TITUS
Kartlis Cxovreba: Part No. 170

Page of edition: 172 

Line of edition: 1 
   არიან ჯობნასა ზედა სპარსთასა, ხოლო სპარსნი არა-ვე შეშინებულ არიან არამედ
Line of edition: 2 
   შურითა თქუენითა წადიერ არიან წყობასა: ანუ-მცა მოკუდეს, ანუ-მცა იძიეს შური
Line of edition: 3 
   სისხლთა მათთა. ხოლო სპანი ესე შენნი თუ მიღმა/რთ ჰბრძვანან, მე-მცა უბრალო ვარ".

Line of edition: 4 
   და წარვიდა მის თანა მოციქულად ვარაზ-მიჰრ, მამა-მძუძისა მისისა ძმა, / და
Line of edition: 5 
   სამოელ მონაზონი. ხოლო კეისარი მოწევნულ იყო პონტოდ ქალაქად, და პონტოელნი
Line of edition: 6 
   გამოსრულ იყვნეს მიგებებად, და შეასხმიდეს ქებასა და ვახტანგ მეფისა მადლობასა,
Line of edition: 7 
   რამეთუ უკურიდა მათ და არა მისცნა იგინი სიკუდილად. ვითარ-ცა მიიწივნეს მოციქულნი
Line of edition: 8 
   ვახტანგ მეფისანი ქალაქად, მიართუეს ძღუენი ათასი მუთაკალი მუშკი, ხუთასი
Line of edition: 9 
   ამბარი და ათასი ლიტრა ალვა. და განსრულ იყო გუნდი მეფისა ვახტანგისი ალაფობად,
Line of edition: 10 
   და მიეტევნეს მათ მკჳრცხლნი ბერძენთანი, და მათ თანა შეკრებულნი ჴევთა
Line of edition: 11 
   და ქალაქთა მჴედარნი ვითარ სამასი ათასი.

Line of edition: 12 
   ხოლო ვახტანგ მეფე აყენებდა მიიძულებად სპათა მათ მეალაფეთა, ვიდრე არა
Line of edition: 13 
   მივიდა დედის ძმა მისი, ერის-თავი სპარსთა, და რისხვით რქუა ვახტანგს: "ჵ გუელო
Line of edition: 14 
   და ნათესავო ასპიტისაო! არა უწყი-ა, რამეთუ დედა მამისა შენისა ბერძენი იყო, ნათესავი
Line of edition: 15 
   / ივბიმიანოსისი? და გძლო შენ ბუნებამან მამის დედისა შენისამან, და სიყუარული
Line of edition: 16 
   ჯუარ-ცმულისა მის კაცისა მომკუდარისა გიპყრიეს, და გნებავს შეყენება ჩუენი
Line of edition: 17 
   ჴელსა ბერძენთასა" ხოლო ვახტანგ რქუა: "აჰა, შენ და ბერძენნი, და იხილო ძალი
Line of edition: 18 
   კაცისა მის მომკუდარისა / და ცოცხლისა მის / სასოსა შენისა". და სცეს საყვირსა
Line of edition: 19 
   და განვიდეს ყოველი სომხითი და სპარსნი და მეფე დარუბანდისა. ხოლო მეფე



Copyright TITUS Project Frankfurt a/M 1999-2000. No parts of this document may be republished in any form without prior permission by the copyright holder.