მჴედართა, და ესრეთ მიმართეს ოვსთა ხოლო ოვსნი წარმოდგეს ქარაფსა ზედა და
Line of edition: 2
დაასხეს ისარი, ვითარ-ცა წჳმა მძლაფრი.
Line of edition: 3
მაშინ ვახტანგ მეფე მოქცეულ იყო სპასა მისსა ზურგით რჩეულითა მჴედრითა,
Line of edition: 4
უზახებდა და განაძლიერებდა და ნუგეშინის-ცემდა სპათა მისთა. მაშინ წინა ცხენ-თორნოსანთა
Line of edition: 5
აღვლეს გზა ქარაფისა, აღჴდეს ვაკესა, და აღუდგეს უკანა ქუეითნი და
Line of edition: 6
შემდგომად სიმრავლე მჴედართა. და იქმნა ბრძოლა ძლიერი მათ შორის. ხოლო ვახტანგ
Line of edition: 7
უკეთუ მარჯუენით-კერძო იბრძოდის, მარცხენით-კერძო ძრწოდ/იან; და უკეთუ
Line of edition: 8
მარცხენით-კერძო იბრძოდის, მარჯუენით-კერძო ძრწოდიან. და ეგოდენსა სიმრავლესა
Line of edition: 9
სპათასა იცნობებოდა ჴმა ვახტანგისი, ვითარ-ცა / ჴმა ლომისა; და თანა ჰყვებოდეს მას
Line of edition: 10
ორნი მჴედარნი: არტავაზ ძუძუს-მტე, ძე საურმაგ სპასპეტისა, და ბივრიტიან სეფე-წული.
Line of edition: 11
და იგინი-ცა იბ/რძოდეს მჴნედ.
Line of edition: 12
მაშინ იძლივნეს ოვსნი და ივლტოდა ბანაკი მათი. მოისრნეს და ტყუე იქმნნეს,
Line of edition: 13
ხოლო უმრავლესი მეოტი ოვსთა მათგანი ცოცხალი შეიპყრეს უკ-მოჴსნისათჳს ტყუეთასა,
Line of edition: 14
რომელნი წარტყუენულ იყვნეს პირველ ოვსთაგან ქართველნი. ვითარ უკ-მოიქცეს
Line of edition: 15
დევნისაგან, და დაიბანაკეს ბანაკსა-ვე თჳსსა: სამ დღე განისუენეს და შეწირეს მადლობა
Line of edition: 16
ღმრთისა მიმართ. და მერმე განიბნივნეს ტყუენვად ოვსეთისა, შემუსრნეს ქალაქნი
Line of edition: 17
მათნი, და აღიღეს ტყუე და ნატყუენავი ურიცხჳ.
Line of edition: 18
{ჩანართი}
Line of edition: 19
{ხოლო დაიმორჩილნა ოვსნი და ყივჩაყნი, და შექმნა კარნი ოვსეთისანი, რომელთა ჩუენ
Line of edition: 20
დარიანისად უწოდთ. და აღაშენნა მას ზედა გოდოლნი მაღალნი, და დაადგინნა მცველად მახლობელნი
Line of edition: 21
იგი მთეულნი. არა ჴელეწიფების გამოსლვად დიდთა მათ ნათესავთა ოვსთა და ყივჩაყთა
Line of edition: 22
თჳნიერ ბრძანებისა ქართველთა მეფისა.}
Line of edition: 23
და განვიდეს პაჭანიკეთს, რამეთუ მაშინ მუნ იყო პაჭანიკეთი მოსაზღვრედ ოვსეთისა, მდინარესა
Line of edition: 24
მას / ოვსეთისასა წიაღ, და ჯიქეთი მუნ-ვე იყო. შემდგომად ჟამთა
Copyright TITUS Project
Frankfurt a/M 1999-2000. No parts of this document may be republished in any form
without prior permission by the copyright holder.
