TITUS
Movses Kalankatowaci, Patmowtiwn Alowanic Asxarhi
Part No. 18
Previous part

Chapter: 18  
Page: 60  
Line: 14 
ԳԼՈՒԽ Ժ՜Ը.

Line: 15  Վասն կարգելոյ զդպրոց արքային Վաչականայ չարածնունդ
Line: 16  մանկանցն դիւթաց, եւ գտանելոյ զպիղծ աղանդն
Line: 17  մատնահատութեան, եւ վախճանելոյ նոցունց։


Line: 18       Յաստուածուստ պսակեալն այն Վաչական՝
Line: 19    հրամայէր ժողովել զմանկունս կախարդաց եւ
Line: 20    դիւթաց եւ քրմաց, եւ մատնահատաց եւ դեղատուաց.
Line: 21    հրամայէր ՛ի դպրոցս ունել եւ ուսուցանել զաստուածեղէն
Line: 22    ուսումն, եւ տեղեկացուցանել վարուց
Line: 23    քրիստոնէութեան առ ՛ի հաստատել։ Եւ
Line: 24    յորժամ ինքն ՛ի գեօղն գայր ՛ի կատարել զյիշատակս
Line: 25    սրբոցն, նստեալ ինքն ՛ի դպրոցատանն՝
Page: 61   Line: 1    զորդիս դիւթաց եւ քրմաց զինքեամբ կացուցանէր՝
Line: 2    գուբղայաբար բակ առեալ բազմութեանն
Line: 3    յոյժ, ոմանց գիրս եւ ոմանց պնակիտս ՛ի ձեռին
Line: 4    ունելով, եւ միաբան առհասարակ ամենեցուն մեծաձայն
Line: 5    հրամայէր կարդալ. եւ ինքն ուրախ լինէր
Line: 6    առաւել քան թէ մեծագոյն ուրուք գտեալ
Line: 7    աւար։ Ձեռն արկանէր յուզել եւ քննել եւ խնդրել
Line: 8    զչար աղանդն մատնահատութեան. քանզի երկոքեան
Line: 9    մարդասպանութեան են աղանդք. եւ մինչդեռ
Line: 10    յայսմ էր ՛ի խնդրուածս՝ մարդասէրն Աստուած
Line: 11    կամեցաւ ՛ի ձեռն աստուածասէր թագաւորին
Line: 12    բառնալ զչար աղանդն յաշխարհէ։ Քանզի
Line: 13    ՛ի բազում ժամանակաց՝ որպէս լուեալ էր
Line: 14    Վաչէի զչարագործութիւնն յԱղուանից աշխարհին,
Line: 15    այլոց թագաւորացն ոչ կարացեալ ՛ի
Line: 16    բուռն առնուլ, կամ թէ անփոյթ իսկ արարեալ։
Line: 17    Իսկ անիծեալ եւ չար Պարսիկ Մարսպանքն՝ շատ
Line: 18    անգամ ՛ի բուռն առեալ, եւ կաշառօք ՛ի բաց
Line: 19    թողեալ։ Իսկ ՛ի ժամու միում՝ մինչդեռ կատարէին
Line: 20    զչար գործն մատնահատութեան՝ յամուրս
Line: 21    մայրւոջն առ ափն Կուր գետոյ, չորիւք ցօիւք
Line: 22    պրկելով զչորեցունց բութոցն կապեալ զմանուկ
Line: 23    մի, եւ մորթէին կենդանւոյն, այլոյ ումեմն մանկագոյն
Line: 24    պատանեկի դէպ եղեւ ճանապարհաւ հուպ
Line: 25    անցանել առ նոքօք։ Եւ ՛ի վաղիւ անդր ՛ի ներքս
Line: 26    յարեալ տեսանէր զմարդախողխող չարագործացն
Line: 27    չարիս. եւ նոցա զհետ ելեալ զնա եւս, եւ փախըստեայ
Page: 62   Line: 1    եղեալ մանկանն՝ անկանէր ՛ի Կուր գետ.
Line: 2    եւ ՛ի միջի գետոյն ծառ մի ՛ի կղզւոջն դիպեալ,
Line: 3    ՛ի յուղւոյ անցեալ ելանէր ՛ի ծառն, չգիտելով
Line: 4    չարագործացն. եւ ՛ի միտ առեալ՝ ճանաչէր զմարդիկն.
Line: 5    եւ զերծեալ անցանէր ընդ գետն՝ եւ եկեալ
Line: 6    փութապէս պատմէր արքային։ Եւ լուեալ թագաւորին
Line: 7    յաղօթս կացեալ՝ գոհանայր զմարդասիրէն
Line: 8    Քրիստոսէ. եւ հրամայէր ուխտի եկեղեցւոյն
Line: 9    պահել եւ աղօթս առնել, զի յայտնեսցի չար դիւապաշտութիւն
Line: 10    եւ բարձցի յաշխարհէս։ Քանզի
Line: 11    սատանայի այնպէս կալեալ էր զմիտս իւրոց չար
Line: 12    արբանեկաց, մինչ զի անկարելի ումեք էր զչար
Line: 13    աղանդոյն մարդիկն ՛ի խոստումն ածել։ Եւ իբրեւ
Line: 14    հրամայեաց թագաւորն ունել զմարդիկն, զոր ՛ի
Line: 15    խողխողման իսկ տեսին, եւ յոլովագոյն այլ եւս
Line: 16    մարդիկ, զորս համբաւու գիտէին, եւ բազում
Line: 17    գանիւք եւ չարաչար տանջանօք ՛ի փորձ արկեալ
Line: 18    ոչ կարէին խոստ կացուցանել զչարագործսն։ Ապա
Line: 19    բարկ քացախ եւ բորակ խառնեալ եւ զերկրեալ զչարագործսն՝
Line: 20    արկանել հրամայէր ընդ ունչսն մինչեւ
Line: 21    աչքն լսնագոյն եղեալ շրջէին համայն, եւ յայնմ
Line: 22    դառն տանջանսն զոչ եւ զուրաստ կալեալ՝ չլինէին
Line: 23    խոստուկ։ Իսկ իբրեւ յԱստուծոյ յաջողեալ
Line: 24    էր ՛ի ձեռս թագաւորին որպէս եղեւն ասացեալ՝
Line: 25    բառնալ զչար աղանդն յաշխարհէս, իմաստութեամբ
Line: 26    խորհեցաւ ածել ՛ի խոստումն, հրամայէր
Line: 27    զամենեսեան տանել ՛ի տեղի սպամանն. եւ զմի
Page: 63   Line: 1    ոմն ՛ի նոցանէ՝ որ էր մանկագոյն աւուրբք, զառաջեաւ
Line: 2    հրամայեաց թողուլ, եւ երդուեալ մեծապէս
Line: 3    թէ զքեզ չհրամայեմ սպանանել՝ եթէ խոստովան
Line: 4    լինիս եւ հաւաստեաւ ցուցանես զհանգամանս
Line: 5    դիւապաշտութեանն։ Եւ մանկանն սկսեալ՝
Line: 6    եւ զգլուխն զերկիր ածեալ, պատմել զխորհուրդս
Line: 7    չար աղանդոյն, ասէ. "Դեւն յայտնապէս գայ ՛ի
Line: 8    մարդոյ կերպարանս, եւ հրամայէ իրիս դասս լինել,
Line: 9    եւ մէներիս զմարդն ունել. մի́ խոցել եւ մի́
Line: 10    սպանանել. այլ ողջոյն հանել զմորթն եւ զաջոյ
Line: 11    ձեռին զբոյթն, եւ մորթովն տանել ընդ լանջս ՛ի
Line: 12    ձախոյ ճկոյթն, հատանել եւ լուծանել զճկոյթն
Line: 13    եւս ՛ի ներքս։ Նոյնպէս առնել եւ զոտիցն՝ մինչդեռ
Line: 14    կենդանի կայ մարդն. ապա սպանանել եւ
Line: 15    զմորթն հանել, եւ կազմել եւ դնել ՛ի սապատի. եւ
Line: 16    իբրեւ ժամանակ չար պաշտամանն եկեալ լինի,
Line: 17    արարեալ աթոռ երկաթի ծալածոյ, ոտքն յայնր
Line: 18    մարդոյ ոտիցն նմանութիւն։ Հանդերձ ինչ պատուական
Line: 19    դնեն ՛ի վերայ աթոռոյն, եւ եկեալ
Line: 20    դեւն՝ զգենու զհանդերձն եւ նստի ՛ի վերայ աթոռոյն,
Line: 21    եւ առեալ զէն մարդոյն զմորթն մատամբքն
Line: 22    հանդերձ տեսանի։ Եւ եթէ չկարեն ունել զսակն,
Line: 23    զծառոյ կեղեւ հրամայէ հանել, եւ արջառ կամ
Line: 24    ոչխար զենեալ առաջի նորա զոհ առնեն, ուտէ
Line: 25    եւ ըմպէ ընդ չար պաշտօնեայսն։ Եւ ձի թամբեալ
Line: 26    եւ սանձեալ կազմ պահեն, եւ հեծեալ ՛ի ձին
Line: 27    արշաւէ այնքան՝ մինչեւ զկայ առնու ձին. եւ ապա
Page: 64   Line: 1    ինքն չքացեալ աներեւութանայ. այնպէս առնէ
Line: 2    տարւոյ տարւոյ"։ Եւ եցոյց զայր եւ զկին աղանդոյն
Line: 3    չարութեան։ Եւ ապա այլք եւս եկեալ յաղանդոյն՝
Line: 4    զնոյն խոստովանեցան։ Եւ հրամայեաց
Line: 5    ապա թագաւորն նմին առն, որ պատմեաց զայս
Line: 6    ամենայն, եթէ "Քեզ արեւդ շնորհեալ վասն երդմանն՝
Line: 7    զոր վկայեցի. բայց արդ՝ որպէս զայլսն առնէին
Line: 8    ՝ դու նոյնպէս արա զնոսա"։ Եւ որպէս խոստուկն
Line: 9    եղեւ՝ նոյնպէս արար զբազումս ՛ի նոցանէ
Line: 10    առաջի բազում արքայական բանակին, եւ զկէսն
Line: 11    ՛ի նոցանէ յիւրաքանչիւր գեօղս տանել առաջի
Line: 12    նոցուն ընտանեացն՝ յիւրաքանչիւր դիրս նոյնպէս
Line: 13    խողխողեալ։ Եա բազում դեղատուս հրամայէր
Line: 14    սպանանել, քանզի եւ այն աղանդ էր պաշտամանն,
Line: 15    զոր դեւն ՛ի տարւոջն միում մարդոյ
Line: 16    հրամայէր տալ եւ սպանանել։ Եւ եթէ այլում
Line: 17    չկարէր տալ, այնչափ նեղէր դեւն՝ մինչ զի իւրում
Line: 18    ընտանւոյն եւս տայր զմահադեղն։ Եւ այլ
Line: 19    եւս աղանդք դիւապաշտութեան. զի մի դեւն կոյր
Line: 20    առնէր եւ միւսն պիսակ, որք հեղգային առնել
Line: 21    զպաշտօն չարութեան եւ եթէ զայլ ոք մատնեալ՝
Line: 22    կախարդութիւն չար դիւացն զնոյն աղէտս կուրութեան
Line: 23    եւ պիսակութեան ՛ի վեարայ հասուցանէր.
Line: 24    զորս ՛ի բուռն առեալ թագաւորին՝ չարաչար
Line: 25    տանջանօք բառնայր յաշխարհէս։ Եւ զայլս
Line: 26    անգամ ջնջեաց յաշխարհէն Աղուանից, իբրեւ քաջ
Line: 27    եւ առաքինի մշակ ջերմագութ սիրով խնամ տանելով
Page: 65   Line: 1    անդաստանաց, զփուշն եւ զորոմն ՛ի բաց
Line: 2    խլելով, եւ զսերմն բարի սերմանել եւ տարածանել
Line: 3    առ ՛ի պտղաբերս առնելոյ զերեսնաւորս եւ
Line: 4    զվաթսնաւորս եւ զհարիւրաւորս։ Յայնժամ բաւական
Line: 5    եւ առատատուր ողորմածին Աստուծոյ
Line: 6    հայեցեալ յառնն ամենալաւ բարուցն վայեւլչութիւն,
Line: 7    եւ տեսեալ թէ որպէս փոյթ ունի առ աստուածային
Line: 8    կամացն կատարումն, ապա այնուհետեւ
Line: 9    շնորհեաց ուր ուրեք հոգեւրական եւ անպատում
Line: 10    գանձ կայր ծածկեալ՝ նշխարք ամենասուրբ
Line: 11    վկայիցն Քրիստոսի։



Next part


This text is part of the TITUS edition of Movses Kalankatowaci, Patmowtiwn Alowanic Asxarhi.

Copyright TITUS Project, Frankfurt a/M, 23.8.2008. No parts of this document may be republished in any form without prior permission by the copyright holder.