TITUS
Antiochos Strategos, Expugnatio Hierosolymae
Part No. 9
Previous part

Chapter: VIII  
Paragraph: 1  
Line of ed.: 19       ხოლო მყოფნი ქალაქისანი მწუხარე იქმნნეს, რაჟამს
Line of ed.: 20    ცნეს სივლტოლაჲ იგი ბერძენთაჲ და არაჲ ვინაჲ ეპოვა მათ
Line of ed.: 21    შემწე. 2. მაშინ სპარსთა მათ გულისხმა-ყვეს ვითარმედ
Line of ed.: 22    ღმერთსა განუწირვან ქრისტეანენი და არაჲ ვინ არს მწე მათი.

Paragraph: 3  
Line of ed.: 23    და განძლიერებულთა რისხვით იწყეს ღონის-ძიებად,
Line of ed.: 24    ვიდრემდის აღაშენეს გოდლები გარემოჲს ქალაქისა და
Line of ed.: 25    დადგეს ფილეკავნები მას ზედა საბრძოლად იერუსალჱმისა
Line of ed.: 26    მყოფთათჳს; და თითოსახჱ შეჰმზადეს საბრძოლი, ვითარცა
Line of ed.: 27    არს ჩუეულებაჲ მბრძოლთაჲ; და გულის-წყრომითა დიდითა
Line of ed.: 28    ჰბრძოდეს ქრისტეანეთა. Paragraph: 4   და უფროჲს ხოლო ამისთჳს
Page of ed.: 20   Line of ed.: 1    განკრძალულ იყვნეს და ენება დაპყრობაჲ მისი, უწყოდეს
Line of ed.: 2    რამეთუ ესე ქალაქი არს შესავედრებელი ყოველთა ქრისტეანეთაჲ
Line of ed.: 3    და სიმტკიცჱ მეფობისა მათისაჲ. Paragraph: 5   და იყო დაწყებაჲ
Line of ed.: 4    ბრძოლისაჲ სპარსთაგან ქრისტეანეთა მიმართ იერუსალჱმისათა
Line of ed.: 5    თუესა აპრილსა ათხუთმეტსა [!], ინდიკტიონსა ორსა და მეოთხესა
Line of ed.: 6    წელსა ჰერაკლე მეფობისასა; და დაყვეს ბრძოლასა შინა ოცი
Line of ed.: 7    დღჱ; და ესროდეს ფილეკავანითა ძლიერად, ვიდრემდის
Line of ed.: 8    დასცეს ზღუდჱ ქალაქისაჲ მეოცდაერთესა დღესა. Paragraph: 6   და
Line of ed.: 9    მაშინ მტერნი იგი ბოროტნი შევიდეს ქალაქად რისხვითა
Line of ed.: 10    დიდითა ვითარცა მჴეცნი განძჳნებულნი და ვითარცა ვეშაპნი
Line of ed.: 11    განბოროტებულნი Paragraph: 7   ხოლო კაცნი იგი რომელნი სცვიდეს
Line of ed.: 12    ზღუდესა ქალაქისასა ივლტოდეს და დაიმალებოდეს ქუაბთა
Line of ed.: 13    შინა და ორმოთა და ლაკუათა რათა-მცა თავნი თჳსნი
Line of ed.: 14    განირინნეს, და სიმრავლე ერისაჲ მიივლტოდა ეკლესიათა
Line of ed.: 15    და საკურთხეველთა და მუნ შინა მოისრვოდეს. Paragraph: 8   რამეთუ
Line of ed.: 16    მტერნი იგი შევიდოდეს გულის-წყრომითა დიდითა და კბილთა
Line of ed.: 17    თჳსითა იღრჭენდეს განრისხებულნი სასტიკად, და ვითარცა
Line of ed.: 18    მჴეცნი ბოროტნი იბრდღუენდეს და ვითარცა ლომნი იზახდეს
Line of ed.: 19    და ვითარცა ჯარბნი იქედნენი ისტჳნვიდეს, და ყოველსა
Line of ed.: 20    რომელსა ჰპოებდეს მოჰკლვიდეს; და ვითარცა ძაღლნი
Line of ed.: 21    განცოფებულნი ჴორცთა მორწმუნეთასა კბილითა მოშჭამდეს,
Line of ed.: 22    და ყოვლითურთ არავის შეიწყალებდეს, არცა მამაკაცსა
Line of ed.: 23    არცა დედაკაცსა არცა ჭაბუკსა არცა ბერსა არცა ყრმასა არცა
Line of ed.: 24    ჩჩჳლსა არცა მღდელსა არცა მონაზონსა არცა ქალწულსა არცა
Line of ed.: 25    ქურივსა. Paragraph: 9   და რასა-ღა-მე მრავალსა ვიტყოდი? რამეთუ ვერცა
Line of ed.: 26    შემძლებელ ვარ საზომსა მის ჭირისასა მითხრობად რომელი
Line of ed.: 27    მოიწია \ჩუენ ზედა, ვიდრემდის იერუსალჱმი იგი ზეცისაჲ
Line of ed.: 28    იგლოვდა ქუეყანისა იერუსალჱმსა. Paragraph: 10   და ამისი ჭეშმარიტებაჲ,
Page of ed.: 21   Line of ed.: 1    ძმანო, ამით საცნაურ იყო რამეთუ ბნელი და
Line of ed.: 2    წყუდიადი მოეფინა ქალაქსა ზედა მას დღესა შინა მსგავსად
Line of ed.: 3    დღისა მის რაჟამს იგი მზემან არა გამოსცა ნათელი თჳსი
Line of ed.: 4    დღესა მას დიდსა ჯუარ-ცუმისა უფლისასა; და ესრეთ-ვე
Line of ed.: 5    რაჟამს ესე-ცა მისცა უფალმან სიონი სწავლასა და მხილებასა
Line of ed.: 6    ცეცხლითა, განსწავლა იგი სამართლად. Paragraph: 11   ხოლო ბოროტნი
Line of ed.: 7    იგი სპარსნი რომელთა არა აქუნდა ყოვლად-ვე გულთა მათთა
Line of ed.: 8    წყალობაჲ რბიოდეს ყოველსა ადგილსა ქალაქსა შინა და
Line of ed.: 9    ყოველსა ერსა ერთბამად მოჰსრვიდეს. Paragraph: 12   და რომელი
Line of ed.: 10    ვინ ივლტინ შეძრწუნებული მათგან შეიპყრობდეს; და
Line of ed.: 11    უკუეთუ ვინმე შიშისაგან ჴმობნ, იგინი კბილ-ღრჭენით
Line of ed.: 12    იბრდღუენდიან მის ზედა და პირი დაუყვიან შემუსრვითა
Line of ed.: 13    კბილთა მათთაჲთა. Paragraph: 13   და ჩჩჳლნი ყრმანი ქუეყანასა შეაწყჳდნიან,
Line of ed.: 14    და იგი უჴმობედ მშობელთა მათთა წრტიალებითა
Line of ed.: 15    დიდითა, და მშობელნი მათნი კრჩხიალებით და გოდებით
Line of ed.: 16    ეტყეპედ შვილთა თჳსთა და მათ თანა-ვე მოისრვედ. Paragraph: 14   და
Line of ed.: 17    აღჭურვილი თუ ვინმე პოვიან, საჭურველითა-ვე მისითა მოსწყჳდიან,
Line of ed.: 18    და მალიად მსრბოლი ისრითა განგუმირიან, და
Line of ed.: 19    მყუდროჲ იგი და მშჳდი უწყალოდ მოკლიან; Paragraph: 15   და მვედრებელთა
Line of ed.: 20    იგი ქენებაჲ არა ისმინიან, და ჭაბუკთა იგი შუენიერებაჲ
Line of ed.: 21    არა შეიწყალიან, და მოხუცებულთა იგი სიბერე
Line of ed.: 22    არა შეიმტკივნიან, და მოწესეთა იგი სიმდაბლე არა შეიკდიმიან;

Paragraph: 16  
Line of ed.: 23    არამედ ყოველი ჰასაკი მოისრვოდა, და ვითარცა საცხოვარნი
Line of ed.: 24    დაიკლვოდეს; და რომელნი-მე ვითარცა მხალნი დაიჭრებოდეს,
Line of ed.: 25    და ყოველთა ერთბამად სასუმელი იგი სავსე
Line of ed.: 26    სიმწარითა შესუეს; და ზარი და საშინელებაჲ იერუსალჱმს
Line of ed.: 27    შინა იხილვებოდა. Paragraph: 17   და წმიდანი ეკლესიანი ცეცხლითა
Line of ed.: 28    დაიწუებოდეს, და რომელნი-მე დაირღუეოდეს, და დიდებულნი
Line of ed.: 29    საკურთხეველნი დაეცემოდეს, და პატიოსანნი ჯუარნი ფერჴითა
Page of ed.: 22   Line of ed.: 1    დაითრგუნვოდეს, და ცხოველს-მყოფელნი ხატნი ბილწთა მათგან
Line of ed.: 2    ინერწყუებოდეს. Paragraph: 18   მაშინ რისხვაჲ იგი მღდელთა და
Line of ed.: 3    დიაკონთა-ცა ზედა მოიწეოდა, და ვითარცა საცხოვარნი პირუტყუნი
Line of ed.: 4    ეკლესიათა შინა დაიკლვოდეს. Paragraph: 19   და დედაჲ განშორებასა
Line of ed.: 5    შვილთასა ეტყებდა; და ყრმანი ვითარცა მართუენი
Line of ed.: 6    მფრინველთანი ჟიოდეს, და მდინარე სისხლისაჲ შორის
Line of ed.: 7    ქალაქსა დიოდა; და ყოველნი ქალწულნი ქალწულებისა თჳსისა
Line of ed.: 8    განრყუნასა ეგლოვდეს, და ყოველნი მიდგომილნი და
Line of ed.: 9    ქმრის-ცოლნი ქმართა თჳსთა ეგლოვდეს, და ქმარნი ცოლთა
Line of ed.: 10    თჳსთა სტიროდეს. Paragraph: 20   ჵ ძმანო ჩემნო, ვინმე-მცა შეუძლო
Line of ed.: 11    ჭირი იგი დღისაჲ მის აღრაცხად და უწყებად თქუენდა? ანუ
Line of ed.: 12    რომელმან-მცა გულფიცხელმან იხილა მოწევნული იგი ბოროტი
Line of ed.: 13    და არა მუნთქუეს-ვე აღიძრა გოდებად ტირილითა დიდითა და
Line of ed.: 14    შემუსრვილითა გულითა? Paragraph: 21   რამეთუ ძმანი და მეგობარნი
Line of ed.: 15    ურთიერთას განეშორებოდეს, და ახლად ქორწინებულნი
Line of ed.: 16    სიძენი სძალთა თჳსთა დაუტეობდეს, და სძალნი იგი სიძეთა
Line of ed.: 17    მათ მოკლულთა ფოლოცთა შინა მიემთხუეოდეს; და მონაზონნი
Line of ed.: 18    და ქალწულნი ვითარცა ავაზაკნი მოიკლვოდეს. Paragraph: 22   და
Line of ed.: 19    ვინმე-მცა არა შეძრწუნდა მტერთა მათგან, რაჟამს ხედვიდა
Line of ed.: 20    მათ ვითარ იგი შევიდოდეს ეკლესიათა ღმრთისათა და მახჳლნი
Line of ed.: 21    ჴდილნი აქუნდეს ჴელთა მათთა, და მღდელთა და დიაკონთა
Line of ed.: 22    მოსრვიდეს? Paragraph: 23   მღდელი დგან საკურთხეველსა ზედა და
Line of ed.: 23    მსხუერპლსა მას უსისხლოსა შესწირავნ და ხელითა ზჱ
Line of ed.: 24    აღუპყრიედ წმიდაჲ წმიდათაჲ, საუფლოჲ ჴორცი; და მახჳლმან
Line of ed.: 25    მოიცვის იგი და მუნ-ვე ზედა მოიკლის იგი, და სიწმიდე
Line of ed.: 26    იგი სისხლითა მისითა შეიბღალის. მღდელი ყოვლისა
Line of ed.: 27    სოფლისათჳს კრავსა მას ღმრთისასა დაჰკლავნ, და იგი მის
Page of ed.: 23   Line of ed.: 1    თანა-ვე დაიკლის და სისხლითა მისითა სისხლი იგი საუფლოჲ
Line of ed.: 2    განიზავის. Paragraph: 24   დიაკონთა სამოსელი იგი ზჱ აღუპყრიედ,
Line of ed.: 3    და მასვე ადგილსა ვითარცა საცხოვარნი დაიკლნიან, და
Line of ed.: 4    სისხლითა მათითა წმიდაჲ საკურთხეველი შეიბღალის. 25.
Line of ed.: 5    მონაზონნი და ქალწულნი ეკლესიათა შინა ღმერთსა ევედრებიედ
Line of ed.: 6    ცრემლითა და სულთქუმითა, და ვითარცა პირუტყუნი საცხოვარნი
Line of ed.: 7    მოისრნიან. Paragraph: 26   და ვინმე შეუძლოს მითხრობად რასა
Line of ed.: 8    მტერნი იგი ბოროტნი იქმოდეს და ვითარი საშინელებაჲ
Line of ed.: 9    იერუსალჱმსა შინა იხილვებოდა? არამედ, \ქრისტეს მოყუარენო
Line of ed.: 10    ძმანო, სულგრძელებით ისმინეთ ჩემი, რამეთუ სალმობაჲ
Line of ed.: 11    გულის-ა ჩემისაჲ აღმძრავს მე სიტყუად და არა მიუფლობს
Line of ed.: 12    დუმილსა; და ვინაჲთგან მიწყიეს მე თხრობად საქმისა ამის,
Line of ed.: 13    მნებავს რათა ყოველი-ვე გაუწყო თქუენ.

Next part


This text is part of the TITUS edition of Antiochos Strategos, Expugnatio Hierosolymae.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.