TITUS
Movses Kalankatowaci, Patmowtiwn Alowanic Asxarhi
Part No. 2
Previous part

Chapter: 2  
Page: 10  
Line: 7 
ԳԼՈՒԽ Բ՜.

Line: 8  Գիր ազգաբանութեան Յաբեթի եւ ծննդոց նորին։


Line: 9       Աստանօր յայտարարութիւն սահմանացն Յաբեթի
Line: 10    եւ զազգաբանութիւն նորին գտցես յիւրում
Line: 11    տեղւոջն։

Line: 12       Սահմանք Յաբեթի այս են, զոր ետ նմա
Line: 13    Նոյ ՛ի բաժին եւ զերդումն իսկ պահանջեաց ՛ի
Line: 14    մէջ եղբարցն՝ չզրկել եղբարցն զմիմեանս -- ՛ի
Line: 15    Մարաց մինչեւ ցԳիգերովն կողմն հիւսիսոյ եւ ցգետն
Line: 16    Դկղաթ, որ մեկնէ ընդ Մարս եւ ընդ Բաբելովն։
Line: 17    Եւ որդիք Յաբեթի Գամեր եւ ՛ի նմանէ Գամիրք,
Line: 18    Մագոգ եւ ՛ի նմանէն Կեղտք եւ Գաղատացիք,
Line: 19    Մադայ եւ ՛ի նմանէ Մարք, Յաւան եւ ՛ի նմանէ
Line: 20    Հելլենք եւ Յոյնք, Թոբէլ եւ ՛ի նմանէ Թետաղք,
Line: 21    Մոսոք եւ ի նմանէ Լուրիկացիք, Թիրաս եւ ՛ի
Line: 22    նմանէ Թրակացիք, Քետին եւ ՛ի նմանէ
Line: 23    Մակեդովնացիք։

Line: 24       Որդիք Թիրասայ՝ Ազքանազ եւ ՛ի նմանէ
Page: 11   Line: 1    Սարմատք, Երիփատ եւ ՛ի նմանէ Սուրոմատք,
Line: 2    Թորգոմ եւ ի նմանէ Հայկ։

Line: 3       Որդիք Յաւանայ Օղիղա եւ ՛ի նմանէ Սիկիլացիք
Line: 4    եւ Աթենացիք, Թարշիշ եւ ՛ի նմանէ Վիրք
Line: 5    եւ Տիւրեւնացիք, Կիտրիս՝ ուստի Հոռոմք եւ Լատինացիք
Line: 6    եւ Հռովդացիք։ Ընդ ամենայն՝ ազգք
Line: 7    տասն եւ հինգ։

Line: 8       Եւ ՛ի սոցանէ ելին եւ մեկնեցան կղզիք հեթանոսաց,
Line: 9    որք են Կիպրացիք, ՛ի Կեդարացւոց՝
Line: 10    յորդւոց Յաբեթի։ Իսկ որ ՛ի կողմանս հիւսիսոյ,
Line: 11    են՝ ազգակից են Կքետուրացւոց, ուստի Աղուանք։

Line: 12       Եւ ազգք, որ ՛ի Հելաս աշխարհի՝ են յայնցանէ
Line: 13    որք յետոյ փոխեցան անդր՝ որպէս Այետացիքն,
Line: 14    որք բնակեալ են յԱթէնս։

Line: 15       Ի պատուականն Յունաց եւ ՛ի Թեբայեցւոց
Line: 16    Սիդովնացիք ելին եւ պանդխտեցան, որք են ՛ի
Line: 17    Կադմենայ յորդւոյ Ագենովրայ։

Line: 18       Եւ Կարգեդովնացիք են եկք ՛ի Տիւրոսէ։

Line: 19       Իսկ ՛ի խառնակիլ լեզուացն ելին Յաբեթէ
Line: 20    ազգք հնգետասան ՛ի Մարաց մինչեւ ցՍպարիովն,
Line: 21    որ ձգի յՈվկիանոս եւ հայի ընդ հիւսիսի։ Այս է երկիր
Line: 22    նոցա՝ Ատրպատական, Աղուանք Ամազոնիա,
Line: 23    Հայք՝ Մեծ եւ Փոքր, Կապադովկիա, Գաղատիա,
Line: 24    Կողքիս, Հնդիկք, Բոսպորիա, Միաւտիս, Դեռիս,
Line: 25    Սարմատիա, Տաւրինիս, Սարմատէս, Ստուոթիա,
Line: 26    Թրակէ, Մակեդովնիա, Դաղմատիա, Մաղխ, Թեսողիս,
Line: 27    Ղոկրիս, Բիովտիա, Հետաղիա, Ատտիկէ,
Page: 12   Line: 1    Աքիա, Տեղինիմ, Ակարնէս, Հուպիրիստիմ, Ղիու
Line: 2    րիա, Ղիքնիտիս, Ադրիակէ, յորմէ ծովն Ադրիական,
Line: 3    Գալիա Սպանիոյ, Գալիա Իբիրայ, Սպանիա
Line: 4    Մեծ։ Աստ կատարին սահմանք Յաբեթի մինչեւ
Line: 5    ցԿղզիսն Բրիտանիկեցւոց, եւ հային ամենեքեան
Line: 6    ընդ հիւսիսի։



Next part


This text is part of the TITUS edition of Movses Kalankatowaci, Patmowtiwn Alowanic Asxarhi.

Copyright TITUS Project, Frankfurt a/M, 23.8.2008. No parts of this document may be republished in any form without prior permission by the copyright holder.