TITUS
Movses Kalankatowaci, Patmowtiwn Alowanic Asxarhi
Part No. 9
Previous part

Chapter: 9  
Page: 21  
Line: 1 
ԳԼՈՒԽ Թ՜

Line: 2  Հաւատայն Ուռնայրի եւ մկրտիլն ՛ի ձեռաց Սրբոյն
Line: 3  Գրիգորի եւ Աղուանից միաբան լուսաւորիլն ընդ ձեռամբ
Line: 4  Ուռնայրի արքայի։


Line: 5       Վասն զի երանելին Եղիշա զառաքելագործն
Line: 6    մշակութիւն ՛ի ծագաց երկրի սկսեալ՝ լուսաորեաց
Line: 7    զմասունս ինչ միայն արեւելեայցս հիւսիսոյ,
Line: 8    այլ ոչ զամենեսեան. եւ նոյն ինքն զբարուոքն
Line: 9    կատարեալ զմարտ ՛ի վերայ ժողովըրդեանն
Line: 10    իւր ճգնեցաւ։ Այլ յոր ժամանակս այց
Line: 11    արար Աոտուած ազգի մարդկան եւ ընդհանուր
Line: 12    ծաղկեցոյց զարեւմտեանն կոյս մեծ կայսերբն
Line: 13    Կոստանդիանոսիւ՝ լուսաւորեաց եւ զՄեծ Հայս
Line: 14    երանելեաւն Տրդատաւ, ած ՛ի հաւատս եւ զելս
Line: 15    արեգականն. որք սակաւ ինչ ծանուցեալ էին
Line: 16    զծագումն փրկութեան ճշմարիտ Արեգականն եւ
Line: 17    կրկնակի բնդ ձեռն Ուռնայրի գերագոյն լուսաւորեցան։
Line: 18    Եւ այսք ՛ի միում ժամանակի եղեն
Line: 19    հրաշք աստուածուստ։ Եւ էր Ուռնայր արքայ
Line: 20    Աղուանից քեռայր Շապհոյ Պարսից արքայի՝ քաջազօր
Line: 21    այր որ ՛ի մեծամեծ պատերագմունս զհոյակապ
Line: 22    անուն ժառանգեաց, ՛ի մէջ Հայաստանեայց
Line: 23    նշան յաշթութեան կանգնեալ. առնու եւ
Line: 24    զվերստին ծնունդն ՛ի սրբոյն Գրիգորէ Հայոց
Line: 25    Լուսաւորչէ, գայ լուսազգեստեալ ՛ի Սուրբ Հոգւոյն՝
Page: 22   Line: 1    առաւել լուսաւորէ զԱղուանս, կայ մնայ
Line: 2    որդի մշնջենտկան լուսոյն եւ վախճանէ զմարդկային
Line: 3    կեանս։ Իսկ զկնի սորին մահուանն խընդրեցաւ
Line: 4    յԱղուանից մանուկն Գրիգորիս ՛ի կաթուղիկոսութիւն
Line: 5    իւրեանց, զի Ուռնայր արքայն
Line: 6    մեր խնդրեաց ՛ի սրբոյն Գրիգորէ նորին ձեռնադրութեամբն
Line: 7    լինիլ եպիսկոպոս աշխարհին իւրոյ.
Line: 8    որ եւ այսու կանոնաւ կացին աշխարհն Հայոց եւ
Line: 9    Աղուանից համակամ եղբայրութեամբ եւ անքակ
Line: 10    ուխտիւ մինչեւ ցայսօր։



Next part


This text is part of the TITUS edition of Movses Kalankatowaci, Patmowtiwn Alowanic Asxarhi.

Copyright TITUS Project, Frankfurt a/M, 23.8.2008. No parts of this document may be republished in any form without prior permission by the copyright holder.