TITUS
Kartlis Cxovreba: Part No. 164

Page of edition: 166 
Line of edition: 1 
    რქუა მეფემან: "აწ რა გნებავს შენ?"
Line of edition: 2 
    რქუა მას პეტრე: "მნებავს, რათა შენ მიერ აღგზებული ესე ცეცხლი შენ-ვე დაშრიტო
Line of edition: 3 
    და მეგობარ იყო კეისრისა, ვითარ-ცა დღესამომდე იყავ სპარსთა".

Line of edition: 4 
    მიუგო მეფემან: "ესე მნებავს, რათა მიჩუენოთ ლოცვითა თქუენითა ამას ღამესა
Line of edition: 5 
    კეისარი და მე შეკრებულნი, და რომელ ზრახვად არს ჩუენ შორის სიყუარულისა
Line of edition: 6 
    ყოფა, და ვცნა მე, ვითარმედ სთნავს ქრისტესა ზრახვა ესე შენი ჩემდა მომართ".

Line of edition: 7 
    რქუა პეტრე: "დამძიმდა თხოვა ესე შენი ჩემ ზედა, რამეთუ ესე არს კაცთა რჩეულთა, რომელ არიან ვითარ-ცა ანგელოზნი სრულითა სა/ქმითა, და არიან ამათ
Line of edition: 8 
    კლდეთა შორის, და ესე-ვითარი მათგან ეგების საქმედ, რომელსა შენ ითხოვ. მეც მე
Line of edition: 9 
    დრო, რათა წარვიდე და ვევედრო მათ, და უთხრა ბრძანება შენი, და ლოცვითა მათითა
Line of edition: 10 
    აღესრულოს განზრახვა შენი; არამედ შეურაცხ გჳ/ჩნს თავი ჩუენი, რამეთუ კაცნი ვართ
Line of edition: 11 
    ცოდვილნი, ნუ უკუე სილაღედ იხილოს ღმერთმან".

Line of edition: 12 
    შერისხნა მას სამოელ მონაზონი და რქუა: "მღდელო, საქმესა ღმრთისასა ვითარ-ცა
Line of edition: 13 
    საქმესა კაცთასა ზრახავ. ანუ არა აღმოგიკითხავს-ა, ვითარ ეტყჳს ღმერთი პალეკარპოსს - უკეთუ-მცა არა
Line of edition: 14 
    დაბრკოლდებოდეს ანგელოზნი კაცთა სათნოებისათჳს, ყოველთა-მცა
Line of edition: 15 
    ქალაქთა შინა ჯუარს ვეცუ, რათა ყოველნი ვაცხოვნნე? ანუ-მე უფროს არს აქაბ,
Line of edition: 16 
    მეფე ისრაელისა, მეფესა ქრისტიანეთასა, რომელსა ეტყჳს ესაია - / ითხოვე სასწაული
Line of edition: 17 
    სიმაღლედ, ანუ სიღრმედ, და მისთჳს თქუა: მიუდგეს ქალწული? ანუ ვინ რქუა ისრაიტელსა - რა-ცა
Line of edition: 18 
    ითხოვო სახელითა ჩემითა, მოგეცეს? ისო რქუა სამყაროსა ცისასა
Line of edition: 19 
    "მოიქეც", და სამსა ჭდესა მოიქცა / იგი. აწ სიტყუა სიმდაბლისა შენისა კეთილ არს,
Line of edition: 20 
    პეტრე, არამედ საბრკოლებელ არს მცირედ მორწმუნეთა კაცთა. ხოლო შენ, მეფეო,
Line of edition: 21 
    მცირედ შეგუეწიენ ჩუენ სარწმუნოებითა, რამეთუ ლოცვამან ჭირვეულისა ამის / ქალაქისამან
Line of edition: 22 
    ყოს ნება შენი" და წარვიდეს წმიდანი იგი სადგურად თჳსად.



Copyright TITUS Project Frankfurt a/M 1999-2000. No parts of this document may be republished in any form without prior permission by the copyright holder.