TITUS
Biblia Mcxetica
Part No. 530
Previous part

Chapter: 4 
Verse: 1  Link to sept   დასასრულსა გალობათასა ფსალმუნი დავითის

Verse: 2  Link to psa Link to sept   ხადილსა ჩემსა ესმა ჩემი ღმერთსა სიმართლისა ჩემისასა. ჭირსა ჩემსა განმივრცე მე, მიწყალე მე და ისმინე ლოცვისა ჩემისა.

Verse: 3  Link to psa Link to sept   ძენო კაცთანო, ვიდრემდის გულფიცხელ ხართ? რად გიყუარს ამაოება და ეძიებთ სიცრუესა?

Verse: 4  Link to psa Link to sept   გულისჴმა-ყავთ, რამეთუ საკჳრველ-ყო უფალმან წმიდაჲ თჳსი; უფალსა შეესემინ ჩემი ღაღადებასა ჩემსა მისა მიმართ.

Verse: 5  Link to psa Link to sept   განრისხნებოდეთ და ნუ სცოდავთ; რაჲ სთქუათ გულთა შინა თქუენთა, სარეცელთა თქუენთა ზედა შეინანეთ.

Verse: 6  Link to psa Link to sept   შეწირეთ მსხუერპლი სიმართლისა და ესევდით უფალსა. მრავალთა თქუან: ვინ გჳჩუენოს ჩუენ კეთილი?

Verse: 7  Link to psa Link to sept   გამოჩნდა ჩუენ ზედა ნათელი პირისა შენისა, უფალო. მოეც სიხარული გულსა ჩემსა,

Verse: 8  Link to psa Link to sept   ნაყოფისაგან იფქლისა და ღჳნისა და ზეთისა მათისა განმრავლდეს.

Verse: 9  Link to psa Link to sept   მშჳდობით მას ზედა დავწვე და დავიძინო,

Verse: 10  Link to sept   რამეთუ შენ, უფალმან, მხოლო სასოებით დამამკჳდრე მე.

Next part


This text is part of the TITUS edition of Biblia Mcxetica.

Copyright TITUS Project, Frankfurt a/M, 22.3.2021. No parts of this document may be republished in any form without prior permission by the copyright holder.