TITUS
Movses Kalankatowaci, Patmowtiwn Alowanic Asxarhi
Part No. 10
Previous part

Chapter: 10  
Page: 22  
Line: 11 
ԳԼՈՒԽ Ժ՜.

Line: 12  Վասն Վաչէի Աղուանից արքայի, թէ զիարդ ուրացաւ
Line: 13  զհեթանոսական գործք մոլորութեանն եւ հաւատաց յԱստուած
Line: 14  կենդանի, եւ ետ պատերազմ ընդ Պարսս եւ միանձնացաւ
Line: 15  յանապատի սուրբ վարուք։


Line: 16       Յիննեւտասներորդի ամի թագաւորութեանն
Line: 17    Յազկերտի հասանէ նմա վախճան մահու. եւ ընդ
Line: 18    հակառակս լեալ երկու որդիքն նորա ՛ի վերայ
Line: 19    տէրութեանն կռուեցան. եւ մինչդեռ նոքա ՛ի
Line: 20    խռովութեան էին՝ ապստամբէ եւ Վաչէ արքայն
Line: 21    Աղուանից, զի էր նա նոցա քեռորդի եւ յառաջ
Line: 22    լեալ էր քրիստոնեայ րստ հայրենի աւանդիցն,
Line: 23    զոե Ուռնայր հաստատեաց եւ անօրէնն Յազկերտ
Line: 24    արար բռնութեամբ զնա մոգ։ Իսկ յայսմ վայրի
Line: 25    ժամ գտեալ պարապոյ անձին իւրոյ՝ լաւ համարերեցաւ
Page: 23   Line: 1    մեռանել պատերազմաւ քան ուրացութեամբ
Line: 2    ունիլզթագաւորութիւն։ Յընդերկար
Line: 3    խռովութեանն Արեաց գնդին ոմն Ռահատ անուն
Line: 4    ՛ի Միհրեան տոհմէ, որ էր դայեակ կրտսեր որդւոյն
Line: 5    Յազկերտի՝ դիմեաց գալ անբաւ գնդիւ իւրով
Line: 6    ՛ի վերայ երէց որդւոյ թագաւորին. եհար
Line: 7    սատակեաց զգունդն եւ ձերբակալ արար զորդի
Line: 8    թագաւորին, զսր եւ անդէն ՛ի տեղւոջն սատակեաց.
Line: 9    եւ զմնացեալ զօրսն ած հաւանեցոյց եւ
Line: 10    միաորեաց ՛ի գունդն Արեաց եւ թագաորեցոյց
Line: 11    զիւր սանն, որում անուն էր Պերոզ։Իսկ արքայն
Line: 12    Աղուանից ոչ կամեցաւ նուաճիլ անդրէն ՛ի
Line: 13    ծառայութիւն նորա. այլ խրամատեաց զպահակն
Line: 14    Չորայ, էանց յայնկոյս եւ անցոյց զզօրսն Մասքութաց,
Line: 15    միաբանեաց ընդ իւր եւ զմետասան թագաւորս
Line: 16    զլեառորդեայս, ընդդէմ եկաց պատերազմաւ
Line: 17    Արեաց գնդին եւ բազում վնասս արար
Line: 18    զօրացն արքունի։ Եւ գրեալ երկիցս եւ երիցս
Line: 19    զհրովարտակս աղաչանաց, ոչ կարաց (Պերոզ) ՛ի
Line: 20    հաւանութիւն ածել զնա, այլ գրով եւ պատգամաւ
Line: 21    յանդիմանէր զնա վասն ՛ի զուր աւերելոյն
Line: 22    զաշխարհն Հայոց, յիշեցուցանէր եւ զմահ նախարարացն
Line: 23    եւ զչարչարանս կապելոցն, որոց փոխանակ
Line: 24    զկեանս տալոյ սիրոյն եւ վաստակոցն՝ գարեւսն
Line: 25    հատիք. լաւ լիցի ինձ չարչարանօք մեռանել
Line: 26    քան ուրացութեամբ կեալ։ Եւ իբրեւ գիտացին,
Line: 27    եթէ ոչ բռնութիւն եւ ոչ սէր կարէ ածել
Page: 24   Line: 1    զնա ՛ի հաւանս՝ գանձ սաստիկ ետուն տանել
Line: 2    յաշխարհն Խայլանդրաց եւ բացին զԴրունս Ալանաց
Line: 3    եւ հանին գունդ բազում ՛ի Հոնաց եւ կռուեցան
Line: 4    ամ մի ընդ Աղուանից արքային։ Եւ թէպէտ
Line: 5    պակասեցան եւ ցրուեցան զօրք նորա, սակայն
Line: 6    զնա ոչ կարացին ածել ՛ի հաւանս։ Այլեւ հարուածք
Line: 7    մեծամեծք հասին ՛ի վերայ նսրա, էր սր
Line: 8    կռուով եւ էր որ չարաչար ախտիւք ծիւրեցան։
Line: 9    Եւ երկտրեալ պաշարմանն՝ մեծ կողմն աշխարհին
Line: 10    աւերեցաւ, այլ ոչ ոք ՛ի նմանէ բաժանեցաւ։
Line: 11    Ապա յղեաց առ Վաչէ թագաւորն Պերոզ՝
Line: 12    "զքոյրդ իմ, ասէ՝ եւ զքեռորդիդ ՛ի բաց տուր
Line: 13    ածել, զի ՛ի բնէ մոգ էին եւ դու քրիստոնեայ
Line: 14    արարեր, եւ աշխարհդ քո քեզ լիցի"։ Իսկ երանելի
Line: 15    այրն ոչ ՛ի վերայ տէրոթեան կռուէր,
Line: 16    այլ յաստուածպաշտութեանն մրցէր. եւ ետ տանեւլ
Line: 17    զմայրն եւ զկին, եւ զաշխարհն բովանդակ ՛ի բաց
Line: 18    եթող եւ ինքն զաւետարանն առ եւ ՛ի բաց կամէր
Line: 19    գնալ։ Զայն լուեալ թագաւորին Պերոզի ՛ի զիղջ
Line: 20    եկեալ՝ զամենայն վնասն ՛ի հայր իւր արկանէր,
Line: 21    անսուտ երդմունս կնքէր եւ տայր տանել առ նա,
Line: 22    եթէ "յաշխարհէդ միայն մի́ գնար, եւ զոր ինչ
Line: 23    ասես՝ առնեմ"։ Իսկ սա հաճեցաւ միայն զսեպհականն
Line: 24    առնուլ բաժին իւր, զոր ՛ի հօրէն էր
Line: 25    առեալ հազար երդ, առ զայն ՛ի թագաւորէն եւ
Line: 26    նստաւ ՛ի նմա միայնակեցօք հանդեբձ։ Եւ այնպէս
Line: 27    անզբաղապէս կեայր ընդ Աստուծոյ. եւ ոչ
Page: 25   Line: 1    յիշեաց ամենեւիմբ, եթէ թագաւոր լեալ իցէ
Line: 2    յառաջ։ Այս եղեւ վարք նորա։



Next part


This text is part of the TITUS edition of Movses Kalankatowaci, Patmowtiwn Alowanic Asxarhi.

Copyright TITUS Project, Frankfurt a/M, 23.8.2008. No parts of this document may be republished in any form without prior permission by the copyright holder.