TITUS
Antiochos Strategos, Expugnatio Hierosolymae
Part No. 11
Previous part

Chapter: X  
Paragraph: 1  
Line of ed.: 27       მაშინ უკეთურთა ჰურიათა და მტერთა ჭეშმარიტებისათა
Line of ed.: 28    და ქრისტეს მოძულეთა, ვითარცა იხილნეს ქრისტეანენი
Page of ed.: 26   Line of ed.: 1    რამეთუ მიცემულ არიან ჴელთა მტერთასა, განიხარეს ფრიად,
Line of ed.: 2    რამეთუ სძულდეს ქრისტეანენი, და განიზრახეს განზრახვაჲ
Line of ed.: 3    ბოროტი მსგავსად უკეთურებისა მათისა \ერისა მისთჳს;
Line of ed.: 4    რამეთუ სადგური მათი დიდი იყო წინაშე სპარსთა მათ ამისთჳს
Line of ed.: 5    რამეთუ შინაგან-მცემელ ქრისტეანეთა ექმნნეს. 2. და
Line of ed.: 6    მას ჟამსა წარმოდგიან კიდესა მის ბირქისასა და უჴმობედ
Line of ed.: 7    შვილთა მათ ღმრთისათა, იყვნეს რაჲ იგინი შეყენებულ, და
Line of ed.: 8    ეტყჳედ: "უკუეთუ გნებავს რათა სიკუდილისაგან განერნეთ,
Line of ed.: 9    იქმნენით ჰურია და უვარ-ყავთ ქრისტე, და აღმოვედით მაგიერ
Line of ed.: 10    ადგილით და მოვედით ჩუენდა; რამეთუ საფასითა ჩუენითა
Line of ed.: 11    სპარსთაგან მოგიყიდნეთ, და კეთილი გეყოს თქუენ ჩუენ
Line of ed.: 12    მიერ". 3. და არა აღესრულა \ნებაჲ იგი ბოროტი ზრახვისა
Line of ed.: 13    მათისაჲ და ამაო იქმნა შრომაჲ მათი; რამეთუ შვილთა
Line of ed.: 14    წმიდისა ეკლესიისათა [!] აღირჩიეს სიკუდილი ქრისტესთჳს
Line of ed.: 15    ვიდრე-ღა არა უღმრთოებით ცხორებაჲ; და უმჯობესად შეჰრაცხეს
Line of ed.: 16    ჴორცთა მათთა გუემაჲ, და არა;სულისა წარწყმედაჲ
Line of ed.: 17    და რათა არა იყოს ნაწილი მათი ჰურიათა თანა. Paragraph: 4   და ვითარ
Line of ed.: 18    იხილეს ბილწთა მათ ჰურიათა მტკიცედ დგომაჲ იგი ქრისტეანეთაჲ
Line of ed.: 19    და შეურყეველი სარწმუნოებაჲ იგი მათი, აღიძრნეს
Line of ed.: 20    გულის-წყრომითა დიდითა ვითარცა მჴეცნი ბოროტნი; და
Line of ed.: 21    მერმე სხუაჲ ზრახვაჲ განიზრახეს, და ვითარ იგი პირველ
Line of ed.: 22    მოიყიდეს უფალი იუდაჲსაგან ვეცხლითა, ესრეთ-ვე მოიყიდდეს
Line of ed.: 23    ქრისტეანეთა ბირქისა მისგან, რამეთუ ვეცხლი
Line of ed.: 24    მისციან სპარსთა მათ და მოიყიდიან ქრისტეანე და ვითარცა
Line of ed.: 25    ცხოვარი დაკლიან. Paragraph: 5   ხოლო ქრისტეანენი მხიარულ იყვნეს
Line of ed.: 26    რამეთუ ქრისტესთჳს დაიკლვოდეს და სისხლთა მათთა
Line of ed.: 27    სისხლისა მისისა წილ დასთხევდეს და სიკუდილსა სიკუდილისა
Line of ed.: 28    მისისათჳს თავს-იდებდეს; და საუკუნოჲ იგი ცხორებაჲ
Line of ed.: 29    უფროჲს საწუთროჲსა ამის აღირჩიეს. Paragraph: 6   და ჴმა ყვეს
Page of ed.: 27   Line of ed.: 1    ჰურიათა მიმართ და თქუეს: "ჵ მტერნო ღმრთისანო
Line of ed.: 2    უკეთურნო, რავდენ გინდა თქუენ წარწყმედაჲ ჩუენი! და
Line of ed.: 3    არა აღესრულა ნებაჲ თქუენი ბოროტი; რამეთუ პირველ
Line of ed.: 4    შინაგან-მცემელ მექმნენით და არა დაადგერით ჩუენ თანა
Line of ed.: 5    ღუაწლსა მას მტერთასა, და აწ გნებავს რათა მყვნეთ ჩუენ
Line of ed.: 6    ჰურია და ზიარ წარწყმედისა თქუენისა. Paragraph: 7   არამედ აწ ესერა
Line of ed.: 7    \თქუენ მიერ ვიქმნებით ჩუენ მოღუაწე და ქრისტეს მოწამე
Line of ed.: 8    და ყოვლისა ამის ერისათჳს მეოხ წინაშე უფლისა და რათა
Line of ed.: 9    განმრავლდენ სატანჯველნი თქუენნი მრჩობლითა პატიჟითა.

Paragraph: 8  
Line of ed.: 10    რამეთუ პირველად მოჰსრენით წინაჲსწარმეტყუელნი
Line of ed.: 11    და ჯუარს აცუთ უფალი დიდებისაჲ, და აწ განჰმზადეთ
Line of ed.: 12    ჩუენთჳს მწარე სიკუდილი, რომელი არცა-ღა მტერთა ჩუენთა
Line of ed.: 13    განიზრახეს ეგევითარი, რომელ თქუენ შეჰმზადეთ ჩუენთჳს
Line of ed.: 14    სიკუდილი". Paragraph: 9   და ვითარცა წარიტყუენა ერი იგი \სპარსეთად
Line of ed.: 15    და დაშთეს ჰურიანი იერუსალჱმს, იწყეს ჴელითა
Line of ed.: 16    მათითა დარღუეცად და დაწუვად წმიდათა ეკლესიათა რომელნი
Line of ed.: 17    დაშთომილ იყვნეს დაურღუეველად.

Next part


This text is part of the TITUS edition of Antiochos Strategos, Expugnatio Hierosolymae.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.