TITUS
Movses Kalankatowaci, Patmowtiwn Alowanic Asxarhi
Part No. 16
Previous part

Chapter: 16  
Page: 52  
Line: 11 
ԳԼՈՒԽ Ժ՜Զ.

Line: 12  Կեանք եւ վարք եւ կարգաւորութիւնք Աղուանից, որ ՛ի
Line: 13  Վաչականէ արքայէ եդան, եւ գիւտ նշխարաց սրբոց։


Line: 14       Իսկ զերեսուն ամ ՛ի Վաչէէ մինչեւ զՎաչական
Line: 15    բարեպաշտն առանց թագաւորի կացեալ
Line: 16    աշխարհս Աղուանից. քանզի ամենաչար եւ ամբարիշտ
Line: 17    թագաւորն Պարսից զայրագնեալ մոլեգնէր
Line: 18    իբրեւ զկատաղեալ շուն՝ կամէր բառնալ զամենայն
Line: 19    թագաւորութիւնս աշխարհի, միանգամայն
Line: 20    շարժել զեկեղեցիս, բառնալ զկարգ քրիստոնէութեան
Line: 21    եւ հաստատել, կարգել յիւրում իշխանութեան
Line: 22    զմոլեգնութեան դիւապաշտութիւն. յոր
Line: 23    ամենասուրբ վկայիցն Քրիստոսի ՛ի պղծալից ձեռաց
Line: 24    արիւն հեղոյր յերկիր. եւ յոյժ անթիւ անմեղաց
Page: 53   Line: 1    անձինք խողխողեալ լինէին սրով չարին։
Line: 2    Այլեւ կանայք տղայիւք հանդերձ արտօսրահառաչ
Line: 3    ձայնիւ գերեալ լինէին յօտար աշխարհ ՛ի դառն
Line: 4    ստրկութիւն։ Զբազում նախարարս Հայոց, Վրաց
Line: 5    եւ Աղուանից ՛ի մոգոթիւն դիւապաշտութեանն
Line: 6    ածեալ կործանէր՝ զոմանս բռնութեամբ եւ զոմանս
Line: 7    պարգեւօք ՛ի մեծամեծ իշխանութիւնս ընձեռելով,
Line: 8    ՛ի տեղիս տեղիս ատրուշանս կանգնելով՝
Line: 9    զօրանայր կրակալից պաշտամունք դիցն աղտեղութեան.
Line: 10    եւ ազգի ազգի աղանդք չարախոհն սատանայի
Line: 11    յոլովեալ թշուառացուցանէին զհիքացեալ
Line: 12    մարդիկ աշխարհին Աղուանից. զորս ամենապիղծն
Line: 13    զրպարտեալ ապստամբութեան պատճառաւ,
Line: 14    կապանօք եւ բանդիւք նեղէր եւ ակամայ
Line: 15    ՛ի մոգութիւն խոնարհեցուցանէր։ Ընդ նոսին եւ
Line: 16    Վաչական առ բուռն սաստիկ չարութեան թագաւորին
Line: 17    ակամայ հաւանէր մոգութեանն, այ
Line: 18    գաղտ յաղօթս եւ ՛ի պահս եւ ՛ի Քրիստոսի խոստովանութիւնն
Line: 19    կանխէր հանապազ. մինչեւ այց
Line: 20    արար ամենողորմն Աստուած հեղման արեան սըրբոց
Line: 21    վկայիցն Քրիստոսի եւ աւերածի սուրբ եկեղեցեաց
Line: 22    եւ ՛ի զուր խողխողման ծերոցն եւ երիտասարդաց,
Line: 23    եւ գերութեան կանանց եւ տղայոց եւ
Line: 24    կորստեան հոգեաց անմեղաց, որք մոգութեամբն
Line: 25    եղեն հիքացեալ։ Եւ առաքեաց գաւազան բարկութեան
Line: 26    բռնաւոր եւ արիւնարբու թագաւորին
Line: 27    Պարսից զՀեփթաղական ազգն, որք հարեալ սատակեցին
Page: 54   Line: 1    եւ համաջինջ արարին զամբարիշտ իշխանս
Line: 2    Պարսից աշխարհին հանդերձ խառնիճազանճ
Line: 3    ռամկօքն անթիւ զօրացն բազմութեամբ։
Line: 4    Եւ թերեւս ՛ի վերայ սորայ մարգարէանայր երջանիկն
Line: 5    Եսայիաս զտեսիլն, զոր տեսանէր ՛ի վերայ
Line: 6    Բաբելոնի. "Բա՝ դիմեալ գան հսկայք յագեցուցանել
Line: 7    զսրտմտութիւն իմ, խնդան, գան միանգամայն
Line: 8    եւ թշնամանեն։ Տէր զօրութեանց հրաման
Line: 9    ետ ազգաց բազմաց գալ ՛ի յերկրէ հեռաստանէ,
Line: 10    եւ հասեալ է Տէր իւրովք սպառազինուք,
Line: 11    եւ այլն." յորում արդարեւ երկրորդեալ կատարեցաւ
Line: 12    մարգարէութիւնս այս ՛ի վերայ Պարսից
Line: 13    թագաւորին՝ ամենաչարին Պերոզի։ Քանզի հսկայաբար
Line: 14    հրամանաւ աստուածային զօրութեանն
Line: 15    եկեալ Հեփթաղական ազգն յագեցուցանէր զսըրտմտութիւն
Line: 16    բարկութեան Տեառն. զի նախ զորդիս
Line: 17    նորա առաջի նորա հարեալ սատակեցին սրով
Line: 18    բերանոյ զչար զաւակսն եւ զբովանդակ նախարարս
Line: 19    եւ զկուսակալս աշխարհին, ընդ նմին եւ
Line: 20    զխառնիճաղանճ անթիւն զօրաց բազմութիւնսն.
Line: 21    եւ նոյն ինքն թագաւորն՝ զամենաչար զՊերոզ
Line: 22    ասեմ, սրով խողխողեալ ՛ի մէջ անթիւ դիակացն
Line: 23    լինէր կորուսեալ եւ զթաղումն իշպոյ թաղեալ. եւ
Line: 24    զամբարշտութեամբ մթերեալ անբաւ մեծութիւնն
Line: 25    աւարեալ ՛ի բաց բառնային, զկանայս նոցա
Line: 26    խայտառակէին եւ ոչ խնայէին ՛ի մանկունս նոցա,
Line: 27    եւ ոչ ողորմէին որբոց նոցա։ Եւ արդարեւ յագեցուցանէին
Page: 55   Line: 1    զսրտմտութիւն բարկութեան Տեառն,
Line: 2    եւ հատուցումն չարեաց, զոր ամենայն ազգաց
Line: 3    հատուցանէր արիւնարբուն Պերոզ՝ եօթանասնեկին
Line: 4    դարձաւ ՛ի գլուխ նորա։ Յայնժամ լցաւ եկեղեցին
Line: 5    Աստուծոյ երանութեամբ, զի զչար մանկունս
Line: 6    զայրացուցչին կալեալ հարին ոչ զքարի,
Line: 7    այլ ՛ի բերան սրոյ թշնամեացն, որք չարաչար
Line: 8    մահուամբ վերացան ՛ի կենցաղոյս. այլեւ զնոյն
Line: 9    ինքն զպիղծն հանդերձ չար զաւակօքն սրախողխող
Line: 10    չարամահ դառնութեամբ բառնային
Line: 11    յաշխարհէ։



Next part


This text is part of the TITUS edition of Movses Kalankatowaci, Patmowtiwn Alowanic Asxarhi.

Copyright TITUS Project, Frankfurt a/M, 23.8.2008. No parts of this document may be republished in any form without prior permission by the copyright holder.