TITUS
Mxitar Heraci, Jermanc Mxitarowtiun
Part No. 17
Previous part

Book: 17  
Line: 19 
ԳԼՈՒԽ Ժ՜Է.

Line: 20 
ՎԱՍՆ ՄԻՕՐԵԱՅ ՋԵՐՄԱՆՆ ՈՐ ՊԱՏՃԱՌՆ ԶՈՒԴԱՄ ԵՒ ՆՈՒԶԼԱՅ
Line: 21 
ԵՒ ՀԱԶ ԼԻՆԻ։


Line: 22    Sentence: 1   Փօլոսն ասէ, թէ այս ջերմանս պատճառքն եւ
Line: 23    զնշանքն որ ի տաքութենէ լինի, զոր ի հովէ լինի,
Line: 24    գրեցաք իւր դուռն ի լման, որ զզուգամն եւ զնուզլան
Line: 25    յիշեցաք յայլ գիրք. Sentence: 2   եւ աստ գրենք զիւր ստածումն՝
Line: 26    որ է այս։ Sentence: 3   Ի սկիզբն հիւանդութեան երակ առնու
Line: 27    կամ ապիկիս արկանէ. Sentence: 4   ի մսէ եւ ի քաղցրէ եւ ի
Line: 28    գինւոյ պատրաստէ. Sentence: 5   սնուցած մանուշակ եւ գարեջուր
Line: 29    խմէ. Sentence: 6   զիւր ստածումն չի յուլանաս, զի լինի՝ որ
Line: 30    իւրմէ սարսամ հիւանդութիւն ընծայի, եւ խիստ
Line: 31    հիւանդութիւնն դժարանայ։

Line: 32    Sentence: 7   Մասրճուէն ասէ, թէ իւր ստածումն այս է՝ որ
Page: 30   Line: 1    ի կիֆալէն երակ առնես. Sentence: 8   ի մսէ եւ ի քաղցր իրաց
Line: 2    պատրաստէ. Sentence: 9   եւ կերակուր մաշի մուզավարայ տուր,
Line: 3    եւ սպաննախ նշի կաթով կամ ձիթով, եւ գարեջուր
Line: 4    խմէ նշի ձիթով եւ խաշխշի շարապ, եւ ճուլապ
Line: 5    հովացուցած ի բան տար. Sentence: 10   եւ բակլայի ջուր նշի ձիթով,
Line: 6    օգտակար է. Sentence: 11   հարիրայ թեփով եւ նշի ձիթով կերակրի,
Line: 7    զի խիստ օգտակար է։ Sentence: 12   Ապա թէ ջերմն հետ շատ
Line: 8    հազին լինի, իւր ստածումն այն է՝ որ գարեջուր տաս
Line: 9    նշի ձիթով, եւ մանուշակի շարապ, եւ փրփրեմի հընտին
Line: 10    կաթն, եւ սերկեւիլի կտի լուապ, եւ պզրղատունի
Line: 11    լուապ, խաշխշի շարապով ի բան պահէ, եւ աղցած
Line: 12    բակլայ նշի ձիթով ի բան տար։ Sentence: 13   Եւ յորժամ ջերմն
Line: 13    պակասի, սպաննախ եւ մաշ նշի ձիթով մուզավարայ
Line: 14    ուտէ։ Sentence: 14   Ապա թէ հետ ջերմանն ծարաւ խիստ լինի,
Line: 15    զհով եւ զգիճային իրվին ի բան պահէ. Sentence: 15   եւ ի վերայ
Line: 16    լերդին հովային սպեղանիք դիր, օգտէ։

Line: 17    Sentence: 16   Էհաննան ասէ, թէ իւր ստածումն այս է՝ որ
Line: 18    գարեջուր տաս, որ խաշխշի շարապով եւ նոնոֆարով լինի
Line: 19    եփած եւ նշի ձիթով. Sentence: 17   եւ հետ այնոր խաշխշի շարապ
Line: 20    եւ մանուշակի շարապ տուր. Sentence: 18   եւ առ աֆիոն եւ
Line: 21    վարդէջուր, տրորէ, եւ զականջթոռն եւ զքներն օծնէ,
Line: 22    որ ի քուն լինի։ Sentence: 19   Ապա թէ ի ստամոքն գէշ եւ
Line: 23    աւեր խառնուած լինի, իւր ստածումն այս է՝ որ
Line: 24    սրքնճուպինով եւ տաք ջրով վերաբերութիւն այնէ. Sentence: 20   եւ
Line: 25    այլ զամենայն ցեղ դեղրանք, որ գրած են ի զուգամին
Line: 26    դուռն եւ ի նուզլային եւ ի հազին, զամէն մէկ իւր
Line: 27    տեղն ի բան տար. Sentence: 21   օգտէ Աստուծով։



Next part


This text is part of the TITUS edition of Mxitar Heraci, Jermanc Mxitarowtiun.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.