TITUS
Vetus Testamentum iberice: codd. Oshki & Jerusalem
Part No. 261
Previous part

Chapter: 12  
Verse: 1   Link to mcat Link to sept   და <ს>თქუა მას დღესა შინა, გაკურთხოს შენ უფალმან, რამეთუ განმირისხენ მე. და გარე-წარიქციე გულის-წყრომაჲ შენი და შემიწყალე მე.

Verse: 2   Link to mcat Link to sept   აჰა ესერა ღმერთი ჩემი, მაცხოვარი ჩემი უფალი, და მოსავ ვიყო მისა, და ვცხოვნდე მის მიერ, და არა მეშინოდის მე, რამეთუ დიდებაჲ ჩემი და ქებაჲ ჩემი, და მეყო მე მაცხოვარ,

Verse: 3   Link to mcat Link to sept   და აღმოივსოს წყალი სიხარულით წყაროთაგან ცხორებისათა.

Verse: 4   Link to mcat Link to sept   და სთქუა მას დღესა შინა, უგალობდით უფალსა: ღაღადებდით სახელითა მისითა. მიუთხართ წარმართთა შორის დიდებაჲ მისი. მოიჴსენეთ რამეთუ აღმაღლდა სახელი მისი.

Verse: 5   Link to mcat Link to sept   უგალობდით სახელსა უფლისასა, რამეთუ მაღალი იყო: მიუთხართ ესე ყოველსა ქუეყანასა.

Verse: 6   Link to mcat Link to sept   იხარებდით და მხიარულ იყვენით რომელნი დამკჳდრებულ ხართ სიონს, რამეთუ ამაღლდა წმიდაჲ იგი ისრაჱლისაჲ შორის მისსა.

Next part


This text is part of the TITUS edition of Vetus Testamentum iberice: codd. Oshki & Jerusalem.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.