TITUS
Kartlis Cxovreba
Part No. 52
Previous part

Part: VIII  
Page of ed.: 188  
Line of ed.: 12  
შესლვა სინდეთს ვახტანგ გორგასლისაგან და გამარჯუება ვახტანგისგან


Line of ed.: 13        და მუნით შევიდეს სინდეთს. მაშინ სინდთა მეფემან განყო ერი თჳსი ციხეთა
Line of ed.: 14     და ქალაქთა შინა; და რომელსა-ცა კერძსა განვიდიან სპარსნი მტყუენავნი, გამოუჴდიან
Line of ed.: 15     / სინდნი ციხეთა და ქალაქთაგან და დასდვიან ვნება დიდი სპარსთა ზედა, და მოსწყდა
Line of ed.: 16     ურიცხჳ ერი სპარსთაგანი. ხოლო ძალითა ქრისტესითა არა-სადა იძლივნეს ვახტანგის
Line of ed.: 17     სპათაგანნი, და ყოვლად-ვე მძლედ გამოჩნდეს მტერთა ზედა, და მჴნედ მბრძოლად
Line of ed.: 18     გამოჩნდეს ოთხნი იგი წარჩინებულნი ვახტანგისნი და ლეონ ბერძენი; რამეთუ მათ
Line of ed.: 19     დასცნეს მრავალნი მჴნედ მბრძოლნი ბუმბერაზნი სინდთანი ხოლო სინდთა მეფე იყო
Line of ed.: 20     ქალაქსა შინა სინდიას. მაშინ ყოვლითა ძალითა მათითა მივიდეს სინდიას, და მუნ
Line of ed.: 21     მოხუდეს ბრძოლანი ძლიერნი, და დღეთა ყოველთა გამოვიდის თჳთ სინდთა მეფე,
Page of ed.: 189   Line of ed.: 1     რამეთუ / იყო იგი მჴნე გოლიათი და შემმართებელი, და გამოიტანნის მჴედარნი
Line of ed.: 2     სინდეთისანი, და იყვის ბრძო/ლა ბუმბერაზთა; რომელსა-მე დღესა მათ სძლიან და
Line of ed.: 3     რომელსა-მე მათ. და სინდთა მეფემან სძლო თავის-თავითა ყოველთა ბუმბერაზთა
Line of ed.: 4     მბრძოლთა მისთა, და არა მიხუდეს იგი და ვახტანგ ბრძოლასა შინა დღეთა მრავალთა.

Line of ed.: 5        მაშინ სინდთა მეფემან ველსა მას ზედა, კართა ქალაქისათა, / ღამე თხარა
Line of ed.: 6     მთხრებლი დიდი დასამალავად შიგა მჴედართა, და სიმარჯჳთ დაუტევნა გზანი გამოსავალნი,
Line of ed.: 7     და ჩაადგინნა მუნ შინა მჴედარნი ათნი რჩეულნი. და დილასა ადრე გამოგზავნა
Line of ed.: 8     ბუმბერაზი ერთი. და მას დღესა ხუედრი იყო ვახტანგისი კართა ცვისათჳს.
Line of ed.: 9     და მიდგა ესე ბუმბერაზი და სთხოვა ბრძოლა თავის-თავ, რათა-მცა წარიტყუა და
Line of ed.: 10     შეჰჴადა მჴედართა მათ ზედა. მაშინ საურმაგ, ეჯიბი ვახტანგისი, განვიდა და რქუა:
Line of ed.: 11     "არა ხარ შენ კადნიერ ბრძოლად მეფისა, არამედ მე გებრძოლო, მონა მონასა", და
Line of ed.: 12     მიეტევა. ხოლო სინდელი იგი გაიქცა, და მისდევდა საურმაგ ჩუეულებისაებრ: რამეთუ
Line of ed.: 13     მრავალ-გზის ბრძო/ლილ იყო ველსა მას ზედა. და ვითარ წარჴდა დამალულთა მათ,
Line of ed.: 14     მჴედართა, გამოუჴდეს ზურგით მისსა / და იგი მეოტი შემოიქცა. ხოლო საურმაგ
Line of ed.: 15     სცნა ჰოროლნი წინასა მას და მოკლა, ხოლო ათთა მათ მოკლეს საურმაგ.

Line of ed.: 16        მაშინ მიეტევა თჳთ ვახტანგ მეფე და მის თანა სამნი იგი წარჩინებულნი მისნი:
Line of ed.: 17     არტავაზ, ბივრიტიან და ნასარ, და / მათ თანა ლეონ ბერძენი. ხოლო სინდელნი
Line of ed.: 18     იგი ივლტოდეს, და მისდევდა ვახტანგ მოყუსით-ურთ ვიდრე კართამდე ქალაქისათა, და
Line of ed.: 19     სინდნი იგი შეივლტოდეს ქალაქად. მაშინ ვახტანგ სავსე მწუხარებითა შეიქცა, და
Line of ed.: 20     იგლოვდა გუამსა ზედა საურმაგისსა, ვითარცა ძმისა საყუარელისასა. რამეთუ თანა-ზრდილ
Line of ed.: 21     იყო მისი, ძმის-წული მამა-მძუძისა მისისა, არტავაზის მამისა, ერთ-გული, მისანდობელი
Line of ed.: 22     და ქუელი.



Next part


This text is part of the TITUS edition of Kartlis Cxovreba.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.