TITUS
Mxitar Heraci, Jermanc Mxitarowtiun
Part No. 40
Previous part

Book: 38a     
Line: 13 
ՎԱՍՆ ՍՏԱԾՄԱՆ ԵՒ ԲԺՇԿՈՒԹԵԱՆ ԻՄԻՏՌԻՏԷՕՍ ՋԵՐՄԱՆՆ։


Line: 14    Պատեհ է բժշկին՝ որ զայս ջերմանս զստածումն
Line: 15    ըստ յաղթող նիւթն այրնէ,
Line: 16    տուր շաքարի սրքնճպինով. եւ ի յայն կուրսերոյն, եւ
Line: 17    ի յայն դեղերոյն՝ որ խառն տռիտօսին գրեցաք, զոր
Line: 18    պատեհ տեսանես, ի բան տար. նոյնպէս եւ զկերակուրն
Line: 19    եւ ըմպելին։ Ապա թէ պալղամն յաղթէ մաղձին,
Line: 20    եւ կարիք լինի՝ որ զբնութիւնն կակղցնես, տուր
Line: 21    պատատկի ջուր սրքնճպինով, մազտաքէով, եւ վարդմարապայով.

Line: 22    եւ յայն ի կուրսերոյն եւ ի դեղերոյն՝
Line: 23    որ խառն ի պալղամին ջերմն գրեցաք, ի բան տար։

Line: 24    Կամ տուր զպալղամին ջերմանն զդեղերն խառն ընդ
Line: 25    մաղձին ջերման դեղերոյն. ըստ կարեացն եւ ըստ
Line: 26    որպիսութեանն՝ զոր տեսանես. օգտակար է եթէ Աստուած կամի։

Line: 27    Ապա թէ երկու նիւթն հաւասար լինին՝ մաղձն եւ
Line: 28    պալղամն, եւ կարիք լինի՝ որ զբնութիւնն կակղացուցանենես,
Line: 29    տուր զպատատկի ջուրն սրքնճպինով եւ վարդմարապայով.

Line: 30    ապա առ զյիստակ տռիտէօսին դեղերն,
Line: 31    նոյնպէս եւ զյիստակ ափիմեռինոսին դեղերն խառնէ
Line: 32    հաւասար, եւ ի բան տար։ Նոյնպէս եւ ըստ դեղերոյն
Line: 33    կարգին զկերակուրն տուր եւ ըմպելիքն, եւ զայլ
Line: 34    զամենայն ցեղ զստածումն. օգտէ եթէ Աստուած կամի։ Այդ
Line: 35    նշանովդ եւ այդ օրինակաւդ պիտի՝ որ լինի ամենայն ցեղ
Line: 36    խառն ջերմանն ստածումն,որ զդէմսն ի յաղթող եւ
Page: 112  
Line: 1    ի յաւելի նիւթն այրնէ, եւ տայ զդեղն եւ զկերակուրն
Line: 2    ըստ նիւթին որպիսութեանն. օգտակար է թէ
Line: 3    Աստուած կամի։

Line: 4    Հունայն ասէ, եթէ պատճառն այս ջերմանս այն
Line: 5    լինի, որ մաղձն եւ պալղամն ի զուգ բորբոսին, որպէս
Line: 6    այլ ի յառաջդ ասացաւ, եւ յաղթելով բնութեան,
Line: 7    զայս ջերմս ի յերեւան բերեն։ Եւ իւր նշանն այս է,
Line: 8    որ թէ մաղձն յաղթող լինի, մաղձի վերաբերութիւն
Line: 9    այրնէ, եւ իւր ջերմն սուր լինի, եւ իւր գոզն դեղին.

Line: 10    ապա թէ պալղամն յաղթող եւ զօրաւոր լինի, իւր
Line: 11    նշաննին հակառակ լինին այդ նշաննոյտ՝ զոր յիշեցաք։

Line: 12    Իւր ստածումն այն է, որ թէ մաղձն յաղթող եւ
Line: 13    զօրաւոր լինի, տուր սրքնճպին տաք ջրով խառնեալ,
Line: 14    եւ յետ այնոր գարեջուր եւ ճուլապ հովցուցած. եւ
Line: 15    յետ այնոր այլուվայր գարեջուր եւ սրքնճպին խառնեալ
Line: 16    ի հով ջուր՝ ի բանի պահէ, որ մաղձին զսրութիւնն
Line: 17    մանդրէ։ Ապա թէ բնութիւնն կապ լինի, տուր
Line: 18    դամոյնի ջուր եւ թմրհնտոյ, որ զբնութիւնն կակղացուցանէ.

Line: 19    դէպ ի յիրիկունն տուր զփերփերանի հնտին
Line: 20    կաթն սրքնճպինով։ Եւ երբ հիւանդութիւնն ի
Line: 21    վճար գայ եւ արձակի, տուր կերակուր մուզավարայ
Line: 22    ազոխի ջրով, եւ կամ նռան ջրով, զոր նշաձիթով
Line: 23    զուգած լինի՝ ի բանի պահէ։ Ապա թէ հիւանդն տկար
Line: 24    լինի, տուր հաւու ձագ՝ եփած զիրպաճ, կամ նռան
Line: 25    ջրով. ապա թէ հիւանդին զօրութիւնն ուժով լինի,
Line: 26    պատեհ է որ զգարեջուրն մէն հերիք ածէ. օգտակար
Line: 27    է թէ Աստուած կամի։

Line: 28    Սահակն ասէ, եթէ պալղամն յաղթող եւ զօրաւոր
Line: 29    լինի քան զմաղձն, տուր յանօթուց վարդմարապայ.

Line: 30    եւ հետ այնոր առ մազտաքէ եւ ծխանելիք, եւ
Line: 31    անուշ ջրով եփէ, եւ ի բանի պահէ. նոյնպէս եւ սրքնճպինն՝
Line: 32    որ հնդանօք լինի զուգած, օգտակար է։

Line: 33    Ապա թէ հիւանդութիւնն ուժով լինի, զսապռին հապն
Line: 34    տուր, որ զբնութիւնն լուծանէ, եւ զհիւանդութեանն
Line: 35    զգլուխքն ի մարմնոյն իջուցանէ։ Ապա թէ հիւանդութիւն
Line: 36    յերկար քաշէ, տուր զղափթին զկուրսն սրքնճպինով,
Line: 37    զի մեծ օգտակար է. երբ հիւանդութիւնն
Line: 38    ի վճար գայ եւ արձակի, կերակուր զիրպաճ
Line: 39    տուր, կամ նռան մուզավարայ նշի ձիթով։ Ապա թէ
Page: 113  
Line: 1    մաղձն եւ պալղամն հաւասար լինին, նոյնպէս եւ
Line: 2    զստածումն հաւասար արա. զդեղ եւ զկերակուր եւ
Line: 3    ըմպելի խառնէ զերկոցունց դիմացն, հաւասար ի
Line: 4    բանի պահէ, օգտէ։ Եւ յորժամ հիւանդութիւնն
Line: 5    ի վճար գայ եւ արձակի, տուր կերակուր զիրպաճ,
Line: 6    եւ հետ այնոր հաւձագ զիրպաճ. ապա յետ այնոր ի
Line: 7    բաղանիս մտէ , օգտէ։



Next part


This text is part of the TITUS edition of Mxitar Heraci, Jermanc Mxitarowtiun.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.