TITUS
Movses Kalankatowaci, Patmowtiwn Alowanic Asxarhi
Part No. 17
Previous part

Chapter: 17  
Page: 55  
Line: 12 
ԳԼՈՒԽ Ժ՜Է.

Line: 13  Թագաւորելն Վաղարշակայ եւ ՛ի նմանէ առնուլ Վաչականայ
Line: 14  զիւր թագաւորութիւն Աղուանից։


Line: 15       Յետ բառնալոյ չարին Պերոզի չարաչար մահուամբ
Line: 16    յաշխարհէս՝ թագաւորէր Վաղարշակ հօրեղբայր
Line: 17    նորա ընդ նորա։ Եւ կատարի առ
Line: 18    Վաչականաւ տէրունեան ասացեալ բանն, եթէ
Line: 19    "որ արասցէ եւ ուսուսցէ՝ նա մեծ կոչեսցի յարքայութեանն
Line: 20    Աստուծոյ", զոր աստուածասէր
Line: 21    արքայն Վաչական արար. յառաջ զինքն դարձուցանել
Line: 22    ՛ի մեղանչական ճանապարհէն եւ գործել
Line: 23    զբազում եւ զանազան առաքինութիւնս եւ զյոլով
Line: 24    աշխարհս ՛ի դիւական չարագործ պաշտամանէն
Page: 56   Line: 1    ՛ի սուրբ եւ յուղիղ աստուածպաշտութեանն դարձուցանել
Line: 2    ՛ի պողոտայն, եւ բարի քաւութեամբ
Line: 3    աւանդել զառաքինութիւնն։ Քանզի զիւրոյ աշխարհին
Line: 4    նախարարս, որք միանգամ մոգութեամբն
Line: 5    աղտեղացուցեալ էին զհոգւոյն խոհականութիւն
Line: 6    դիցն գարշելի պաշտամամբ եւ զմարմինս պղծալից
Line: 7    պոռնկութեամբ խենեշացեալ յորդորական խրատու
Line: 8    ածէր ՛ի խոստովանութիւն Քրիստոսի ճըշմարտութեանն
Line: 9    եւ ուսուցանէր Աստուածաշունչ
Line: 10    գրոց վկայութեամբ, թէ հաւաստեաւ լինելոց է
Line: 11    յարութիւն մեռելոց հրամանաւ Աստուածորդւոյն,
Line: 12    եւ անշէջ հրով դառն դատաստան յանանց
Line: 13    յաւիտենին՝ յաւիտենից ուրացողաց եւ ոչ խոստովանելոց
Line: 14    եւ ամբարիշտ չարագործաց, եւ մշտընջենաւոր
Line: 15    անճառելի փառաց պարգեւք խոստովանողաց
Line: 16    զանքննելի աստուածութիւնն, եւ ըստ կամաց
Line: 17    նորուն աստուածութեանն բարեգործութեամբ
Line: 18    յարուցելոց։ Եւ որք յետ շնորհի աւազանին փըրկութեան
Line: 19    էին զառածեալք ՛ի մոգութիւն՝ ապաշխարութեամբ
Line: 20    հաստատէր. եւ որք ՛ի տղայութենէ
Line: 21    իսկ երթեալ էին զհետ կորստեան ճանապարհին՝
Line: 22    հրամայէր լուսաւորել աւազանին փըրկութեամբ,
Line: 23    եւ արժանաւորս առնէր ճաշակման
Line: 24    ամենասուրբ մարմնոյ եւ արեան կենդանացուցիչ
Line: 25    Որդւոյ Աստուծոյ։ Եւ ինքն յոյժ ցնծացեալ ուրախանայր
Line: 26    ոչ այնչափ ընդ թագաւորութիւնն,
Line: 27    որչափ ընդ բոլոր նախարարաց աշխարհին միաբանութեամբ
Page: 57   Line: 1    հաւասարել ուխտի եկեղեցւոյ,
Line: 2    լուեալ ՛ի կենարար պատուիրանէն, թէ որ դարձուսցէ
Line: 3    զոգիս ՛ի մոլար ճանապարհէ եւ ուսուսցէ
Line: 4    զառաքինասէր վարս՝ զիւր հոգին փրկեսցէ ՛ի
Line: 5    մահուանէ եւ քաւեսցէ զբազմութիւն մեղաց իւրոց.
Line: 6    եւ յօր աւուր յորդորելով յաստուածասէր
Line: 7    պաշտամունս՝ անձանձրոյթ յիշատակս սրբոց կատարէր։
Line: 8    Հրաման տայր այնուհետեւ Արցախամուր
Line: 9    աշխարհին յիւրում ծառայութեանն ՛ի բաց լքանել
Line: 10    թողուլ զդիւապաշտութեան կարգս կարգս
Line: 11    զաղտեղի դիցն զոհամատոյց պաշտամունս. յոյժ
Line: 12    բարեմիտ եւ աշխարհաշէն եւ խաղաղասէր եւ հրամանատար
Line: 13    ամենայն կողմանց իւրոյ թագաւորութեանն,
Line: 14    զորոց չարին Պերոզի զթագաւորութիւնն
Line: 15    հանեալ էր եւ իշխանաց զբնիկ իշխանութիւնն
Line: 16    բարձեալ՝ անդէն առ իւրաքանչիւրսն
Line: 17    դարձուցանէր զտէրութիւնն։ Յայնժամ Աղուանից
Line: 18    աշխարհն հարեալ զիւրեանց հայրենի թագաւորութիւնն
Line: 19    եւ առեալ զՎաչական ՛ի թագաւորական
Line: 20    զարմէն՝ քաջարութեամբ իմաստուն եւ
Line: 21    վարժ խոհականութեամբ, բարձր եւ վայելուչ հասակաւ,
Line: 22    որդի Յազակերտի եղբօր Վաչէի Աղուանից
Line: 23    արքայի՝ տարեալ թագաւորեցուցանէին ՛ի
Line: 24    ձեռն Վաղարշակայ արքային Պարսից։ Եւ եկեալ
Line: 25    յաշխարհս Աղուանից՝ խնդրէր հնարս պատճառանաց,
Line: 26    որով մարթասցի ի բաց թողուլ զաստուածուրաց
Line: 27    զմոգութեան զդէնն, եւ յայտնապէս իսկ
Page: 58   Line: 1    բերել խոստովանութիւն՝ Քրիստոս Աստուած
Line: 2    ճշմարիտ գոլ։

Line: 3       Յայնժամ նախախնամութիւնն մեծին Աստուծոյ
Line: 4    ազդեալ ՛ի միտս թագաւորին՝ հրաման
Line: 5    տայր Վաղարշակ արքայ Պարսից, եթէ զիւրաքանչիւր
Line: 6    օրէնս հաստատուն պահեսցեն ըստ իւրաքանչիւր
Line: 7    աշխատելոյ կամաց եւ մի́ զոք վտանգեալ
Line: 8    դարձուցանել ՛ի մոգութիւն։ Եւ լուեալ
Line: 9    զայս բարեպաշտ եւ աստուածասէր արքային Վաչականայ՝
Line: 10    բազում խնդալից բերկրանօք դիմեալ
Line: 11    յեկեղեցի Աստուծոյ բազում աղօթիւք եւ արտասուօք
Line: 12    խոստովանէր զմշտնջենաւոր եւ զանճառելի
Line: 13    սուրբ Երրորդութիւնն եւ մաղթէր բազում աղաչանօք
Line: 14    զեպիսկոպոսս եւ զերիցունս եւ զանապատականս
Line: 15    եւ զամենեսեան ուխտաւորս եկեղեցւոյ՝
Line: 16    ցաւակից եւ աղօթակից լինել իւր առ ՛ի հաշտեցուցանել
Line: 17    զամենողորմն Աստուած. եւ ինքն ՛ի
Line: 18    պահս եւ յաղօթս եւ յողորմութիւնս աղքատաց
Line: 19    առատապէս կանխէր՝ հայեցեալ յերանելին Պետրոս,
Line: 20    թէ յետ ուրացութեանն կարաց գլխաւոր
Line: 21    առաքելոցն լինել եւ միանգամայն փակակալ եւ
Line: 22    իշխան երկնից արքայութեան։ Եւ դարձեալ ոմն
Line: 23    յաշակերտաց Տեառն թերահաւատեալ եւ յետոյ
Line: 24    Տէր եւ Աստուած խոստովանելով՝ կալաւ գկարգ
Line: 25    առաքելութեան եւ այլ եւս բազում եւ յոլով մեղուցեալք
Line: 26    ՛ի ծայրս առաքինութեան ընթացան եւ
Line: 27    եղեն ժառանգորդք մշտնջենաւոր եւ վայելչական
Page: 59   Line: 1    արքայութեանն։ Ընդ որս բարեպաշտ թագաւորին
Line: 2    հայեցեալ՝ սրբեալ մաքրեաց զինքն յստակ
Line: 3    հաւատոյն առաքինութեամբ՝ ճշմարիտ դարձիւ
Line: 4    առ ճշմարիտ աստուածութիւնն։ Եւ այլոց եւս
Line: 5    բազում աշխարհաց բժիշկ լինէր դարձի առ բոլորեցունցն
Line: 6    Աստուած Յիսուս Քրիստոս՝ եւ ազատիչ
Line: 7    ՛ի դառն սատանայական ծառայութենէ։
Line: 8    Քանզի բժշկաց իսկ է՝ հմուտ եւ առաւել տեղեակ
Line: 9    բժշկութեան, որ յիւր մամինն առեալ զդժնդակութիւն
Line: 10    խոցման, եւ զառողջութիւն ՛ի ձեռն հնարից
Line: 11    եւ պատճառանաց բժշկական դեղոց ընկալեալ՝
Line: 12    նովին դեղովք եւ զայլս վիրաւորեալս կարող
Line: 13    է վաղվաղակի ածել յառողջութիւն։ Սոյնպէս
Line: 14    եւ մեղուցեալ ոք, որ դառնայ առ Աստուած
Line: 15    յամենայն սրտէ եւ բժշկական դեղս ապաշխարութեան
Line: 16    ընդունի յառողջութիւն հոգւոյն, նովիմբ
Line: 17    կենսաբեր դեղով խոստովանութեան եւ ապաշխարութեան
Line: 18    կարէ այլոց եւս առողջացուցիչ գոլ հոգւոյ
Line: 19    եւ անմահացուցիչ մարմնոյ, եւ դառնալ ամենեւին
Line: 20    ՛ի սուրբ եւ ՛ի պարկեշտ քրիստոնէութեան
Line: 21    պաշտօն։ Պատուհաս մեծ եւ տուգանս ՛ի վերայ
Line: 22    կարգէր՝ որ ոք բագին արասցէ եւ դիւթ հնարեսցէ
Line: 23    եւ կամ զինչեւիցէ դիւցազգեաց պաշտօն
Line: 24    տարցէ եւ զկարգս քրիստոնէութեան ամբողջ եւ
Line: 25    հաստատուն ոչ պահեսցէ։ Զկախարդս եւ զդիւթս
Line: 26    եւ զքուրմս յետ միանգամ եւ երկիցս խրատելոյ,
Line: 27    եթէ դարձեալ ՛ի նմին չարութեան զտանէին ՛ի
Page: 60   Line: 1    գործ՝ չարաչար կապանօք եւ գանիւք ՛ի դուռն
Line: 2    արքունի հասուցեալ մեծագոյն պատուհասիւ
Line: 3    պատժէր՝ զոմանս խեղդելով, զոմանս շկօթակս
Line: 4    առնելով եւ զոմանս ՛ի ստրկութիւն արկանելով
Line: 5    եւ զյոլովս խրատելով, տուեալ զքրիստոնէական
Line: 6    կնիքն՝ առնէր ուսեալս աստուած գիտութեան ճանապարհին։
Line: 7    Եւ կարգեալ տեղեաց տեղեաց եպիսկոպոսս
Line: 8    եւ երիցունս եւ հայեցողս ՛ի Կամբէճս, ՛ի
Line: 9    յԱղուանս իսկ զնոյն հրամանս սաստից կարգեալ՝
Line: 10    հաստատէր զեպիսկոպոսս եւ զերիցունս եւ զսարկաւագունս.
Line: 11    բոլոր իսկ ուխտ եկեղեցւոյ մեծարեալ
Line: 12    եւ յարգեալ էին յամս թագաւորութեան
Line: 13    բարեպաշտ արքային Վաչականայ։



Next part


This text is part of the TITUS edition of Movses Kalankatowaci, Patmowtiwn Alowanic Asxarhi.

Copyright TITUS Project, Frankfurt a/M, 23.8.2008. No parts of this document may be republished in any form without prior permission by the copyright holder.