TITUS
Kartlis Cxovreba
Part No. 8
Previous part

Part: VII  
King: 4 
Page of ed.: 29  
Line of ed.: 1  
მეოთხე მეფე, ფარნაჯომ, ნებროთიანი


Line of ed.: 2        ამან ფარნაჯომ მეფემან უმატა ყოველთა ციხე-ქალაქთა შენება, და ამან აღაშენა
Line of ed.: 3     ციხე ზა/დენი, და შექმნა კერპი სახელით ზადენ, და ამართა ზადენს და იწყო შენებად
Line of ed.: 4     კახეთს ქალაქსა ნელქარისსა, რომელ არს ნეკრესი.

Line of ed.: 5        ამისა შემდგომად შეიყუარა სჯული სპარსთა, ცეცხლის მსახურება, მოიყვანნა
Line of ed.: 6     სპარსეთით ცეცხლის-მსახურნი და მოგუნი, და დასხნა იგინი მცხეთას, ადგილსა მას,
Line of ed.: 7     რომელსა აწ ჰქჳან მოგუთა, და იწყო ცხადად გმობად კერპთა. ამისთჳს მოიძულეს
Line of ed.: 8     იგი მკჳდრთა ქართლისათა, რამეთუ დიდი საშოება აქუნდა კერპთა მიმართ. მაშინ
Line of ed.: 9     შეითქუნეს ერის-თავნი ქართლისანი უმრავლესნი, და წარავლინეს მოციქული წინაშე
Line of ed.: 10     სომეხთა მეფისა და რქუეს: "მეფე ჩუენი გარდაჴდა სჯულსა მამათა ჩუენთასა, არღარა
Line of ed.: 11     მსახურებს ღმერთთა მპყრობელთა ქართლისათა, შემოიღო სჯული მამული და დაუტევა
Line of ed.: 12     სჯული დედული. აწ არღარა ღირს არს იგი მეფედ ჩუენდა მოგუეც ძე შენი არშაკ,
Line of ed.: 13     რომელსა უზის ცოლად ნათესავი ფარნავაზიანთა, მეფეთა ჩუენთა. გუაშუელე ძალი
Line of ed.: 14     შენი, და ვაოტოთ ფარნაჯომ, შემომღებელი ახლის სჯულისა, და იყოს მეფედ ჩუენდა
Line of ed.: 15     ძე შენი არშაკ და დედოფლად ჩუენდა ცოლი მისი, შვილი მეფეთა ჩუენთა."

Line of ed.: 16        მაშინ სთნდა სომეხთა მეფესა განზრახვა ესე. გაგზავნა მოციქული მათი პასუხითა
Line of ed.: 17     კეთილითა და რქუა / მათ: "უკეთუ ჭეშმარიტად უბიწოთა გულითა გნებავსთ მეფედ
Line of ed.: 18     თქუენდა ძე ჩემი, თქუენ ყოველთა ერის-თავთა მომეცით მე მძევალი, და მიგცე ძე ჩემი
Line of ed.: 19     მეფედ თქუენდა, და ყოვლითა-ვე ნიჭითა აღგავსნე".

Line of ed.: 20        მაშინ ერის-თავთა ქართლისათა უმრავლესთა მისცეს მძევლები და განაცხადეს
Line of ed.: 21     განდგომა ფარნაჯომისი. მაშინ, სომეხთა მეფე ყოვლითა ძალითა მისითა წარმოემართა
Line of ed.: 22     ქართლს. ხოლო ფარნაჯომ მეფემან მოუწოდა სპარსთა და მოიყვანნა სპარსნი ძლიერნი
Line of ed.: 23     და რომელნი-მე დარჩომოდეს შემოკრიბნა ქართველნი-ცა. ხოლო ერის-თავნი ქართლისანი
Line of ed.: 24     განდგომილნი მიმგებნეს სომეხთა მეფესა ტაშირს, და მუნ შეკრბა სიმრავლე
Line of ed.: 25     სომეხთა და ქართველთა. ხოლო ფარნაჯომ მიეგება მუნ-ვე ტაშირს.

Page of ed.: 30  
Line of ed.: 1        იქმნა მათ შორის ბრძოლა ძლიერი, მოსწყდა ორგნით-ვე ურიცხჳ (!), რამეთუ იძლია
Line of ed.: 2     ფარნაჯომ სომეხთა და ქართველთაგან. და მოიკლა ფარნაჯომ და მოსრეს სპა მისი.
Line of ed.: 3     ხოლო ძე ფარნაჯომისი მირვან, წლისა ერთისა ყრმა, წარიყვანა მამა-მძუძემან მისმან,
Line of ed.: 4     და ივლტოდა სპარსეთს. ხოლო სომეხთა მეფემან მოსცა ძე თჳსი არშაკ.



Next part


This text is part of the TITUS edition of Kartlis Cxovreba.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.