TITUS
Antiochos Strategos, Expugnatio Hierosolymae
Part No. 13
Previous part

Chapter: XII  
Paragraph: 1  
Line of ed.: 4       ისმინეთ, ძმანო ჩემნო, და გითხრა თქუენ რაჲ იგი
Line of ed.: 5    შეემთხჳა წმიდათა მათ დედათა. იყო იერუსალჱმს მონასტერი
Line of ed.: 6    მთასა ზეთის-ხილთასა, რომელსა შინა იყოფოდეს ქალწულნი
Line of ed.: 7    წმიდანი რიცხჳთ ოთხასნი. 2. და შევიდეს მტერნი იგი მონასტერსა
Line of ed.: 8    მას და გამოიყვანნეს სძალნი იგი ქრისტესნი ვითარცა ტრედნი
Line of ed.: 9    ბუდეთაგან მათთა, ნეტარნი იგი და ღირსად ცხორებულნი
Line of ed.: 10    და ქალწულებითა უბიწონი. 3. და ვითარცა წარმოიყვანნეს
Line of ed.: 11    იგინი მონასტრით, იწყეს ვითარცა საცხოვართა აღჭრად და
Line of ed.: 12    განიყოფდეს მათ შორის და წარიყვანებდეს თითოეულსა
Line of ed.: 13    თჳსა ადგილად. Paragraph: 4   მაშინ საგლოველი საქმჱ იქმნებოდა,
Line of ed.: 14    რამეთუ უნებლიაჲთ ქალწულთა მათ ქრისტესთა შეაგინებდეს,
Line of ed.: 15    და იძულებით ქალწულებასა მათსა განჰრყუნიდეს. Paragraph: 5   და
Line of ed.: 16    იყო სპარსთა მათ შორის ყრმაჲ ვინმე ჭაბუკი, და შეიპყრა
Line of ed.: 17    ქალწული ერთი, და ლირბად და ურცხჳნოდ შეგინებასა მისსა
Line of ed.: 18    აზმნობდა და იძულებით მიითრევდა. Paragraph: 6   მაშინ ჰრქუა მას
Line of ed.: 19    ქალწულმან მან: " გევედრები შენ, ჭაბუკო, რათა მომანიჭო
Line of ed.: 20    მე ქალწულებაჲ ჩემი, და მე ვყო შენ თანა ნიჭი რომელი
Line of ed.: 21    უფროჲს ყოველთა საფასეთა აღირჩიო; რამეთუ მიგცე შენ
Line of ed.: 22    ზეთი რომელი გეყოს შენ საფარველ და მცველ ღუაწლთა
Line of ed.: 23    შინა ბრძოლისასა; და არა რაჲ წყლულებაჲ გეუფლოს შენ
Line of ed.: 24    ოდეს იცხო იგი ჴორცთა შენთა; და იყოს იგი შენდა უფროჲს
Line of ed.: 25    საჭურველისა და ფარისა მცველ ღუაწლსა შინა ბრძოლისასა".

Paragraph: 7  
Line of ed.: 26    და ვითარცა ესმა ესე ყრმასა მას, დაუკჳრდა და ჰრქუა
Line of ed.: 27    მას! "მომართუ მე ზეთი ესე და მე მიგანიჭო შენ ქალწულებაჲ
Line of ed.: 28    შენი". და ამას რაჲ ეტყოდა ყრმაჲ იგი არა თუ
Page of ed.: 31   Line of ed.: 1    გულითა, არამედ ზაკუვით. რათა-მცა ზეთი იგი გამოსტყუვა
Line of ed.: 2    და მერმე ნებაჲ თჳსი აღასრულა. Paragraph: 8   ხოლო ქალწულმან მან,
Line of ed.: 3    ვითარცა ზეთი იგი მოიღო ჭურჭლითა, ჰრქუა ჭაბუკსა მას;
Line of ed.: 4    "მიიღე ესე და იცხე ქედსა შენსა, და მე ამით მახჳლითა
Line of ed.: 5    გიხეთქნე და არაჲ გევნოს, რათა სცნა სიტყუათა ჩემთა
Line of ed.: 6    ჭეშმარიტებაჲ". Paragraph: 9   მიუგო ყრმამან მან და ჰრქუა მას: " არა,
Line of ed.: 7    არამედ შენ პირველად იცხე ქედსა შენსა, და მე
Line of ed.: 8    გიხეთქნე". Paragraph: 10   ხოლო ქალწულმან მან განიხარა ფრიად,
Line of ed.: 9    რამეთუ ეძიებდა-ვე ამას, რათა არა ჴორცნი მისნი ბილწისა მისგან
Line of ed.: 10    შეიგინნენ და ეშმაკთაგან მოიკიცხოს, არამედ უნდა
Line of ed.: 11    რათა ჴორცნი მისნი დაიკლნენ და მოკუდეს და არა სული
Line of ed.: 12    მისი წარწყმდეს. Paragraph: 11   და ყრმამან მან-ცა განიხარა ზეთისა მის
Line of ed.: 13    შეძინებაჲ, და არა უწყოდა:რაბამ არს ზრახვაჲ მისი,
Line of ed.: 14    რამეთუ სიკუდილი უფროჲს ცხორებისა აღურჩევიეს. Paragraph: 12   მაშინ
Line of ed.: 15    ქალწულმან მან მიიღო ზეთისა მისგან და იცხო ქედსა თჳსსა;
Line of ed.: 16    და ვითარ იხილა ესე ყრმამან მან, ეგონა ვითარმედ ჭეშმარიტსა
Line of ed.: 17    ეტყოდა ქალწული იგი; ხოლო საიდუმლოჲ იგი ვერ
Line of ed.: 18    გულისხმა-ყო, რამეთუ ქრისტესთჳს ჰყოფდა. Paragraph: 13   და ვითარ
Line of ed.: 19    იცხო ზეთი იგი, წარუპყრა ნეტარმან მან ქედი თჳსი მახჳლსა,
Line of ed.: 20    რათა მოკუდეს მისთჳს რომელი იგი მისთჳს მოკუდა.

Paragraph: 14  
Line of ed.: 21    მაშინ ყრმამან [!] მან იჴადა მახჳლი თჳსი, და ჰგონებდა
Line of ed.: 22    ვითარმედ არა ეუფლოს ქალწულსა მას ზეთისა მის ცხებითა;
Line of ed.: 23    ამისთჳს ძლიერად სცა მას მახჳლითა მით. Paragraph: 15   და ვითარ
Line of ed.: 24    იხილა თავი ქალწულისაჲ მის მდებარე ქუეყანასა ზედა, მაშინ-ღა
Line of ed.: 25    გულისხმა-ყო რამეთუ მოიკიცხა იგი ქალწულისა მისგან
Line of ed.: 26    შეტყუვილით, და ფრიად მწუხარე იქმნა უკეთური იგი
Line of ed.: 27    რამეთუ ნებაჲ თჳსი ვერ აღასრულა. Paragraph: 16   არამედ, ძმანო ჩემნო,
Line of ed.: 28    მივსცეთ ნეტარებაჲ ქალწულსა ამას წმიდასა რომელმან
Line of ed.: 29    აღირჩია საუკუნოჲ საწუთროჲსა; მივსცეთ ნეტარებაჲ
Page of ed.: 32   Line of ed.: 1    სანატრელსა მას რომელმან ტყუვილი ესე განიზრახა, და
Line of ed.: 2    ექმნა იგი მას განმარინებელ ბოროტისაგან და მომატყუებელ
Line of ed.: 3    კეთილისა და გჳრგჳნისა, რამეთუ თავი თჳსი მოკლვად სცა
Line of ed.: 4    ქრისტეს წამებისათჳს და რათა ქალწულებაჲ თჳსი დაჰმარხოს
Line of ed.: 5    უბიწოდ. Paragraph: 17   ისმინეთ ესე თქუენ-ცა, ჵ დედანო, და მიემსგავსენით
Line of ed.: 6    ქალწულსა მას მოღუაწესა და განაგდეთ \თქუენგან
Line of ed.: 7    სიყუარული ამის სოფლისაჲ, რამეთუ არა რაჲ არს დიდ
Line of ed.: 8    წინაშე უფლისა ვითარ სიწმიდე ჴორცთაჲ, და კუალად არა
Line of ed.: 9    რაჲ არს უბოროტეს წინაშე [!] უფლისა ვითარ სიბილწე ჴორცთაჲ.

Paragraph: 18  
Line of ed.: 10    და რომელი იგი შესცთეს სიძვასა განიზრახენ თავსა შინა
Line of ed.: 11    თჳსსა ვითარმედ აღდგომაჲ ყოფად არს, და მართლ-მსაჯული
Line of ed.: 12    განკითხვად დაჯდომად არს, და მის წინაშე დაფარულთა
Line of ed.: 13    გამოცხადებაჲ ყოფად არს, და არა ვინ საწუთროსა ამას შინა
Line of ed.: 14    საუკუნოდ ცხორებად არს. Paragraph: 19   და იხილეთ, ძმანო ჩემნო,
Line of ed.: 15    რაჲ ესე ყო ქალწულმან ამან, რამეთუ მისცნა ჴორცნი თჳსნი
Line of ed.: 16    სიკუდილსა სიწმიდისათჳს, და გჳრგჳნი მოღუაწებისაჲ
Line of ed.: 17    მაცხოვრისაგან მიიღო. Paragraph: 20   და მან არა ხოლო თავი თჳსი
Line of ed.: 18    ოდენ აცხოვნა, არამედ \მრავალნი სხუანი; რამეთუ რაჟამს
Line of ed.: 19    იხილეს სხუათა მათ ქალწულთა სიმჴნჱ იგი მისი, იწყეს
Line of ed.: 20    მათ-ცა მიმსგავსებად საქმეთა მისთა, Paragraph: 21   და მოისრვოდეს
Line of ed.: 21    მტერთა მათგან და სისხლთა მათთა ქრისტესთჳს დასთხევდეს,
Line of ed.: 22    და ჴორცთა მათთა შეგინებისაგან დაიცვიდეს, და
Line of ed.: 23    სიკუდილსა მას წამებისასა დიდითა გულს-მოდგინებითა
Line of ed.: 24    მიისწრაფდეს, არა ხოლო მახჳლითა და წყლულებითა, არამედ
Line of ed.: 25    შიმშილითა და წყურილითა და ჭირთა მრავალთა დათმენითა.

Paragraph: 22  
Line of ed.: 26    ანუ არა მმარხველთა მათ და მოთმინეთა მონაზონთა
Line of ed.: 27    დაიმკჳდრეს-ა ზეცისა სასუფეველი მოწამეთა თანა? ესრეთ-ვე
Line of ed.: 28    მრავალნი სულნი ქალაქსა ამას შინა \ქრისტესთჳს იწამნეს
Line of ed.: 29    მრავალ-ფერითა ღუაწლითა, და სასუფეველი დაიმკჳდრეს.

Paragraph: 23  
Page of ed.: 33   Line of ed.: 1    მოიჴსენეთ მაკაბელთაჲ მათ; ანუ არა შჯულისა დამარხვითა
Line of ed.: 2    იქმნნეს მოწამჱ და ქებულ იერუსალჱმელთა შორის?
Line of ed.: 3    გინა ლაზარე გლახაკი იგი დათმენითა მით ჭირისაჲთა წიაღთა
Line of ed.: 4    აბრაჰამისთა შთაისუა ვითარცა მოღუაწე მრავალ-გუემული?

Next part


This text is part of the TITUS edition of Antiochos Strategos, Expugnatio Hierosolymae.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.