იქმნნეს შერაცხილ შრომათა, და მოქმედ ბოროტის საწოლთა მათთა ზედა, და ერთბამად დღისი აღასრულებდეს მას, რამეთუ არა აღიპყრნეს ღმრთისა Page of ms. J: A5v მიმართ ჴელნი მათნი.
და გული-უთქუმიდეს აგარაკთათჳს, და მო/იტაცებდეს ობოლთა, და სახლებსა მძლავრობდეს, და მოიტაცებდეს კაცებსა და სახლთა მათთა, კაცსა და სამკჳდრებელსა მისსა.
ამისთჳს ამას იტყჳს უფალი, აჰა ესერა მე განვიზრახე ბოროტი ნათესავსა ამას ზედა, რომლითა ვერ ა<ღ>იპყრნეთ ქედნი თქუენნი, და ვერ ხჳდოდით მართლ მეყსეულად, რამეთუ ჟამი ბოროტი არს, და მოიწიოს.
მას დღესა შინა მოიღოს იგავი ესე თქუენ ზედა და გგოდებდენ თქუენ გოდებასა შესხმით, და თქუან <უბადრუკებით> უბადრუკ ვიქმნენით. ნაწილი ერისა ჩემისაჲ განიზომა საბლითა, და არა ვინ იყო მაყენებელ მისა, მოქცევად აგარაკნი ჩუენნი განიზომნეს.
ამისთჳს არა ვინ იყოს შენდა მომდებელ საბლისა ნაწილსა ზედა ეკლესიასა შინა უფლისასა.
ნუ სტირთ ცრემლით, ნუცა ცრემლოიედ ამათ ზედა, რამეთუ არა განეშოროს ყუედრებაჲ.
რომელ თქუას; სახლმან იაკობისმან განარისხა სული უფლისა<ჲ>, უკუეთუ საქმენი <მისნი> ესე არიან, ანა არა სიტყუანი მისნი არიან კეთილ მის თანა და მართლ ვლენან.
და წინაშე ერი ჩემი აღუდგა მტერად წინაშე მშჳდობისა მისისა, ტყავი მისი განჰპადეს მიღებად სასოებისა შემუსრვად ბრძოლისა.
წინამძღუარნი ერისა ჩემისანი განცჳვენ სახლთაგან საშუებელისა მათისათა; უკეთურებისათჳს საქმეთა მათთაჲსა განვარდეს. მიეახლენით Page of ms. J: A6r მთა/თა საუკუნეთა.
აღდეგ და ვიდოდე, რამეთუ არა არს ესე შენდა განსუენება, არა-წმიდებისათჳს, განიხრწნენით განჴრწნით.
იდევნებოდეთ თჳნიერ მდევნელისა, სული დამტკიცა ტყუვილისაჲ; გწოდა შენ ღჳნოდ მთრვალობისა, და იყოს ნაწუეთისა მისგან ერისა.
შეკრებით შეკრებეს იაკობი ყოველითურთ; <მო>ლოდებით მოველოდი ნეშტთა მათ ისრაჱლისათა, ერთბამად დავსხნე გარე-მიქცევანი მათნი ვითარცა ცხოვარნი ჭირსა შინა, ვითარცა სამწყსოჲ შორის საწოლსა მათსა, და განხლდენ კაცთაგან.
განკუეთილებისაგან წინაშე პირსა მათსა განკუეთეს, და განვლეს ბჭჱ, და განვიდეს მისგან, და განვიდა მეფჱ მათი წინაშე პირსა მათსა; ხოლო აწ უფალი უძღოდის მათ.:
