TITUS
Frik, Diwan
Part No. 24
Previous part

Poem: 24   ԻԴ.
Line: 1  Verse: 1   ՆՈՐԻՆ ՖՐԿԱՆՆ
Line: 2  Verse: 2   ասացեալ
Line: 3  Verse: 3   ԲԱՆ ՈԳԵՇԱՀ ԵՒ ԼԱՒ.
Line: 4  Verse: 4   ՅԱՂԱԳՍ ՓՈՇԻՄԱՆՈՒԹԵԱՆ
Line: 5  7-3-5


Line: 6  Verse: 5     Եղբա́րք, լըսեցեք խրատի, թէ հետ ինձ ի՜նչ բան կու լինի,
Line: 7  Verse: 6     Անկայ ի յոսկոյ ցընոր ու զհոգոյ տուն չի շինեցի։
Line: 8  Verse: 7     Ասցի, թէ շինեմ ես բերդ ու քաղաք եւ դարպասընի,
Line: 9  Verse: 8     Խելաւք մի յառաջ երեկ, ինձ ասաց՝ թէ յասկից արի։
Line: 10  Verse: 9     Շատ մի դատեցայ, եղբարք, ի Հարգայ ես շատ մի տարի,
Line: 11  Verse: 10     Ասցի թ̆իմ ջանաւքս առնեմ մեծութիւն՝ առանց հրամանի։
Line: 12  Verse: 11     Եկին ինձ յերազն ասին, թէ այդ խիալդ, որ քեզ կու թըւի,
Line: 13  Verse: 12     Զինչ Աստուած է պատրաստել՝ աւր զաւուր ի քեզ հասանի։
Line: 14  Verse: 13     Առանց Աստուծոյ, եղբարք, ով ուզէ թ̆ի հաց հասանէ,
Line: 15  Verse: 14     Նա զաւրըն բոբիկ կենայ եւ մերկիկ ի յաստըւորի։
Line: 16  Verse: 15     Ապա յԱստուծոյ ուզէ, ւ̆աղաւթիւք ի դէմ կանգընի,
Line: 17  Verse: 16     Կարող է տալոյ Աստուած՝ զինչ ուզէ ամէն կատարի։

Page: 363  
Line: 1  Verse: 17     Ցերեկն ու գիշերն ի բուն զինչ խորհինք ամէն խափանի,
Line: 2  Verse: 18     Շատ աղուորութիւն առնենք մեր մըտաւքս ի յասնաւորի։
Line: 3  Verse: 19     Այն ի զինչ Աստուած առնէ ու Իրեն կամքըն կատարհ,
Line: 4  Verse: 20     Իւր բանն ու խորհուրդն ամէն կտտարի ու ո́չ փախանի։
Line: 5  Verse: 21     Որդեա́կ, թէ լըսես դու ինձ ու ականջ դընես խըրատի,
Line: 6  Verse: 22     Տես՝ որ չի խեռաս զոչով կամ ասես. թ̆այս է՞ր կու լինի։
Line: 7  Verse: 23     Աւետարանին լըսէ, իմացիր թէ ի՞նչ կու լինի,
Line: 8  Verse: 24     Դառնայ առաջինն յետին եւ յետինն լինի առաջի։
Line: 9  Verse: 25     Ո՞ւր են թագաւորք երկրի կամ իւրեանց գանձն ի պահեստի,
Line: 10  Verse: 26     Դու լեր կամաւոր աղքատ, խոնարհիր դու փոքր ու մեծի։
Line: 11  Verse: 27     Բաշխէ զինչ ունիս այսաւր, որ չ̆լինիս ողորմ ու լալի,
Line: 12  Verse: 28     Յէ՞ր ես յամառել ի մեղքդ՝ կու խաբես Ադամայ որդի։
Line: 13  Verse: 29     Զաշխարհս ես ի սէր առել, քեզ անուշ ինքըն կու թըւի,
Line: 14  Verse: 30     Այս կեանքս է ժանգոտ պըղինձ, որ ներքեւ հողին կու փըտի։
Line: 15  Verse: 31     Դու զինքըդ աղէկ քըննէ, թէ ունիս դու միտք ու հոգի,
Line: 16  Verse: 32     Թէ զայս չիմանաս, եղբայր, ո́չ մեռած ես, ո́չ կենդանի։
Line: 17  Verse: 33     Այս չար ցանկութիւնս է յիս բընակել ու զիս կու տանի։
Line: 18  Verse: 34     Հանցեղ կու ջանայ հետ ինձ, որ գերի տայ զիս սատանի։

Page: 364  
Line: 1  Verse: 35     Ասցի, թէ ձըգեմ ըզվատն ու չ̆լինիմ բաժին կըրակի,
Line: 2  Verse: 36     Իմ մեղքն ի վերայ ուսիս կու հակէ՝ ի վայր կու տանի։
Line: 3  Verse: 37     Ֆըրի́կ, շահ ու զեն արա́, իմացիր թ̆ո՞րն կու պիտի,
Line: 4  Verse: 38     Թէ զարքայութիւն ուզես՝ յաչխարհէս դու շուտ մի արի։
Line: 5  Verse: 39     Ապա թէ զ̆խաւարն ուզես ու զ̆տանջանքն, ողորմ ու գերի,
Line: 6  Verse: 40     Զաւրըն կեր ու խում արա́ ու գործէ, զինչ որ քեզ պիտի։
Line: 7  Verse: 41     Ասցի թէ դառնամ յիմ շատ չար գործոցն, որ ես արարի,
Line: 8  Verse: 42     Զմոխիրն ես զինչ զհաց կերայ, զարտասուաց ջուրըն խըմեցի։
Line: 9  Verse: 43     Մարմինըս սիրեց զաշխարհս, ի նորոյ ես մեղք գործեցի,
Line: 10  Verse: 44     Պիտէր ինձ հանցեղ իմաստ, որ զայսոր ճարակն իմանի։
Line: 11  Verse: 45     Ինձի պատսախան երեկ, ա՜յ եղբայր, որ ես լըսեցի,
Line: 12  Verse: 46     Է՞ր ես դու այդոր համար մընացել զինչ էշն ի ցըխի։
Line: 13  Verse: 47     Զականջըդ խըլի արա́ ու զերկու աչքըդ քո՝ կուրի,
Line: 14  Verse: 48     Մարմինդ երբ հերիք ասէ, նայ հոգիդ յիւրմէդ խալըսի։

Page: 365  
Line: 1  Verse: 49     Շատ մի հայերէն բաներ խորհըրդով՝ դըրախտ տընկեցի,
Line: 2  Verse: 50     Յաչիցըս աղբերացն ջուր քաշեցի, զինչ որ սընուցի։
Line: 3  Verse: 51     Զիմ լերդս զինչ ըզհաց կերայ, ա՜յ եղբարք, ինչ ուր բուսուցի,
Line: 4  Verse: 52     Երկու լոյսն ի մի դարձաւ գիշերին, ինչուր հասուցի։
Line: 5  Verse: 53     Անկայ ի հոգոց ծովըն, երբ որ զայս բաներս յիշեցի,
Line: 6  Verse: 54     Զիմ աչուերըս չափ արի ու զծովու ջուրըն չափեցի։
Line: 7  Verse: 55     Զիմ միտըս լողնորդ արի ւ̆ի ծովու յատակն իջուցի,
Line: 8  Verse: 56     Վասն այն մարգարտին համար, որ ծովու յատակըն լինի։
Line: 9  Verse: 57     Այնչափ աղաչեմ զԱստուած, որ հոգոյ աչքըս բացըւի,
Line: 10  Verse: 58     Եւ իմ հինգ ըզգայարանքս աշխարհիս ժանգէն մաքըրի։
Line: 11  Verse: 59     Ծանր ինչ ուզեցիր, Ֆըրի́կ, դու գիտես թ̆այդ երբ կատարի,
Line: 12  Verse: 60     Քո աչքդ ու ականջդ ու միտքդ եւ բընութիւնդ սուրբ կու պիտի։


Line: 13  ***


Page: 366  
Next part


This text is part of the TITUS edition of Frik, Diwan.

Copyright TITUS Project, Frankfurt a/M, 5.12.2017. No parts of this document may be republished in any form without prior permission by the copyright holder.