TITUS
Movses Kalankatowaci, Patmowtiwn Alowanic Asxarhi
Part No. 14
Previous part

Chapter: 14  
Page: 40  
Line: 1 
ԳԼՈՒԽ Ժ՜Դ.

Line: 2  Սակաւիկ յայտարարութիւն վասն սրբոյն Գրիգորիսի
Line: 3  Հայոց Լուսաւորչի եւ երանելի որդեաց նորին. եւ ընդ
Line: 4  նմին ձեռնադրութիւն Սրբոյն Գրիգորիսի՝ որդւոյ Վըրթանիսի՝
Line: 5  թոռին մեծի սրբոյն Գրիգորի ՛ի կաթուղիկոսութիւն
Line: 6  Աղուանից եւ Վրաց, եւ եկն նորա յԱղուանս ՛ի
Line: 7  լուսաւորութիւն աշխարհին, եւ նահատակութիւն նորին
Line: 8  եւ բերումն նշխարացն։


Line: 9       Արդ մի ոմն յաշակերտաց Տեառն, Թադէոս
Line: 10    անուն՝ որպէս յառաջագոյն ասացաք, հասեալ
Line: 11    սմա մասն ինչ Հայաստան աշխարհին, լուսաւորէր
Line: 12    զկողմանս ինչ արեւելեայ, մինչեւ եկն հռչակելի
Line: 13    պատերազմողն եւ երիցս երանելի Գրիգոր,
Line: 14    զոր ՛ի մեռանելն Խոսրովայ Հայոց թագաւորի ՛ի
Line: 15    սպանանել զնա նենգութեամբ Անակայ Պարթեւի
Line: 16    հօրն Գրիգորի եւ իւր փախստեայ գնալով՝ հեղձամղձուկ
Line: 17    ՛ի ջուրս Երասխ գետոյ լինէր ու̂ դայեկաց
Line: 18    ոմանց առեալ փախստեայ ՛ի Յունաց աշխարհն
Line: 19    զերծուցանէին զերանելին Գրիգորիս։ Եւ
Line: 20    այս լինէր նախախնամութեամբ մեծին Աստուծոյ
Line: 21    յօրինակ նախամարգարէին Մովսիսի, որ ՛ի
Line: 22    պրտուեայ տապանակին ՛ի մէջ ջուրցն զերծանէր
Line: 23    ՛ի ձեռաց ամբարիշտն Փարաւոնի առ ՛ի
Line: 24    փրկել զժողովուրդն Աստուծոյ ՛ի ծառայութենէ
Line: 25    եգիպտական տանջանացն։ Սոյնպէս եւ ամենասուրբն
Page: 41   Line: 1    Գրիգոր զելծեալ ՛ի սրոյ Հայաստան նախարարացն
Line: 2    ՛ի փրկութիւն պահէր նորին Հայոց
Line: 3    աշխարհին եւ ամենայն արեւելեաց կողմանց՝ իբրեւ
Line: 4    նետ մի րնտիր ՛ի կապարճս թագուցեալ ՛ի յունական
Line: 5    աշխարհին, որով խոցոտեալ սատակէր
Line: 6    զաներեւոյթ թշնամին. զոր ընտրեալ յորովայնէ
Line: 7    մօր իւրոյ եւ սրբեալ յարգանդին յաղթող նահատակ,
Line: 8    առաքեալ միանգամայն եւ վայելուչ տուեալ
Line: 9    քահանայապետ Թորգոմեան աշխարհին եւ Ասքանազեան
Line: 10    զաւակին։ Արդ սնեալ եւ ուսեալ երջանիկն
Line: 11    Գրիգորիոս զքրիստոսական հաւատոցն զօրութիւն
Line: 12    առաքելական եւ քաջալերական համարձակութեամբ՝
Line: 13    եկեալ յանդիման լինէր Տրդատայ
Line: 14    արքային Հայոց միամտութեամբ եւ քաղցր հարկանել
Line: 15    ծառայութիւն, պօղոսեան հաւանեալձայնի՝
Line: 16    հեզագոյն քաջութեամբ ծառայել Տեառն զօրութեանց,
Line: 17    մարմնաւոր տերանց, այլ ոչ առ ականէ
Line: 18    ծառայութեամբ եւ հնազանդութեամբ։ Ուր
Line: 19    ստանայր զերկուս որդիս՝ Արիստակէս եւ Վրթանէս։
Line: 20    Իսկ թագաւորն՝ մոլեգնեալ ՛ի դիւաց զանազան
Line: 21    եւ պղծալից պաշտամունսն՝ ձեռն արկանէր
Line: 22    յամենազօր նահատակն Քրիստոսի օժանդակութեամբ
Line: 23    չար վիշապին կամեցեալ յիւրն ծառայել
Line: 24    ՛ի խորխորատ կորստեանն դիցն աղտեղութեան
Line: 25    պաշտամանն, բազում եւ զանազան տանջանօք
Line: 26    չարչարեալ զսուրբն՝ ոչինչ կարաց կամագիւտ
Line: 27    լինիլ յանշարժելի հաւատս երանելւոյն.
Page: 42   Line: 1    այլ օր քան զօր քաջաբար մրցեալ առնոյր զյաղթութեան
Line: 2    մրցանակն ՛ի վերայ աներեւոյթ եւ երեւելի
Line: 3    թշնամւոյն։ Եւ իբրեւ ոչինչ կարաց պաճարանս
Line: 4    գտանել փոխելոյ զառաքինին յուղիղ հաւատոցն
Line: 5    Քրիստոսի՝ յայնժամ ազդեալ չարին ՛ի
Line: 6    միտս չար արբանեկացն, տարեալ րնկենուին
Line: 7    զսուրբն Գրիգորիոս յանհնարին խոր վիրապն
Line: 8    Արտաշատ քաղաքի, յորում զերեքտասան ամս
Line: 9    յօձախառն բնակէր վայրի՝ մինչեւ այլ եւս կանայք
Line: 10    ոմանք երանելիք, Հռիփսիմէ եւ Գայիանէ հանդերձ
Line: 11    երեսուն եւ հինգ ընկերօք ՛ի նորին ՛ի Հայոց
Line: 12    արքայէն կատարեցան։ Եւ երանելեացն լինէին
Line: 13    մարմինք բացընկեցիկք։ Եւ ապա ամենազօրն
Line: 14    Աստուած յայց ելանէր երանելւոյն Գրիգորի
Line: 15    եւ երանելի նահատակացն՝ որբոց Հռիփսիմեանց,
Line: 16    եւ պատուհաս մեծ հասուցանէր ՛ի վերայ
Line: 17    աշխարհին Հայաստանի, ոչ պատուհասի, այլ
Line: 18    մեծի ողորմութեան նշանակ, որպէս ատել զսիրելի
Line: 19    որդին եւ անտես առնել զօտարացեալ խորթն։
Line: 20    Նոքին իսկ դեւքն, զորս նուիրօք եւ զոհիւք մեծարէին՝
Line: 21    ՛ի վերայ թշնամեաց հասեալ՝ տային նոցա
Line: 22    մոլեգնել եւ ուտել զիւրեանց մարմինս. այլ եւ զնորին
Line: 23    թագաւորին զկերպարանս ՛ի խոցի դարձուցեալ
Line: 24    ՛ի բնութիւն յեղէգն լինել փախստեայ։
Line: 25    Յայնժամ ահ եւ երկիւղ սաստիկ զամենեսեան
Line: 26    լնոյր, մինչեւ մնային կորստեան կենաց աշխարհին։
Line: 27    Մինչեւ յայսմ ահի եւ ՛ի դողման կային ՛ի
Page: 43   Line: 1    մեծամեծաց մինչեւ ցփոքունս՝ երեւէր ՛ի տեսլեան
Line: 2    գիշերոյ հրեշտակ ողորմութեան Աստուծոյ
Line: 3    կնոջ ումեմն, Խոսրովիդուխտ անուն՝ քեռ Տրդատայ
Line: 4    Հայոց արքայի։ "Անհնարին է ձեզ՝ ասէ,
Line: 5    ՛ի հարուածոցդ զերծանել, բայց եթէ ՛ի ձեռն
Line: 6    որբոյն Գրիգորի երթեալ հանէք զնա ՛ի խոր վիրապէն"։
Line: 7    Եւ զարթուցեալ պատմէր զերազն՝ եւ
Line: 8    ամենեքին ըմբերանեալ դսրովէին զկինն եւ ասէին.
Line: 9    "Եւ դու ուրեմն դիւահարիս. իսկ արդ եւ
Line: 10    զոսկերսն անգամ զի՞նչ հնար է գտանել զնորա"։
Line: 11    Եւ իբրեւ կրկնեալ եւ երեքկնեալ զտեսիլն՝ յարուցեալ
Line: 12    առ վտանգի հարուածոցն չոքան ՛ի բերան
Line: 13    վիրապին թերահաւատքն՝ կաղս ՛ի կաղս բարբառեալ
Line: 14    բանիւն Աստուծոյ. "Ել ՛ի դուրս, եթէ իցես
Line: 15    կենդանի". եւ վաղվաղակի զեկուցանէր զկեալն
Line: 16    կենդանի։ Բազում խնդութեամբ ՛ի վեր առեալ
Line: 17    ածին ՛ի Նոր քաղաք թագաւորանիստ Հայոց արքային։
Line: 18    Այնուհետեւ դիւացն առեալ զմարդիկն
Line: 19    ակամայ ընդառաջ մեծին Գրիգորի տանէին՝ մոլեգնելով
Line: 20    եւ ուտելով զմարմինս իւրաքանչիւր. եւ
Line: 21    զթագաւորն նոյնպէս յեղեգանէն առեալ դիւացն
Line: 22    ածէին ընդառաջ սրբոյն։ Որոյ ծունր եդեալ մեծին
Line: 23    Գրիգորի արտասուօք խնդրէր յամենողորմէն
Line: 24    Աստուծոյ զփրկութիւն թշուառացեալ ազգին եւ
Line: 25    անդէն վաղվաղակի ընդունէին ՛ի ծեռն սրբոյն
Line: 26    աղաչանաց զբժշկութիւն մարմնական տանջանացն
Line: 27    ընդ նմին եւ զհոգւոյն լուսաւորութիւն։ Եւ
Page: 44   Line: 1    իբրեւ ոչ ումեք ինչ զերկուցեալ վասն երանելի
Line: 2    կանանցն որք պսակեցան՝ զՀռիփսիմէն ասեմ եւ
Line: 3    զնորին րնկերացն, ինքն իսկ ՛ի խոր վիրապին
Line: 4    մարգարէական ակամբն տեսանէր զնահատակութիւն
Line: 5    երանելի վկայիցն Քրիստոսի եւ ասէ. "Ո՞ւր
Line: 6    են նշխարք սրբոցն". եւ մարդիկն զարմացեալ
Line: 7    ասէին՝ "Զո՞ր սրբոցն ասէ". եւ իբրեւ լուան ՛ի
Line: 8    նմանէ զանուանս պսակելոցն, ապա ՛ի միտ առեալ՝
Line: 9    ցուցին զպատուական եւ զամենասուրբ
Line: 10    նշխարս ոսկերացն։ Եւ առեալ Գրիգորի պատէր
Line: 11    իւրեանց իսկ պատառոտուն հանդերձիւքն՝ չարարեալ
Line: 12    ուրուք ինչ արժանի յերանելեաց մերձեցուցանել
Line: 13    ՛ի մարմինս, մինչչեւ սրբեալք ելանէին
Line: 14    յաւազանէն փրկութեան. եւ դնէր ՛ի հանգստարանի
Line: 15    ՛ի տեղւոջն, յորում պսակեցան սուրբքն։
Line: 16    Իսկ զբոլոր աշխարհն Հայոց ուսուցանէր եւ խրատէր
Line: 17    եւ կնքէր կենսատու խաչիւն եւ լուսաւորէր
Line: 18    մկրտութեամբ աւազանին փրկութեան եւ արժանաւորս
Line: 19    առնէր՝ զանճառելի Հոգւոյն ընդունել
Line: 20    շորհս ճաշակմամբ կենսատու մարմնոյ եւ արեան
Line: 21    Տեառն։

Line: 22       Եւ ոչ կամեցեալ իւր իսկ ունել զաթոռ քահանայապետութեան՝
Line: 23    հրեշտակ Աստուծոյ եկեալ
Line: 24    առ մեծն Գրիգորիոս ասէ ցնա՝ ոչ հեստել եւ
Line: 25    յամառել առ խոնարհութեան կարգին, այլ յայսմ
Line: 26    քաջանալ եւ առնուլ կրկին զանանցական պատիւն,
Line: 27    որ վասն քահանայապետութեան շնորհի
Page: 45   Line: 1    յԱստուծոյ։ Եւ առեալ ոյնուհետեւ զքահանայապետութեանն
Line: 2    զպատիւ՝ երթեալ լուսաւորէր զՎրաց
Line: 3    եւ զԱղուանից աշխարհն։ Երթեալ ՛ի Հաբանդ գաւառ՝
Line: 4    ուսուցանէր եւ խրատէր պահել զպատուիրանս
Line: 5    Որդւոյն Աստուծոյ։ Եւ արկանէր հիմն
Line: 6    եկեղեցւոյ ՛ի գիւղաքաղաքին Ամարասայ եւ կացուցանէր
Line: 7    գործունեայս եւ հրամանատարս շինել
Line: 8    զեկեղեցին։ Եւ երթեալ ՛ի Հայոց աշխարհն՝ օծանէր
Line: 9    փոխանակ իւր զորդին զՎրթանէս նստուցանել
Line: 10    յիւր աթոռ քահանայապետութեան, զհրաման
Line: 11    հայրենի վարուց լինել շնորհ հաւատոյ բանիւ
Line: 12    վարդապետութեան։ Որ ուղիղ եւ առաքինասէր
Line: 13    վարուք կեցեալ՝ պատուհասէր եւ խրատէր
Line: 14    զայնոսիկ զորս ՛ի դիւապաշտութեան գտանէր
Line: 15    յաղանդին. յանդիմանէր եւ զկին թագաւորին վասն
Line: 16    այլանդակ պոռնկութեանն։ Եւ մինչչեւ մտեալ յեկեղեցի
Line: 17    ՛ի Տարօն գաւառի զտէրունեանն կատարել
Line: 18    խորհուրդ՝ չար եւ դիւապաշտ մարդիկ ժողովեալք
Line: 19    բազմութիւն յոյժ առ ՛ի սպանանել զերանելին
Line: 20    Վրթանէս խորհրդեամբ կնոջ թագաւորին։
Line: 21    Եւ յորժամ վազեցին ՛ի գաւիթ եկեղեցւոյն՝
Line: 22    ՛ի դիւապինդ կապեալ կաշկանդեալք եղեն հրամանաւ
Line: 23    բարերարին Աստուծոյ, ուլնագելութեամր
Line: 24    ընդկապճեալ կային անմռունչ ամենեքեան՝ մինչեւ
Line: 25    կատարեալ երանելւոյն զաստուածեղէն խորհուրդն
Line: 26    եւ ՛ի դուրս եկեալ զարմանայր։ Եւ հարցեալ
Line: 27    զպատճառն՝ խոստովանէին զիւրեանց չարեաց
Page: 46   Line: 1    խորհուրդն եւ զկամս կնոջ թագաւորին։ Եւ
Line: 2    նա կացեալ յաղօթս՝ ձեռնադրութեամբ զամենեսեան
Line: 3    բժշկէր եւ խրատէր մի եւս գործել չար ինչ,
Line: 4    այլ ապաշխարութեամբ գտանել ողորմութիւն։
Line: 5    Եւ սորա երկու որդիք, միումն Յուսիկ անուն՝
Line: 6    առաքինասէր եւ սրրամիտ վարուք, որ եւ
Line: 7    սա նորին խոստովանական վարուք կատարեալ
Line: 8    պսակէր։ Քանզի հասեալ յաթոռ քահանայապետութեան
Line: 9    հօրն՝ յանդիմանէր զթագաւորն վասն
Line: 10    մեղսասէր չարագործութեանն. եւ նորա հրամայեալ
Line: 11    անդէն յեկեղեցւոջն բրով սպանանել զնա։
Line: 12    Եւ անուն միւսումն Գրիգորիս յանուն հաւուն, եւ
Line: 13    համանման եւ հաւասար նորուն վարուցն առաքինութեան,
Line: 14    ոչ ամուսնացեալ ՛ի կարգս աշխարհիս,
Line: 15    այլ փափագեալ բաղձայր հայրենի հոգեւոր
Line: 16    ժառանգութեանն։ Եւ անդէն ՛ի աղայական տիոցն
Line: 17    վարժէր զինքն Աստուածաշունչ գրոց կըրթութեամբ
Line: 18    եւ զմարմնական զգայութիւնս պսհօք
Line: 19    եւ աղօթիւք պարկեշտացուցանէր, զհոգին սիրոյն
Line: 20    հաւատովք լուսաւորէր. եւ անդէն վաղվաղակի զինքեան
Line: 21    հաւուն զմեծին Գրիգորի զգերաշխարհիկն
Line: 22    բարձրութեանց զերկոսեան զպատիւսն առեալ
Line: 23    յօրինէր՝ զքահանայապետութեան զպատիւ եւ զաթոռն
Line: 24    եւ զամենապատիկ բարութեանցն պսակ
Line: 25    զմարտիրոսութեան։ Քանզի զհնգետասան ամօք
Line: 26    ձեռնադրեալ յեպիսկոպոսութիւն զմանուկն Գրիգորիս
Line: 27    Վրաց եւ աղուանից աշխարհին՝ երթեալ
Page: 47   Line: 1    լուսաւորէր զերկոսին աշխարհս եւ հաստատէէ̈է̈է̈ր
Line: 2    քրիստոսական հաւատովն գնալ. շինէր եւ զեկեղեցիս
Line: 3    ըստ կարգաց եւ քաղաքաց եւ ձեռնադրէր
Line: 4    զերիցունս, յորդորէր ՛ի պաշտօն սրբութեան եւ
Line: 5    յիշատակ սրբոց կանխել հանապազ։ Եւ նախանձեալ
Line: 6    զբարի նախանձ առաքելական ուղղութեանն՝
Line: 7    կատարէր զհրաման մարմնացեալ Որդւոյն Աստուծոյ՝
Line: 8    շրջեալ ընդ ամենայն հեթանոսս՝ մկըրտեալ
Line: 9    յանուն Հօր եւ Որդւոյ եւ Հոգւոյն Սրբոյ
Line: 10    ուսանել պահել զամենայն տէրունեան պատուիրեալսն
Line: 11    եւ ոչ առնուլ ընդ իւրեանս ոսկի, արծաթ
Line: 12    եւ պղինձ, եւ պարկ անգամ եւ ցուպ։ Այսց բոլորից
Line: 13    զգուշանալով երանելւոյն առեալ ընդ իւր
Line: 14    վայելուչ եւ յոյժ պատուականագոյն թոշակ զմեծ
Line: 15    քահանայապետին եւ մարտիրոսին Զաքարիայ՝
Line: 16    զՀօրն Յովհաննու, ՛ի պատուական արենէն նըշխարս,
Line: 17    զսրբոյն Պանդալէոնի, որ դաւանեաց զբարւոք
Line: 18    դաւանութիւնն Քրիստոսի եւ պսակեցաւ ՛ի
Line: 19    Նիկոմիդիա քաղաքի։ Եւ տարեալ զամենասուրբ
Line: 20    նշխարս վկայիցն ՛ի մեծ քաղաքն Ցռի յԱղուանից
Line: 21    իշխանութեան՝ շինէր փոքրիկ եկեղեցի եւ
Line: 22    դնէր անդ մեծ զգուշութեամբ զմասն ինչ յարենէ
Line: 23    Զաքարիայ եւ ՛ի նշխարաց սրբոյն Պանդալէոնի,
Line: 24    եւ թողոյր երէց մի սպասակալ եւ պաշտօնեայ
Line: 25    վկայիցն Քրիստոսի։ Եւ զկէս նշխարաց սըրբոյն
Line: 26    Զաքարիայ եւ երանելւոյն Պանդալէոնի առեալ
Line: 27    ընդ իւր եւ երթեալ ՛ի Մասքթաց աշխարհն՝
Page: 48   Line: 1    յանդիման լինէր Սանատրկայ՝ թագաւորին Մասքթաց,
Line: 2    համատոհմին Արշակունեաց. եւ քարոզէր
Line: 3    զանճառելի Երրորդութիւնն, զմի արարչական
Line: 4    զօրութիւնն, զմարմնանալն Բանին Աստուծոյ,
Line: 5    զզանազան նշանագործութիւնս յերկրի առնել,
Line: 6    զխաչիլն եւ զմեռանիլն եւ յերիր աւուր յառնել եւ
Line: 7    նովին մարմնով ՛ի յերկինս վերանալ, նոյնպէս եւ
Line: 8    յերկրորդ գալստեանն երեւիլ՝ դատելով զկենդանիս
Line: 9    եւ գմեռեալս։ Եւ խնդութեամբ րնկալեալ հաւատային
Line: 10    աւետարանական բանին զառաջինն։
Line: 11    Իսկ ամենաչարն սատանայ մտեալ ՛ի սիրտս նոցա
Line: 12    գրգռէր չարանալ ընդ կենսատու հրամանին
Line: 13    բանիցն տեառն. սկսան դնել բաղբաղայս ճշմարիտ
Line: 14    վարդապետական բանից երանելւոյն, քանզի
Line: 15    ՛ի քարոզութեան ասէր զկամս բարերարին Աստուծոյ՝
Line: 16    ոչ աւարել, ոչ յափշտակել եւ ոչ գողանալ,
Line: 17    այլ վաստակել ձեռօք եւ վայելել մարդաբար
Line: 18    եւ երանելի լինել Աստուծոյ։ Եւ ասեն. "Հսյոց
Line: 19    արքային կեղծաւորութիւն է այդ՝ արգելուլ զմեզ
Line: 20    յաւարէ Հայաստան աշխարհի. եւ ի՞ւ կեցցուք, զի
Line: 21    ոչ աւարեսցուք"։ Ապա եւ զթագաւորն եւս խոնարհեցուցեալ
Line: 22    յիւրեանց ամենաչար կեղծաւորութիւնն՝
Line: 23    կալեալ զմանուկն Գրիգորիս ընդ ամեհի
Line: 24    ձիոյ կապէին ընդ ագի եւ արձակէին ՛ի
Line: 25    դաշտն Վատնեայ. եւ այսպէս պսակէր սուրբն։
Line: 26    Զոր բարձեալ աշակերտացն՝ բերէին յԱմարաս
Line: 27    գիւղաքաղաքն, որ էր ՛ի գաւառին Հաբանդայ.
Page: 49   Line: 1    անդ եդեալ առ եկեղեցւոյն հուպ ՛ի բեմն ՛ի հիւսիսոյ
Line: 2    կողմանէ, եւ զսուրբ արիւն Զաքարիայ ՛ի
Line: 3    միում ապակեղէն շշի եդեալ եւ ՛ի միւսում շշի
Line: 4    զերանելւոյն Պանդալէոնի զնշխարս։ Եւ եդեալ
Line: 5    զերկոսեան շիշս ընդ ամենասուրբ նշխարս մանկանն
Line: 6    Գրիգորիսի՝ ինքեանք փախստեայ ՛ի Հայս
Line: 7    անկանէին։ Վասն զի Սանեսան բազում եւ անթիւ
Line: 8    զօրօք Հոնաց ՛ի Հայս արշաւէր. եւ յԱստուածային
Line: 9    բարութեանցն զօրութիւն տուեալ Հայաստան
Line: 10    նախարարացն առ ՛ի խնդրել զվրէժ արժան
Line: 11    մանկանն սրբոյն Գրիգորիսի, բազմութիւն
Line: 12    զօրացն ՛ի սուր անկեալ՝ ոչ մնայր գուժաբեր
Line: 13    յաշխարհն Մասքթայ, այլ եւ զամենեսեան խողխողեալ
Line: 14    սատակէր յիւրեանց ազգայնոցն սրոյ։
Line: 15    Իսկ ընդ ժամանակս ընդ այն բերդաքաղաքն
Line: 16    անուանեալ Ցռի՝ ապստամբեալ յԱղուանից արքայէն,
Line: 17    ձեռն տայր ՛ի Պարսից արքայն. եւ եկեալ
Line: 18    Արգեսացիք ունէին զքաղաքն։ Իսկ գտեալ զերէցն,
Line: 19    զաշակերտ մանկանն Գրիգորիսի, զոր թողեալ
Line: 20    էր ՛ի սպասաւորութիւն սրբոցն՝ զերէցն
Line: 21    զՑռւոյ եւ զմանուկն մարտիրոսացուցին։ Քանզի էր
Line: 22    նորա գտեալ ճիղբ մանուկ մի, որ լսէրհաւատոյն
Line: 23    Քրիստոսի, եւ հաւատացեալ առնոյր զքրիստոսական
Line: 24    կնիքն եւ անդէն աշակերտէր երիցոյն
Line: 25    եւ կամէր խելամուտ լինել վարուց քրիստոնէութեան.
Line: 26    զերկոսեան զսոսա ՛ի կապանս եւ ՛ի չարչարանս
Line: 27    արկեալ՝ ստիպէին լինել մոխրապաշտ
Page: 50   Line: 1    դիւթացն աղտեղութեան։ Իբրեւ ոչ կարէին կամագիւտ
Line: 2    լինել բռնութեամբ՝ մաղթէին զճիղբ
Line: 3    մանուկն եւ ասէին. "՛Ի մերոյ աշխարհիս մարդ
Line: 4    ես, զմեր կամս արա եւ մեծարու առնեմք զքեզ
Line: 5    ՛ի մերում իշխանութեանս"։ Եւ երանելին պատասխանի
Line: 6    արարեալ՝ "Լաւ լիցի յառաջագոյն
Line: 7    քան զերէցն մեռանել ինձ վասն անուանն Քրիստոսի,
Line: 8    քան բնականալ ՛ի յարկս մեղաւորաց"։
Line: 9    Եւ վաղվաղակի սրով գլխատեալք՝ ընունէին զերանութեան
Line: 10    զպսակ եւ զամենավայելուչ նահատակութեան
Line: 11    յաղթանակ մրցանակն ըստ իւրեանց
Line: 12    հոգեւոր հօրն՝ մանկանն Գրիգորիսի։ Զորս առեալ
Line: 13    Ասորեաց ոմանց աբեղայից տանէին ՛ի Հակու
Line: 14    անուանեալ գիւղն, եւ անդ եդեալ ՛ի գերեզմանի՝
Line: 15    եւ ինքեանք ՛ի տեղւոջն վանս շինէին։ Եւ անդ
Line: 16    Ե, ասեն՝ նշխարք երանելեացն մինչեւ ցայսօր։ Եւ
Line: 17    լինէր այն առ քաջիւն Վաչէիւ՝ Աղուանից արքայիւ։
Line: 18    Եւ ամրածածկեալ կային երանելեացն
Line: 19    վկայից ամենասուրբ նշխարք մինչեւ ցթագաւորութիւն
Line: 20    երրորդ բարեպաշտ Վաչականայ Աղուանից
Line: 21    արքայի։ Քանզի ՛ի քաջէն Վաչականայ մինչեւ
Line: 22    ցՎաչէ թագաւորք էին Աղուանից թուով ինն,
Line: 23    յորոց տասներորդ էր բարեպաշտ եւ աստուածասէր
Line: 24    թագաւորն Վաչական Աղուանից արքայ։



Next part


This text is part of the TITUS edition of Movses Kalankatowaci, Patmowtiwn Alowanic Asxarhi.

Copyright TITUS Project, Frankfurt a/M, 23.8.2008. No parts of this document may be republished in any form without prior permission by the copyright holder.