TITUS
Mxitar Heraci, Jermanc Mxitarowtiun
Part No. 16
Previous part

Book: 16  
Line: 13 
ԳԼՈՒԽ Ժ՜Զ.

Line: 14 
ՎԱՍՆ ՄԻՕՐԵԱՅ ՋԵՐՄԱՆՆ ՈՐ Ի ԽՈՆՃԵՆԱԼՈՅ ԼԻՆԻ ԿԱՄ Ի ՁԻՈՎ ԿԱՄ ՀԵՏԵՒԱԿ։


Line: 15    Sentence: 1   Բագարատ ասէ, թէ շատ տապելովն եւ խոնճելովն՝
Line: 16    հոգւոյն տաքութիւնն իւր չափէն անցնի, եւ հոգի
Line: 17    կենդանութեան եւ հոգի զգայութեան դատին եւ ահոկին։

Line: 18    Sentence: 2   Իւր նշանն այս է՝ որ ջիլք մարմնոյն զերդ լար քաշած
Line: 19    լինի, եւ ի մարմինն չորութիւն երեւայ. Sentence: 3   եւ մաճասին երակն
Line: 20    ծանտր եւ տկար երեւի. Sentence: 4   եւ գոզն նօսր եւ տկար,
Line: 21    վասն շարժելոյ մարմնոյն եւ արձակելոյ զօրութեանն։

Line: 22    Sentence: 5   Իւր ստածումն այս է, որ հանապազ ի բաղանիս
Line: 23    մտանէ, եւ եղկ աւազան առնէ, եւ զմարմինն եղկ
Line: 24    ձիթերով օծանէ, եւ կերակուր պարկեշտ ուտէ, զերթ
Line: 25    հաւձագ եւ ուլի միս, թաժայ եւ մանր ձուկն որ ի
Line: 26    քաղցր ջրէն կալած լինի։ Sentence: 6   Բայց պակաս կերակրի
Line: 27    վասն այն պատճառին՝ որ ստամոքն ի յուժ չէ, եւ
Line: 28    կարողութիւն չունի որ զկերակուրն եփէ. Sentence: 7   յետոյ ձվի
Line: 29    դեղնուց թերխորով ուտէ. Sentence: 8   եւ զմարմինն հանգիստ
Line: 30    պահէ. Sentence: 9   ի ծանր կերակրոց պատրաստի, օգտակար է։

Page: 29   Line: 1    Sentence: 10   Մասրճուէն ասէ. Sentence: 11   թէ իւր ստածումն այս է՝ որ
Line: 2    յանօթուց ճուլլապ խմէ. Sentence: 12   ապա թէ գինւոյ սովոր է,
Line: 3    ջրախառն թող խմէ. Sentence: 13   եւ զմարմինն մանուշակի ձիթով
Line: 4    օծէ, եւ նոնոֆարի. Sentence: 14   եւ ուշիկ ուշիկ զմարմինն մարձէ.

Line: 5    Sentence: 15   եւ եղկ աւազան մտէ, որ զգիճութիւնն յաւելցնէ.

Line: 6    Sentence: 16   նոյնպէս զգլուխն եւ զշլիքն եւ զհլունսն ողոշարին
Line: 7    մանուշակի ձիթով լաւ օծանէ. Sentence: 17   մանաւանդ յորժամ
Line: 8    ի բաղնեցէն ելանէ, կակուղ եւ հանգիստ տեղ պառկի,
Line: 9    եւ անուշ հոտեր՝ որ զըղեղն հոտացնեն՝ նա հոտայ,
Line: 10    որպէս նոնոֆար եւ մանուշակ եւ որ սոցին նման
Line: 11    են, շատ օգտեն։

Line: 12    Sentence: 18   Մատային ասէ, թէ ձմեռն լինի կամ օդն ցուրտ,
Line: 13    յորժամ ի բաղնեց ելանէ, զմարմինն պապունաճի
Line: 14    եւ սամթի ձիթով օծնէ, եւ պարկեշտ կերակուր ուտէ,
Line: 15    որպէս ղալիայ դդմով եւ սպաննախով եւ փերճկոտած
Line: 16    մաշով։ Sentence: 19   Ապա թէ չորութիւն երեւայ ի մարմինն,
Line: 17    գարեջուր տուր նշի ձիթով եւ պզրղատունի
Line: 18    լուապով իսպիտակ շաքարով. Sentence: 20   օգտէ Աստուծով։



Next part


This text is part of the TITUS edition of Mxitar Heraci, Jermanc Mxitarowtiun.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.