TITUS
Frik, Diwan
Part No. 25
Previous part

Poem: 25   ԻԵ.
Line: 1  Verse: 1   ՆՈՐԻՆ ՖՐԿԱՆՆ
Line: 2  Verse: 2   ասացեալ
Line: 3  Verse: 3   ԽՐԱՏ ՀՈԳԵՇԱՀ
Line: 4  7-3-5


Line: 5  Verse: 4     Ֆըրի́կ, զինչ ծընծղայ ես դու, որ լոկ ձայնդ ի դուրս գայ յերակ,
Line: 6  Verse: 5     Յորժամ ելանէ Արկաւղն ի քենէ՝ մընաս դու դատարկ։
Line: 7  Verse: 6     Դու զաւրն ի ցընոր կենաս ու շինես քեզ բարձրաւանդակ,
Line: 8  Verse: 7     Չասես՝ թէ հանց հողմ իջնէ, որ քակէ մինչեւ ի յատակ։
Line: 9  Verse: 8     Գիտես թէ դու խելք ունի՞ս՝ աշխարհի ես բան ու կատակ,
Line: 10  Verse: 9     Զաւրըն շահ ու զեն քըննես, երազով դատիս դու համակ։
Line: 11  Verse: 10     Խըրատ մի քեզ տալ կամիմ, մի́ կենալ բանիս հակառակ,
Line: 12  Verse: 11     Զմարմինդ ի մեղաց պահէ, մի́ վառել հոգուդ քո կըրակ։
Line: 13  Verse: 12     Այսաւր անձնիշխան ես դու՝ չիմանաս բանիդ քո ճարակ,
Line: 14  Verse: 13     Յէգուց չի թափէ ըզքեզ ո́չ եդբայր եւ ո́չ քո զաւակ։
Line: 15  Verse: 14     Զ̆եթե դու թափես ըզքեզ ի մեղաց՝ մաքրիս դու յըստակ,
Line: 16  Verse: 15     Երբ ըզքեզ յառաջ կոչեն, դու խաւսել կարես համարձակ։
Line: 17  Verse: 16     Ապա թէ խաբիս ի տես ու կենաս մեղաց դու մըշակ,
Line: 18  Verse: 17     Գործես անաւգուտ բաներ եւ բառնաս հոգոյդ քո շալակ։
Line: 19  Verse: 18     Յորժամ քո խընդիրքըն գայ՝ մի ասել թէ ի՞նչ կայ ճարակ,
Line: 20  Verse: 19     Մըճուճ ի յառաջ անկիր ու գընա́ ի հուրն անատակ։

Page: 367  
Line: 1  Verse: 20     Ֆըրի́կ, այս այնոր փոխան, որ կացեր յերակ դու մուրհակ,
Line: 2  Verse: 21     Զաւրըն կեր ու խում արիր, ւ̆հանգար ի բուրդ, խաս մուշըտակ։
Line: 3  Verse: 22     Զասիր՝ թէ գալոց է աւրն, որ լինի ահեղ հրապարակ,
Line: 4  Verse: 23     Բաստիկ որ կըրես հիմիկ՝ մեծ ամաւթ եւ մերկ խայտառակ։
Line: 5  Verse: 24     Դարձեալ ասէ քեզ, Ֆըրի́կ, թէ այս բա́նըս չէ գեմ կատակ,
Line: 6  Verse: 25     Փոխէ զքեզ ի յայդ կերպէդ, երբ դարձաւ սեւ մազդ ի սպիտակ։
Line: 7  Verse: 26     Ջանք դիր ւ̆ազատէ ըզքեզ, մինչ դեռ կաս դու յայսմիկ յատակ,
Line: 8  Verse: 27     Թէ չէ յատակես յէգուց՝ հանց լինիս զինչ գողն ի փըլհակ։
Line: 9  Verse: 28     Բերեն զքո ամէն չարիքն ու չափեն կապիճ ւ̆ի քիլակ,
Line: 10  Verse: 29     Ամէն քիլակի համար տանջելոց ես շատ ժամանակ։
Line: 11  Verse: 30     Որդունքըն ծըծեն զարիւնդ այն կարմիր գինոյն փոխանակ,
Line: 12  Verse: 31     Այն տաք տըներուն փոխան՝ բուխէրիկ վառեն քեզ կըրակ։
Line: 13  Verse: 32     Խսրվեն զինչ տոռաճ ըզքեզ, զինչ կաքաւ ու զինչ նապաստակ,
Line: 14  Verse: 33     Ուտեն ըզմարմինըդ քո ու տանջիս զինչ ձուկն ի տապակ։
Line: 15  Verse: 34     Այս են քո մեղաց որդունքն, որ տընկել էիր քեզ զաւակ,
Line: 16  Verse: 35     Պահեալ սընուցիր զնոսա՝ գալըստեանըդ քո ունին ակ։
Line: 17  Verse: 36     Կամ բա́ց ըզհոգուդ աչերդ ու նայեաց ուղորդ ու շիտակ,
Line: 18  Verse: 37     Այսցեղ համարեա́ զամէն հատուցումն՝ այլոց աւրինակ։
Line: 19  Verse: 38     Թէ խելք ի վերայ բերես ու կենաս զինչ պարտ է ու հարկ,
Line: 20  Verse: 39     Լինիս կատարեալ խելաւք եւ ամէն բանի դու գիտակ։
Line: 21  Verse: 40     Ուզես որ գըտնուս հանգիստ ու առնուս քեզ փառք ու պըսակ,
Line: 22  Verse: 41     Կացիր դու խոնարհ ու հեզ, որ լինիս բարեաց նուիրակ։

Page: 368  
Line: 1  Verse: 42     Սիրէ զքո ընկերն անկեղծ, անարատ զինչ կաթըն յըստակ,
Line: 2  Verse: 43     Այս է յիրաւի խըրատ, որ չըտայ տեսնուլ քեզ կըրակ։
Line: 3  Verse: 44     Ի՞նչ շահ է ասելդ, Ֆըրի́կ, երբ չառնես՝ ամէնն է դատարկ,
Line: 4  Verse: 45     Գործով երեւի խելաւքն, ասելովըն չապրի մըշակ։
Line: 5  Verse: 46     Այլոց դու խըրատ կու տաս, քո հոգուդ բերես փաթերակ,
Line: 6  Verse: 47     Մակար չը գիտէի՞ր դու բան, որ անհոգ կացիր դու յերակ։
Line: 7  Verse: 48     Չունի՞ս դու հաշիւ գըրած հանց ուղորդ, որ տաս դու մինակ
Line: 8  Verse: 49     Լինիս դու ի մեծ Ատեանն՝ ամէն ի ծաղր եւ նըշաւակ։
Line: 9  Verse: 50     Կապի քո բըլբուլ լեզուդ՝ ի յամէն լինիս դու լեղակ,
Line: 10  Verse: 51     Ո՞ւր են քո ամէն բաներն հայերէն՝ մասալ ու առակ։
Line: 11  Verse: 52     Այդիւ չազատիս, Ֆըրի́կ, որ պարապ կենաս ու պառակ,
Line: 12  Verse: 53     Եւ կամ համարես ըզքեզ արդարոց նըման ւ̆աւրինակ։
Line: 13  Verse: 54     Արի ու պընդէ ըզմէջքդ եւ գըտիր հիմիկ քեզ ճարակ.
Line: 14  Verse: 55     Մինչ է զգայարանքդ առողջ եւ մարմինդ ամէն՝ բովանդակ։
Line: 15  Verse: 56     Թէ չէ՝ երբ յուժոյ թափիս եւ չկարես կանգնել դու շիտակ,
Line: 16  Verse: 57     Ասես՝ թէ եղուկ ես զայս չիմացայ ու թուլնաս յերակ։
Line: 17  Verse: 58     Հոգա զքո զամէն բաներդ ի տեղիս՝ այսաւր համարձակ,
Line: 18  Verse: 59     Թէ չէ, երբ ելնէ հոգիդ, նա́յ մընայ մարմինդ քո դարտակ։
Line: 19  Verse: 60     Քո հինգ զգայարանքդ ամէն խափանի եւ ցամքի յերակ,
Line: 20  Verse: 61     Բանք բերանոյդ ըսպառի եւ թուլնայ բերանդ ու կըզակ։

Page: 369  
Line: 1  Verse: 62     Գնաս դու անողորմ ի հուրն՝ յահագին ի գուբն անատակ,
Line: 2  Verse: 63     Հիմիկ զընդանէ զառիւծդ՝ մինչ ունիս մանկան դու երակ։
Line: 3  Verse: 64     Զպարանն ի շըլինքըդ դիր ու կակղէ ի կող ւ̆ի քամակ,
Line: 4  Verse: 65     Որ իւրինըն լըծակցին ոյժ չառնէ՝ չի ցելուի հերկակ։


Line: 5  _____




Next part


This text is part of the TITUS edition of Frik, Diwan.

Copyright TITUS Project, Frankfurt a/M, 5.12.2017. No parts of this document may be republished in any form without prior permission by the copyright holder.