TITUS
Kartlis Cxovreba
Part No. 53
Previous part

Part: IX  
Page of ed.: 190  
Line of ed.: 1  
არაკი სინდთა მეფისა


Line of ed.: 2        მაშინ სინდთა მეფე გამოდგა კართა ქალაქისათა, და ჴმა ყო ჴმითა მაღლითა,
Line of ed.: 3     
და რქუა: "ვახტანგ მეფეო, მსგავსი ხარ შენ ყუავისა მის უგუნურისა, რომელმან პოვა
Line of ed.: 4     
ქორი მოწყლული და გაგლეჯილი არწივისაგან, რომელსა ვერ ეძლო აფრენა და
Line of ed.: 5     
მიახლებულ იყო სიკუდილ/სა. და არა ქმნა ყუავმან მან ვითარცა წესი არს ყუავისა.
Line of ed.: 6     
რამეთუ სხუამან ყუავმან ოდეს იხილის ქორი, იწყის ჴმა-მაღლად ყივილი, და ასმინის
Line of ed.: 7     
სხუათა-ცა, და დაესხის სიმრავლე ყუავთა ქო/რსა, რათა-მცა განიოტეს საყოფელთაგან
Line of ed.: 8     
მისთა, და უშიშად-მცა დაყვნეს დღენი მათნი რამეთუ პირუტყუთა-ცა იციან / სარგებელი
Line of ed.: 9     
თავისა მათისა.

Line of ed.: 10        
"არა ქმნა ყუავმან ესე-ვითარი, არამედ შეიწყალა ქორი იგი, ვითარცა კეთილის-მყოფელი მისი;
Line of ed.: 11     
დაუტევა ზრდა მართუეთა თჳსთა, და მარადის უკრებნ მკალსა და
Line of ed.: 12     
გუელსა, რამეთუ სხჳსა შეპყრობა არა ძალ-უც ყუავსა, და მით ზრდიდა ქორსა. ვითარცა
Line of ed.: 13     
მოეზარდნეს ქორსა მას ფრთენი, თქუა გონებასა თჳსსა: "ესე-რა დღეთა მრავალთა
Line of ed.: 14     
გაზრდილ ვარ მკალითა და გუელითა, და არა მომცემია ძალი მამა-დედათა ჩემთა,
Line of ed.: 15     
რამეთუ მკალითა ვერ განვძლიერდები. თუ-მცა ძალ-მედვა მიწევნა მფრინველთა და
Line of ed.: 16     
მით გამოზრდა თავისა ჩემისა, არამედ შევიპყრა ყუავი ისი, მზრდელი ჩემი, შევჭამო
Line of ed.: 17     
და განვისუენო ორ დღე: მომეცეს ძალი და ვიწეო წესისაებრ ნადირობად, მამათა
Line of ed.: 18     
ჩუენთაებრ". რომლისათჳს-ცა აღასრულა / ესე, შეიპყრა ყუავი იგი და შეჭამა. მიერითგან
Line of ed.: 19     
იწყო ნადირობად დიდთა და მალეთა მფრინველთა. არა მიეცა ყუავსა მას ქება
Line of ed.: 20     
მოწყალებისა მისთჳს, არამედ უგუნურად და თავისა მკლველად ითქმის. არ-ცა მი/ეცა
Line of ed.: 21     
ქორსა მას შუედრ/ება უწყალოებისა და კეთილის-უჴსენებლობისა; რამეთუ იგი არს
Page of ed.: 191   Line of ed.: 1     
გუარი და წესი ქორისა: განილეოდა და მოკუდებოდა მკალითა, და ქმნა წესისაებრ,
Line of ed.: 2     
და განერა სიკუდილისაგან ხოლო ყუავმან მან არა წესისაებრ ქმნა, და მით-ცა მოკუდა.

Line of ed.: 3        
"აწ სპარსნი, რომელნი პირველითგან მოაქამომდე და წაღმართ მიუკუნისამდე
Line of ed.: 4     
მტერნი არიან ჯუარის-მსახურთანი, ჟამსა შინა, უღონოებით, ლიქნით ყვიან სიყუარული;
Line of ed.: 5     
და ოდეს ეცის ჟამი, არა ყვიან წყალობა და კეთილის-ჴსენება. ესე, ბევრის-ბევრეულ-ჯერ
Line of ed.: 6     
ქმნილი, გუასმიეს წიგნთაგან. და ოდეს იხილენ სპარსნი ჩემ მიერ
Line of ed.: 7     
შეკნინებულნი, არა ჰყავ იგი, რომელი ჯერ იყო შენდა საქმედ, სიხარული და მადლისა
Line of ed.: 8     
შეწირვა ღმრთისა შენისა, და ზრახება სხუათა-ცა ნათესავთა, და მტერთა აღზრზენა
Line of ed.: 9     
სპარსთა ზედა, და შეწევნა მტერთა სპარსეთისათა. არა ჰყავ ესე-ვითარი, / არამედ
Line of ed.: 10     
დაგიტეობიეს საყოფელი მამათა შენთა, და წინამძღუარ ქმნილ ხარ სპასა დიდსა
Line of ed.: 11     
საქრისტიანოსა საბერძნეთისასა, და მოგივლია ორისა წელიწდისა გზა, და მოსრულ
Line of ed.: 12     
ხარ ძა/ლად სპარსთა, რათა-მცა განძლიერდეს, და მოიწყუნეს, და წარგწყმიდეს / შენ და
Line of ed.: 13     
ქუეყანა შენი, და დაიპყრეს წარსაწყმედელად ყოველთა ჯუარის-მსახურთა. ჭეშმარიტად
Line of ed.: 14     
ამას იმზადებ თავისა შენისათჳს და ყოველთა ჯუარის-მსახურთათჳს. რად ვთქუ მე
Line of ed.: 15     
შენთჳს ყუავისა იგავი? რამეთუ მეფე ხარ თჳთ-მპყრობელი და ახოვანი, და ნებითა
Line of ed.: 16     
შენითა მიგიცემია თავი შენი მონად მტერთა შენთა. და ვითარ არა უგუნურად ვთქუა
Line of ed.: 17     
თავი შენი?"



Next part



This text is part of the TITUS edition of Kartlis Cxovreba.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.