TITUS
Biblia Iberica: Psalterium et Odae
Part No. 107
Previous part

Chapter: 107 
Verse: 2  Link to mcat Link to sept Link to armat   განმზადებულ არს გული ჩემი შენდამი, ღმერთო, განმზადებულ არს გული ჩემი; გაქებდე შენ და გიგალობდე დიდებითა შენითა.

Verse: 3  Link to mcat Link to sept Link to armat   განიღჳძე, დიდებაო ჩემო, განიღჳძე ფსალმუნითა და კურთხევითა. და მე განვიღჳძო განთიად.

Verse: 4  Link to mcat Link to sept Link to armat   აღგიარო შენ ერსა შორის, უფალო, და გიგალობდე შენ თესლებსა შორის,

Verse: 5  Link to mcat Link to sept Link to armat   რამეთუ განდიდნა ცამდე წყალობაჲ შენი, და ღრუბლამდე არს ჭეშმარიტებაჲ შენი.

Verse: 6  Link to mcat Link to sept Link to armat   მაღალ ხარ ცათა შინა ღმერთი და ყოველსა ქუეყანასა ზედა არს დიდებაჲ შენი.

Verse: 7  Link to mcat Link to sept Link to armat   რაჲთა ცხოვნდენ მოყუარენი შენნი, მაცხოვნე მე მარჯუენითა შენითა და ისმინე ჩემი.

Verse: 8  Link to mcat Link to sept Link to armat   ღმერთი იტყოდა წმიდით გამო მისით, განვიხარო და ავმაღლდე, განვყო სიქიმაჲ და ღელე იგი საყოფელთაჲ განვზომო.

Verse: 9  Link to mcat Link to sept Link to armat   ჩემი არს გალადი, ჩემი არს მანასე, ეფრემ, დამამტკიცებელი თავისა ჩემისაჲ, იუდა, მეუფე ჩემი,

Verse: 10  Link to mcat Link to sept Link to armat   მოაბ, ავაზანი სასოებისა ჩემისაჲ; იდუმიამდე წარმემართა სლვაჲ ჩემი, და მე უცხო თესლნი დავიმორჩილენ.

Verse: 11  Link to mcat Link to sept Link to armat   ვინ მიმიყვანოს მე ქალაქსა მას ძნელსა? ანუ ვინ მიმიძღუეს მე იდუმიამდე,

Verse: 12  Link to mcat Link to sept Link to armat   არა თუ შენ, ღმერთმან, რომელმანცა განმთხიენ ჩუენ და არა გამოხუედ ღმერთი ძალად ჩუენდა?

Verse: 13  Link to mcat Link to sept Link to armat   მომეც ჩუენ შეწევნაჲ ჭირსა, რამეთუ ცუდ არს ცხორებაჲ კაცისაჲ.

Verse: 14  Link to mcat Link to sept Link to armat   ღმრთისა მიერ ვყოთ ძალი, და მან სირცხჳლეულ-ყვნეს ყოველნი მტერნი ჩუენნი.


Next part


This text is part of the TITUS edition of Biblia Iberica: Psalterium et Odae.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.