TITUS
Movses Kalankatowaci, Patmowtiwn Alowanic Asxarhi
Part No. 8
Previous part

Chapter: 8  
Page: 19  
Line: 8 
ԳԼՈՒԽ Ը՜.

Line: 9  Ըստ կարգի զրոյցք յԱռանայ մինչեւ ցՈւռնայր Աղուանից
Line: 10  արքայ եւ ցՏրդատ Հայոց արքայ ոչ գտաք, այլ
Line: 11  հարեւանցի գրեցաւ, որ ինչ ՛ի պէտս էր տեղեակ լինել։


Line: 12       Յոյժ ցանկալի էր ըստ կարգաց գիտել զպատմածս,
Line: 13    որ ինչ յԱռանայ նախագահութենէն
Line: 14    ցայսր գործք, բայց արեւելեայցս բազմազգութիւն
Line: 15    եւ կտակարանացն հրկիզութիւնք ամբոխեալ ցուցանէ
Line: 16    զորպէսն։ Սակայն յայսմ վայրի նպաստաւորէ
Line: 17    մեզ քերթողահայրն Մովսէս զպատերազմելն
Line: 18    Արտաւազդայ ընդ Հռովմայեցիս. վասն
Line: 19    զի ՛ի գումարելն նորա զբիւրաւորսն Ատրպատականայ՝
Line: 20    անդր կոչեաց զհզօր ազգս լերինն Կովկասու
Line: 21    եւ զզօրս Աղուանից եւ Վրաց եւ խաղաց ՛ի
Line: 22    Միջագետս, եւ սոցին ուժով հալածեաց զզօրսն
Line: 23    Հռովմայեցւոց։ Իսկ ՛ի շահատակելն Արտաշիսի
Line: 24    ՛ի վերայ Երուանդայ՝ էր նա ՛ի սահմանս Աղուանից
Line: 25    յՈւտի գաւառի, թողու անդէն զզօրսն եւ
Page: 20   Line: 1    ինքն գնայ յիւր քաղաք։ Եւ եկեալ Արտաշէս
Line: 2    միաբանէ զզօրս Աղուանից ընդ ինքեան՝ ելանէ
Line: 3    առ ափն ծովակին Գեղամայ եւ սոքօք վանէ զԵրուանդ
Line: 4    եւ ինքն տիրէ Հայաստանեայց։ Զայսու
Line: 5    ժամանակաւ միաբանին Աղուանք լեռնականօքն
Line: 6    ամենեքումբք եւ մասն ինչ ՛ի Վրաց՝ եւ մեծաւ
Line: 7    ամբոխիւ տարածանին յերկիրն Հայոց։ Ժողովէ
Line: 8    եւ Արտաշէս զզօրս իւր ընդդէմ նոցա եւ բանակի
Line: 9    առ Կուր գետով. սաստկանայ պատերազմն եւ
Line: 10    ըմբռնի արքայորդին Աղուանից ՛ի ձեռս Արտաշիսի։
Line: 11    Վասն այսորիկ զօրիորդն Սաթինեակ առնու
Line: 12    ՛ի կին Արտաշէս եւ դառնայ՝ խաղաղութիւն
Line: 13    հաստատեալ։ Վախճանի հայրն Սաթինկայ եւ այլ
Line: 14    ոմն բռնացեալ թագաւորէ եւ զեղբայրն հալածէ։
Line: 15    Եւ դայեակն Արտաշիսի Սմբատ՝ եկեալ զօրու
Line: 16    մեծաւ վանէ զբռնացեալն եւ տիրել տայ եղբօրն
Line: 17    հայրենի աթոռոյն, եւ դառնայ մեծաւ աւարաւ եւ
Line: 18    բազում գերեօք ՛ի Հայս եւ բնակեցուցանէ զգերեալսն
Line: 19    ՛ի Շաւարշան, որք էին յԱրտազ գաւառէ։
Line: 20    Եւ նախարարութիւնն Առաւեղեան տոհմին
Line: 21    յազգէ Սաթինկայ է կարգեալ, որ ՛ի Մեծէն
Line: 22    Խոսրովու հօր Տրդատայ խնամեցաւ առն քաջի
Line: 23    ՛ի Բասղաց եկելոց։



Next part


This text is part of the TITUS edition of Movses Kalankatowaci, Patmowtiwn Alowanic Asxarhi.

Copyright TITUS Project, Frankfurt a/M, 23.8.2008. No parts of this document may be republished in any form without prior permission by the copyright holder.