TITUS
Old Georgian Hagiographical Texts, vol. I
Part No. 63
Previous part

Chapter: III  
Line of ed.: 4        3. და მოუწოდა დედამან ყრმათა მათ და წარავლინნა იგინი ჴევთა
Line of ed.: 5     მათ ვაჟგანის[ა]თა, ვითარცა იაკობ იოსებ ღელეთა მათ ქებრონისათა, და
Line of ed.: 6     ჰრქუა მათ: "წარვედით, შვილნო ჩემნო, და იხილე[ნი]თ მცირენი იგი ცხოვარნი
Line of ed.: 7     ჩუენნი". და წარვიდეს სიხარულით და აღვიდეს მთად, განცხრომად ურთიერთას
Line of ed.: 8     წარსქრებოდეს და ესრჱთ აღიწინეს წუერსა ზედა მის მთისასა. ხოლო
Line of ed.: 9     მძლავრნი იგი იყვნეს მზირად ვითარცა ლომნი, და ვითარცა შუვა ოდენ
Line of ed.: 10     მოვიდეს, მზირთა მათ ჴმა-ყვეს და გარე-მოიქცეს ყრმანი იგი. და წარსქრა
Line of ed.: 11     თევდოსი, დედის-ძმაჲ იგი მათი, და მირბიოდა მათ ზედა Ms. page: T_301r  წარწყმედად
Line of ed.: 12     მათა. ხოლო ყრმანი იგი უბიწონი ჭამდეს პურსა სძესა თანა, რ დაეწვინნეს
Line of ed.: 13     ცხოვარნი იგი მათნი, და შეძრწუნდეს ყრმანი იგი, განჰკრთეს და იწყეს მიმოხედვად
Line of ed.: 14     და არაჲ უწყოდეს მიზეზი. ხოლო ნეტარმან დავით იცნა დედის
Line of ed.: 15     ძმაჲ იგი თჳსი, ნუგეშინის-იცა და მხიარულითა პირითა და წრფელითა გულითა
Line of ed.: 16     მირბიოდა, და შევარდა ჴელთა დედის-ძმისა თჳსისათა. ხოლო მან
Line of ed.: 17     მოყვნა ჴელნი თჳსნი და აღიქუა იგი მკლავთა თჳსთა ზედა და ამბოვრებისა
Line of ed.: 18     წილ მიაგება მახჳლი, ჰსცა და მოკლა იგი. და სრულ იქმნა წამებაჲ, და პოვა
Line of ed.: 19     მან მწრაფლ გზაჲ ზეცისაჲ და მოიგო გჳრგჳნი იგი მოწამებისაჲ. ხოლო
Line of ed.: 20     არგანი იგი, რომელი განერა ჴელთაგან მისთა, ნიგუზისაჲ იყო, დავარდა მიწასა
Line of ed.: 21     ზედა, ხედ დიდ იქმნა მთასა მას ზედა. და დაყო ხემან მან ვითარ ორასი
Line of ed.: 22     წელი, და წარიღეს იგი ევლოგიად მლოცავთა.

Line of ed.: 23        ხოლო ტირიჭან ვითარცა იხილა სიკუდილი უწყალოდ ძმისა თჳსისაჲ,
Line of ed.: 24     შეეშინა და იწრაფა სივლტოლად, მიემართა ღელედ კერძო, დასავალად სოფელსა
Line of ed.: 25     მას, რომელსა ჰრქჳან დივრი, რომელსა უჴმობენ კაცნი დევობით. და
Line of ed.: 26     ვითარცა იგრძნა ამბოხი ესე მთავარმან მან და იხილნა კაცნი მტეობარნი საჭურველითა
Line of ed.: 27     და მახჳლითა აღმოჴდილნი, იწყო ღაღადებად და ერისა კრებად
Line of ed.: 28     მწრაფლ, რამეთუ ეგონა, ვითარმედ მისა კლვად მივლენ. განემზადა მწრაფლ
Line of ed.: 29     ბრძოლად მათა. ხოლო მდევარნი იგი ეწინეს წმიდასა ტირიჭანს და მოკლეს
Line of ed.: 30     იგი, და დაუტევეს იგი და თჳთ უკუნ-იქცეს. და დაუკჳრდა მთავარსა მას
Line of ed.: 31     მწრაფლ ქცევაჲ იგი მათი. და მიიწინეს კაცნი იგი მის ადგილისანი და იხილეს
Line of ed.: 32     ყრმაჲ იგი ქუეყანასა ზედა მდებარე, დაწყლული მწარითა წყლულებითა,
Line of ed.: 33     და სული მისი აღძრულ წარსლვად დამბადებელისა თჳსისა. შეეწყალა სიყრმჱ
Line of ed.: 34     იგი მისი Ms. page: T_301v  და არა უწყოდეს მიზეზი სიკუდილისა მისისაჲ. მაშინ მოიწია
Line of ed.: 35     მთავარი-ცა იგი დივრისაჲ და იხილა სისხლი იგი უბრალოჲ დათხეული,
Line of ed.: 36     დაუკჳრდა და განკჳრვებამან შეიპყრა ფრიად. და მყის მოიწინეს დედანი-ცა
Line of ed.: 37     იგი მის ადგილისანი და იყო ტირილი დიდი ყრმისა მის ზედა.

Line of ed.: 38        ხოლო მკლველნი იგი ტირიჭანისნი ვითარ მიიწინეს და აღჴდეს მთასა
Line of ed.: 39     მას, პოვეს ერის-თავი იგი მათი თევდოსი, რამეთუ იყო იგი მწუხარჱ და ყოლად
Line of ed.: 40     ვერ ეძლო ხედვად. და ესენი-ცა შეიპყრნა განკჳრვებამან, დარჩეს განცჳბრებულნი.
Line of ed.: 41     და სიმრავლჱ-ცა იგი ერისაჲ შეშფოთნეს და იწყეს ურვად და დასულებად
Line of ed.: 42     საკჳრველებისა მისგან, რომელი იხილეს. შეძრწუნდეს და ვერ უძლეს
Line of ed.: 43     სიტყუად და ვერცა სივლტოლად, რამეთუ მოეღო წინამძღუარი იგი მათი,
Line of ed.: 44     და იგუემა სიბრმითა მით მსგავსად ნეტარისა მის პავლესსა. ვითარცა
Page of ed.: 189   Line of ed.: 1     შევარდა იგი სწავლასა მას საღმრთოსა, და მუნქუეს-ვე აღჳრი იგი მოწყალებისა
Line of ed.: 2     მისისაჲ აღუდვა პირსა მისსა, რაჲთა-მცა მოიქცა ველური იგი განვრდომილი
Line of ed.: 3     გონებაჲ მისი და შემძლებელ იყო-მცა განცდად თავისა თჳსისა, რაჲ-იგი
Line of ed.: 4     უქმნიეს, რამეთუ ჰგონებდა, ვითარმედ "არა უჯეროჲ ვქმენით, რამეთუ მოვსწყჳდენი
Line of ed.: 5     დის წულნი ჩემნი." რამეთუ ამით სახითი-ცა ემსგავსა პავლეს, და
Line of ed.: 6     მან-ცა დის წული თჳსი მოკლა სტეფანე პირველმოწამჱ.

Line of ed.: 7        და მუნქუეს-ვე ხოლო ამჴედრდა მთავარი იგი დივრისაჲ და აღჴდა ერითურთ
Line of ed.: 8     თჳსით მთასა მას ზედა ფრიად მაღალსა, რაჲთა-მცა იხილა ერი იგი
Line of ed.: 9     და გულისხმა-ყო-მცა მიზეზი იგი შფოთისაჲ მის. და ვითარცა იხილა ერი
Line of ed.: 10     იგი შესულებული და ერის-თავი მათი მწუხარედ, და აჰა ესერა მიიწია ბავთი
Line of ed.: 11     იგი ამბოხისაჲ მის, რომელი-იგი იქმნა შვილთა მისთა ზედა ნეტარისა თაგინესთა.
Line of ed.: 12     და აღდგა დედაკაცი იგი Ms. page: T_302r  თაგინე და აღივლტოდა მთად. და
Line of ed.: 13     მოვიდა და მოიწია იგი პირის ცემით და ეგოდენსა მას სიმძაფრესა მის გუერდისასა
Line of ed.: 14     არა დაშურა იგი ტკივილითა მით შვილთა თჳსთაჲთა. ჴმობდა იგი
Line of ed.: 15     ტირილითა და განმწარებულითა სულითა. დაიპო სამოსელი თჳსი და ჰრქუა
Line of ed.: 16     ძმასა თჳსსა თევდოსის: "რად მიმიხუენ ნათელნი თუალთა ჩემთანი? არა
Line of ed.: 17     კმა-იყო-ა გლოვად ჩემდა სიქურივე ესე ჩემი? არა კმა-გეყოა სამკჳდრებელი
Line of ed.: 18     შვილთა ჩემთაჲ და ყოფაჲ ჩემი წყუდიადსა ამას ქუეყანასა? ვერ კმა-გეყოა
Line of ed.: 19     სამკჳდრებელი ქმრისა ჩემისაჲ და მოხუედ უდაბნოდ და მოსწყჳდენ კრავნი
Line of ed.: 20     ესე ცხოვართა უკუანა და დასხენ უბრალონი ორნი-ვე ესე მწყემსნი და დაშთეს
Line of ed.: 21     უდაბნოსა ზედა სამწყსონი იგი მათნი უმწყემსოდ?
Line of ed.: 22     "თევდოსი, მჴეცო უწყალოო, რაჲმე ძჳრი შეგამთხჳეს შვილთა ამათ ჩემთა?
Line of ed.: 23     რად დამიბნელე მზჱ ჩემი ჟამსა ოდენ პირველსა დღისასა, ვიდრემდის
Line of ed.: 24     არა დასცხერი დევნად ჩემდა? არა კმა-იყო შენდა ნადირად ერთი ესე,
Line of ed.: 25     მჴეცო ბოროტო, და ერთი-მცა მე დამიტევეთ და შე-მცა-იწყალეთ ქურიობაჲ
Line of ed.: 26     ესე ჩემი!? აწ ვითა-ღა ვინ იყოს იმედი ჩემი, ანუ სასოჲ ჩემი? მომკალ მეცა
Line of ed.: 27     უღმრთოვო და განძეღი სისხლითა, ვეფხო, სისხლისა მოყუარეო! არღარა
Line of ed.: 28     წარვიდე ამიერ მთით, არამედ ვითარცა-იგი ცხოვრებასა შვილთა ჩემთასა
Line of ed.: 29     ვიხარებდი ხილვასა მათსა, აწ-ცა სიკუდილსა მათსა თანა იყავნ ჩემი სიკუდილი.
Line of ed.: 30     მოკუედინ სული ჩემი სულსა თანა მართალთასა და იყავნ გუამნი ჩუენნი
Line of ed.: 31     სამარესა ერთსა, ვითარცა-ესე ცხოვრებასა ქურივობისა ჩემისასა იყო ჩუენდა
Line of ed.: 32     ცხედარი ერთი.

Line of ed.: 33        "თევდოსი, არღარა მოიჴსენე-ა საშოჲ იგი მშობელისა შენისა და ჩემისაჲ
Line of ed.: 34     და ძუძუნი იგი, რომელთა Ms. page: T_302v  განგუზარდეს შენ და მე? ყოლად მედგარო,
Line of ed.: 35     რაჲსათჳს ესოდენითა ერითა გამოხუედ წყობად უძლურისა დედაკაცისათჳს და
Line of ed.: 36     ნინველთა ყრმათა მისთათჳს? რად დამივსენ სანთელნი ესე ჩემნი, ჵ უშჯულოვო?".
Line of ed.: 37     ამათ და ესევითართა და სხუათა-ცა მსგავსთა ამისთა სიტყუათა
Line of ed.: 38     იტყოდა ნეტარი იგი თაგინე. და ყოველი იგი სიმრავლჱ ერისაჲ დუმნა და
Line of ed.: 39     გოდებდეს, და ვითარცა ნაკადულთა გარდამოადინებდეს ცრემლთა. და
Line of ed.: 40     თევდოსი-ცა ტიროდა-ვე მათ თანა.

Line of ed.: 41        ხოლო ნეტარმან თაგინე ვითარცა იხილა ძჱ თჳსი საყუარელი დავითი
Line of ed.: 42     მოკლული, მდებარჱ, თუალნი მისნი მიმოდასტუანვიდეს და ეძიებდა ძესა
Line of ed.: 43     თჳსსა ტირიჭანს, რაჲთა-მცა იხილა იგი-ცა მოკლული, და არა იყო იგი მუნ.
Line of ed.: 44     და ჭირისა მისგან და იწროებისა განკრთომილ იყო გული მისი.

Page of ed.: 190  
Line of ed.: 1        და ვერ გულისხმა-ყო თევდოსი სიბრმჱ იგი. მას ჟამსა სიტყუად იწყო
Line of ed.: 2     თევდოსი და ჰრქუა დასა თჳსსა თაგინეს: "ჵ დაო ჩემო, თაგინე, ჩემდა მოიქეც
Line of ed.: 3     და იხილე, რამეთუ ესერა წუერსა ზედა მთისასა ბნელმან დამფარა მე,
Line of ed.: 4     ვითარცა ჴევთა შინა ღრმათა, ანუ მღჳმესა შინა, უფსკრულთა. ჩემ ზედა
Line of ed.: 5     იქცევის ბნელი წყუდიადი, ხოლო შენ ნათელი გამოგიბრწყინდა მიუწდომელი
Line of ed.: 6     ნათლისა მისგან წარუვალისა და ჭეშმარიტისა მისგან დაუსრულებელისა ნათლისა.
Line of ed.: 7     ხოლო აწ ჩემ ზედა უწყალოსა ამას და არა-ღირსსა წყალობაჲ! და
Line of ed.: 8     ნუ მომაგებ საქმეთა ჩემთაებრ, არამედ ევედრე შენ წმიდათა მოწამეთა, რაჲთა
Line of ed.: 9     ყონ ჩემთჳს წყალობაჲ, რაჲთა არა-ღირსი ესე ვიქმნე ღირს ბეჭედსა მას
Line of ed.: 10     ქრისტჱს მოწყალისა ღმრთისასა, რომელი-იგი მოვიდა ცოდვილთათჳს. მრწამს
Line of ed.: 11     მე ჭეშმარიტი ღმერთი".

Line of ed.: 12        და ვითარცა მოეგო გონებასა თჳსსა და იხილა, რამეთუ ღმრთისა
Line of ed.: 13     მსხუერპლად შეიწირნეს შუენიერნი იგი საკუერთხნი, შვილნი მისნი, მუნქუეს-ვე
Line of ed.: 14     აღივსო სიხარულითა და მწრაფლ განიძუარცა(!) მწუხარებაჲ იგი Ms. page: T_303r  ტკივილისაჲ
Line of ed.: 15     შვილთა მისთაჲსა. და მას-ვე ჟამსა გლოვასა მისსა ეწია სიხარული,
Line of ed.: 16     და ამბორს-უყო ძმასა თჳსსა და ჰრქუა ძმასა თჳსსა: "იყავნ ღმერთი მიმტევებელ
Line of ed.: 17     შენდა და ნუ შეგირაცხოს შენ უფალმან მოწყალემან სიკუდილი შვილთა
Line of ed.: 18     ჩემთაჲ და დის წულთა შენთაჲ, ვითარცა იგი ოდეს-მე პავლეს დის წული
Line of ed.: 19     მისი სტეფანე პირველდიაკონი და პირველი მოწამჱ". ევედრებოდა ღმერთსა,
Line of ed.: 20     აღიხილნა ზეცად და აკურთხევდა უფალსა და ერიდებოდა ცრემლთა,
Line of ed.: 21     რაჲთა არად შეჰრაცხოს ნაკუერცხალი გონებისა მისისაჲ და საკუმეველი იგი
Line of ed.: 22     მისი არა განფენილ იყოს სულნელებითა თჳსითა, და იტყოდა დედაკაცი იგი
Line of ed.: 23     თაგინე: "შენ, უფალო, ყოვლით კერძო-ვე მოწყალეო და ყოველთა მწყალობელო,
Line of ed.: 24     მამაო ობოლთაო და მსაჯულო ქურივთაო, რომელმან მცირენი ესე
Line of ed.: 25     და მდაბალნი ყრმანი ესე არაჲ უგულებელს-ჰყვენ და ზიარ-ჰყვენ იგინი ნაწილსა
Line of ed.: 26     წმიდათა მოწამეთასა, შვილნი ესე ჩემნი, რომელთა-იგი შენთჳს მრავალი
Line of ed.: 27     ტანჯვაჲ დაითმინეს და მოიღეს ზეცისა იგი გჳრგჳნი დაუჭნობელი და
Line of ed.: 28     ცხორებაჲ იგი წარუვალი, ამათი ესე სიჩჩოჲსა წამებაჲ, ღირს ყვენ ესენი მათ
Line of ed.: 29     თანა შუებასა და სიხარულსა შინა და მათ თანა განსუენებასა და მათ-თანა
Line of ed.: 30     გჳრგჳნსა, მათ თანა განკურნებასა ვნებულთასა,-ვითარცა იგინი, ეგრეთ-ვე
Line of ed.: 31     ესენი, და რაჲთა უწყოდი, თუ სათნო გეყვნეს, მოეც ძმასა-ცა ამას ჩემსა კურნებაჲ,
Line of ed.: 32     რაჲთა ჰხედვიდეს". და მოიღო მიწაჲ იგი, რომელი შესუარულ იყო
Line of ed.: 33     სისხლითა მით დავითისითა, და ჰსცხო თუალთა მისთა და მყის აღიხილნა
Line of ed.: 34     თუალნი მისნი. ესე ორი სასწაული იქმნა წმიდისა დავითის ზედა.

Line of ed.: 35        ხოლო კუალად-ცა ჯერ-იჩინა კაცთ-მოყუარემან ღმერთმან, რაჲთა
Line of ed.: 36     ყოველთა [!] კაცთა გამოუცხადოს სიმჴნჱ მათი და აუწყოს, Ms. page: T_303v  ვითარმედ სათნო-იყო
Line of ed.: 37     ღმერთმან მსხუერპლი იგი წამებისა მათისაჲ, მას ღამესა გამოუბრწყინდეს
Line of ed.: 38     ნათელნი, ვითარცა მთიებნი, სუეტის სახედ ნათლისად, რომელთა თავი
Line of ed.: 39     მისწუდებოდა ვიდრე ცადმდე, რომელსა ყოველნი ერნი ქუეყანისანი ჰხედვიდეს,
Line of ed.: 40     და რომელთა უწყოდეს, ადიდებდეს ღმერთსა, და რომელნი შორს მყოფნი
Line of ed.: 41     ჰხედვიდეს ნათელსა მას, დაუკჳრდებოდა და გამოიძიებდეს ურთიერთას.

Next part


This text is part of the TITUS edition of Old Georgian Hagiographical Texts, vol. I.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.