TITUS
Biblia Iberica: Psalterium et Odae
Part No. 142
Previous part

Chapter: 142 
Verse: 1  Link to mcat Link to sept Link to armat   უფალო, შეგესემინ ლოცვისა ჩემისაჲ, მოყავ ყური შენი ვედრებასა ჩემსა ჭეშმარიტებითა შენითა, ისმინე ჩემი სიმართლითა შენითა;

Verse: 2  Link to mcat Link to sept Link to armat   და ნუ შეხუალ საშჯელად მონისა შენისა, რამეთუ არა განმართლდეს შენ წინაშე ყოველი ჴორციელი .

Verse: 3  Link to mcat Link to sept Link to armat   რამეთუ დევნა მტერმან სული ჩემი და დაამდაბლა ქუეყანასა ზედა ცხორებაჲ ჩემი, დამსუა მე ბნელსა, ვითარცა მკუდარი საუკუნოჲ.

Verse: 4  Link to mcat Link to sept Link to armat   მოეწყინა ჩემ თანა სულსა ჩემსა, და შემიძრწუნდა გული ჩემი.

Verse: 5  Link to mcat Link to sept Link to armat   მოვიჴსენენ დღენი პირველნი, ვიტყოდე ყოველთა მიმართ საქმეთა შენთა და დაბადებულთა ქმნულთა ჴელთა [შენთა]სა ვზრახევდი

Verse: 6  Link to mcat Link to sept Link to armat   აღვიპყრენ შენდამი ჴელნი ჩემნი, და სული ჩემი ვითარცა ქუეყანაჲ წყურიელი არს ჩემ თანა.

Verse: 7  Link to mcat Link to sept Link to armat   მსთუად შეგესემინ ჩემი, უფალო, რამეთუ მოაკლდა სულსა ჩემსა; ნუ გარე-მიიქცევ პირსა შენსა ჩემგან, რაჲთა არა ვემსგავსო მე შთამავალთა მღჳმისათა.

Verse: 8  Link to mcat Link to sept Link to armat   მასმინო მე განთიად წყალობაჲ შენი, რამეთუ მე შენ გესავ; მაუწყენ მე, უფალო, გზანი, რომელთა ვიდოდი, რამეთუ შენდამი აღვიღე სული ჩემი.

Verse: 9  Link to mcat Link to sept Link to armat   მიჴსენ მე მტერთა ჩემთაგან, ღმერთო, რამეთუ შენ შესავედრებელ გიყავ.

Verse: 10  Link to mcat Link to sept Link to armat   მასწავე მე, რაჲთა ვყო ნებაჲ შენი, რამეთუ შენ ხარ ღმერთი ჩემი; სული შენი სახიერი მიძღოდენ მე ქუეყანასა წრფელსა.

Verse: 11  Link to mcat Link to sept Link to armat   სახელითა შენითა, უფალო, მაცხოვნე მე სიმართლითა შენითა, და გამოიყვანე ჭირისაგან სული ჩემი;

Verse: 12  Link to mcat Link to sept Link to armat   წყალობითა შენითა მოსრენ მტერნი ჩემნი და წარწყმიდენ ყოველნი მაჭირებელნი სულისა ჩემისანი, რამეთუ მე მონაჲ შენი ვარ.


Next part


This text is part of the TITUS edition of Biblia Iberica: Psalterium et Odae.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.