TITUS
Frik, Diwan
Part No. 23
Previous part

Poem: 23   ԻԳ.
Line: 1  Verse: 1   ՆՈՐԻՆ ՖՐԻԿԷ
Line: 2  Verse: 2   Աշխարհականէ ասացեալ.
Line: 3  Verse: 3   ՏԱՂ ՎԱՍՆ ԲԱՐԵԳՈՐԾՈՒԹԵԱՆ ՄԱՐԴԿԱՆ.
Line: 4  Verse: 4   ԽՐԱՏ ՈԳԵՇԱՀ ԵՒ ՊԻՏԱՆԻ
Line: 5  Verse: 5   [Երազ է եւ սուտ, եղբարք]
Line: 6  7-3-5


Line: 7  Verse: 6     Ի՛մ սիրտ, վատին մի́ լըսեր, ու չարին իսկի տեղ մի́ տալ,

Page: 358  
Line: 1  Verse: 7     Այս աստընուորիս վերայ՝ վատն իսկի մարդու չի մընալ։
Line: 2  Verse: 8     Այն մարդն, որ ինքն վատ առնէ՝ հանդիպի ինքն վատի մի այլ,
Line: 3  Verse: 9     Եւ զինչ որ ունի ամալ՝ գայ ի յոտքն փաթաւթի նա́ այլ։
Line: 4  Verse: 10     Յորժամ քո չար կամն ընկնի, դու քո ի սիրտըդ մի́ խընդալ,
Line: 5  Verse: 11     Չ̆գիտես, թէ այդոր փոխան յԱստուծոյ քեզ ի՞նչ պիտի գալ։
Line: 6  Verse: 12     Այլոց թէ դու չար կամիս, քեզ բարոյ իսկի մի մընալ,

Page: 359  
Line: 1  Verse: 13     Զինչ որ դո́ւ չափես այլոց, քեզ չափեն մէկին մէկ՝ մին այլ։
Line: 2  Verse: 14     Ի՛մ սիրտ, քեզ քանի՞ ասեմ, հետ չարին իսկի մի գընալ,
Line: 3  Verse: 15     Շատ մի փորձեցեր բաներ՝ քան զաղէկն այլ իրք չի մընալ։
Line: 4  Verse: 16     Աղէկն, որ ի քո ձեռացդ ի վեր գայ՝ գահալ մի կենալ,
Line: 5  Verse: 17     Երնէկ ես նորա կուտամ, որ կարէ ընկեր սիրենալ։
Line: 6  Verse: 18     Ա՜յ խելք, ամ ժողով կացիր ու ճապաղ զաւրըն մի կենալ,
Line: 7  Verse: 19     Մըտաւքդ իմացիր աղէկ եւ քըննէ, տըխմար մի կենալ։
Line: 8  Verse: 20     Ըզսիրտըդ հնազանդ պահէ, խաբողին տեղ իսկի մի տալ,
Line: 9  Verse: 21     Զուտելն ու խըմելն ատէ, աղաւթից ի զատ մի կենալ։
Line: 10  Verse: 22     Ապա թէ հըպարտ կենաս՝ Բելիար քեզ հիւր կամի գալ,
Line: 11  Verse: 23     Լինիս դու չարեաց մերան՝ գեհենին կամիս լինենալ։

Page: 360  
Line: 1  Verse: 24     Ի սըրտէդ արիւն բըղխէ, ւ̆աչուերուդ դադար դու մի տալ,
Line: 2  Verse: 25     Պահաւք ւ̆աղաւթիւք կապէ, սատանի տեղ իսկի մի տալ։
Line: 3  Verse: 26     Ֆըրիկ, ցանկացար դու խիստ մեծութեան՝ քեզ ո՞վ կամի տալ,
Line: 4  Verse: 27     Աժնիկ ես այդոր, զինչ որ քաշեցիր ու դեռ կամի գալ։
Line: 5  Verse: 28     Խաբէութենէ եղաւ ւ̆ի մեղաց, տըխմար մի կենալ,
Line: 6  Verse: 29     Թէ այդ քեզ չեղաւ խըրատ, մեծ վընաս յետեւ կամի գալ։
Line: 7  Verse: 30     Տրաւք տընանկաց դարձո ըզվընասն, որ քեզ կամի գալ,
Line: 8  Verse: 31     Արթուն եւ պատրաստ կացիր՝ չարն յերակ մարդուն կամի գալ։
Line: 9  Verse: 32     Աստէնս թէ բարի գործես, քեզ յանդէնն ի դէմ կամի գալ,
Line: 10  Verse: 33     Զայս կեանքս ուրացիր, Ֆը՛րիկ, զանցաւորս իսկի մի հոգալ։
Line: 11  Verse: 34     Թէ զ̆խելքդ ի վերայ բերես ու զուգես քեզ աղէկ ամալ,
Line: 12  Verse: 35     Յետեւ դու խելաւք լինիս եւ բարեաց կամիս տիրանալ։
Line: 13  Verse: 36     Գէմ զայս հաղիաթ գիտեմք, որ այս կեանքըս մեզ չի մընալ,

Page: 361  
Line: 1  Verse: 37     Ամ յէ՞ր կու դատինք ի զուր ւ̆Աստուծոյ ի փոխ չենք ի տալ։
Line: 2  Verse: 38     Աղէկ վաճըռկան պիտի՝ տասնէն մէկ կարէ շահենալ,
Line: 3  Verse: 39     Տանք զինքն ի յԱստուած այսաւր, Նա մէկին հազար կամի տալ։
Line: 4  Verse: 40     Այս է հոգեւոր ճամբայ, թէ կամիս յինքըն դու գընալ,
Line: 5  Verse: 41     Զինչ հեռ ու նախանձ ունիս, յամէնէն ի զատ հեռանալ։
Line: 6  Verse: 42     Զքո գանձն աղքատացըն տալ ու զհոգուդ ճարակն իմանալ,
Line: 7  Verse: 43     Լինիս կատարեալ դու մարդ, քան զամէնն աղէկ լինենալ։


Line: 8  ***


Page: 362  
Next part


This text is part of the TITUS edition of Frik, Diwan.

Copyright TITUS Project, Frankfurt a/M, 5.12.2017. No parts of this document may be republished in any form without prior permission by the copyright holder.