TITUS
Biblia Mcxetica
Part No. 710
Previous part

Chapter: 4 
Verse: 1  Link to oskijerLink to bakaratLink to sept   და მოვაქციე მე და ვიხილენ ყოველნივე ცილისწამებანი, რომელნი იქმნებიან მზესა ქუეშე, და აჰა, ესერა, ცრემლნი ცილისშემწამებელთანი და არა ვინ არს მათდა ნუგეშინის-მცემელ ჴელისაგან ცილისშემწამებელისა ძალ

Verse: 2  Link to oskijerLink to bakaratLink to sept   და ვაქენ მკუდარნი, რომელნი მომწყდარ არიან, უფროს ცხოველთასა, რომელნი ცხოველ არიან აქამომდე

Verse: 3  Link to oskijerLink to bakaratLink to sept   და უმჯობეს ამათ ორთასავე, რომელი არღა იყოს, რომელმან არღა იხილა ქმნილი ესე ბოროტი, რომელნი იქმნებიან ცასა ქუეშე

Verse: 4  Link to oskijerLink to bakaratLink to sept   და ვიხილე ყოველი შრომაჲ და ყოველი მჴნექმნილთაჲ, რამეთუ შური კაცისაჲ მოყუსისაგან თჳსისა. და ესეცა ამაო და ჴდომა სულისა

Verse: 5  Link to oskijerLink to bakaratLink to sept   უგუნურმან მოისხნა ჴელნი მისნი და შეიჭამნა ჴორცნი მისნი

Verse: 6  Link to oskijerLink to bakaratLink to sept   უმჯობეს არს მჭელი სავსე განსუენებითა უფროს სავსეთა ორთა მჭელთასა შრომით და ჴდომითა სულისაჲთა

Verse: 7  Link to oskijerLink to bakaratLink to sept   და მოვიქეც მე და ვიხილე ამაოებაჲ მზესა ამას ქუეშე

Verse: 8  Link to oskijerLink to bakaratLink to sept   არს ერთი და არა არს მეორე, და ძე და ძმაჲ არა არს მისი. და არა არს დასასრული ყოვლისა შრომისა. და თუალნი მისნი ვერ განძღებიან სიმდიდრითა, და ვისთჳსმე ვშურები და დავაკლებ სულსა ჩემსა კეთილისაგან? და ესეცა ამაო და მოტაცება ბოროტ არს

Verse: 9  Link to oskijerLink to bakaratLink to sept   უმჯობეს არიან ორნი ერთისა, რომელ არს მათდა სასყიდელი, კეთილ არს შრომასა შინა მისსა

Verse: 10  Link to oskijerLink to bakaratLink to sept   უკეთუ დაეცნენ, ერთმან აღადგინოს მოყუასი თჳსი. და ვაჲ ერთისა მის, უკეთუ დაეცეს და არა ვინ იყოს მეორე, რომელმან აღადგინოს იგი

Verse: 11  Link to oskijerLink to bakaratLink to sept   და უკეთუ დაწვნენ ორნი, განტფენ იგინი და ერთი იგი ვითარმე განტფეს

Verse: 12  Link to oskijerLink to bakaratLink to sept   და უკეთუ განძლიერდეს ერთი იგი, ორნი ესე დადგენ წინაშე მისსა, და საბელისმოდებული არა ადრე განსქდეს

Verse: 13  Link to oskijerLink to bakaratLink to sept   უმჯობეს არს მონაჲ გლახაკი და ბრძენი უფროსღა მეფისა მოხუცებულისა და უგუნურისა, რომელმან არა ცნა კრძალულებაჲ

Verse: 14  Link to oskijerLink to bakaratLink to sept   რამეთუ სახლისაგან საპყრობილისა გამოვიდეს მეფობად, და რამეთუ მეფობასა შინა მისსა იქმნა გლახაკ

Verse: 15  Link to oskijerLink to bakaratLink to sept   ვიხილენ ყოველნივე ცხოველნი, რომელნი ვლენან მზესა ქუეშე ჭაბუკისა მის თანა მეორისა, რომელი დადგეს მის წილ

Verse: 16  Link to oskijerLink to bakaratLink to sept   არა არს დასრულება ყოვლისა ერისა. ყოველთავე, რომელნი იყვნეს უწინარეს მათსა და უკანასკნელ არავე იხარებდენ მათ ზედა, რამეთუ ესეცა ამაო და ჴდომა სულისა

Verse: 17  Link to oskijerLink to bakaratLink to sept   დაიცევ ფერჴი შენი, ვიდრემდე ხუალ სახლსა შინა ღმრთისასა, რამეთუ მიეახლე სმენად

Verse: 18  Link to bakaratLink to sept   უმჯობეს არს მორჩილება ვიდრეღა საცემელთა უგუნურთასა, რამეთუ არამეცნიერ არიან ყოფად კეთილისა

Section:  
Next part


This text is part of the TITUS edition of Biblia Mcxetica.

Copyright TITUS Project, Frankfurt a/M, 22.3.2021. No parts of this document may be republished in any form without prior permission by the copyright holder.