆աւգտեցայ։
Line: 3  Verse: 44     Զամէն դատեցայ մեղաւք, իմ հոգոյս դըժոխք շահեցայ,
Line: 4  Verse: 45     Հանցեղ վաստակ ո́չ արի, Աստուծոյ բաժին լինենայ,
Line: 5  Verse: 46     Կատարեալ սուրբ եւ ընտիր պատարագ, որ հաճի ի նա։
Line: 6  Verse: 47     Երնէկ թէ լինէր այս ինձ, որ Յիսուս Տէրն ի յիս գըթայ,
Line: 7  Verse: 48     Եւ քաղցր աչաւք յիս նայի, ւ̆ինձ ասէ թէ՝ բարի ծառայ,
Line: 8  Verse: 49     Որ ես ազատիմ յահեղ տանջանացն, որ ինձ կու մընայ։

Line: 9  Verse: 50     Հանց գութ ու աղէտ ունիս, դու Աստուած, որ այլ չի լինայ,
Line: 10  Verse: 51     Գիտեմ չի թողուս ըզմեզ ի խաբաւղն, որ այլւ̆ի խընդայ։
Line: 11  Verse: 52     Խաչիւ սպանած է գեմ Բելիար ու Բեղզեբուղա,
Line: 12  Verse: 53     Զարիւնդ ի վերայ Խաչին Դու հեղեր, Տէ՛ր, վասն Ադամայ։

Page: 341  
Line: 1  Verse: 54     Դըրոշմ ի վերայ եդեր, որ չիշխեն նայել ծուռ ի նա,
Line: 2  Verse: 55     Գոհ եմք զԱստուծոյ, եղբարք, որ զ̆ծառայն անչափ սիրէ Նա,
Line: 3  Verse: 56     Որ ի յերկնից ի յերկիր խոնարհի ու ̆ի հող մըտենայ,
Line: 4  Verse: 57     Եւ զիշխանութիւն մահու Նա́ ելոյծ, որ ահ մի չի կայ։
Line: 5  Verse: 58     Յարեաւ, որ ծագեաց մեզ լոյս, յոր երկինք ւ̆երկիրըս ցընծայ,
Line: 6  Verse: 59     Փառք Աստուածութեանըն տամք, որ անչափ բաներ գիտենայ։


Line: 7  ***


Page: 342  
Next part


This text is part of the TITUS edition of Frik, Diwan.

Copyright TITUS Project, Frankfurt a/M, 5.12.2017. No parts of this document may be republished in any form without prior permission by the copyright holder.