TITUS
Movses Xorenaci, Patmowtiwn Hayoc
Part No. 50
Previous part

Chapter: 14  
Ժ՜Դ
Page: 127  
Line: 2 
Յաղագս թագաւորութեանն Տիգրանայ Միջոյ եւ ընդդէմ կալոյ զօրացն
Line: 3 
Յունաց, եւ զմեհեանսն շինելոյ, եւ արշաւանս առնելոյ ի Պաղեստին։


Line: 4    Sentence: 1   Յետ Արտաշիսի Առաջնոյ թագաւորէ Տիգրան որդի նորա ի քառասուն
Line: 5    եւ յիններորդ ամի Արշակայ թագաւորի Պարսից։ Sentence: 2   Եւ ժողովեալ զզօրս
Line: 6    Հայոց՝ ընդդէմ երթայ զօրացն Յունաց, որք յետ մահուանն Արտաշիսի
Line: 7    հօրն իւրոյ եւ ցրուելոյ զօրացն՝ հետամուտ լեալ դիմեալ գային
Line: 8    յաշխարս մեր։ Sentence: 3   Որոց ընդդէմ պատահեալ Տիգրանայ՝ արգելեալ ի վերջ
Line: 9    նահաջէ։ Sentence: 4   Եւ ի քեռայր իւր Միհրդատ Հաւատացեալ զՄաժաք եւ զհոգս
Line: 10    Մէջերկրայցն եւ զօր բազում թոեալ առ նմա՝ դառնայ յաշխարհս մեր։

Line: 11    Sentence: 5   Առաջին գործ զմեհեանսն շինել կամեցաւ։ Sentence: 6   Իսկ քրմացն, որ եկեալ
Line: 12    էին ի Յունաց, զմտաւ ածեալ, զի մի ի խորագոյն Հայս վարիցին՝
Line: 13    պատճառեցան ըղձութիւնս, իբր թէ դիքն անդէն կամիցին զբնակիլն։

Line: 14    Sentence: 7   Որում հաւանեալ Տիգրան, կանգնեաց զՈղիմպիական պատկերն Դիոսի
Line: 15    յամուրն յԱնի, եւ զԱթենայն ի Թիլ, եւ զԱրտեմիդայ զմիւս պատկերն
Line: 16    յԵրիզայ, եւ զԵփեստուն ի Բագայառինջ։ Sentence: 8   Բայց զԱփրոդիտեայ զպատկերն,
Line: 17    իբրեւ Հերակլեայ տարփաւորի, առ նորին պատկերին Հերակլեայ հրամայեաց
Page: 128   Line: 1    կանգնել յաշտին տեղիսն։ Sentence: 9   Եւ ցասուցեալ ընդ Վահունիսն, եթէ
Line: 2    ընդէր յիւրեանց սեպհականին իշխեցին կանգնել զպատկերն Հերակլի,
Line: 3    զառաքելն ի նորին հօրէ՝ ընկենու զնոսա ի քրմութենէն, եւ զգիւղն
Line: 4    յարքունիս առնու, յորում պատկերքն կանգնեցան։

Line: 5    Sentence: 10   Եւ այսպէս մեհեանս շինեալ, առաջի մեհենիցն բագինս կանգնեալ,
Line: 6    զոհս ամենայն նախարարացն հրամայէ մատուցանել հանդերձ երկրպագութեամբն.

Line: 7    Sentence: 11   զոր չառեալ յանձն արանց ազգին Բագրատունեաց. Sentence: 12   յորոց
Line: 8    զմիոյ ուրումն զլեզուն հատեալ, որում անուն էր Ասուդ, վասն պատկերացն
Line: 9    անարգանաց՝ ոչ այլ իւիք խոշտանգէ. Sentence: 13   քանզի յանձն առին ուտել ի զոհիցն
Line: 10    արքայի եւ զմիս խոզի, թէպէտ եւ ոչ ինքեանք զոհեցին երկրպագութեամբ։

Line: 11    Sentence: 14   Վասն որոյ առնու ի նոցանէ ի բաց զիշխանութիւն զօրուն. Sentence: 15   բայց
Line: 12    միայն զթագակապ ասպւտութիւնն ոչ հանէ։ Sentence: 16   Ինքն իջանէ ի Միջագետս,
Line: 13    եւ գտեալ անդ զԲարշամինայ զպատկերն, զորփղոսկրէ եւ ի բիւրեղէ
Line: 14    կազմեալ էր արծաթով՝ հրամայէ տանել կանգնել յաւանին Թորդան։

Line: 15    Sentence: 17   Եւ նոյն հետայն դիմէ յաշխարհն Պաղեստինացւոց՝ վրէժ պահանջել
Line: 16    ի Պտղոմայիդ Կղէոպատրայ յաղագս Դիոնիսի որդւոյ նորա առ հայր
Line: 17    իւր յանցանաց։ Sentence: 18   Առեալ գերի բազում եւ ի Հրէից՝ նստի շուրջ զՊտղոմայիդ
Line: 18    քաղաքաւ։ Sentence: 19   Իսկ դշխոյն Հրէից Աղեքսանդրիայ, որ եւ Մեսաղինայ, որ
Line: 19    էր լեալ կին Աղեքսանդրի, որդւոյ Յոհաննու, որդւոյ Շմաւոնի, եղբօր
Page: 129   Line: 1    Յուդայ Մակարէի, որ զայնու ժամանակաւ ունէր զթագաւորութիւնն
Line: 2    Հրէից, ինչս բազունս տալով՝ դարձոյց զնա անտի։ Sentence: 20   Քանզի էր լուեալ եւ
Line: 3    համբաւ, թէ Վայկուն ոմն անուն յեղուզակ խռովէր զերկիրն Հայոց,
Line: 4    զլեառն ամուր կալեալ,որ մինչեւ ցայժմ յանուն յեղուզակին կոչին
Line: 5    Վայկունիք։



Next part


This text is part of the TITUS edition of Movses Xorenaci, Patmowtiwn Hayoc.

Copyright TITUS Project, Frankfurt a/M, 9.12.2008. No parts of this document may be republished in any form without prior permission by the copyright holder.