TITUS
Movses Kalankatowaci, Patmowtiwn Alowanic Asxarhi
Part No. 13
Previous part

Chapter: 13  
Page: 38  
Line: 15 
ԳԼՈՒԽ Ժ՜Գ.

Line: 16  Շապհոյ թագաւորեցուցանելն զՏիրան եւ փրկիլն ՛ի հիւսիսականաց,
Line: 17  եւ կուրացուցանելն զՏիրան եւ խռովութիւն
Line: 18  հիւսիսականացն, եւ մահն Արշակայ եւ Պապայ
Line: 19  թագաւորելն եւ կորուստն Մեհրուժանայ եւ խոց առնուլն
Line: 20  Ուռնայրի յայնմ պատերազմի։


Line: 21       Թագաւորեալ Տիրանայ Հայոց՝ առնէ խաղաղութիւն
Line: 22    րնգ Պարսս եւ լեալ օդնական Շապհոյ
Line: 23    թափէ զնա ՛ի յարձակմանէ հիւսիսայնոցն, որք
Line: 24    զամս չորս բնակեալ յԱղուանս՝ նեղէին զՀայս։
Line: 25    Ապա ըստ բարուց չարին Տիրանայ՝ կուրանայ
Page: 39   Line: 1    ՛ի Շապհոյ, եւ Արշակ նորին որդի առնու զթագաւորութիւն։
Line: 2    ՛Ի նմին ժամանակի եղեւ խռովութիւն
Line: 3    Շապհոյ յազգացն հիւսիսոյ, եւ նա՝ անցեալ
Line: 4    ՛ի Բիւթանիա, նստի ամիսս յոլովս, եւ ոչ կարաց
Line: 5    առնել ինչ։ Ապա սիւն առ ծովակին կանգնեալ,
Line: 6    եւ առիւծ ՛ի վերայ՝ մատեան ընդ ոտիւք ունելով,
Line: 7    նշան իմն կոչել առիւծ զՊարսս եւ մատեան
Line: 8    զՀռովմայեցիս։ Մեռանի Արշակ եւ թագաւորէ
Line: 9    Պապ. ապստամբի Մեհրուժան Արծրունի՝ զԱքիտոփելին
Line: 10    խորհեցեալ զկորուստ անձին իւրոյ.
Line: 11    լինի մեծ պատերազմ ՛ի մէջ Պապայ եւ Մեհրուժանայ։
Line: 12    Յայնժամ քաջն Շէրգիր՝ Ղեկաց արքայ
Line: 13    մեռանի ՛ի ձեռաց Սպանդարատայ Կամսարականի։
Line: 14    Անդ առնու խոց մեծ արքայն Աղուանից
Line: 15    Ուռնայր ՛ի Մուշեղէ Մամիկոնէ՝ Վասակայ որդւոյ։
Line: 16    Սատակի եւ Մեհրուժան յասպարապետէն
Line: 17    Սմբատայ՝ պսակեալ բոցագոյն երկաթիւ զգլուխն,
Line: 18    սրբոյն Ներսիսի աղօթիւք։



Next part


This text is part of the TITUS edition of Movses Kalankatowaci, Patmowtiwn Alowanic Asxarhi.

Copyright TITUS Project, Frankfurt a/M, 23.8.2008. No parts of this document may be republished in any form without prior permission by the copyright holder.